旺記冰室 (建利大廈)

營業中

休息中

排晒長龍!為咩呢?🤷🏻‍♀️就係為左呢個日本蛋做的滑蛋叉燒飯! ᴸᵁᴺᶜᴴ 想試呢間好耐架啦見今日有點間就排下隊啦！都排成15分鍾架！一入到去見到真係幾乎每枱必點個滑蛋叉燒飯 同個常餐！咁我應該都唔會食第二次既關係都係同朋友點呢2個餐😂.勁快上枱！應該5分鐘都冇🧐！常餐配搭大同小異，眼看都算正常！特濃蕃茄湯的濃郁程度都算濃郁可以做到啖啖番茄蓉之外都唔酸！配埋大大粒午餐肉，都夠滿足架啦🤭佢個餐配個隻蛋蛋都好正👅日本滑蛋叉燒飯重點係個滑蛋由日本黎既😍鮮黃色上枱已經好吸引食落陣陣蛋香味！蛋炒到半熟,仲有蛋漿流出黎咁就最幸福了😽再來係個叉燒,肥瘦適中配上滑蛋超夾!叉燒都算大大件!成個飯淋埋甜豉油，反而更突岀蛋味，撈飯仲冇得頂！🤤食完勁飽！可能男的會剛剛好！總結係好食既但未至於會成日食嚕💁🏻‍♀️

每天經過都好多人等位,今日提早左食Lunch,未開始多人就想試試,等左15分鐘就到我地啦由於用餐時間限30分鐘,我地等位個陣已經睇定食咩,一坐低就即刻落Order.D蛋炒得好滑,好香口,叉燒又唔鞋,好淋,再配上秘制甜鼓油,非常好味蕃茄味十分濃,再加上大大粒午餐肉,十分醒胃.蛋炒到半熟,仲有蛋漿流出,非常滑,好好味.

又一間可以回頭既滑蛋叉燒飯($54) 特登黎到灣仔就係為咗食呢個招牌日本滑蛋叉燒飯 中午去食就留意啦，人龍都幾長，要排一陣隊先入到去坐低先講個重點-滑蛋，據說係日本既雞蛋，煮岀黎鮮黃色已經好吸引，又真係幾重蛋香，蛋杲都好濃郁。煮得剛剛好，大約6成熟既蛋，好滑又唔會老，上面既甜豉油，反而更突岀蛋味，撈飯仲冇得頂！而叉燒呢肥瘦適中 唔肥又唔乾，都食到有叉燒味既整體係不錯，會再去食過。雖然常餐睇落都好吸引，但覺得都係會俾佢啲滑蛋吸引咗

嘩，發現新大陸。那天參加完灣仔會展的博客預覽活動，大伙兒去天橋下面吃東西，整條街上門面最四正就是這家茶記，餐點看起來也非常吸引，所以很理所當然就走進去吃了。店子小小不足三個個座位，平日吃飯時間一定爆滿，它們又不做晚市，要吃到實在要講緣份。早餐、午茶和下午茶餐的主角都大同小異，大概只是配搭和價鐵上的差異，主打菜式有特濃蕃茄通、滑蛋飯、薑汁豬潤麵、奶油豬仔包和夾心西多士等，下午茶餐每一款都超吸引，我唔食肉都覺得炸南乳雞脾應該幾開心，驚唔夠飽又可以加印尼撈麵。飲品的部分也很有心思，例如薑汁奶茶就很吸引，也有椰汁紅豆冰和龍鳳檸樂等等，好些一般茶餐飲品upgrade的選擇。朋友點這個滑蛋叉燒飯好靚，個甜豉油看起來很好吃，飯比一般碟頭飯少，女生不用特別叫少飯。特濃蕃茄湯的濃郁程度，跟罐頭湯未開水差不多，好誇張，啖啖番茄蓉。紅豆冰也是足料得過份，上層是像雪一般的椰奶冰，冬天要喝完頗具挑戰性。他們家的脆豬也非當好吃，麵包本身很鬆軟，吃的時候不會「界」口，吸滿滿煉奶好味道。茶E3 流心芝士麥包西多士 HK$34 (轉配薑汁奶茶 +$4)夾心西多士真係即叫即做，等待時間比較久。這家店另一特色之處是不供應白

去灣仔緊係去食旺仔記啦佢叉燒蛋飯d蛋汁又多餸食一留，特濃蕃茄通粉其實我最喜歡飲愛爾蘭咖啡同薑汁奶茶☕️超正，所以每次去灣仔必食旺仔記凍室今次再食下午茶特色三冶都好有驚喜，肉丁花生🥜醬已經夠特別👍🏼👍🏼👍🏼介紹下茶特色三文冶🥪👍🏼

