日牛涮涮鍋專門店 (已結業)

話說我禮拜日同我娘一齊去食shabushabu～ 決定揀呢間.因為我上次有去食dinner, 覺得唔錯,我睇那個雪糕份上選jor 佢.好啦， 其實佢個lunch menu 有兩款選, 一款係 選一碟肉+自助蔬菜bar,另一款係  任食肉（雞 豬 牛）+蔬菜bar其實兩款之間價錢差幾十蚊, 因為相差唔係大, 我選擇了那個任食. （雖然我依然有期待過那幾十蚊之間的不同）好啦,選jor 番茄 同 小辣既味噌湯底～ 呢兩個味比較濃, 適合我呢d 重口味的, 覺得最好就係個湯底. 咁肉方面, 第一次就畀jor 牛 豬 雞 三碟 , 其實第一次 d 肉係唔錯既, 賣相 肉色, 都好好. 牛肉的貨色 符合返個價錢. 好啦 再order 第二次, d 肉就完全唔同, 其實第二次既豬肉, 係難食既. 牛肉 睇相就知道有好大的分別. 蔬菜吧上, 其實款色同其他自助shabushabu 店差不多, d 蔬菜比較新鮮. 食完重口味既湯底, 再食返個乳酸雪糕, 係唔錯既～ 其實我真係為個雪糕黎！lol

8:45分見門口排左好多人，應該好好食，諗住一試就唔緊要照排同門口侍應講，諗住拎飛，點知佢直接帶我地入座，我地都好奇怪，出面咁多人點解可以直入，侍應A話一陣9點係宵夜時段，$100任食，但細聲講話會同主餐牌既4種牛種唔同，咁即係好差既肉啦，算啦，所以我地就叫左日牛套餐$148，第一盆牛肉不過不失，任食算係咁，豬肉幾好食。之後過左陣叫多兩盆牛肉，點知。。。同第一盆差好多，有黑邊又細細塊，望落就覺得次一級，就問侍應B「呢個係日牛？」佢就唔出聲行去後面部機睇，似睇下我地係叫左咩餐， 之後行返黎換走個兩碟牛....上返同第一碟差不多質素既。食完我地又叫一豬一牛，點知，又係「發黑」牛，又問侍應係咪搞錯，今次侍應A話呢個係日牛同宵夜個隻牛係一樣，「下，我之前食三碟都唔係咁樣喎⋯⋯」，佢話「係咁架，最多同你換第二碟」成件事最嬲係侍應A前言不對後語，一早又話日牛餐同宵夜餐唔一樣質素，而家又話係一樣， 勁痴線，唔會有下次囉！最後加一兩人$352.6

唔好意思啊 ⋯這是我今晚聽得最多的說話。 話說 在fb看見日牛宵夜的文章 看似幾吸引便來食了 。然而 未到9:30外面已經排曬長龍 而服務員和我我們說 唔好意思 我地 唔會 碑足90min 給你們用餐並且說 10點3last order 10:30就收曬自助和飲品及雪糕 ，然而 我們在篇章 看見的10:30last order 與說法不一 。 之後終於可以排到我們了 已經是9:45了心想趕緊拿食物 可是看見好幾款食品都是空的 亦沒有再添加 食物種類也不多 多數都是不常吃的蔬菜類。 然而坐下沒多久 當然來人告訴你 last order 有無也加 。再15min 過去了 又來告訴你 我地自助區收野喇然而 再來跟你說 唔好意思 埋單先然而 10:30 d野好快收走曬 清空曬😂然而 再來給你說 唔好意思 我們要收舖喇 還有10min 台上的食物和飲品都要收走喇😂然而 未夠鐘開始關了部分燈🙈然而告訴你 準備離開然而 整個用餐都在急急腳然而 其中兩盤牛肉 都完全變色了 都給客人 不得不佩服。 不會有下次了

