早安越南 (已結業)

黃埔通車之後 梗係第一時間去黃埔揾下野食💁🏻 擴展下美食圈子今日就行咗去美食坊 喺黃埔C2岀口 一岀對面就係 超方便 諗起以前要行老遠先行到過黎 真係有啲感動 去到仲有茶餐 梗要試試佢 迷你火車頭 配金邊粉 查實佢仲有得揀檬粉 一黎到 真係嘩咗聲 明明話迷你 但一啲都唔迷你 超大碗 餸個度就有牛丸 牛腩 牛栢葉 牛筋 牛丸好食 但都未夠其他野咁岀色 牛腩超有牛味 牛筋彈牙 正正✨ 湯底超正宗 清清既味道 淡淡既香氣 飲咗超多 但都唔口渴 你就知咩事啦 仲加咗勁多香草同洋蔥 match!!💁🏻燒豬頸肉 半份叫咗tea 仲可以加25蚊加小食 我要咗豬頸肉 豬頸肉外皮燒到脆脆 咬落去質感係爽爽既 雙重美味 又唔太肥 另外店家既佈置都好正 餐版同牆壁都佈滿疑似紅軍女孩既圖像 好有趣

放工又未到下場，有少少時間食個快飯，同埋朋友去左公司附近既黃埔花園搵食。話明快飯，budget當然唔多。呢個時候比我地見到間半開放式既越南餐廳，價錢幾親民，貼近快餐價，即試！果度裝修有d特別，會有少少西式。餐廳分類簡單易睇，鍾意叫餸食飯既，另外有一張set dinner。我地兩個親叫左超大路既生熟牛肉湯河加小食拼盤喇。《生牛肉湯河》上台時熱速訓，好香。飲一啖清湯，算係清甜鮮味。牛肉好重手，鋪滿全個碗，好大方，而且肉質嫩滑有牛味，用料幾高質。河粉滑一滑，但稍後厚左少少，口感未夠完美。《小食拼盤》一份小拼盤會有四款小食：春卷、米紙卷、粉包同牛油雞翼。幾樣炸野都好香口，無油憶味，炸得唔錯。當中雞翼最吸引，雞肉嫩滑，咬開仲有少少雞油流出黎添。《薄荷青檸冰》另一樣值得一提既係飲品。青檸冰竟然唔係青檸加糖水，而係薄荷醬底，加上青檸，再配一支原裝有氣梳打水，可做到2杯架，好抵飲！快飯快就夠快，但食物都算有質素，價錢都令我地好安心，一人一百多。

此店最特別的是紅酒牛尾褒，還配上碗飯的，價格只是98大圓的呀！那牛尾份量十足，褒內更散發出那濃郁的酒香及牛肉味道，更令人垂涎三尺！越式雜錦拼盤過的粉包也是夠可以的！

為左去黃埔總站參觀下~我地特登相約係黃埔食晚餐~黃埔站C2出口一行過對面就係~位置好方便!裝修幾特別叫左個小食 沙爹串燒4串($68)好好味~牛豬雞都燒得岩岩好! 唔會太老! 正! 唔洗點醬都好入味=)豬頸肉湯河($53)最中意食豬頸肉~超大塊~份量都勁多~一碗份差唔多有十塊~呢個好撒食!同埋佢呢到既湯河同豬頸肉係分開上~唔會浸到D豬頸肉林哂or冇哂香茅味 =)越式炒黑粉絲($78)未食過黑粉絲所以好想試下~原來係少少似韓式粉絲既感覺~煙煙韌韌咁幾好咬~好多料好大碟~兩集大大既蝦! 同好多魚蛋條~唔會太油~!好味!飲品叫左杯個名好特別既越式滴漏咖啡沙冰($38)開頭以為係依加好與果種有支野倒轉插落D冰果種原來唔係~不過我幾中意佢唔係真係好沙冰將支館插落D其實都係飲緊液體~唔會太甜~都幾特別! 服務都好好~我地隔離枱叫左好多野食~一次過黎到有D不知所措咁~waiter都好好咁話邊D盡快熱辣辣食會好味D~邊D凍食慢慢食都無所謂~好體貼=)

