旺記冰室 (鴻輝大廈B座)

營業中

休息中

等咗好耐終於旺角開旺記冰室喇!!!我之前想食都要特登去尖沙咀先有得食 而家旺角開咗就梗係要嚟幫襯啦😁位置係Aeon對面 OK便利店一轉入去就見到 非常方便特濃蕃茄湯午餐肉粒通粉其實唔可以話呢個係蕃茄湯通粉 我覺得其實佢係蕃茄蓉撈通粉 因為佢個湯真係好濃㗎啲午餐肉煎過 外皮脆身 而通粉係有坑通粉 可以鎖住啲蕃茄醬鮮薑汁豬潤鮮雞湯通粉平時呢個餐 唔係成日都食到㗎 好快就會賣曬 難得今日有就梗係要點啦不過製作需時 大概十分鐘之後就上餐豬潤厚切大大塊有口感 又唔會太熟好鞋口湯汁香濃凍薑汁奶茶 奶茶比例剛好 加上少少薑汁有淡淡嘅香味牆上仲有好可愛嘅貓貓壁畫🐱平時星期六日我都鍾意幫襯茶仔 嚟緊要食返佢嘅signature 叉燒滑蛋飯先✌🏻

最近發現通菜街開咗間新嘅冰室，選擇比其他嘅少，主打滑蛋飯，另外亦有常見嘅通粉、豬仔包、三文治等食物供應，裝潢特別，有好多貓貓圖案，店內整潔，服務態度友善，經過可以一試～ 極力推介呢度嘅招牌菜，滑蛋飯可以要叉燒或蝦仁，亦可雙拼，滑蛋果然滑嘟嘟，流住蛋汁，蝦仁大隻，爽口彈牙，灑滿蔥花，配飯一流、值得讚係個自家製甜豉油，絕對係呢道菜嘅靈魂👍🏻另外要咗個炸魚柳配自家製沙律，魚柳外皮炸至酥脆可口，內裏嫩滑，無雪味，啖啖肉，鮮甜美味、沙律竟然係通心粉，幾有驚喜，唔夠飽嘅可以加埋個印尼撈麵，邪惡又好味🤤

以前office 附近有旺記個陣，lunch 成日去食佢個滑蛋飯同常餐好耐無食，經過又好掛住佢個炒蛋，趁睇戲前去食個早餐先特濃蕃茄湯午餐肉粒米粉 $46常餐+$5可以轉奶油豬，呢d錢唔慳得奶油豬脆卜卜，又甜又脆，成個餐昇華左蕃茄濃湯好濃有點杰，個人覺得通粉好食點，下次都系唔轉米粉個滑蛋好香蛋味，油左少少，不過勝在夠滑招牌沙嗲牛肉 雞湯出前一丁 $43沙嗲牛肉牛肉好嫩，個沙嗲汁都夠多湯底可以選雞湯或出前一丁底，雞湯底都幾夾

今日經過旺角通菜街購物，見到新開的旺記冰室，之前在尖沙咀留意其分店經常多人排隊，便入內一試。店內環境裝修新穎，而且乾淨企理，座位與座位之間的空間感十足，店內環繞卡通貓的藝術牆作為主題，十分可愛，很適合愛貓人士打卡一番。日本滑蛋叉燒蝦仁雙拼飯  配旺記秘製甜豉油以自家製叉燒和蝦仁配以滑蛋融合一起，再加上旺記秘製甜豉油，既有傳統的口感，亦有創新的風味，一次過可享受雙重的滋味。鮮忌廉雞湯鮑魚火腿絲公仔麵經典的常餐組合，有別於其他茶餐廳的公仔麵湯底，鮮忌廉雞湯味道清澈易於入口，配以香濃的火腿和鮑魚絲，濃淡相間，配搭十足。配鮮牛油多士4.3牛奶炒日本滑蛋鮮牛油多士香脆可口，可配搭牛奶滑蛋一起食用，滑蛋有濃厚的牛奶味，十分滋味。熱奶茶香港正宗茶餐廳的熱奶茶，茶香奶滑，奶和茶的比例適當。熱杏霜

1. 自家製叉燒日本滑蛋飯 $62蛋同叉燒既份量都好多，舖滿成個飯，滑蛋用左4.3牛奶去炒，入口非常嫩滑，好香香既奶味同蛋味；叉燒方面不過不失唔會鞋，同埋都幾腍同香，加埋香蔥同秘制甜豉油，令成個味道更豐富。🌟 評分: 8/102. 特濃蕃茄湯餐肉粒通粉配牛油多土及炒日本滑蛋 $57通粉既蕃茄湯底濃到跟芡汁一樣，入面有超多蕃茄蓉，蕃茄好清甜，完全唔會太酸，通粉份量很多而且唔會煮到太腍；上面既午餐肉係有炸過，而且切到好大粒，炸到好香口鹹香；滑蛋都係用左4.3牛奶去炒，所以非常之滑同有蛋香，多士烘到好脆熱辣辣，表面已經擦咗牛油。🌟評分：7/103. 奶茶奶茶飲落好絲滑，好有茶香，飲到茶既回甘味，茶既比例比較多，而且唔會太甜。🌟評分：7/10🎖️整體評分🎖️❤️ 味道: 8/10🧡 環境: 8/10💛 服務: 8/10💙 性價比: 8/10 📍 旺記冰室 (鴻輝大廈B座) (旺角)旺角通菜街2Q-2Z號鴻輝大廈B座地下7號舖#hkoverfood_旺角

