日牛涮涮鍋專門店 (已結業)

日牛涮涮鍋跟其他牛字頭開首的日式火鍋店一樣，一個價錢，任食豬牛羊。其他魚丸類、粉麵類、醬油、雪糕、汽水便放在店中間自取。這家店環境都ok, 只是臺比較細。我們點了極上餐，一來便來了牛舌、海鮮、牛豬雞，加上蔬菜，臺子跟本不夠放。幾個盒又不同大小，最多疊兩層，放到手都無位放，吃很很辛苦。第一碟極上牛，花紋靚。之後的都很灰，紋理較少，可幸顏色還ok.

那天心血來潮想打邊爐;由於我不吃牛肉和對牛肉敏感的關係;所以同老公選擇了一人一鍋;當日大概7點左右到達;可能剛好有一批人入咗去;只好等待;大概半個鐘左右就有位了;可能前面嘅人;不難煩地走哂😂未入座前;店員問定你要咩湯底;咩級數既牛肉;一入座;湯底牛肉/豬肉/雞肉馬上送上;出去自助bar夾完菜/茹/丸;翻到黎個湯底就滾;時間剛剛好🤣!雖然外面食物唔算多選擇;但佢個日式壽喜燒湯底非常濃郁;啲烏冬好快入唒味;正！示意店員加湯加肉類;都好好;完全無唔耐煩既表現同感覺;可能因為太多人加肉類;啲器皿唔多夠;店員走黎收起d器皿都好細心問要唔要加肉;值得一讚👍🏻👍🏻臨走仲好有禮貌同你講Bye Bye 😬😬今天天幕下打邊爐感覺不錯;同老公食到勁飽;佢仲話下次再食過😬😬

係朗豪坊行完街街，到晚餐的時間，肚仔有點餓了係時候要食野啦！🤣一行4人，同行既朋友都是名副其實的食肉獸！小胖子記得最高天幕果層有間打邊爐任食，就提議食果間，唔洗周圍搵食咩好😎好彩未到食飯高峰期，等左幾分鐘左右就有位啦～入去前先選擇食肉既級別同湯底今次就選擇咗極上黑和牛🐮 90分鐘放題🍽✨每人會送一客海鮮🦐✨同行既朋友不是相機📷食先既人，而且我地都太肚餓了，海鮮一到🦑朋友急急地放了海鮮落爐度😂我只能影到這些🙈海鮮包括了:元貝、青口、蠔、墨魚、蝦🦐蠔好新鮮 肥肥的😍 好有海水味😚主角👉🏼極上黑和牛 來了😍出面仲有自助區，有丸類、菜類同麵可以選擇！食日牛涮涮 最期待就係雪糕乳酪時間🤤🍦因為有乳酪嘅成份，我覺得好健康🤟🏼，食左3杯都無邪惡感😂有幾款配料可以落去乳酪上，仲有士多啤梨醬同焦糖醬！飲品也是自己出去拿！

之前晏就食過第一城呢間野見旺角開左夜晚時間就黎試下大約6點40pm黎到 入面仲有好多空位所以唔洗等就直接入得坐底就嗌左蕃茄湯底嗌完佢就會俾碟牛、豬、雞你食完就可以根據自己喜愛去嗌加邊碟野出面有自助區 但選擇唔多 我就好中意食芝士魚塊 軟林林 芝士係唔同位置都有少少 唔會太多 唔會有膩既感覺另外烏東都好滑身剩番最後15分鐘佢地就會同你講再俾埋單你埋 最後15分鐘既時候完全未飽 可能我食野食得慢快快食埋個麵就整雪榚食一夠鐘佢地就即刻叫我地交枱啦睇黎晚餐食90分鐘打邊爐太趕啦