是日放工，屋企無飯食就約左朋友係黃鋪開餐，地鐵一開連同好多新既餐廳都進駐。我地搵左一陣就決定食呢間越南餐廳。茄汁牛腩湯河($58)牛腩好軟熟，係口到咀嚼都唔會有渣，而且都十分入味。吐牛筋更是充滿了膠質。河粉都幾細幾軟，可惜的是湯底茄汁味道稍為不夠，如果更重番茄味道會更加好。香矛牛肉酸菜凍濛($54)香矛牛肉好入味而且好多汁，入口就已經感覺到濃濃的醬汁味道，配上酸酸辣辣的凍濛真係十分合拍，爽口酸辣又加上牛肉的多汁濃味，整體的配搭都十分好。整體感覺十分不錯的餐廳，價格也十分相宜，下次會再黎開餐。

轉了新工作, 工作地點由觀塘搬至紅磡區, 幸好這一區什麼美食都沒缺, 才令我在辛勞工作中得到慰藉.黃埔美食坊就是一個搵食好去處, 當中食店選擇甚多, 而我們就選擇了一間越南餐廳用膳. 法式芝心炸蝦丸($68)如半個拳頭般大的金黃色炸蝦丸, 賣相吸引, 另人胃口大增! 其外層香脆, 而蝦丸十分彈牙, 充滿蝦的鮮味. 咬開一半, 中間的芝士徐徐流出, 芝士控定必愛死! 芝士味濃而幼滑, 而芝士及蝦丸的味道亦都好match!越式濱海配香茅燒豬頸肉($58)濱海是由米粉餅, 蔥碎, 炸蒜, 生菜片以及肉類配菜堆砌而成, 整個配搭都好fresh!米粉餅口感有別於放湯的米粉, 爽口非常之餘又帶點蓬鬆, 好吃! 而燒豬頸肉的邊位帶焦脆, 肉質爽口, 用生菜包住, 蘸點帶酸辣的魚露, 多吃也不會覺得膩.火車頭湯河($78)火車頭是我們到越南食店必點的食物之一, 因為一碗大大的湯河就已味嚐到多種食物, 先呷一口湯底, 味道清甜, 沒有味精的死鹹. 河粉亦幼滑.而重點是有許多牛類配料, 簡直是牛魔王必點之選! 有牛肉, 牛腩, 牛筋, 牛丸, 牛柏葉等, 牛筋爽口入味, 牛丸牛柏葉爽口彈牙, 味道好份量也

平時和友人都有去開黃埔食嘢,今日見到美食坊有間新開的越南餐廳,便走入去試試。裏面佈置得很有舊時越南的情懷。內面牆上都畫了越南的畫像,很像就身在越南似的。連餐紙都是印有越南人的標誌。枱面放了很多不同的調味醬我們看看餐牌,有好豐富的二人餐,和其他散叫的菜式,我們不是太肚餓,所以只是叫了兩碗湯河和一個菜生或熟牛肉湯河很大碗的湯河,有好多的配料,還加了青檸和辣椒給客人調味。牛肉的份量也很多,熟的牛肉也很厚身,好香的牛肉味,一飲下牛肉湯,好好飲。那種帶香料的味道令我重拾當日在越南吃河粉的味道,最緊要是食完後沒有口渴的感覺。香茅豬扒酸菜涷檬一送上,買相已很吸引,花生碎,乾葱碎,蘿蔔絲,青瓜絲分佈在檬粉的面頭,豬扒是另上的,這樣撈上汁時變不會林。當檬粉撈上魚露時,才知道份量是那麼多,當檬粉吸收了魚露時,很好味,不會太硬身。 豬扒餐廳切了細件上,方便進食,很香的香茅味,很金黃,香口,唔靭。馬拉盞炒通菜滿佈了辣椒絲和乾葱碎。有點驚太辣。但吃下去,不是吃得辣的我都可以接受。通菜莖很爽,份量啱啱好。

在黃埔看完電影，就在隔壁的蔡瀾美食坊吃晚餐，剛好見到這間早安越南，又很久沒吃越南菜，就這間吧！2人吃不了太多，就點了個火車頭及2道小吃。先來的就是火車頭河粉，即河粉配牛肉、牛丸、牛筋等等。粉嫩的牛肉及香香的湯底分別為視覺及嗅覺帶來衝擊！湯底味濃郁，生牛肉燙得剛好，而牛丸味道比較像紮肉的口感。這一碗份量都不少，2人分著吃，吃完也6、7成飽了。另外2道分別是法式芝心炸蝦丸及蔗蝦。法式芝心炸蝦丸size 比想像中大，蝦肉彈牙，不過要慢慢吃，因為內裡的芝士隨時會流出來的。芝士十分流心，雖然芝士不算太多，但剛好夠點綴蝦丸的味道，太多反而很膩，最後，我一人竟能吃2粒。而蔗蝦也比想像中大，十分抵吃，哈哈！蝦肉跟蝦丸差不多，也是足料爽口。可惜2個人吃不下太多，下次再找多點人來試試先。

