日本野 (已結業)

停晚市的前一天相信好多人都會同我地一樣，出街食晚餐因為今晚唔出去，就要等14日後，可能更耐，無人知😌呢間決定去食日本野晚市套餐都幾多選擇，叫左份石燒霜降和牛，同温泉蛋和火燒牛肉丼一份霜降和牛大概十片左右，連埋個石燒爐一齋齊上，已包塘心蛋，沙律同飯按自己鐘意嘅生熟程度燒煮牛肉味幾濃，沾點燒汁一齊食更加滋味朋友叫左個温泉蛋和火燒牛肉丼份量好多，試左味道都唔錯，絕對係飽肚之選跟餐叫左一份小食，厚燒鰻魚玉子玉子入面包住鰻魚，玉子又整到滑滑嫩嫩，好食！

突然禁晚市，好彩早早約左今日食日本野間餐廳真係叫「日本野」😂第一次食，和風裝潢，舒適又懷念。超想去日本😭今晚食呢間懷念下先～蝦子餅點咗「滑蛋雞扒丼」$148雞肉都幾嫩滑，不過個汁就鹹咗啲如果醬汁可以另外上，就可以自己調校味道了我就點了「龍蝦海鮮蕃茄鍋」$238配烏冬同沙律熱辣辣滾住食真係好正不過湯底淡咗啲龍蝦大大隻，湯底仲有鮮蝦、蜆、魷魚、大蔥足夠一個女仔食飽飽好掛住日本炸雞，又叫埋「唐揚炸雞」$78大大件炸雞好Juicy外層脆口，不過有啲重味，唔食皮就啱啱好。日本野 (旺角)旺角西洋菜南街2A號銀城廣場9樓

🇯🇵這一家日本餐廳，每一款料理都很高質，今天和朋友來試了幾款，都覺得很好吃，dinner time我哋都覺得好滋味❤而我作為一個食肉獸，🐮當然要點他們的吉列牛排，非常足料，大大塊牛排🥩非常吸引。牛肉嘅肉質都非常新鮮，🔥而且有均勻的油花，吃起來很香。旁邊有麵包糠包圍，🍞更加有脆脆的口感。friend就最中意芝士年糕，🧀年糕煙韌，食落好滿足，🫕表面香脆，薄薄的脆面，芝士控好滿足，食落超好味~

每次去食旺角mini Fridy，都見到隔離有間日本野，今日就去試下。可能今日是除夕夜，日本野沒套餐，款式不太多，我地先揀左D鍾意食嘅刺身壽司。蟹籽沙律夠fresh，不錯。三文魚、甜蝦、赤貝和章红魚也夠新鲜，好好味。芥辣八爪魚壽司、左口魚壽司、蟹膏蟹肉壽司、醋鲭魚壽司等也很好食，雖然選擇不多，但都可以揾到鍾意食的野。之後我地再叫雞軟骨、牛舌串都唔夠，再叫多一個石燒吉列霜降牛小排套餐，包1碗飯和湯，咁先夠食，我地第一次食吉列牛，幾好味，牛邊煎得脆脆的，幾特別。

地方算可以，卡位夠濶，亦算乾淨。侍應巡得幾密，可能有啲太密。食物就一般般，睇吓食乜。刺身最好，夠新鮮。壽司就唔太好，啲飯好似冧嘅白飯！個石燒吉列牛直頭係韌！！除非再有啲乜嘢特別嘅理由，否則唔無需再嚟。

放工想RELAX下，約了YAN到MK食飯，最近太想食石燒，揀左去日本野，BOOK左7:30，2位。位置係銀城，好就腳，餐廳裝潢以木系為主，感覺柔和。牌，食物都幾多選擇，除了石燒，仲有壽司、刺身、丼飯及日式小食，點了兩份石燒些牙食。石燒霜降吉列牛小排定食，$228，主菜吉列牛小排，配沙律、日本米飯及溫泉蛋。野菜沙律，清新。味素飯。石燒爐。吉列牛小排，隨自己的喜好要幾成熟，外層炸皮酥脆，牛扒厚薄適中，肉質軟嫩，幾好味。石燒霜降牛小排定食，$218，主菜霜降牛小排，配沙律、日本米飯及溏心蛋。溏心蛋。霜降牛小排定食，感覺上比較多肉食，肉質鮮嫩又香口，幾好味。個餐包飲品，要左可樂，爽!食物味道不俗，價格合理，不過係坐位有點擠迫。

