旅鍋火鍋私房菜專門店 (已結業)

網上見到呢間用旅行主題嘅火鍋，就同班朋友黎試下，當晚嗌左個小食咩咩四寶 : 鹹蛋黃炒茄子、九肚魚、魷魚同魚皮，好得 !!! 另外再叫章紅魚同象拔刺身都好新鮮，牛都好ok，其他火鍋配料都算企理，環境好好，好乾淨，裝修係幾有特色，不過個冷氣好凍....以食物質素黎講，價錢叫做合理，食物質素有驚喜

我覺得，炸物是神級！炸魚👍🏻👍🏻外好脆，內滑上圖是炸黃金魚皮，脆絕右下，鱔皮，第一次食，好味到哭。食唔晒拎返屋企，屋企人大讚。辣果邊似我以前係四川都買過果種邊爐磚，唔知佢邊度入貨，呢隻磚其實係正嘢嚟。不過佢呢隻唔夠我係成都買果d麻。不過呢種湯底就係會肉眼睇到舊油，可能有啲人會抗拒呢一點。牛都好好味，牛舌爽，牛粒香嫩午餐肉冇入鏡，午餐肉佢應該買咗d靚牌子，其實唔適合打邊爐用，打邊爐應該要長x牌先夠入味的。飯後，有糖水，正如其他人講，冷氣好凍！不過我哋要求校細啲，佢地就校細了。環境都適合傾下計，坐下慢慢食。後來打包拎走時，佢哋幫手包好食物，打包時都斯斯文文的，包得幾整齊，都幾好服務。無優惠乜都冇，一共叫了三個炸物十個邊爐料，三人行，一人食咗五百幾，貴係貴啲，不過食得開心就接受到嘅。

一行六人book左枱黎滾滾佢。。環境構思夠特別,止下舖旅行癮先吖大佬😂，話時話，都幾滿坐架啵。。掛住吹水，無影曬啲食物。先黎個黃金四寶(茄子，九肚魚，魷魚同魚皮)，再黎醉海鮮(個名我諗嘅，因為唔記得左🙏),填一填個肚仔先叫左friendly 豬骨煲，再加1碟牛1碟豬菜都有好多選擇，叫左萵苣同油麥菜都好新鮮，有個叫台灣水蓮。。下次try try 先因為唔想食丸,所以叫左3色滑(蝦。墨魚。牛),正喎,彈牙。。牛滑最好食再推介#泡菜餃，雲吞，響鈴~

琴晚同朋友去打邊爐🤣食左好多牛牛呀🐮🐂1️⃣今次揀左個肉骨茶湯底，其實我未食過架，因為唔中意浸藥材味😛但原來聞有味，飲又冇味🙂唔知好定唔好啦🤣2️⃣手切肥牛3️⃣牛小排4️⃣牛肩脊《肉質好霖，好好味❤️‍🔥5️⃣鮮牛肉6️⃣蟹籽墨魚滑7️⃣牛肉丸、墨魚丸、黑松露豬肉餃、西洋菜餃子、鮮蝦雲吞同鴨血8️⃣娃娃菜、西洋菜、菜心苗同水蓮9️⃣美國酥炸桶蠔、椒鹽鮮魷D牛肉好正🤣🤣真心手切既，因為出得慢😂

就圍book唔到枱，就見新場第一次去，裝修都幾特別幾靚，但冷氣凍到喊😭 叫左麻辣火鍋，上既時候仲見到成舊湯包向個鍋到，已經估到今餐飯都係… 油到不得了，浸過既野又冇左味。因為冷氣凍，個湯又油，碗入面既湯變左一舊舊油。叫左$4百幾蚊本地手切肥牛，失望到極點，仲普通過肥牛🙅🏻‍♀️比較好既係蠔，不過第二round已經解唔切凍，真係冰上😣好食既有餃類，魚滑嗰D。枱又唔多，但上菜都幾慢，仲要幾貴，待應係幾nice