早安越南 (已結業)

草根去開黃埔搵食，今次去左間我地好少會去嘅越南餐廳，因為之前總係覺得越南野冇咩好食，味道淡選擇唔多，所以越南餐廳一直都係我地嘅last choice，不過行過見到呢間越南餐廳裝修好似好Chill甘，所以最終都決定試一試生牛肉湯河 （$58）Pho bo (Rare Beef noodle in soup) 散叫左個生牛肉湯河，碗河粉黎到後窒左窒，冇諗過會甘大碗!!!而且真係煮好即時拎出嚟，超熱先試左口湯，食到用左大量南亞香料同胡椒去整，味道超濃👅食完真係會成身暖晒，係呢個天氣下食真係不得了 ✌河粉好幼滑，吸晒湯入面濃濃嘅香料同胡椒味🍲好正😋牛肉重牛味，但可能由於個湯太熱，加上影完相再食已經熟左d，相對冇甘嫰，下次都係要快d食😂 食完今次之後真心愛上生牛河 😍😍😍早安越南 令我地對越南野有改觀啊下次嚟再試多D嘢!!

今晚同朋友一齊食越南野，搭地鐵去好方便。餐廳環境好靚，幾乾淨，而且幾靜，適合同朋友一齊去傾吓計。今日食咗幾樣野，最好味嘅係海南雞。海南雞去左骨，食得好方便，又唔使怕食到好狼狽，冇晒儀態。雞肉好滑，而且一啲都唔肥。成碟雞都見唔到有黃色一pat pat嘅油，可能係廚師處理嗰陣時切左，但係見唔到嗰啲油，感覺上就健康好多。有三個唔同嘅醬汁，相片見到黑色嗰個係我最鍾意嘅。係甜醬油，比起平時嘅豉油甜好多同埋濃好多。

記起對上一次真係食越南野已經係上年十月係深井食了。啱啱好睇完金剛就越南風情畫上身，直接係隔離解下癮。入到去其實覺得佢似間西餐廳多啲，霓虹燈管同牆壁上嘅酒瓶組合起黎似西式風格。但枱面一樣有辣椒醬同食撈麵用嘅酸辣汁，好一個Mix&Match。第一主食揀左生牛肉湯河，牛肉湯好夠味，唔係死咸死咸的，加上又夠熱，令切得薄嘅牛肉浸係熱湯中好快熟。而且牛肉浸耐左都無過老，仲保持到嫩口。唔錯唔錯。只係河粉少左啲作為晚餐未夠飽。而第二主食係馬拉盞海鮮炒飯。個炒飯非常足料，配料雖然同其他餐廳嘅差不多，青口魷魚蝦等，但入面用左三大隻開邊鮮蝦，而且啲飯炒得夠乾身，所以食落唔油口。我地為左過下口癮，所以點左炸蝦餅。本來無咩特別，但咬落去先發覺好結實外皮炸得好香口，蝦味又足，以為平平無奇嘅一口出奇地好食。尤其係點埋個酸辣醬，中和油分之餘亦蝦餅食落無咁單調。睇完越南戲，食埋越南飯，做左一晚越南人，哈哈。

今天，我來了早安越南，位於交通方便的黃埔花園，餐廳裝潢有越南特色，碗碟和刀义是有越南標註，彷彿置身於當地享受到豐富晚餐。牛油雞翼雞翼有牛油和蒜味，惹味度更加Doubleup！脆口的蒜味，配合牛油香味做Coating，熱騰騰的，真是即叫即炸，好啱大人小朋友口味喎！越式豬肉炒河用的粉絲比較幼身, 配料有豬肉、芽菜，當中芽菜特別爽口, 材料多多亦令口感味道皆豐富，吃得出的真材實料, 炒河上有脆脆，在濃味的炒粉絲中，脆片的口感帶出另一層次。原隻椰盅海鮮焗飯椰盅白滑賣相怡人，店員奉上已經傳出陣陣揶香。椰汁好軟滑富椰香, 飯粒軟硬適中, 混有蛋香增加層次及口感。鮮蝦和帶子令人有驚喜, 新鮮得不得了, 彈牙爽口, 很出色!總結，早安越南的菜式都很對口味, 每個菜都很滿意, 很回味呢, 如再在黃甫覓食, 我會想起早安越南!