朋友推介抵食旺角shabu shabu, 竟然係喺朗豪坊! 仲要係酒吧果層，真係估你唔到! 餐牌上面有主菜單選同任食揀，入座起計限時個半鐘。個人同朋友都覺得單選已經好夠食，因為出面仲有自助bar, 有菜類，丸類，菇類，豆腐，粉麵，飲品corner, 同yogurt。種類都有好多，菜類竟然有春菜，丸類有三文魚丸，菠菜魚丸，芋頭魚丸! 仲有個人認為最重要既京葱，洋蔥，蕃茄! 主菜單有日牛，豚肉，雞肉，加拿大豚肉，海鮮拼盤等等。湯底有昆布，辛口赤味噌湯，骨膠原，蕃茄牛肉，壽喜燒等等。店員溫韾提示我選既辛口赤味噌湯偏辣同咸，可能轉重口味啦，我覺得味道岩岩好，辣度咸度適中，3個字-好味道! 相比上次食昆布同朋友食既壽喜燒(朋友話偏甜)，我諗我下次應該都叫番今次個湯自助bar仲有自選醬料，都係日式果幾種啦，柚子醬油，芝麻醬，酸辣蘿白etc之前食過溫野菜既貴價shabu shabu, 間唔時食下抵食日牛shabu shabu，都係唔錯既選擇，閒日午市仲有買3送1優惠，最岩4位食，回頭率極高呀呢間

果日夜晚唔知係咪捐完血，少左血紅素，特別想食牛肉，補充鐵質，於是我地一行兩人，就選擇左去日牛食涮涮鍋放題，果日係weekdays,夜晚承為每人$158加一，雖然係平日，但可能係黃金時段，我地都等左半個鐘先有位，日牛比其他涮涮鍋優勝嘅地方，係一人一鍋我揀左個唔辣嘅味噌湯，而我朋友就揀左個辣嘅湯底第一批肉類，係有哂牛、雞、豬，質素都唔錯，唯獨雞無咩味，豬肉切得好薄，個人認為，豬肉甚至做得比肥牛好，食完呢round, 就可以根據個人口味，要幾多都得，一落order ,好快就送到上嚟，絕對唔會慢吞吞。除咗肉類，佢出面仲有自助吧枱，有各式各樣嘅蔬菜、蔬果、同埋各有特色嘅丸類，個人推薦芝士魚腐，入面有粒粒芝士，又唔會太流，正佢仲有汽水機、同埋港女之外嘅Fro Yo,雖然乳酪配料唔太多，但自在任食夠過癮。呢個價錢絕對抵，食得過！

同事又搵到新地方食午餐，朗豪坊 13/F 涮涮鍋，我第一個投贊成票，點解因爲試新菜囉！這家餐廳提供六種湯底任選一款，最岩一人一鍋。$79 個餐有豚肉、雞肉及牛肉任選二種沙律吧提供超多款火鍋配料任食乳酪雪糕賣飛佛，對減肥中的我而言，乳酪的名字可以讓我找到藉口。好好玩！對食肉獸的朋友來說應該都能滿足，我個人就對自助區的食物有興趣多點！追加放題有長腳蟹，價錢合理！勁高樓底所以空間感十足超闊。

前幾日夜晚同朋友去食飯，天氣轉冷，大家就決定去食火鍋。😋餐廳喺朗豪坊最頂層最裡面非常唔起眼嘅地方。去到之後大概排左半個鐘先有位。入到去發現其實都仲有空位。每人可以自己叫一個湯底，我就叫左昆布湯底啦。趁個鍋未到，緊係要去攞野飲。有汽水，檸檬茶等等。攞完野飲就去攞野食，蔬菜同丸類任食，攞野食嘅地方好乾淨企理，差唔多無就會再添上。望住啲新鮮食材真係會令人心情愉快。😌😌返到埋位，個鍋已經黎左，喺度煮緊。而肉都已經到左。可以開始大吃大喝。🍽🍽牛🐂、雞🐓、豬🐖肉都幾好食，又唔肥，又唔韌。蔬菜都好有水準，特別係娃娃菜真係好好食。丸類呢 ，就推薦芝士丸🧀。值得一提嘅係服務真係幾好，叫加湯好快會加，叫左肉之後都好快上。我地最後食到超時，個staff仲提我地雪糕🍦可以拎走食。最後每人$175埋單。野食好，服務好，仲要價錢平！值得推介！👍👍缺點只係等候時間較長。不過都提提大家，加一隻雞蛋要加$10。

