日牛涮涮鍋專門店 (已結業)

環境差！食物質素差！服務差！ 一行到入去坐低就後悔，個環境好伏， 餐具又污糟，食物區啲嘢食一睇就知唔新鮮，食物選擇少，丸嘅種類得兩三款。炸物甜品望到都唔會想攞嚟，環境咁差，更加唔敢食軟雪糕。湯底冇味嘅，不過啲牛肉還可以。叫牛肉要侍應落單，但永遠無人招呼，下下都要行出去搵人過黎。上食物求其放低，明明見到餐盤放唔平，都就咁放低就走左去。呢個價位，食過其他餐廳，食物質素，環境同服務好過呢間好多倍！以後都唔會幫襯呢間！

午市最平放题$128日牛餐，任食牛、豬、雞，八折後$102.4，星期一至五公眾假期前例外，扺食重有雪榚甜品少許熱食，咖啡茶等，可以食一個半小時，交通方便，地鐵上蓋。

太耐冇打邊爐有點心癮起同朋友行街大家一個眼神交流就決定入座任食真係食到好飽蕃茄湯底好香濃仲可以自己係自助區加入粟米🌽提升甜度任食牛真係唔食得太多好飽好撐食食下太飽唯有出動第二個胃轉戰甜品今期係綠茶蘋果加原味乳酪我真係好有做擠雪糕員既天份呢最後食左三杯 大滿足啊😌

點可以唔講講下我喺這家餐廳嘅驚喜食體驗？第一啖牛肉入口，我都忍唔住話聲「好滑好嫩」🤤，簡直不得了！一拉一涮，牛肉喺鍋裡輕輕轉兩圈，啱啱好嘅熟度令人心花怒放。牛肉香味四溢，肉質嘅嫩滑真係令人回味無窮！講到配菜，新鮮青菜無限量供應，榮獲咗我心中嘅健康大獎🥦。同事仔一邊狂涮蔬菜，一邊笑住話「我嚟做"草食獸"啦！」飲品選擇啲多，隨便揀喺都開心到飛起。可惜，話時話番茄湯底係太"番茄"咗，不過胡椒湯底實在太令我心動，湯香辛香味，暖笠笠一啖，彷彿食緊暖笠笠抱抱，啱哂寒天暖胃！聽日仲要黎試下嗰個胡椒湯底牛肉小菜檔，重溫今日嘅好滋味！落單時嘅服務亦唔遜色，職員幫手快手快腳，唔使等太耐就有新鮮滾熱嘅美食端上！食到飽嘅概念呢度真係得意得嚟好貼心。總之，呢度嘅牛肉涮涮鍋真係物有所值，食得好、食得嘆，happy到彈起！🎉

其中一樣好香港嘅嘢：打邊爐！今日去咗食日式打邊爐 Shabu Shabu 🤗 佢有幾款價錢，不過要留意星期六、日、公眾假期同公眾假期前夕係要每人加多$10。我哋今次就揀咗‘特選’嗰款，每人$218+10% service charge.因為我哋早去（5pm左右），所以唔洗排隊已經可以入。限時90分鐘，其實食埋甜品都係啱啱好夠。鬼佬今日做完運動，要大量補充蛋白質，所以任食雞肉、豬肉同牛肉就啱哂。雞肉佢會切到一粒粒俾你，豬肉同牛肉就切到好薄，可以任加。我覺得豬肉好食過牛肉，牛肉比較肥。中意食素嘅都冇問題，佢有all you can eat 菜、瓜類、洋蔥、蘿蔔、蕃茄，豆腐、菇類、粟米等等。甜品有蛋撻同brownie, 不過因為食完主菜太飽，我哋今次淨係食咗frozen yogurt。除咗有原味，今期仲有秋天嘅味道：栗子味。Frozen yogurt都有不同嘅配料，例如花生碎、提子乾同棉花糖，不過就冇我最中意嘅彩針😔食完熱辣辣嘅嘢最啱食番杯☺️我家鬼佬係咖啡愛好者☕️可以任飲咖啡佢就最開心。我就飲左杯熱茶🍵嗰度仲有果汁同汽水，全部都係任飲。

入店之前看到好多差評心裡有些猶豫，但因為行山後到鑽石山已經實在過於疲憊，就決定就近用餐。結果發現食物質素和服務態度其实都令人滿意，和差評內容完全不符。食物來講 ————選擇了第二檔的Buffet但牛肉完全沒有出現過硬或者不新鮮問題。湯底濃度也剛剛好。服務方面 ———— 虽然只能口头下单但上菜速度很快，服務人員也不存在催促買單的情況。整餐吃的還是非常滿意。整體感覺 —— 這個價位的Buffet感覺還是物超所值的

今日星期六 經過就食下 有幾個唔同價錢嘅餐 由於唔係太肚餓就揀左$178一位 星期六加多$10一位 另外+10%服務費 共$206.8一位 原來個餐啲牛肉嘅質素係咁差 如果知道會俾啲咁肥 咁多白邊嘅牛肉就唔會揀 或者唔會入去食 因為$200一位可以有其他選擇 起碼食得開心啲 都建議公司將唔同等級嘅牛肉相放喺餐牌格離 等客人知道牛肉嘅分別去選擇食邊個價錢 第一張相諗住算啦 但第二張相第二碟嘅牛肉仲差 直程係食緊油嘅感覺 大家自己可以考慮會唔會去食