今天下午茶時間到冰室，當時入座率九成多，經服務員帶領到一個座位坐下。跟著有另外兩名顧客到達，同一位服務員馬上要求我更換座位，我立刻指出是他本人安排這座位但不到30秒卻又要換位。但他卻重覆説你介不介意換位，並不知道出錯是他又沒道歉(光顧了這店幾次，也有一次被要求更換座位的經驗我亦有配合讓出。那次情況是帶位員及令一服務員，而時間地比30秒長得多，禮貌也較佳！)。我決定不再讓位因為出錯的是他，也要求對客人道歉，最終於得到珍貴的「對不起」。下午茶點了雞肶配熱檸檬茶，單打了凍檸茶，我發現後也改正。15:11落單，15:27雞肶才上枱（餐牌上寫明等候約10分鐘)。雙重出錯，令人有被整蠱之嫌！除了食物質素之外，服務態度同樣重要，要明白花無百日紅的道理。

話說我上次就試左佢地既招牌叉燒滑蛋飯 所以今次就黎試埋個薑汁豬膶雞湯通粉🐣 相比起某深水埗老字號 旺記啲豬膶通唔夠粉又唔夠香 成碗野比無限條薑絲既味dominate左 不過如果純粹為果腹呢個$46既午餐有塊厚多士+牛奶炒蛋+通粉一大碗+餐飲就應該點都飽既😂 PS佢地連個lunch set既炒蛋都炒得好滑好靚架😍如果大家未去過既 我都係建議試番個叉蛋飯穩陣啲喇 👇🏻TIPS:如果情況許可 星一至五大約1:45去就可以避開所有番工放飯既人龍 而又唔驚賣哂叉蛋飯啦👋🏻

去旺記既目的就係呢碟滑蛋叉燒飯，好味在啲蛋真係滑同有蛋味，唔洗笑，食左一次你都係咁既感覺。之後叫左個快餐，蔥油雞，雞扒夠大件，蔥油都好味，不過就咸左少少。但就多人左啲同迫左少少

食早餐都要排隊，有點兒誇張，真係唔係好多間餐廳咁樣。他們的早餐絕對係減肥嘅剋星，見到佢哋嘅餐牌簡直又愛又恨。第一天我選擇了三文治四重奏-五香肉丁炒蛋生菜花生醬三文治好大份，好邪惡，味道不錯。但可惜不及中環士丹利街的四重奏三文治好食，但勝在不用等半個鐘先有得食因為對此餐廳念念不忘，好食的早餐又不多選擇，第二天決定又再幫襯，今次食蕃茄湯午餐肉通粉，他們的午餐肉是厚切的，一啲都唔鹹仲好好食，望一望隔離的紙箱，他們的午餐肉來自日本。40幾蚊個早餐，這樣的品質絕對是超值。座位方面感覺十分狹窄，不過冇所謂啦因為好食嗎等一陣間，有好味早餐，有好的開始，絕對值得推介

一個上午，午飯時間之前，經過旺記冰室，見到難得的有位，遂決意在此解決午飯。小人叫了午餐之中的午1，就是「自家製叉燒 日本滑蛋飯」。叉燒很多，不知是不是自家製的關係，有炭香，又不會太甜，肉質鬆嫩有汁。不過亮點始終降落在滑蛋上，真是十分十分的滑，充滿蛋香，加上少許蔥粒，更為香口。最利害的地方是蛋多過飯，未開動之前只會看到叉燒以及炒蛋，根本見不到下面的白飯，是一碟港式的蛋包飯！所以每口飯都有濕濕滑滑的蛋夾雜著，簡直比炒飯更好吃！下次會試再加蝦仁的版本。

終於食到旺記冰室 喇！！次次見到門口超級多人都卻步 而家天氣涼返啲 有frd子肯陪我等 今日1點去到門口已經迫到行花市咁 攞左飛都要等到1:30先入到 雖然佢限時30分鐘 但其實好多人食完就走 turnover好快 不過實在太多人等 一坐低即刻叫哂兩款滑蛋飯 5分鐘就到喇！叉燒日本滑蛋飯 $54 😋: 9/10蝦仁日本滑蛋飯 $56 😋: 8/10兩款滑蛋飯都係高質之作 不枉等左咁耐 一上枱已經香噴噴 滑蛋名符其實真係好滑 一入口係sir落喉嚨 食得出係日本蛋 加埋啲蔥花令到蛋味更突出 配埋甜豉油呢個組合真係好正 自家製叉燒都好juicy 半肥瘦唔會好似燒味舖落太多色素同埋醃到勁咸 呢度比較天然又唔會搶左蛋味 唔錯！蝦仁對比下就遜色啲 都好爽口既但就冇乜特別 欣賞佢有處理過啲蝦腸 出街食飯好少茶餐廳會挑埋蝦腸 加分！不過真係食得趕左啲 話就話限時30分鐘 但見到出面咁多人都唔好意思慢慢食 所以如果開埋晚市就好喇 我相信一樣都好多人黎食 但起碼唔使食得咁趕嘛 總結$54咁高質既叉蛋飯仲有野飲CP值都係爆錶既！

