日悅極尚日式放題 (已結業)

星期六同朋友去旺角睇完戲，即興話食放題，上openrice揾了一陣，揾到日悦，貪未試過，又貪佢價錢唔算貴。 晚市7點幾未算好多人，所以就算walk in 都即入。坐低便即刻拎野飲，我鍾意呢度的韓國飲品，選擇好足夠，仲有罐裝啤酒，估唔到連梅酒都可以任飲。食物種類跟一般放題店差不多，而且更為豐富。 第一輪立即點了一大盤刺身。刺身厚切，而且好新鮮，三文魚夠肥美，甜蝦、牡丹蝦大大隻，仲有螺片、北寄貝、帶子，完全過足口癮。 鍾意呢啲串燒，尤其牛舌，爽口又厚肉，一連食了好幾串，食唔停口。免治雞肉串，魷魚都啖啖肉。因為怕喉嚨痛，所以唔敢點太多天婦羅，但炸蝦炸得香脆唔油膩，蝦肉夠彈牙。紫心番薯仔細細粒但好甜。 壽司細細件，食多一兩件都唔會太飽濟。炸榴槤波波新鮮熱辣，好好食，入面的流心好香，煙韌又好食，推介 雞軟骨細細粒，脆口又易食，唔覺唔覺食多左。燒大蝦大大隻，食多幾隻都回晒本。不得不讚呢度雖然晚市忙碌，但上菜好快而且無漏單，值得一讚。 除了餐紙上的食物外，還有個自助吧位，供各款冷盤及小食，當中有青口、翡翠螺、芝麻八爪魚、螺肉，沙律等都任食，在未有野食來時可以先墊墊肚。 整

吃吃吃, 好久沒吃過日式放題了, 又到開飯時間, 來到了旺角這家店, 品嚐一番。溫馨提示, 店的空調挺冷的, 大家可以準備多一件外套。放題店基本上的環境都是幽暗的, 我們首先拿了一些前菜, 芝麻八爪魚及翡翠螺, 現在的芝麻八爪魚都比一般的巨型, 份量十足; 青綠色的翡翠螺, 螺汁鮮甜美味, 螺肉韌性十足, 每一口都彈牙無比;這裏的壽司賣相及擺位賣相都十分精緻迷人, 我們點了蜜桃花之戀, 鮮果蜜語, 黑松露油甘魚, 三文魚籽花之戀及萬能塔山壽司; 油甘魚肉質洁白, 顯得十分新鮮, 配以黑松露醬, 更能把魚鮮帶出; 而三文魚籽花之戀, 粒粒三文魚籽佈滿於花之戀上, 晶瑩剔透, 咬下的三文籽魚油滿口溢濺, 口感豐富, 而肥美的三文魚圍繞住壽司飯, 及配以甜甜的沙律醬, 味道及口感更為幼滑及有層次; 而鮮果蜜魚是不含魚鮮的壽司, 香甜的芒果肉, 配以沙律醬, 清甜可口, 久吃不膩;除了精緻的壽司, 我們也點了新鮮刺身, 北海道帶子, 赤貝, 北寄貝, 馬刀貝,三文魚, 油甘魚, 劍魚腩……應有盡有。一大盤上來, 發現自己點得有點兒誇張, 但最後仍能全部清完; 北寄貝, 口感爽甜脆口, 北海道帶

抵食但係唔好食囉老老實實 兩舊幾水食日本嘢 結果都係唔好食㗎佢嘅燒灼壽司真係唔好食真係好咸唔明白佢燒得好好地點解要加啲咁鹹嘅燒汁佢燒乜嘢都加燒汁真係好失望囉同埋個燒汁真係好鹹 燒鰻魚壽司真係好想嘔淨係魚生好食都冇用淨係個 蟹柳壽司好食因為冇加燒汁熟食簡直慘不忍睹鍋物還可以啦但係串燒都係要加燒汁好鹹嘅燒汁同埋第二輪魚生佢會切到好細塊壽司無論乜嘢都唔好食佢既熟食無論乜嘢都係偏鹹除咗海鮮粥之外真係煮到爆咪服務真係一流冇得講雖然佢係平價放題但係唔需要做到咁咸十分之失望任飲清酒都唔夠好最多下次唔嚟