旺角真係一個好多人嘅地方，忙裏偷閑真係一啲都唔容易，不過星期日嘅下晝，朗豪坊13樓餐廳竟然冇咩人，坐得好舒服，所以就試吓呢間日式火鍋大約＄100，牛雞豬又任叫仲有其他丸同芝士腸都係自助形式咁樣任攞，完全唔怕食唔飽另外醬汁選擇多，我自己就最鍾意麻醬

星期六食飯預多人，訂了檯，果然去到門口已經人山人海，等一陣就入得去。全場坐滿，點單後好快已有野食到，湯底滾起朋友就來到，時間剛剛好。點左最貴個餐，和牛加海鮮，坦白講，和牛好食過海鮮。基本上食左幾轉牛之後已覺飽，出面自助既野都冇乜點食。難得係，雖然全場人都忙，都覺得員工冇黑面，服務算幾好。特別係門口個女仔要係咁大叫飛號，睇見都辛苦。

晚餐諗唔到食咩，打邊爐就最好。日牛涮涮鍋係我既首選，因為環境寧靜，而且配菜，牛肉都比較新鮮。雖然得90分鐘，食得有啲趕，但貪佢環境乾淨又寧靜，價錢又公道，所以晚餐諗唔到食洋就直接去朗豪坊牛涮鍋就好了。當晚要左我最愛既壽喜燒做湯底，非常入道。食到後期仲覺得有啲咸，唔似平時個啲只會幫你加清水。豚肉，新鮮，入口容量咬開。唔似平時食開好難咬得開。最便宜既牛肉，但都唔會好難咬開。所以真係覺得抵食，下次決定試下和牛同埋海鮮。

我真係好中意打邊爐，今次連食lunch都要打邊爐先開心！下午食大約70蚊一位，一人一鍋自私食，更開心！日牛涮涮鍋可能係冷門的，無牛一,牛刷鍋咁多野食同選擇，但佢地質素好好，最重要係方便又唔多人，星期六下午係朗豪坊食fpodcourt都要60-70蚊啦！呢度人唔多，靜靜地，環境又好，我super like！我係中意食菜，所以呢碟我一條友食曬！湯底方面我同男人分別試左骨膠原雞湯同胡椒牛肉湯，我鍾意胡椒！超嘢味！牛同雞雖然唔多，但牛夠薄，雞夠嫩，加分！長期有人fill食物！幾好！

美國進入牛肉放題 $168仲記得佢以前既湯底唔係咁多色素feel, 佢個蕃茄湯底，啲食物浸咗落去染哂紅色，其實已經搞到我唔敢食(由其係舊雞，白變紅)。之後佢啲牛又好散，痴埋一舊咁好難分！出去攞其他食物啦，佢個豆腐就做得唔錯，好挺身，又滑！

朋友來過極力推薦，讓我心動跟她來了。湯底選擇很多，我們都選了健康的番茄湯底，牛肉質量不錯，份量也足，最開心是仼吃的有很多新鮮蔬菜、菇菌、腸仔、海鮮丸、魚丸、菠菜丸、豆腐...還有飯和自煮的不同麵。豐富滿意的午餐！

早兩日，lunch唔知食咩好，就嚟朗豪坊睇下啦，諗住由頂樓一路落睇下食咩好，點知上到13樓一出就聞到好香，所以決定食呢間雖然侍應話要等半個鐘至九個字，但我地等左十分鐘左右就入得喇我就選擇左要壽喜燒湯底，而我男人就選擇左胡椒湯底我地選擇左豬牛雞90分鐘放題，之後就出去夾野食啦……有菜，有烏冬，菇類，不過唯獨係醬料小左啲，如果有辣油就好喇……肉類上枱後，好快就清晒，要再添，因為一盤數量較少，得5-6塊，所以可以叫多啲中途叫侍應加湯，侍應服務很好，有提醒加湯可能會更濃味，如果加水就會淡啲，我之前加左一次湯，越滾越咸，所以之後都係加水，加左水後，味道剛剛好最後，當然唔少得食乳酪雪糕啦，有6款配料可落，好似有脆脆麥片，有朱古力粒，棉花糖粒，其他唔記得左，仲有朱古力醬，士多啤梨醬可加味道唔錯，而且服務很好，會再光臨