咁遠黎到紅磡黃埔 點都要食啲特別嘅野 於是港🐷就揀左呢間食越南菜 事關俾佢特別嘅裝潢吸引到！----------越式炒金邊粉 ( $77 ) 份量都算多 金邊粉夠滑 乾濕度啱啱好 甜甜辣辣都幾香👅材料方面 除左蔬菜 仲有扎肉 蛋絲同大蝦😁-青咖哩豬頸肉煲 ( $103 配白飯+$14 )豬頸肉極腍 好推介！青咖哩辣度較微 反而甜味好重 食唔到辣嘅都可以一試 用黎撈飯一流😆-整體味道正常 環境舒適 啱曬幾個人坐埋傾計 見到隔離枱嘅湯粉都好似好好味😂-(另收加一服務費)

今次同朋友一行二人去咗黃埔食晚飯咁我哋今次揀咗呢一間喺美食坊裏面嘅越南餐廳, 喺黃埔地鐵站行過去三分鐘內去到. 呢一間餐廳嘅裝修好有情調好適合晚飯聚餐傾計!我同我朋友都係鍾意食牛肉嘅人士所以今餐我哋叫嘅嘢都係圍繞住牛嘅菜式!今次我哋叫咗: 越式牛展,火車頭湯河,生牛肉湯河 越式牛展 $63牛展味道做得好好,牛肉嘅味道同埋鹵水嘅味道合到好處!, 入口彈牙容易咀嚼! 配合埋越南嘅”碌冧” (Nuoc Cham)醬汁味道一流!火車頭湯河-選擇要檬粉 $88火車頭牛肉湯河內容有牛肉丸,牛筋,牛栢葉,生牛肉 同埋牛腩, 有薄荷葉,蔥芫,茜 牛肉丸食落去嘅時候有少少香味口感煙韌彈牙,牛筋入口好似啫喱咁軟熟,牛栢葉十分之爽口,生牛肉就十分之嫩滑, 牛腩就炆得恰到好處唔會太硬亦都唔會太軟! 湯底嘅味道算係清甜唔會太濃味或者太鹹, 配合埋薄荷葉,芫茜同埋蔥感覺十分之清新!生牛肉湯河-選擇要檬粉 $64呢一個生牛肉湯河其實同火車頭湯河差唔多,個湯底可以話係直情一樣添,都係配咗薄荷葉,芫茜同埋蔥,只不過配料係只有生牛肉冇其他嘢例如牛柏葉,牛筋同埋牛丸, 但再講多次啦呢度嘅生牛肉真係做得好好, 好嫩滑!總括嚟

自從有了黃埔港鐵站後，實在方便了很多👍🏻我又可以多些來這區探索一下，發掘多一點美食😋估不到第一次來就有驚喜「早安越南」。柚子大蝦沙律 - 材料豐富而且十分新鮮,入囗爽脆，加上柚子肉和大蝦的配合之下味道十分清新，令人胃口大增😋原隻椰盅海鮮焗飯 - 外表吸引內有超多海鮮，大蝦、青囗、魷魚和帶子加上炒飯，放在椰盅裏焗，食的時候淡淡的椰香把海鮮的鮮味帶出，味道極佳炸蝦餅 - 炸蝦餅炸的時間剛好，沒有炸過火食落有濃厚的蝦味配上酸甜微辣的醬汁，十分醒胃越南特色春卷 - 春卷炸得出色配上十分新鮮爽脆的生菜，卷著一齊食入口感覺奇佳，原全沒有油膩感

搵朋友聚舊，黃埔近她工作的地方。離晚餐時間又有一段時間，於是我們就來先吃點小吃。店鋪裝飾好有越南戰爭時期的感覺。服務不錯，職員很有禮貌，又會主動加水。我們叫了一個大的特選小吃拼盤。每樣小吃有三份左右，適合3人一起 share 吃。最特別的是炸蝦餅，外表看起來像炸豬扒，其實是蝦餅。春卷最好吃，皮又脆又粉。價錢的話，以小吃來說有點貴，但考慮到地段，如果3人一起吃會更化算。

這天傍晚跟生意夥伴在紅磡見面，我們在一間名為「早安越南」的餐廳商量事宜。站在店外已能夠感受到強烈的越南風味，極度懷舊的暗藍色加上紅色字和紅色星星，感覺很像在歷史書中看到過的越南。因為還未到晚飯時間，所以餐廳還有點位置：一般餐廳用的是黃光，以營造溫暖的感覺，但這餐廳為了配合越南的主題，用了紅光：廚房那邊也是紅色的，有氣氛得來又能緊貼主題。其中一面牆上貼了一張大海報，畫的應該是越戰的情境吧！顏色方面，只用了藍色和紅色，這好像也是越南國旗上有的顏色。雖然顏色不多，但完全不覺得貧乏，反而覺得感覺很對。餐桌上找到的一切都有越式風情，連杯子上面也要加一顆紅色星星。餐單頗厚，像一本相簿，這是其中一頁：因為太接近晚飯時間，我們決定點些小食就好，最後點了$168的越式特選大拼盤，裡面包括扎肉、炸蝦餅、蒸粉包、香茅雞翼和春卷：扎肉很軟，屬於冷盤，味道像火腿，頗香口。春卷有兩款，外皮都很脆，雖是油炸的，但不覺得油膩，裡面的餡料有菜和肉，而且非常新鮮。炸蝦餅：其實一開始我們認不出這是炸蝦餅，因為外形看上去像是炸豬排或魚柳，而吃下去則覺得不像任何慣常吃到的肉的味道。蝦餅很彈牙，口感十足，味道方面，仔細嘗的話也是