呢間日本餐廳主打多款日本菜式有刺身、壽司、串燒、石燒牛等...款式多樣化呢💛-🥩石燒吉列霜降牛小排 （$228）定食都幾豐富包有湯/沙律、日本米飯、溫泉蛋/溏心蛋🥚主角牛小排外面香脆入口油脂香腴，牛味濃呀💕可隨自己喜好燒至不同生熟度同加入各種調味醬料喔！定食仲可以無限追加指定小食，好抵食呢👍🏻🍗和風柚子雞翼(+$68)一碟有5隻，大隻又多肉呀！雞翼外層淋滿柚子醬雞皮香脆香口，富柚子果香味酸甜多汁，開胃惹味呢😋🧀芝士年糕（+28）炸得金黃香脆，好重芝士味🤤咬開入面芝士拉成絲味覺同視覺雙重享受呀💯🐔炭燒雞肉（$38）面頭搽滿醬汁肉嫩香甜惹味呢！但就無缺少咗炭火香喔！🍄炭燒大啡菇（$38）大啡菇一分為二，厚身多汁不過以價錢嚟講，就唔算抵食喇！

純粹試下嘅心態去食，食完完全係失望！吉列牛伏黎、京蔥串燒咗幾下就上菜，入面係生嘅，辣喉嚨、三文魚沙律啲三文魚完全係冇味、係得刺身尚算正常。以後都唔會再去，最好加埋其他野食咗700up 我覺得咁樣嘅食物質素完全唔符合呢個價錢。櫃檯帶位態度同溝通技巧真係睇唔過眼，我知你繁忙時間多人要安排入座係會麻煩啲，但係可以有禮貌啲同啲人講行埋一邊等一等，而唔係用啲好煩厭嘅語氣去講囉，見到咁樣嘅服務態度真係打咗個突。

上到黎呢個商場嘅九樓，向左轉食日本嘢，向右轉食西餐，今晚我哋向左走.................晚市套餐多款選擇，定食/丼飯炒飯/鍋物都有以浦燒鰻魚定食 ($148)黎講，呢個價相當抵食，可以要麵豉湯/蟹籽沙律，仲有溫泉蛋/溏心蛋一隻溏心蛋入口creamy，唔係只係同拉麵夾，送飯都得㗎主角有兩大段，鰻魚汁另上，鍾意幾多落幾多鰻魚皮微脆，肉滑，香甜鰻魚汁撈飯一定無得輸，食晒都幾滿足。呢度嘅石燒出鏡率超高，目測差唔多每枱都有叫，我哋都係其中之一，點咗石燒霜降和牛 ($218)套餐和牛切成中等厚度，唔係薄片，脂肪比例可以，肉色都幾吸引，份量都唔少喎先用牛脂粒在熱石上化成牛油，然後就可以開始燒肉仔啦生熟程度除你歡喜，自己偏好每邊燒至轉色就食三款調味比你選擇，簡單D點少少鹽，肉質帶少少嚼口，肉味都出，燒肉加白飯，夢幻組合是也^^多款小食中，比呢客日式炸鷄 ($78)吸引住，有4-5件，唔細件架，炸至金黃色，未食都FEEL到股熱氣超級熱辣辣，炸物梗係要熱食!  點埋個芥末沙律醬，微辛辣味道，外皮香脆，鷄肉一D都唔嚡乾!  餐飲黎一杯可樂配食..............爽爆呀!!

日本野地址: 旺角西洋菜南街2A號銀城廣場9樓成日都聽人講話要去食 #日本野 ，日本野咁即係食邊間啊？咪食日本嘢囉？咁即係邊間？咪日本嘢囉🤣石燒吉列霜降牛小排定食 🥩 $178 一拎上來就覺得份量少咗啲，雖然沾上咗麵包糠嘅牛小排油花分佈均勻，唔會太瘦，但就無咩牛味味道啦。壽喜燒 🥘 $138壽喜燒牛肉片有成6塊，仲要塊塊都大大塊㗎，牛肉口感好軟熟，再配上偏甜甜地嘅湯底，都幾好食。

雖然天氣凍咗，但係無減我對食刺身嘅興趣，朋友介紹呢間，因為佢環境幾舒服，靜靜地可以同朋友邊食邊傾計🥰午餐時段有set lunch，價錢都唔算貴，當然係食刺身定食啦，定食包咗：三文魚、油甘魚 🍣、甜蝦、八爪魚🐙、帶子以上刺身各兩件配味噌湯、豬骨湯烏冬/蕎麥冷麵送前菜、飲品🍹（咖啡/茶或汽水）一個餐有咁多嘢都幾好😋，最欣賞油甘魚和帶子，油甘魚油脂分佈好平均、好新鮮；帶子好厚身、好鮮味👍唔好睇碗烏冬🍜好似好細碗，份量都唔少架，個湯仲有我最愛嘅粟米🌽添下次試下晚巿嚟先，晚巿應該仲多好嘢食😍😜