路過旺記好多次，但係可能佢個門口實在太唔起眼，所以佢開咗差唔多成年都冇試過。偶然喺面書見到一個推介蛋包飯嘅文章，先至發現原來我一路都掂行掂過，錯過咗呢間冰室。第一次嚟旺記冰室，點咗佢嘅招牌「自家製叉燒日本滑蛋飯」。個滑蛋真係好滑，入口後好似會流落條食道咁，食得出係日本蛋，因為蛋味比本地蛋濃。至於哩個自家製叉燒呢… 質地係OK嘅，一啲都唔韌，肥瘦適中。冇咗平時燒臘舖叉燒嘅嗰陣炭香味反而比較夾呢個滑蛋。個醬汁都係旺記冰室嘅招牌，都係自製嘅。唔係太鹹，帶少少甜。總括嚟講呢一個叉燒滑蛋飯同平時茶餐廳叉燒滑蛋飯嘅分別係叉燒每一塊嘅肥瘦都好適中，唔會一舊瘦一舊肥或者成碟都係肥叉燒 / 成碟都係瘦嘅。個蛋嘅蛋味比較濃，而滑蛋係完全覆蓋晒整碟飯嘅。醬汁都冇其他地方嘅叉燒滑蛋飯咁咸。整體嚟講啱啱好。

今日去會展睇電子展，行完就去左呢間食，因為之前見有報導話好食，心思思一直想去，今日終於有機會啦，同普通茶記一樣，有好多選擇我當然會試佢地出名既叉燒炒滑蛋飯，因為我見入面已經坐滿人，所以外賣，等左10分鐘啦賣相都幾好，我仲叫佢多豉油，但味道都不算太好食，同叉燒太硬啦，盒飯都係得一半，我女仔就啱啱夠食，男仔就..............................呢個價錢同呢個味道 ?  有好大改善空間

同朋友要去灣仔睇電腦，本身一提起灣仔就想去「點點心」食下午茶，但點知朋友話呢間餐廳同電腦城果邊距離較遠，於是即刻又上去Open Rice睇下灣仔有咩食。見到呢間「旺記冰室」有我最愛的港式野，就無睇其他餐廳，直接去。.我叫左：🍴A1-特濃蕃茄湯餐肉粒通粉配炒滑蛋+牛油多士+熱奶茶（$44）🍅下午茶餐都幾抵食，勁飽，最緊要係個湯真係特濃，🍅🍅🍅🍅🍅好似蕃茄醬撈通咁好正。滑蛋夠滑，多士上面嘅牛油係熱熔哂，牛油香滲透落烘左嘅麵包到，好香軟！..朋友叫：🍴C1 麥包三文治四重奏+熱奶茶（$32）下午茶餐好抵食，勁大份足料三文治。麥包夾住鹹牛肉🍖、炒蛋🍳、生菜🥗、花生醬🍯，鹹中帶甜，帶點點花生醬香味，💥好好食呀！另外可加$9配多碟印尼撈面，正常味道，面偏腍。🍞高質冰室！一定會再去食！❤️😻👍👍👍👍👍👍..好抵食！最緊要大份又足料，食物水準高！

每日Lunch time路過都人山人海. 除非你好早黎到, 咪一般見到門口堆人都唔會再想黎食.但聽同事話佢的炒蛋好好食. 究竟有幾好食呢? 想放工黎, 點知佢收六點....所以是日因為放工後有野做, 所以偷偷落黎tea. 落黎五點鬆d , 大把位, 只有一兩枱人.坐位任坐不特止重不限時, 聽聞lunch time時間只限半小時.佢的餐牌分左早餐. 午餐同下午茶餐. 我二話不說就望下午茶餐個邊. 所以叫左B餐. 因為A 餐係牛肉...落左單才發現原來午餐都供應到六點. 重點係有我好想試的豬潤通... 唉.. 唯有等下次.B餐:鮮忌廉雞湯鮑魚火腿絲通粉個湯底好濃味. 而且火腿絲十分足料. 完全啖啖都有一堆火腿絲, 鮑魚亦唔少.唔怕好似尋金咁尋. 足晒料正.鮮牛油麥包厚多士個多士又唔算十分厚. 但用麥包黎做. 平日就比較少見. 算係幾健康.再加埋有淡淡牛油味. 咬落去脆卜卜. 十分可口. 重點黎啦, 個個都話佢個炒蛋正. 試下先, 個炒蛋唔會好稀. 而且好滑.  果然同事無介紹錯. 餐飲叫左杯熱檸水. 浸左陣都無苦澀味. 果然用料唔馬虎.雖然$38一個tea有點貴. 但食完晒我已經十分飽.