旺記冰室 (鴻輝大廈B座)

營業中

休息中

經過見到女人街尾開咗間有好多貓貓插畫嘅冰室，主打我好鐘意嘅滑蛋飯所以入咗去試試，餐牌嘅選擇唔算好多，但每日都有唔同嘅精選特餐，最後揀咗個自家製叉燒滑蛋飯同一個鮮薑汁豬膶鮮雞湯通粉，通粉餐會配埋炒蛋同多士。自家製叉燒滑蛋飯，食落唔錯，炒蛋幾滑，份量都好大，叉燒食落都唔錯，豉油落得比想像中多，下次再去應該會叫佢地落少啲😂。鮮薑汁豬膶鮮雞湯通粉，薑汁味都幾重，而且豬潤食落唔會好老，都唔錯。炒蛋都幾滑，多士可以加錢轉奶油豬，奶油豬好脆身😋。野飲叫咗一杯凍奶茶同凍檸茶，正常好飲😂。

尖沙咀人氣旺店終於開到黎旺角🥹唔使成日係尖沙咀排長龍等食餐廳係比較隱蔽，又唔係好隱蔽嘅位置佢哋最出名嘅其中一款<特濃蕃茄湯午餐肉粒通粉>個湯底真係濃郁到好似每一啖都食緊成粒蕃茄咁🤣另外大家一定要加錢將鮮牛油厚多士轉做奶油豬😳因為根本係唔同食法！同埋只係加$5 ，平時一個奶油豬都$20<日本滑蛋叉燒蝦仁雙拼飯> $64其實飯嘅份量唔算太多，女仔一個自己都可以食到一碟😬但係佢嘅配料係相對比較多!!!有5-6嚿叉燒同埋3大粒蝦仁其實啖啖都係料! 佢地嘅豉油係甜豉油，再加上蔥花蔥花令到豉油嘅味道提升咗！每啖飯都更香💚旺記招牌3寶

今晚和朋友去了旺角行街, 行完肚餓又要搵餐廳醫肚, 通常我們都去食店林立的通菜街到覓食, 我們剛巧見到這間冰室, 便決定去吃晚餐.旺角秘製魚介炒公仔麵配日本炒滑蛋 ($64):魚介醬又幾特別, 個味幾好食, 另外公仔麵又炒得好香好惹味, 幾好食.另外這間茶記應該主打日本炒滑蛋, 真的炒得好香好滑, 不錯.跟餐配熱柚子蜜: 好香甜, 幾好飲, 不錯.跟餐+$2配凍絲襪奶茶:奶茶幾香滑, 奶味香濃, 不錯.雞扒忌廉麵豉湯讚歧烏冬 ($68):雞扒煎得非常香口, 幾好食, 好香滑, 肉質鮮嫩.忌廉麵豉湯都幾好飲, 湯底不會太咸, 味道適中, 不錯.讚歧烏冬好彈牙, 有別於普通的烏冬, 幾好食.叫了這麼多, 埋單都只是$134, 真的不貴, 幾抵食, CP值高, 食物質素都不錯, 特別是炒滑蛋更是非常出色, 值得一去.

之前在尖沙咀排隊食的旺記冰室，原來女人街都有分店，貫徹其獨特的可愛貓貓插畫牆身裝修，座位闊落寬敞，這間分店和總店一樣均選用日本雞蛋，質感特別幼滑，深受遊客歡迎。～日本滑蛋叉燒蝦仁雙拼飯呢款果然系招牌，部分蛋漿依然停留喺最美嘅流質狀態，非常出色！～旺記秘製魚介炒公仔麵公仔麵炒得乾身，醬汁完全融入炒麵，麵質軟硬適中，好味！～特濃蕃茄湯午餐肉粒米粉厚切午餐肉已預先切粒，炸至香口，粒粒都好惹味台！番茄湯底有茄蓉，蕃茄味好香！～薑汁奶茶入口有啲似薑埋奶，多咗一份奶茶嘅回甘回香！特別一提，呢間分店職員態度不錯，下次定必再來。

餐廳環境闊落，就算多人都唔會好迫。燈光夠光猛，配合埋嗰啲節奏慢嘅配樂，令人想停低慢慢食，唔會感受到平時急速嘅生活節奏，同埋佢用咗貓貓主題嘅壁畫，等啲嘢食嚟嘅時候望住佢哋都冇咁悶！🔸旺記烘三文治四重奏 有四個餡，可以揀咸牛肉/午餐肉/五香肉丁/免治牛肉+雞蛋+花生餐+生菜，花生醬仲可以轉咖央添 ！平時食花生醬可能會有啲漏，但係咖央就甜而不漏！想講下啲炒蛋，因為真係好滑，餐廳話用咗4.3牛奶同埋日本雞蛋去炒，難怪有種入口即融感覺，仲好有奶香，超級推介！🔸鮮牛油煉奶豬仔 奶油豬外皮香脆，唔會太硬，牛油加埋煉奶仲好香，食到chop chop聲！🔸五香肉丁米線通常個湯撈完五香肉丁都會好鹹，但係正正因為佢呢個湯係好清淡，所以撈完五香肉丁嘅味道啱啱好、唔會太濃、食落又有味！