這晚很愉快! 是很久很久未有既放題大滿足! 難得坐得舒服, 食物又有質素既放題! 我要推介既食物也不少, 大家有空有任食癮時真的可以考慮它! 當中要推介既有新鮮刺身! 不但睇得, 也食得滋味! 油甘魚同赤貝很爽, 泰式虎蝦很鮮甜! 必食壽司有入口即融左口魚, 惹味十足既香蒜牛肋肉, 很夾很有食口既鵝肝帶子及很香滑既黑松露油甘魚! 卷物我推芝士饅魚卷, 很夾很入融為一體既美味! 基本上d 炸物都很有質素, 香脆得來不會油膩! 我特別推介芝麻雞翼, 脆皮貓山王及吉列大蝦, 一定棍encore! 燒物中我特別推介鯖魚, 羊鞍和牛舌, 很正! 如果喜歡一品料理的, 必定要叫大根牛舌及和牛薄燒, 前者超軟棉入味, 後者炒得很香甜, 牛質鬆化! 由於真的很好吃, 但胃仔細, 面對如此多好吃既食物, encore 都很智慧! 最後, 每名顧客可享用細盒裝movenpick 雪糕, 是不愛吃雀巢既我的好消息!

朋友升職，今天和他吃大餐慶祝慶祝。由於早幾天已訂了枱，所以我們去到能順利入座。餐廳面積頗大，主打黑色型格風，感覺高尚。餐單有兩本，封面都寫明內裡是什麼食物，讓人一目瞭然。另外有些前菜，沙律可以自由到前台挑選。飲品，甜品，雪糕亦可根據個人喜好到櫃中拿取。點了食物之後，我們便去拿飲品。店裡有4個櫃都是放飲品的，有一般的可樂雪碧，還有解茶，冬瓜茶，+C，啤酒等等。我選了冬瓜茶，冰涼的，甜甜的，潤喉。壽司款式多，有火炙壽司，卷物，軍艦，另外有些是創意壽司。鮮果蜜語，吸睛的黃色賣相，是芒果配上龍蝦沙律，味道酸甜開胃。萬能燈塔，吞拿魚顏色粉嫩，味道鮮美。鵝肝帶子壽司，鵝肝惹味，和淡味的帶子，很配搭。海膽赤蝦壽司，海膽不會腥，而且鮮甜，赤蝦亦爽口。芝麻雞翼，皮薄肉嫩，乾身不會油膩，味道少少辣，感覺惹味。朋友很喜歡，一連吃了三隻。帝王蟹棒天婦羅，炸粉薄身，可以見到入邊的蟹肉。入口啖啖肉，味道鮮美。天婦羅蝦，熱烘烘的，金黃色很吸引，咬入口很鬆脆，明顯是新鮮炸的。蒜片牛柳粒，賣相精緻。牛柳粒軟腍入味，一口一粒，很快就吃光了。帆立貝北海燒，看見就覺得胃口大開。上面的芝士暖暖的，帶著鹹香，加上帆立貝鮮甜可口，

日悅日式料理放題除尖東店外，開了第二間分店。旺角分店有料理放題，亦有燒肉放題及涮涮鍋放題，價錢比尖東店便宜。一如尖東店，旺角店除了可以劃紙落單外，亦有半自助形式揀選食物，食物種類有凍海鮮如凍蝦、青口、翡翠螺，漬物如中華沙律、泡菜、海蜇、八爪魚、韓式雲耳等，新鮮蔬菜及甜品。旺角店沒有如尖東店般的光潔闊落式裝修，反而近似其他旺角的日式放題店般燈光比較幽暗。食物與尖東店相比，有點不同。創意壽司件頭較細，可以多吃不同款式。蔥吞拿魚壽司較淡身，但口感軟滑。三文魚籽花之戀口感肥美鮮甜。放題刺身的拼盤擺上乾冰，視覺效果不俗。馬刀貝北寄貝入口鮮甜爽脆。三文魚及油甘身厚切富有質感，兩者柔軟細滑，入口甘香，油份豐滿。北海道帶子味道甘香鮮甜，口感鮮嫩滑溜富有彈性。赤蝦甜蝦爽甜中帶綿滑。希靈魚肉質結實魚籽爽口。火炙壽司細細件可以多試唔同款式。三文魚腩、左口魚、香蒜牛肋肉、海膽赤蝦火炙後入口嫩滑帶微微焦香味。海膽手卷及蔥吞拿魚手卷雖然比較大件，但紫菜脆口，餡料鮮甜味十足。燒菠蘿充滿菠蘿汁，多汁清甜。辣酒煮蜆熱得出煙，蜆肉大隻鮮甜。天婦羅蝦及一口番薯仔即炸入口熱辣。埋單時每人可揀選一款Movenpick或Haag