價錢由$148起，任飲任食90分鐘，有牛，豬及鷄肉食，牛同豬肉切得好薄片，方便烚好快就食得，牛肉唔太肥；豬肉片烚完肉質都唔嚡口，肉味好味過牛肉；其餘出面自己拎嘅食材包括蔬菜、八爪魚丸、菇類、蘿白片、木耳、芋絲、蕃茄！仲有烏冬、白飯任食，記住留肚有自助雪糕機，食完超飽，性價比高！

以涮涮鍋來說，其實我最不喜歡日牛，因為自助食物實在太小，加上我不愛乳酪雪糕，所以有得選擇我都不會選日牛，但是有coupon的話就另計了😏，難得今日一到就即刻可以安排入座，不用等位呢！早前入會其中附送的一張coupon🤘🏻餐牌也很簡單 ～自助食物選擇少⋯一眼睇晒～湯底是一人一鍋的，Nosir點的蕃茄湯底，茄味濃郁，可惜加湯後就淡了～我點的膠原雞湯略咸，加湯後仍然保持原有雞湯味～通常自取食物攞一次就可以安座位中～第一轉上枱的肥牛賣相一般～第一轉的豚肉透薄，但撘2件雞想點呢😅第二轉比第一轉好第三轉開始差了第四轉往後第五和第六轉肥牛又好返小小，Nosir這個牛魔王一共食了11碟牛，我也食了5碟豚肉，有點過分的食肉獸是日2位晚餐只需$177.6

小時候吃火鍋是冬天的專利，隨着四季更替越來越不明顯，火鍋也漸漸沒有季節之分，全年都是吃火鍋的時候。近年更發展至不分晝夜吃火鍋，午餐吃火鍋、下午茶吃火鍋、晚餐吃火鍋，我正等着看什麼時候早餐也吃火鍋能夠不分晝夜吃火鍋要歸功或歸咎於各大日式火鍋連鎖店，紛紛推出價錢相宜的午市火鍋自助套餐。比如這家位於朗豪坊商場頂層的日式火鍋店，旁邊餐廳收費水平屬中上，然而下午過來吃一個日式火鍋套餐，價錢可低至七八十元。要配得起這個位置，即使裝修不是巧奪天工，也要看起來不失禮於人。這家店以全木面貌示人，啡~全部都是啡~~裝修其實談不上特別，但是環境整齊又寬敞，配着暖色系的橙黃燈光，樓底極高從上灑下日光，不禁長舒一口氣，感慨平日那麼辛苦終於可以坐下來稍稍慰勞自己。餐廳環境能予人放鬆的感覺是非常值得加分，但接下來還是要說說食物的不濟之處。湯底選了鹽麴蕃茄雜菜湯，起初覺得味道不錯，可是沒多久經已變得又咸又濃。濃的是強烈人造蕃茄的味道，各種食材都被染成橙色，可見它的高度"化學"程度，後來實在受不了拿熱水灌進去把它開淡，才不至於吃不下去。其實自助吧那裡有新鮮蕃茄，估計自己拿熱水煮蕃茄做湯都比它好吃。胡椒和牛清湯的胡椒味不

估唔到呢間開係呢度嘅頂樓，最平有牛、豬同雞肉都係$148，任飮任食90分鐘！揀好鷄湯就開始烚！除了肉類由侍應拎黎,其餘都係出面自己拎！牛同豬肉唔會好肥，望落幾靚仔，薄薄一片方便烚下，肉質唔錯，有d肉味！另有丸/菇類，芋絲、菜，蕃茄片等，食物選擇都唔少，總括黎講，食物質素唔錯，仲有軟雪糕供應，咁嘅價錢眞係無話可說，環境仲幾唔錯！

同朋友一起去食，不用排隊即入，叫左每位只有一碟肉，但可以任食菜,丸,鳥冬，飲品及乳朋友認為牛肉好味過豬肉 ，但我就認為剛好相反豚肉個肉味香些，任食區的選擇以68的價位來說唔叫小 ，蔬菜尚算新鮮，有4款肉丸。唯一的缺點是只有90分鐘，時間太短，食得太急。