同朋友叫個黑毛和牛餐頭2次都正常 去到第三次既時候就變左街市啲肥牛完全食唔到落肚問服務員服務員話冇分別簡直係離晒大譜！一定要blacklist！根本就呃人…………！！

燒肉和火鍋放題也吃了不少，今次我們來到了涮涮鍋專門店吃放題；一人一鍋+90分鐘任食+期間限定湯底+自助區，我們選擇了嚴選牛肉套餐，晚市人均 $258  $258@1 ᐅ 湯底: 壽喜燒 壽喜燒湯底會配上一個生鷄蛋，味道香醇，經過煨煮會越來越濃郁，蔬菜像金針菇、白菜、洋葱配上壽喜燒汁一流ᐅ 特選牛肉組合 實話實説，牛肉真的非常薄，一片夾起來會透光，所有每次都是兩塊一起吃🤣牛肉油脂很均匀，在口裏留下了短暫的牛香味，那天戰鬥力比較弱，大約只吃了4盤牛肉~ 另外還有牛舌片、豚肉片及鷄腿肉；牛舌還是燒的好吃，豚肉片肉味比較重而且飽腹感強（影響了我們接下來的發揮） ᐅ 自助區 與其他放題不一樣，餐廳沒有QR code下單，添加牛肉需要直接向店員下單，其他食材配料則在自助區自取 食材選擇尚算豐富，我們比較愛吃的有：烏冬、洋葱、番茄、白菜、金針菇、魚蛋等；自助區旁有雪糕機，原味乳酪味最出色 另外發現很多食客都認爲鑽石山分店的服務態度有待改善，我們的用餐體驗還不錯~雖配料選擇不多，亦不失為一個放題的後備選擇

唔睇食評等咗成個鐘，服務態度認真差，食過咁多間佢公司嘅分店，呢呢間真係大跌眼鏡,…作為服務從業人員，應該有嘅質素都冇，又冇耐性，又大大聲回應客人，仲要催你快點食

裝修重開的日牛同燒烤個面位置對調了裝修後店鋪氣氛濶寬舒適午市我通常食套餐 跟－碟肉 但蔬菜bar 飲品乳酪任食 對我來講已經非常足夠點左豚肉片$72 約有八塊 套餐及任食都係90mins*任食嘅意思係肉類都任叫如果午餐時間許可 $72+10%食90mins性價比都好高

俾錢買難受，服務態度極差，店員話等半個鐘但係等咗50分鐘先入座都算啦冇所謂。此外，張單寫4點20係離座時間，3點50分嘅時候(距離離座時間半個鐘)張單寫嘅時間仲有半個鐘店員開始隔幾分鐘過嚟大大聲吹我哋快啲食，佢話要落場(沒有事先同我哋講四點落場，我們並不知道)，最離譜嘅係我哋食緊最尾兩碟嗰陣時，店員前幾秒吹我哋快啲食後，之後就直接同我哋講係咪唔食，要直接收走。這樣我哋根本沒有足夠時間食，店員就大大聲趕我哋走。畀咗錢仲要受氣，仲唔畀人食，以惡劣態度趕人走消費者。

星期五平日晚市好多餐廳都爆滿 唔想排隊下揀咗呢一間 見到門口都有少少人排隊 同埋佢都係鑽石山開咗好多年 抱住試伏既嘅心態行入去 真係難食到超乎想像本身滿心期待咁叫左個壽喜燒湯底 所謂既壽喜燒湯其實係一煲啡色清水 咩味都冇 同用蒸餾水碌冇咩分別 叫左個中間價錢既set 牛肉鞋豬肉乾 最後悔叫左海鮮放題 雖然無異味但完全唔值得加 醬料又係經典 個蒜係出晒水 豉油得死鹹 辣椒無味要靠辣椒粉嚟幫手 好失望另外唔知佢地人手係咪好唔夠 成餐飯直到埋咗單先有人嚟收碟 想試伏嘅勇者可以勇敢試下

當一個人想食少少肉但又想食多多菜呢度既午市單碟套餐 可以滿足你既願望外面自助吧就可以任攞包括蔬菜/丸類/飲品/雪糕┈┈┈┈┈┈┈┈┈┈┈┈┈┈┈┈𓋜澳洲穀飼牛套餐 $72 （星期六/日加$10）湯底選擇左壽喜燒湯底 已附日本蛋一隻😚午市單碟套餐之中 肉類就包了眼前呢一碟我揀左牛之中最經濟呢款呢款澳牛唔肥 而且相當薄切好在食落都有牛香𓋜 甜點有豆乳雪糕/原味乳酪兩款個人選擇了後者食落去味道真係都幾甜下🫠雖然係咁呢個午市套餐放題真心適合喜歡多菜少肉既朋友仔星期六同日同公眾假期前夕需要另加$1090分鐘夠做食到飽不過服務態度就真係欠奉

同家人好即興想黎個EARLY DINNER六點前黎到都已經大半FULL好利害呀點左~昆布湯一黎到試啖湯先幾好飲WOR有昆布鮮味呀~酸辣湯呢個最有驚喜呀好有冬陰功味好鬼惹味呀又唔會太酸~豚骨湯呢個反而最普通呀真係好似現成清雞湯咁係食到尾段可能有左D食物精華再飲啖覺得OK呀出邊配料就正正常常呀我地見任食無揀貴牛肉只要唔好太高期望既咁既價錢叫做還可以呀