今日男友帶我食好野～去到黃埔隻船格離食越南野～人流唔太多 ＾＾ 唔洗等位之餘仲可以簡位坐2個人坐4個位 夠哂闊落仲要唔嘈... 好開心 鐘意佢的 graphic design 有D小心思～碗仔都好得意，成間餐廳都有同一design 風味最後叫左呢幾樣：生蝦刺身 ＄68價錢：＊＊＊＊＊味道：＊＊我真係好鐘意食生蝦架；呢度比一般便少少可惜真係唔算太新鮮 .. 不過都OK ge下次我會食大蝦沙律～生牛肉湯河 ＄58價錢：＊＊＊＊味道：＊＊＊＊＊呢個生牛肉湯河我超鐘意！ D牛好甜，吸哂D湯汁，又夠哂滑河粉同配料都好好味越式軟殻蟹米紙卷 ＄78價錢：＊＊＊＊味道：＊＊＊自己好鐘意食米紙卷，係泰國食過好好食ge , 淨係知佢叫 Spring roll原來中文名叫 米紙卷！叫左軟殻蟹；軟殻蟹好易整列好溜，不過呢度ge軟殼蟹就一D都唔溜 可惜可能係D菜同蟹太大舊； 部份一夾起就散左..可以點呢2個汁～越式濱海－豬頸肉 ＄68價錢：＊＊＊＊＊味道：＊＊＊＊完全唔知咩叫濱海 所以就試下可以選配豬頸肉／ 春卷／豬肉呢個超大碟 XDD 用生菜包住尼食！睇落唔會飽 原楚都幾易飽重點係！豬頸肉份量好多！本身淨

今天晚上跟男朋友到了住在黃埔的姨姨那邊探望她。。 之後晚上跟她一同到黃埔美食坊吃晚餐 由於黃埔站也快通車。。所以這個黃埔美食坊好像多了很多餐廳經過大家商討後，決定吃一點口味濃一點及惹味一點的食物。。。所以我們便決定到了這間“早安越南”吃越南菜。。。 姨姨雖然身住黃埔，但她也沒有到過這間吃飯 ，因為她比較多在家吃晚餐的。。所以今次我們能一同出外吃食一餐第1次進食晚餐，也感到十分開心和期待由於是平日的晚上，餐廳人流不算太多，我們也不用等候便可入座。。看到門面以藍色為主題的。。而且感覺裝修也別具風格，很多外牆，門面和餐具也有這粒紅星作為logo餐廳內座位也十分多，而且可以看到出食物的地方。。。我最欣賞的是餐廳內的裝修很多牆壁也有一些代表越南的圖案，而且餐桌和餐椅也十分有特色除此之外，照明的燈也經過特別設計所以坐下來的時候就是令人很放鬆，像置身於越南的地方吃越南嘅食品不論餐牌，餐紙也有這粒紅星感覺餐廳的主題十分突出，十分一致想特別介紹一下，每張桌上也有這三支調味料。。。相信大家也不會覺得陌生。。。因為當我們吃越南餐的時候都是必備的左起這支是越南辣椒醬，味道微辣，帶有略略的甜味。。我覺得也十分開

自從上次越南旅行回來後，都很少食越南菜。今日去黃埔買書，順道跟女朋友吃飯，眾多食店中選了這間'早安越南'門面唔算好有特色。一顆五芒星係越南的標誌。門面有架放滿越南河粉，越南米，越南醬的車。話說越南最好的食物一定係越南河粉。你睇水吧大大隻字PHO就是河粉的意思。星，全部都係星。由餐牌到餐紙到紙巾都有星。前菜。生蝦刺身。一啖咬落去無雪味，唔淋，有咬口，加上越南醬，大蒜，辣椒，生蝦味道全哂黎。主菜:生牛肉湯河。生牛肉，並不是要人生食牛肉，而係將生牛肉放係湯河上面，用湯的熱力輕輕灼熟牛肉，令牛肉滑到一個極點。越南湯河另一特色，佢會落好多好多配菜。食落同港式河粉好大分別。來一個牛肉近鏡👍越南河粉出名滑，幼身，唔碎，全部做到哂，堅ok越式軟殼蟹米紙卷:整個菜式用生菜包米粉、軟殼蟹，再用米卷再包一次。每一舊炸過軟殼蟹都唔會淋，仲幾脆。今日性價比最高菜式。越式濱海。香茅燒豬頸肉。68蚊有豬頸肉、米粉卷？、生菜。跟生菜包一樣的食法。用生菜做皮，加米粉卷、蔬菜、大量豬頸肉、最後加少少越南醬汁，完美😳重中之重。豬頸肉，彈牙，爽口，燒得剛剛好，無碳屎。今餐真係好飽好飽，好滿足，下次經過黃埔再黎試試