總共有五個人食，要等大檯。一開始未齊人所以就算有檯都唔入座因為一入座就計時，waiter話五張檯之內先補得飛，咁梗係以為佢係指五張大檯。但等左個幾鐘都未有檯，我地就問點解頭先miss左張大檯，一路唔見有C飛(C飛係五個人以上)入座，但都無位比我地。個waiter話係順檯號派，即係就算得兩個人都可以坐大檯，d位空左就空左，補飛都係計細/中檯咁計。點解唔係細檯還細檯，大檯還大檯咁等？門口企左好多人都不停問幾時有位，e個等位方法真係好低效率，浪費時間。

旺角人太多、鋪租太貴、餐廳地方少，很多時餐廳環境都好不舒服。但今日到了這家餐廳，給我一個很大驚喜。先講價錢，$69一位，有一份肉類主菜，和自助蔬菜吧，甜品汽水任斟一個套餐$69，肉類不能要求是上等貨式是常識，反正我對蔬菜更有興趣，始終午餐，不想食得太多肉。話雖如此，肉類主菜亦完全衛生，亦是正常合格質素。牛肉還可以吧，豬和雞目親都新鮮衛生。好啦，我的重點是蔬菜吧。兩個人外出用膳，打邊爐蔬菜都一點起兩碟止吧，這裡有二三十種蔬菜，任君選擇。而且還看似非常新鮮蔬菜選擇真令我吃驚，還有飯、烏冬、喬麥麵，說實在，只吃蔬菜吧我都認為物超所值，因為這並不是價錢超值，而且質素亦非常不俗。食到尾聲，還有甜品畫龍點睛！外間一個乳酪都該要收三十元吧，這裡任斟，還有6款Toppings，3款果醬，汽水任斟無花無假，$69 + 10%。怎能教人不沉溺？

今日約左幾個朋友一齊聚舊 有朋友就提意食火鍋 於是就黎左朗豪坊十正三樓嘅日牛涮涮鍋 我地就點左骨膠原雞湯 啲野食味道唔差 野食都正常但去到臨尾就問題黎啦75分鐘就黎問我地有冇野要加 我地就豬牛雞都各要一份啦之後就比單收錢 但到90分鐘就有侍應黎提醒夠鐘 就叫我地離座 但當時仲有幾樣野食未食 我地諗住食埋佢先 反正已經無人等位 又唔想浪費啲野食 咁我地都無諗住出去拎野食 只係想食埋枱面個啲 就有侍應行埋黎 再提醒多次 之後就有人黎話要收走我地啲爐😡 咁至少食埋碗入面啲野都無問題掛 洗唔洗趕客到咁 仲要有兩個侍應過黎收我地啲野個陣 比我地聽到啲野 有個諗住搭埋啲肉同啲盤一齊啦 另外一個就話你咁搭會整污糟啲肉嫁 我地心諗：下 啲肉唔係會掉嫁咩 唔通比下一個？ 咁我地頭先食個啲係咪上一手留低嫁 我地都打左個特 之後條友仲話我地已經坐多左5分鐘 超過10分鐘就收我地錢喎 咁嘅餐廳真係無下次囉 質素都唔係高 態度超差 😡 唔洗黎食嫁