今天放假，下午同女兒去旺角買嘢，旺角人多車多，天氣悶熱，待女兒買完野就準備回家，行到創興廣場，見到易拉架廣告，是日悦極上放題，之前在尖沙咀食過，無論環境和食物都勝人一籌，原來佢地來左創興開分店，喜歡試新店的我，立即精神曬，叫女兒陪我上去試試新開的日悦！日悅地方整潔寬敞，座位舒適。設有等候區，方便食落等住。設有自助區，冷盤例如沙律、凍蝦、青口、生果等，還有甜品、飲品，並有梅酒、生啤等酒精類任飲！刺身新鮮，上等質素，三文魚、油甘魚厚切肥美，魚油甘香。甜蝦、北海道帶子鮮甜，赤蝦已去殼，厚肉爽口。泰國生蝦爽口。帆立貝北海燒，大大隻帆立貝放上特製醬汁，燒至金黃色，帆立貝厚肉鮮味，味道酸酸甜甜的，好醒胃。天天婦羅蝦外脆蝦爽，芝麻雞翼皮脆肉質鮮嫩有汁。火炙三文魚壽司魚油甘香，加左少許京蔥更加美味。燒香草羊鞍沒有羶味，肉質嫩滑。鹽燒海蝦新鮮彈牙，鹽燒鯖魚已去骨，燒至微黃包，皮脆肉嫩好香口，燒菠蘿鮮甜多汁。海鮮粥鮮甜足料，自助吧的冷盤小食有不少選擇，味道不錯！每人一杯名牌雪糕，其他雪糕任食！

放任大吃@日悅極尚日式放題 旺角彌敦道593-601號創興廣場4樓 第一次是尖沙咀店，食到好飽同一人獨吞多杯哈根大師雪糕，威力無比，月底出糧又來豪一豪啦！輪到旺角新店，一於來試試實力。星期一至四630-9pm 時段 $228一位，黃金時段連加一後$250，好抵呀！先點刺生回一回本，有帶子，三文魚，赤蝦，吞拿魚,切到大大塊食落更實在。沙律前菜及湯是放狂外邊自己拎，多款口味，好似溫泉蛋真滑溜周流心！仲有多款日式小前菜，沙律醬自己落自行調口味。熟食有飲鬆炒椰菜同炒菇，爽口又不油膩,菇沒草青味。豚肉煮，是粒粒豬肉，個汁甜甜地豐富了味道，其實幾下飯。熟海鮮類，燒鯖魚好香。炸物香口脆身，雞翼吃完再吃，個白芝麻好白呀，脆而不油膩。仲有天婦羅都好好味，如果愛吃香口脆卜卜真係切點。串燒也不錯，菠蘿好甜又多汁，我一個人食幾串都得架。個豬軟骨好入味, 有羊架食架Quota 留來吃雪糕好了，獨立衛生，回本之作，哈哈。有2個牌子分別是movenpick and 哈根大師，一人一杯。我當然要食甜點啦，做成一小杯的，食多幾個唔同味道，有甜品收尾才是完結。個cheese cake 好美味, 食了6件另外飲料也是無限量