行到女人街忽然餓餓地，見到呢間冰室有我哋最愛嘅叉燒炒滑蛋飯及豬潤通粉，見入面有好得意嘅貓貓壁畫即入🥢自家製叉燒日本滑蛋飯配 旺記秘製甜豉油 $60叉燒份量都幾多，口感軟腍，滑蛋炒得幾滑，而且蛋味都香濃，甜豉油味道調得唔錯👍☕️餐茶：熱檸茶🥢鮮薑汁豬潤鮮雞湯通粉配 鮮牛油多士 4.3牛奶炒日本滑蛋 $55好多薑絲而且湯底都幾香薑味，通粉係我鍾意嘅質地，唔會太腍有口感，豬潤新鮮好味；用4.3牛乳炒嘅蛋又真係幾滑溜，而且炒得唔油膩，配合厚切多士，唔錯☕️餐茶：鮮薑汁奶茶+$4 有淡淡嘅薑汁味，香濃幼滑

同男朋友出開旺角買千層蛋糕，就順便係旺角搵食。男人的浪漫就多數係冰室，因為平靚正快，又大大碟，最岩佢心意！環境光猛，牆上一幅幅繪畫好靚，主角係我最鍾意既貓咪，呵呵！地方都幾闊落，唔少卡位，坐得幾自在。晚餐有十九款揀，飯麵粉都有，唔少選擇。我要常鮮薑汁豬膶鮮雞湯通粉 ($58)配有多士和炒滑蛋，滿足！熱辣辣上枱，多士烤得金黃微脆，有些牛油香，放埋極滑溜嘅炒滑蛋同吃，正！馬上飲啖鮮雞薑湯，味道鮮香，有啲辛辣，但唔會搶喉；通粉煮得岩岩好，不會太腍身。每件豬潤都幾厚身，爽口鮮香，好食！即磨咖啡（$0/跟餐）香濃幼滑，唔錯！男朋友無肉不歡，揀咗小確幸旺記雜扒飯配自家製洋蔥汁 ($74)，份量驚人，有大大塊雞扒和豬扒，仲有覆蓋半碟飯嘅炒滑蛋，配些清爽嘅沙律菜。男朋友話白飯加鹹香嘅洋蔥汁和香滑嘅滑蛋一齊食，好得！雞扒啖啖嫩肉，連埋煎至金黃香脆嘅雞皮一齊食，最滋味！豬排就鹹香腍嫩，也好味！鮮薑汁奶茶 （+$4）幾有茶香，亦有些薑嘅辛辣，味道平均。

聽聞呢間茶餐廳出名食炒蛋，今日同朋友過咗嚟食晚飯。晚餐餐牌真係以炒蛋為主角，本人點左個滑蛋蝦仁飯。炒蛋鮮嫩，不至於太生，十分creamy,旦味濃郁！炒蛋將白飯飯底完全覆蓋，份量都唔細。蝦仁有六大隻，十分之爽口彈牙，加上香蔥調味，都幾惹味。白飯都係一個賣點因為飯質十分好👍🏻👍🏻熱辣辣爽口👍🏻朋友想食鳥冬，點左個雞扒讚岐烏冬，湯底幾特別。香濃麵豉香味又帶點creamy,讚岐烏冬口感當然好！見到隔離枱個奶油豬忍唔住點左個，超級好味，超鬆化，脆口，簡直係出色!

之前在灣仔工作都會經常光顧呢間茶餐廳，見到旺角都有分店，決定同屋企人在去花市前先吃一吃。招牌沙嗲牛肉雞湯公仔麵配奶油豬炒蛋及凍奶茶沙嗲牛肉麵味道濃郁，牛肉入味，是早餐必點之項目。奶油豬焗至金黃色，香脆好味，配上香甜的煉奶及牛油，十分推薦！自家製叉燒日本滑蛋飯配凍檸茶份量多，叉燒肥瘦均勻，炒蛋滑身，蛋香味出色，味道不錯。飲品方面，同屋企人分別選擇了清新的凍檸茶及比例完美的濃厚凍奶茶。餐廳環境光亮乾淨，牆身好多可愛的貓咪掛畫，價錢親民，味道有質素，值得試一試。

旺記冰室 (鴻輝大廈B座)📍旺角通菜街2Q-2Z號鴻輝大廈B座地下7號舖今日同朋友去旺角shopping 😍行到夜晚想搵間冰室食下，就見到旺記冰室啦，餐廳入面有好多香港冰室mix貓貓嘅畫🐱十分可愛😆😆我同朋友order左👇自家製叉燒日本滑蛋飯配旺記秘製甜豉油 $62🥚🍚🐖蔥花滑蛋好香嫩，份量足，配埋叉燒呢個配搭真係無得輸👍👍好好味😍推薦指數：8/10日本滑蛋芫茜鮮牛肉飯配旺記秘製甜豉油 $64🥚🍚🐂而芫茜控嘅朋友，一定係簡呢個特色嘅日本滑蛋芫茜鮮牛肉飯🤣🤣一上枱已經聞到好重嘅芫茜味🥰朋友表示十分滿意👍推薦指數：8.5/10我地睇到menu原來係用左日本雞蛋🥚同4.3日本鮮奶🥛，唔怪得雞蛋會炒得咁滑，咁好食🥰同埋旺記秘製甜豉油好出色，甜甜地，令到成個飯更加好食😍😍☕️飲品方面，我地叫左一杯比較特別嘅熱鮮薑汁奶茶（+$4）同熱杏仁霜，原來淡淡嘅薑汁配埋奶茶都好夾😆整體黎講，餐廳位置方便，地方寬敞，滑蛋炒得出色👍🥚值得一試👍