平日食東南亞野都係食泰國野多，好少會食越南野既。今晚接完女朋友收工，見佢裝修幾靚就入去試下啦。小弟見個名幾特別所以就叫左個火車頭湯河，同越式焗蟹蓋，仲叫左支啤酒。火車頭湯河，一睇就知個湯正啦，隔住個mon都聞到d香咩阿，d牛筋又有咬口正！焗蟹蓋同我想像中既好唔同，本身諗住係辣既，點知食落係忌廉味，幾特別幾足料，唔錯啦。至於個啤酒飲落個味都幾接近新力，有少少普通。整體黎講，價錢平實，味道中上。

Last year既悲慘生活就係....要上堂上到三更半夜先有個食飯上完堂超級餓已經等唔切返屋企食飯就落左黃埔美食坊覓食鋪頭環境俾人一種西式酒吧感覺，幾有格調初頭我以為越南野都係得米粉，蒙粉揀，但餐廳提供左好多選擇，有新派越南菜，連馬來西亞新加坡出名既肉骨茶都有🙂好多原化第一個點左越式拼盤有扎肉，燻蹄，豬展，鳳爪😍😋全部都無骨，好方便好岩我依啲咁優雅既人仔💁🏻豬展好有口感，唔似出面整得咁林，而且入哂滷水味，鳳爪味到一流，酸辣開胃，加上爽口西芹一齊食成個味好夾前菜無得頂第二個點左軟殼蟹米紙卷米紙卷既做法我個人認為幾高技巧，因為浸米紙既過程浸太耐米紙太軟就會爛，浸太短時期米紙未軟就會好似膠紙咁好韌。我俾依個米紙卷中評炸軟殻蟹有陣油味而且唔夠脆，但整體黎講因為有好多配菜好足料食落唔覺濟野飲方面叫左兩杯沙冰，落霞同紫醉金迷夏天飲真係好透心涼，沙冰打得好棉好細滑

新鮮發生的。剛才同太座出去食飯，見呢度推介就試吧。叫了生牛肉河，豬扒金邊粉，炸蝦餅，牛油雞翼及青檸可樂。 我吃的生牛肉河落單後五分鐘已上，吃了十分鐘後其他野仲未黎，咁見間餐廳咁多人烹調要時間都冇問題照等。但到隔離枱叫的蝦餅話賣晒，但都冇侍應都未埋黎交待，我就即時追單，侍應先講冇蝦餅，其他仲要等！！！落左單30分鐘先黎冇？？一早講冇轉第二樣都冇問題，其他點菜唔黎加售罄點做野？可憐一班有禮的侍應被冇責任的廚房拖累而中鎗。

係黃埔睇完醫生,行完街有d餓又唔知道食咩好就黎左美食坊望望,搜索下有冇未試過既好食餐廳早安越南既門面裝修都幾吸引係門口望下Memu又唔算貴加上好似未見過有分店,於是決定入黎試下。一坐底就有待應service,成餐飯keep住都會有待應加水而且落單時佢地既態度都好好, 俾食客既感覺d服務唔錯。同埋環境都好乾淨,坐得舒服。餐牌和餐紙都幾得意,餐紙仲有兩款架XDD豬頸肉湯河豬頸肉：好淋唔會硬，易入口。而且有豬既鮮肉味而唔係蘇味(食過有D係蘇...)加上煎過黎,前尾兩節係最好味, 脆脆地架湯河：河粉細滑, 湯底清得黎夠味又唔會覺得有好重味精,而且唔油。湯河粉黎講我覺得係有水準既~炒金邊粉 炒得好香好入味,有火氣。金邊粉又係細滑。甜甜地不過有少少辣, 如果唔食得辣既朋友食幾淡就會辣了。(不過依然會好想食,因為太好味XD)這個值得一試啊。可惜小女因病了不能吃牛肉和海鮮類既食物下次好返, 一定會黎試埋牛肉湯河同小食!!