星期日，同朋友睇完戲之後見好餓，朋友話上網見到有間日式放題既餐廳未去過，見時候岩岩好就去左了；可以見下味道如何嘛～環境方面，原來餐廳有分兩個左右既區域，一個是日式放題；一個是燒肉。個人對於左右分區很讚賞，因為油煙不會令日式放題既食客造成不便啊！另外，餐廳同樣地設有小食區，飲品區，甜品區；地方位置好大，可大大減少人逼人既情況。刺身：自選Order既一定系刺身，依間餐廳既刺身種類也不少；三文魚切得好厚身，食落一咬充滿左好濃厚既口感，三文魚帶有少少既魚油味，鮮味同樣不少得呢！我最愛既甜蝦size適中，甜度濃郁，蝦既口感爽口！估吾到依度有赤蝦食，一致地爽口。另外，帆立貝大大粒，口感和鮮味十足！可惜，個人覺得赤貝帶點腥。鹽燒海蝦：海蝦size刀吾細隻，肉質彈牙；可見不是死蝦來的，用鹽燒令海蝦既鮮甜味更為特出，咸度剛好。海鮮粥：本身是以一鍋order的，因為怕自己食吾晒，所以特別order一細碗，而餐廳也很好配合我的要求！海鮮粥吾掛得是推薦菜，從來未系放題餐廳食過甘好食既粥，其他餐廳只有味道較淡味；但依間餐廳既海鮮粥鮮甜味濃郁，當中仲有旦花；真的愈食愈好味啊！天婦羅炸蝦：外面炸得好香脆，而油份不會

旺角放題處處多，今次和朋友光顧了一所新開的。地方十分大，以黑色為主題，光線 充足。汽水自助形式 款式種類眾多 可口可樂 韓式汽水 啤酒任君選擇 最驚喜嘅連生啤都可以自助。甜品吧 及熟食， 都係自助形式，無需落單， 種類都算多選擇， 可能單單食熟食， 都已經夠曬。放題餐單 ，分兩本， 清晰夠明確。刺身方面北海道帶子，吞拿魚，甜蝦，三文魚，赤貝，松葉蟹腳，蠑螺，劍魚腩，馬刀貝，赤蝦，用料新鮮，份量十足。天婦羅蝦，南瓜天婦羅，日本番薯天婦羅， 天婦羅外皮香脆， 入口唔油膩， 充滿日本特色。燒物方面，雞軟骨，燒帶子。 雞軟骨一向都係至愛， 當然沒有令我失望。特濃清酒煮蜆， 吐沙吐得夠乾淨， 每一隻都啖啖肉， 大大隻。movenpick雪糕， 限量供應， 每人一杯， 最後結帳時提供甜品紙。性價比都算唔錯， 同朋友嚟食，又多一個選擇。

媽媽一向最愛吃放題，這晚母女撐枱腳，我早一天已經book定放題！得知日悅在旺角開了分店，之前試過尖沙咀的不錯，這次拜訪一下新開不久的旺角店！通常放題的座位都會好逼，但這裡的座位主要以卡位形式，私隱度很高，坐得又舒適！除了寫紙仔落單，還有自助吧，冷盤有青口、海哲和蝦等。還有水果、沙律和甜品！幾多選擇！飲品櫃就有各種飲品，種類非常多，連Hoegaarden都有！自助區還有清酒、梅酒任飲！刺身十分新鮮，點了三文魚、赤蝦、赤貝、希靈魚、北海道帶子和劍魚腩，媽媽特別喜歡劍魚腩刺身，很肥美！帶子也很鮮甜！海膽軍艦質素甚高呢！點了兩轉！帆立貝北海燒很惹味！炸蝦天婦羅，炸廣島蠔，都很香口，蝦肉很爽口彈牙！芝士年糕和榴連炸蛋。愛榴連的絕不能錯過！燒菠蘿好清甜！燒牛舌彈牙，雞軟骨有口感！燒香草羊鞍，肉質鮮嫰軟稔！最後每位可點一杯Movenpick或者Haagen-Dazs雪糕，好滿足呢！