講起茶餐廳, 呢間成為咗我至愛嘅冰室！佢哋有幾間分店, 旺角呢間係新開嘅, 環境同座位寬敞舒適, 光線充足, 空間感十足！🥣特濃蕃茄湯餐肉粒通粉 (配鮮牛油多士、炒日本滑蛋)厚切午餐肉已預先切粒, 炸至香口, 粒粒都好惹味🤤！番茄湯底有茄蓉, 蕃茄味好香🍅, 酸酸甜甜, 通粉索晒湯汁嘅精華！麥包多士烤至香脆可口, 炒蛋份量多, 食落好嫩滑, 富蛋香～🍚叉燒日本滑蛋飯賣相吸引🤩！使用日本雞蛋🥚, 蔥花炒滑蛋好香滑, 保留蛋汁, 叉燒肉質唔鞋口, 加埋秘製豉油, 真係令人一啖又一啖, 大滿足😋！

旺記冰室 特別鐘意食佢地滑蛋同飲絲襪奶茶終於開到嚟旺角～禁近我👍🏻一定要來食特濃蕃茄湯🍅午餐肉粒🐖通粉配4.3牛奶炒滑蛋🍳奶油豬仔包🍞通粉湯底系超濃厚蕃茄湯～好鮮甜午餐肉粒炸到好香口～大大粒口感好好配上我最愛炒滑蛋～美味自家制叉燒配日本滑蛋飯 叉燒肥瘦均勻😋配上旺記秘制甜豉油完美配搭🤝茶餐廳呢就一定要叫港式奶茶🩷佢地絲襪奶茶🧋好香茶味又夠滑旺記冰室 📍旺角通菜街2Q-2Z號鴻輝大廈B座地下7號鋪

最近經過旺角女人街，見到旺記冰室開咗分店咁啱唔洗等位，一於入去食日本滑蛋飯🤓店員殷勤有禮貌，雖然系繁忙時間，但坐得都幾舒服店內嘅牆身掛滿左漫畫貓貓嘅茶餐廳畫作，幾可愛🐱🤣嚟到一定要試嚇自家制叉燒日本滑蛋飯$60加蝦仁🍤變雙拼，都只系加到$4 賣相好靚，叉燒拼蝦仁抱蛋好大份而且蛋味香濃夠哂滑溜🤤叉燒半肥瘦大大塊，又唔會柴皮蛋上淋上自家制甜醬油，送飯食一流呢款果然系招牌，可以encore！另外試下鮮姜汁豬膶鮮雞湯通粉 $55呢個餐配牛油多士同日本牛奶炒滑蛋炒蛋加咗牛奶特別滑，水準正常發揮豬膶爽口新鮮😋一般茶餐廳比較少食到配姜汁鮮雞湯開胃暖身！

🫶今日係旺角搵食，一行到通菜街發現旺記冰室，佢又開左新分店啦！冰室門外有個易拉架推介食物，炒滑蛋飯/沙嗲牛肉麵等，好吸引～午餐：🥄日本滑蛋 叉燒 蝦仁雙併飯依個雙併飯賣相好靚，成個碟鋪滿左一大塊炒滑蛋、三隻大蝦仁、多塊薄叉燒，配料加左蔥花同醬油。彈牙蝦仁配超滑滑蛋一齊食，口感好豐富！叉燒唔鞋口，肉質好滑，加上香濃口味既醬油，可以送幾碗飯！🥢薑絲豬膶米粉配炒滑蛋烘多士薑絲豬膶米粉個湯頭色澤較濃，是淺啡色，飲落香甜，配上幼身及索湯既米粉，好味。薑絲豬膶製作得好好，唔會有筋，成塊食質感好爽口。超滑既炒滑蛋配烘過既脆口多士也是旺記冰室必食的食物～平時係旺角行街後都可以去冰室食個包飲下茶休息一下。而且牆上既畫都好特別，畫中係冰室既侍應同客人都係猫猫，形成了「猫猫世界」！