旺記一向係香港地道茶餐廳之一🇭🇰好鍾意佢地嘅炒滑蛋配通粉常餐🥣早午晚都有得食鮮薑汁豬膶鮮雞湯通粉 $55配4.3牛奶炒滑蛋+牛油多士豬膶好食！係爽脆嗰種口感 味道亦唔腥 湯底清清地 配少少薑絲吊下味 係輕盈之選特濃蕃茄湯午餐肉粒通粉 $54配4.3牛奶炒滑蛋+奶油大脆豬(+$5)另一個蕃茄湯就非常濃郁 落左好多茄蓉煲 所以稠身濃味 酸酸甜甜🍅午餐肉粒原來仲炸過 香口招牌炒滑蛋亦唔錯 嫩滑唔老 有蛋汁🍳其中一份多士轉左奶油大脆豬 真係好大件 非常香脆 煉奶同牛油邪惡 但無法抵擋🤤

旺角誠意滿滿旺記冰室今日要早上去旺角整嘢，經過登打士街見到有一間旺記冰室，裝修光敏企理整齊牆上掛有好多貓貓海報畫照，入去試吓佢哋嘅早餐🍳早餐一般沙嗲牛肉，特濃蕃茄湯通粉，應有盡有最平都係$32有一款早餐，可以係話平民早餐唔錯嘅選擇叫咗我嘅最愛招牌沙嗲雞湯通心粉，加咗$5轉左奶油大脆豬而呢度湯底味道少有濃得嚟唔會過鹹，帶有花生香甜味，就算飲個湯都唔覺口渴。牛肉新鮮唔韌，好有牛肉味！見到佢哋有愛爾蘭咖啡都幾得意，就叫咗一杯試吓，咖啡入邊有濃烈嘅酒香估唔到茶餐廳都有呢一種類型咖啡，值得一試！旺記冰室旺角分店- 旺角通菜街2Q號鴻輝大廈地下

最近发现通菜街开了家间新的冰室，主打滑蛋饭，另外亦有常见的通粉、猪仔包、三文治等食物供应，装潢特别，有好多猫猫图案，店内整洁，服务态度友善，经过可以一试〜极力推介这里的招牌菜，滑蛋饭可以要叉烧或虾仁，亦可双拼，滑蛋果然滑嘟嘟，流着蛋汁，虾仁大只，爽口弹牙，洒满葱花，配饭一流、值得赞的是这里自家制的甜豉油，绝对是这个饭的灵魂。朋友点了鲜鸡汤姜汁猪润通粉，姜汁汤每一口浓厚又香喷喷，猪润有数块，而且够大块又新鲜！使人垂涎三尺，另外一赞，丝袜奶茶好香浓！旺记冰室通菜街鸿辉大厦

今天在旺角行街，看到旺角冰室就進入歎下。這間店就在旺角通菜街鴻輝大廈B座，鬧中取靜，有香港冰室特色，服務員態度熱情周到。 叉燒日本滑蛋飯叉燒散發陣陣濃郁香味，吃起來很有嚼勁，軟嫩鮮香肥而不膩。日本滑蛋口感鮮嫩爽滑，再加上秘製的甜鼓油，好正！ 鮑魚火腿絲公仔面面條爽滑，加上鮑魚火腿味道好。鮮牛油多士和牛奶炒日本滑蛋份量足，配上熱巧克力茶，在香港最旺的地段來說還是性價比很高的。奶醬豬仔包配薯條沙拉香濃的花生醬和奶酪一起搭配在麵包上，甜膩香脆，再吃點沙拉又可以解膩，使人更有食欲。

下午取了假與阿仔去辦証件，完事後就去男人也可以逛的女人街(通菜街)，女人街兩旁仍是售賣各類貼地民生衣物及潮流擺設，真的可以消磨半天時間。天氣轉涼要吃午飯，路經通菜街2號一間新開的茶餐廳~旺記冰室，望見人頭湧湧就決定去試下。此茶記有多款餐類，午市除了有午餐外，仍有常餐和特餐。我同阿仔見餐將選擇多多，一時也下不了主意，觀察了附近食客的選擇，我倆都喜歡吃义燒，就選了再份午餐~(每份$60)：蔥花滑蛋义燒飯，配熱奶茶及㗎啡。食後評：蔥花滑蛋~蛋味香夠嫩幼，㗎啡味濃甘，奶茶香滑有水準，午餐份量合適，兩個成年人也夠飽。