在香港,有很多越南餐廳收費偏貴之餘,味道又很一般,這次在朋友介紹下,我們到了位於紅磡的餐廳-早安越南。我們兩個人,點了香芧豬排湯河和原隻椰盅海鮮焗飯 。好友果然沒有介紹錯,除了味道非常好之外,價錢亦很合理!香芧雞排湯河這裡用的越南河粉很滑,湯底很清。另外雞排弄得很香口,肉汁清甜,加上適量的香芧,味道好好!原隻椰盅海鮮焗飯還沒有放上枱面,這種樸鼻而來的椰香已經傳到我們的鼻。放到枱面時果然沒有令我們失望,除了放滿厚厚的椰醬外, 食材還有青口,蝦 ,帶子 ,魷魚 。很鮮甜,另外用蛋加炒飯底 。總結:價錢合理,食物水準中上,環境尚算企理整潔！非常不錯!

1月7日係港鐵優惠日，於是去黃埔站逛逛。大約1點半到黃埔美食坊，見到越南菜，好想食，我地3條友就衝入去開餐。可能過咗午飯 peak hour，所以等咗10分鐘就有位。發現食客以區內居民為主。我地叫咗4款食物 1) 串燒 (雞) : 汲取以前食串燒經驗，叫雞係最穩陣，因為5會太“鞋”及韌。哈~~點知今次係乾巴巴，無乜肉汁(2) 炒金邊粉 : 我以為會有粒青檸給我榨汁落粉上，係無喎。味道真係一般，5難食也5美味(3) 軟殼蟹米紙卷 : 唔。。。佢d 蟹炸得有d 油及過火(4) 拼盤 : 雞翼雖係乾咗 d d，但都可以接受。扎肉無得話5好食。蝦餅就打得太實，有點頂胃。春卷算係最好味。蒸粉包就皮太厚staff 服務 ok 架~~但食物質素就有待改善。。。。

🗓1月5係樓下打保齡前 約埋波友食個dinner 先老實講尼幢美食坊開左甘鬼耐 真係冇邊間你食完會用美食尼形容 不過始終一憧甘多間比你揀 懶懶地or 冇時間 尼到係方便既我比得甘既comment 當然尼間都冇話尼我覺得好好味 未去到話難食 不過個感覺就係普通到唔普通 差D連係食緊越南野既感覺都比唔到你甘

閒日黎講 都多人食又唔洗等位裝修幾別緻 樓面都幾大坐得舒服 適宜聚會既 =)首先想推介下呢個豬頸內湯粉五十幾蚊既價錢 但有超多的豬頸肉 而且是分開上不像其他餐廳只有幾塊浸在湯裡這樣不但讓豬頸肉更能保持原汁原味而且還可以像額外一道菜跟友人分享一舉兩得呢 越式炒黑粉絲很多料~ 有魚片條 還有不少的海鮮料~不過蛋絲沒有泰式的好吃xd 滴漏咖啡沙冰 想不通為什麼會叫滴漏~@@賣相ok的~沙冰都弄得幾溶 可以一試~總括黎講 食物同環境質素都唔差 服務態度都很好~

開了新地鐵線，同朋友到黃埔行街食飯。美食坊都有不少選擇，其他的都是連鎖店，這間越南餐廳的紅星裝修幾特別。我們各自叫了個飯share。法式牛柳粒紅飯，牛柳做得非常鬆軟香口，炒得不錯。紅飯的味道略淡了少許。飯的份量都很足夠。跟著叫了個火車頭湯河，有大大粒牛丸，生熟牛肉，牛柏葉等，我們2個人share剛剛好。湯很好飲，我們差不多整個湯吃了。我最喜歡多蔥，和要多青檸lime。210元左右2人，每人約100元食晚飯，都算不錯。樓上是戲院，食完可以看下有沒有戲看。

等齊人等到好晚才食飯啊! 好肚餓，來到美食坊尋美食，經過看到這間設計得很現代又簡約的餐廳，尤其被佢的藍色牆吸引，細看之下原來係越南菜! 大家都冇所謂，便一同入內一試。當然即時叫了比較飽肚的炒飯，每一粒炒飯都炒得好乾身，而且仲落足料，有好多海鮮做餸。小食我哋大家share, 我食咗佢個雞翼同濱海。兩個都做得好有水準，雞翼好甘香，雞肉保持，濱海的皮做得夠薄，又好滑，同裏面的餡料包起來一齊食好夾。叫咗雞肉牛肉沙嗲，特別想提一提佢個沙嗲醬，比平時食開的甜少少，幾特別。十分欣賞佢個生牛肉湯河，皆因啲牛肉好香，肥瘦適中，食落又彈牙，而河粉方面條條都夠幼細，而且好滑。出面食過好多生牛肉湯河的牛肉都會太薄，冇乜口感，或者牛肉太肥膩，所以在佢碗生牛肉湯河同出面的價格差不多條件之下，我覺得做得很好。整體來說我覺得呢間餐廳的裝修，格調，以至食物的質素，性價比都很高，值得再來！