呢一間有好多分店今次嚟旺角，我想講超級好食，第一次嚟我哋特登去嗌咗佢哋嘅招牌叉燒滑蛋飯同埋蝦仁叉燒飯真係好好食㗎佢哋嘅份量十足食完真係好鬼飽仲加埋佢哋唔同嘅傳統飲品其實真係好唔錯，同埋好容易就搵得到環境好唔需要等太耐就已經有得食佢哋嘅服務員服務質素10分高，我真係好鍾意仲有話佢哋有好多唔同嘅傳統香港美食真係好有特色同埋風味㗎價錢適中有好多人嚟食㗎，如果你食我都建議要早少少，如果唔係就要排隊好多人㗎喇

最近有位國內朋友來香港， 我帶她到香港不少打卡地方， 之後來旺角行街， 買了不少戰利品呢！另外她都愛上這間香港茶餐室，說是茶餐廳親民價錢而有高質餐廳質素！連我自己都覺得很不錯👍日本滑蛋叉燒飯自家製叉燒 x 日本直送雞蛋🥚皇牌推介，一吃愛上，滑溜溜日本蛋加上惹味叉燒十分吸引！鮮雞湯薑汁豬膶麵雞薑汁湯每一口濃厚又香噴噴，豬膶有數塊而且夠大塊又新鮮！使人垂涎三尺🤤另外一讚絲襪奶茶🧋都好香濃！旺記冰室通菜街鴻輝大廈G/F

旺記在旺角～平時好鍾意食嘅旺記原來係旺角開咗分店！岩曬行完街食！日本滑蛋蝦仁叉燒雙拼飯🍛最出名嘅菜式日本蛋配上鮮嫩嘅蝦仁🍤同埋叉燒好容易一啖接一啖好快就食晒😚奶醬一口西多士🥪切好一塊塊嘅西多士好方便 每一口都有濃濃嘅花生醬同奶油入口鬆化👼旺記魚介醬炒公仔麵🍜見到有呢個新菜式係旺角店限定🌟公仔麵夾雜着鮑魚絲同火腿絲加上和風嘅魚介醬幾特別嘅組合🧚🏼‍♀️旺角店仲有本地插畫家嘅貓貓插畫超可愛🐱💓環境：💘💘💘💘味道：💘💘💘💘服務：💘💘💘💘價錢：💘💘💘💘Encore指數：💘💘💘💘

唔知新開，見人未多，又幾光猛，有d貓貓畫，尤其見到個幾特別既餐，就衝入去試伏，因為旺角出名劣食多，點知有兩驚喜，個旺角魚介醬炒公仔麵超正超好味，認真製作！跟住杯咖啡係即磨，唔係一般茶記帶酸的咖啡。希望日子過後，keep到水準，因經驗話我知新開係好好多，但日子耐左就會有令一番感覺💪加油

旺角終於有分店，次次去尖沙咀都見排到勁長龍。同朋友係旺角行街行到5點幾餓餓地，好彩都仲有下午茶食，難得未洗排隊拿拿聲入去坐低。奶醬豬仔包 $36個豬仔包好脆身，醬夠多食落唔會乾。配左沙律，沙律醬好夠，有d通粉撈埋原來幾好食。邪惡朱古力練奶一口西多士 $44都幾誇張，個西多士切開左一粒粒每粒都好厚。擠左練奶同朱古力醬上去，每粒望落都炸得金黃。西多士入面d花生醬夠多食落好夠味。不過略嫌可以再炸多脆少少就更加正，呢份西多兩個人一齊食岩岩好。鮮薑汁豬潤雞湯通粉 $55唔夠飽嗌左多個午餐食，薑汁味好重下。豬潤好多片無怪味，片片都好厚身，食落都幾爽口。通粉連埋雞湯一齊食好食，薑汁個味食到成個人暖笠笠，冬天啱晒啊

一聽到旺記冰室，就諗到叉燒滑蛋飯 。假日下午茶時段6點前到，平dd享用到滑蛋飯 。除左最出名既蛋飯，每日都會有精選餐 。餐廳內既座位隔離闊落，仲有卡位，坐得舒服自在 。自家製叉燒日本滑蛋飯($60)，必食，熱烘烘送上枱 。叉燒厚度適中，配上豉油食，更惹味 。炒蛋夠滑，唔會過熟，飯量足夠男仔食有多添 。每個茶餐亦配一杯飲品 。旺記魚介醬炒公仔麵($64)，新品特色下午茶 。魚介醬非常香，配公仔麵食，夾 。公仔麵硬身，唔會炒到軟林林，夠鑊氣 。加入火腿絲、仿鮑絲、熟蛋，滋味 。份量足夠2個人食添，好抵食 。紅豆西多士，西多士外層炸得夠脆，內層麵包鬆軟，紅豆餡唔會過甜 。雖然食完好邪惡，但值得一食 ～整體，食物價錢親民，份量又多，抵食 。無論午/茶/晚，都有叉燒滑蛋飯食 。