諗食乜真係一件好難嘅事，不過天氣熱辣辣又真係唔想食打邊爐，仲同一班女仔去食，就決定食刺身。咁啱經過創興廣場，呢到出名多嘢食，就決定食刺身。而呢間款色多，小食區飲品區都多嘢選擇。有好多品種嘅壽司，卷物，刺身同一品料理加手卷，燒物同炸物。呢盤刺身整得好靚！最重要係細細盤，去其他餐廳，個刺身勁大盤，張枱本身都唔大，一盤擺上嚟已經冇位！而呢間係好細盤，超fit! 刺身全部都好爽口好新鮮！海膽壽司超級creamy!!!炸物好食！

一句講曬，呢間日式放題可以坐足150分鐘 ! 係兩個半小時，比你慢慢食，真係唔係度度都做得到 ! 只係呢個賣點都夠吸引了~進食時間長，一定要有返咁上下既食物種類同款式比客人揀既，所以呢度只係落ORDER既點心紙都有10張了餐廳環境以卡位為主，所以都坐得好舒服飲品選擇非常多 ! 真係多到都講唔曬 ! 重有其他既飲品放係其他位置添架 !例如生啤 ! 餐廳就提供生啤任飲比客人，客人真係可以唔洗加錢就自由斟架 !!呢間放題都有少少酒店食BUFFET既味道，因為除左落ORDER之外，重有一個部份係客人可以自行拎取食物既，當中包括例如溫泉蛋，日式前菜等等重有D冷盤前菜小食供應架，款式黎講都幾多海膽壽司真係好有驚喜，呢個大家一定要試，因為完全唔腥且無異味，都幾高質，真係會令你再入紙叫多幾件 !刺身都幾新鮮架，魚生係厚切，甜蝦又大大隻，整體黎講重有擺盤，都真係唔錯呢個係燒肥牛，味道同口感都好好，因為唔乾身，又有蒜片係度做配襯，係一款大家SHARE食既好食物燒物黎講，羊架唔係一定會有供應，而有供應又唔代表一定好食，不過呢度既羊架都唔錯，肉質唔韌，調味控制剛好 ; 而右邊既翠肉瓜就夠曬爽口唔會有苦味 ;

三五知己去食飯總係唔知道想食乜嘢，放題打邊爐呢一啲都係啲首選，之前朋友介紹過尖沙咀日悅放題都OK，今日呢就試吓旺角呢一間，呢一間嘅刺身壽司嘅款式比較多，較為驚喜仲有海膽壽司，不過長腳蟹就稍為冇咁好味，其他刺身壽司都好新鮮。今次已壽司刺身為主，熱食方面反而我地冇食咁多，不過整個聚餐都好開心。

上星期帶肥哥吃Shake Shake 海鮮袋，其實都已好豐富，我都食到撐住個肚走，但他竟轉個頭就消化晒，仲回家吃宵夜，真誇張！所以佢話下次要再吃得盡啲！咁⋯⋯自助餐或放題啦! 應該可以大滿足。肥哥最後揀了去旺角一間新開的放題店，環境光猛，新淨企理，設有兩排寬闊的四人卡座，亦有一行泊牆的長沙發位配四至六人枱，座位雖不算多，出入通道闊落，方便去自助區取食物。晚巿放題分三個時段，亦分星期一至四和星期五至日公眾假期前夕，我倆揀了18:30-21:00，成人收費 ($228+10%)。枱上已放了兩本厚點菜簿，填好撕下遞交便可，最傳統的方法。銀色的點菜簿主要放刺身壽司類，而黑色的是放炸物天婦羅、燒物、食事和一品料理。中間位置是自助區，先去巡視一下。放有多款凍盤、沙律和水果，如泡菜、中華沙律、墨魚仔、螺肉、海蜇、薯仔蛋沙律、煙鴨胸、韓風雲耳、萵筍、蓮藕、杏片南瓜、秋葵、凍蝦、青口、翡翠螺、溫泉蛋、胡麻豆腐等等。樣樣取些，夠晒豐富。很喜歡爽口入味中華沙律；香辣惹味的海蜇；爽脆麻辣的蓮藕；粉綿甜美的杏片南瓜；滑嘟嘟的溫泉蛋 和甘香滑溜的胡麻豆腐，以上通通再encore。*****************