今次係第一次試，見到最平有69加一任坐4個鐘，諗住幾扺呀，點知啲野食選擇少，比牛一少。yogurt 雪糕得一種，牛一有兩種。呢間仲要冇雪糕，topping 得四種，牛一有多好多，有爆q 都有幾款。丸得三款，腸仔得一種。仲要挾咗條菜，就有隻fly 企上黎。牛肉還可以，爐頭火力夠。但係service 就令人火滚。首先，去攞飛企門口個個人好寸，問佢會等幾耐淨係識黑面咁講唔知，但係另一個女職員就都答都大約要等幾耐。後尾，我地等到耐耐地，唔記得係一人一個鍋，佢就即刻寸返你。好似每一句唔寸你都唔得之後入到去坐，食到尾聲，話三點半last order. 點知連yogurt 雪糕都last order, 15:30去唧雪糕啦，點知連個唧雪糕個抦都拆埋-,-. 冷氣，同埋個電子爐都熄埋，間野話由12點食到4，其實就3點半就趕人走。如果人地係12點坐到3點半就話姐，不過都唔少人兩點之後先入到。仲要間野係有雀仔飛到入黎，我仲見到佢甩毛，唔多衞生下次都係食返牛一算啦，起碼唔熄冷氣，野食選擇都多啲btw 佢有啲好似吉野家啲牛肉，不過冇飯lol

今日同媽咪食日牛由12點食到2點半(可以食到3點半)連埋加一75蚊!!!!!呢間我地之前好鍾意去 貪佢lunch time唔限時可以慢慢嘆 雖然配料比較少選擇 但都夠啦 坐得又舒服 同埋佢d椰菜唔係青椰菜 係貴好多既白椰菜 我次次都食夠8,9個白椰菜既份量先夠架 講真點解寫食評 因為今日見到佢有個飯堡係裝好似吉野家牛肉飯既牛肉+牛肉汁+洋蔥 任你食!!!!!!!!!!!!!d牛肉勁大塊一抽抽好壯觀!!!!!!!好好味啊!!!!!!!!!!!!食個牛肉飯lunch set都40幾啦 仲要求佢比多兜牛汁 呢到比你當水飲都得 呢到連埋加一75蚊包埋打邊爐+無限牛肉丼+無限飲品甜品!!!!!!!!!!哇佢都幾肯蝕底 咁樣咪可以任食牛肉!!!!!!!!!勁多人搶黎夾 refill得都好快好驚喜啊

我一向對放題既質素要求唔係好高，始終係任食，可以接受就OK。今次呢間，配菜嘅選擇都有幾多：丸烏冬菜呢啲基本野都有。我哋揀咗食壽喜燒，湯底係甜甜地嘅。牛肉係美國牛肉，淥左分幾鐘，肉質都算嫩滑，味道都係偏甜。烏冬都唔錯，質地煙煙韌韌，都好。我最欣賞係甜品方面，可以自己自製乳酪仲可以加埋啲配料落去一齊食！

 我想很多香港人都患上了「星期一症候群」，假日過後，都不想醒來後是叫人恐懼的星期一。既然如此，星期一約會三五知己夜晚吃頓飯，希望能夠成為上班的動力；與摯友聚一聚的確能得到他們的慰藉，令這個星期一過得好過點。  八點多來到要等兩張枱，等位算快，不用10分鐘就可以入座，入座後有90分鐘時間吃放題式 涮涮鍋或壽喜燒，時間有點不夠所以一定要把握時間。  為了節省時間，員工建議我們在等位期間選定火鍋湯底和肉類，並且先下單，這樣便可以一入座就可以立即享有到涮涮鍋或壽喜燒呢。與很多放題式牛肉火鍋一樣，它的肉類分了4個級別，我們選擇了比最便宜的牛肉高一級的特選。涮涮鍋特選價格為$168加一；壽喜燒特選價格為$178加一，價錢算是合理抵食。  一入座，餐桌比我想像中闊落，活動空間比較大，吃東西自然比較方便。趁火鍋還未上，可先到自助區弄個醬油和倒一杯飲料。不過我認為醬油的配料太少選擇，不多於十種。選擇少的原因可能就是想食客食到湯底和食材的原味，所以不想食客加太多調味料。  飲料方面，有各式各樣的汽水、雀巢檸檬茶外，還有熱水提供，幫助客人解滯，很窩心呢！ 自助區。自助區就只得這個地方，行一圈就沒