今日黎到旺角嘅「日本野」食日本野！星期六中午黎到，餐廳地方好大，位置好多而且夠闊落～ 我哋冇訂座都唔使等位～👍🏼午餐套餐價錢合理、不過選擇唔太多～ 我食嘅牛肉丼味道一般，牛肉有少少韌，不過份量幾大、牛肉量多亦大塊～👌 朋友食嘅係豚肉生薑燒、同埋特選壽司拼盤定食～ 佢哋都話質素一般般🙈 整體黎講，呢度食物味道質素一般，不過呢個價錢黎講都可以收貨～👌 起碼環境夠寬闊、同朋友坐吓傾計食飯都幾好～ 見到晚餐menu更豐富多選擇，如果有機會可以試吓晚市。

旺角鋪位細，人口有密集，啲餐廳多數都係張枱勁細，可以擺多啲枱做多啲生意！等啲客食完快啲走😒🤏🏻。今次食依間日本野完全冇呢個問題，地方闊落仲坐得好舒服，可以同朋友靜靜咁傾偈食飯！依到個名先搞笑，食日本野個名都係叫日本野🤣🤣原來呢度嘅午餐係唔使加10%，咁其實都算幾抵食，仲要包埋嘢飲。不過幾搞笑，食日本嘢飲凍檸茶🤣火炙蝶魚裙邊海膽丼 $108特選壽司拼盤定食 $98一黎到見到海膽同埋三文魚子好吸引，食落都好新鮮，海膽冇苦味！🥰火燒過既蝶魚裙邊燒到好香，但丼飯嘅份量唔算太大，餸多過飯👍🏻呢個壽司拼盤就大份夾抵食，有湯有面又有壽司🍣！ 呢個壽司拼盤好豐富裡面有三文魚、油甘魚、蝦蝦、墨魚同玉子壽司各1件、吉列蝦卷3件，仲有味噌湯同豬骨湯烏冬👏🏻👏🏻魚生唔好係切到勁薄，食落都好新鮮！個烏冬都ok，但擺喺個咁細嘅碗入邊好似有啲擠迫同埋欠缺美觀🤣見佢晚餐menu勁豐富，個吉列和牛燒好似幾正咁，下次再出黎旺角就有個新地方食飯啦！

無得去日本旅行，好在香港都有好多岀色的日式料理店，食得滿足都可以止下旅行癮嘅！😂來到日本野食日本嘢😂今次叫咗自選丼飯，$158可以自選四款菜式，好吸引！我就揀咗蟹籽、蟹棒（3條）、溫泉蛋同埋補咗$12配埋三文魚籽。定食飯量唔算多，不過女仔來講已經好夠飽❣️而且因為配菜全部自選，一定係最啱心水👍我好鍾意將溫泉蛋同埋三文魚子撈埋啲飯一齊食，食起來每一口都好繽紛勁開心，咸香鮮甜共冶一爐，味道充滿層次😆yeah!老公就揀咗蔥三文魚三文魚籽丼，都好足料！大大碗飯配鹹香十足三文魚子，食得好滿足！三文魚刺身都OK多，都有四塊👍推介炭燒茄子🍆，以為好似出邊咁放平來燒，點知佢成碌原條上，而且咁樣去咗皮，唔單止食起嚟仲方便，成個放入口口感更加正👍軟綿綿勁香茄子味，點少少甜豉油已經好好味😋加上無平時嗰啲咁多孜然粉咁重味精，咁樣食更能好好體會到茄子本身嘅香氣。✨日本野地址: 旺角西洋菜南街2A號銀城廣場9樓@nihon.ryori.restaurant#日本野 #日本餐廳 #日式刺身 #旺角 #自選丼飯 #三文魚籽 #小茄子 #三文魚刺身

媽咪想食日本野，見OpenRice 咁多好評，地點適中，即管去試吓，結果超級失望，好耐冇中得咁應自己燒既小牛排，已經係燒到三、五成熟，結果得三片勉強咬到吞左去，其他𡁻到天黑要放棄⋯⋯魚生丼既三文魚係超級市場質素，薄片同menu內照片差好遠，連最基本嘅珍珠米飯都做唔好，收人百幾二百蚊一份魚生併盤，同佢哋喺超級市場買返屋企一樣，平價野！如果叫柚子雞翼，建議大家叫佢將pat 柚子蜜放埋一邊！今晚一家五口食左二千幾，無下次