旺記打冷小菜館

營業中

休息中

A restaurant definitely needs a reservation. Making a reservation wasn't difficult but waiting for a table definitely takes forever. Restaurant isn't as spacious but allows big tables for gathering and families. Staff was local and kept its HK authentic attitude. Whole restaurant was stick with dish names posters. For sure an experience.Marinated tofu was in appropriate portion. Neither salty nor flavourless. Silky smooth with a curd skin. Not bad. Clay pot stir fry kale was absolutely delicious

呢一間打冷嘅灣仔菜館，lunch嘅時候有午市套餐，非常抵食, $50 飲品就另外加$5, 我就揀咗例湯，來湯係跟套餐送，係芥菜雞腳豬骨湯，我覺得味道都幾好，好少飲到芥菜嘅湯，整體清清地我覺得都唔錯，而且都好大碗！啱晒鍾意飲湯嘅我乾炒肉片河，餐廳嘅肉片河做得唔錯，新鮮即叫即刻炒，嚟到嘅時候成日都仲係出煙，餐廳應該係用咗豬扒，所以口感都比較厚實，炒河嘅味道亦都唔會太鹹，所以整體上我都覺得唔錯，而且份量真係多，一個人真係冇乜機會食得晒！呢一個價錢好抵食！

今日嚟到呢一間喺灣仔巴路士街記打冷舖頭，同朋友小聚一下，餐廳位置距離灣仔地鐵站都唔算太遠，行過嚟大概5分鐘，而且餐廳係接受預約嘅可以先打過去，預約位置，咁去到嘅時候就一定有位，因為晚飯時候都非常旺場！✔️滷水拼盤，最鍾意食佢嘅墨魚，潮州打冷嘅墨魚真係非常好食，而且非常有咬口，加埋濃厚嘅滷水汁，簡直就係冇得輸，鵝片雖然份量唔係太多，但係每一件都非常好食，個人嚟講都幾鍾意食，仲有紅腸豆腐非常多唔同嘅嘢食，鍾意食滷水嘅朋友唔可以錯過！最後再加埋啤酒簡直係冇得輸！

以往鹵水真係一絕，但依家無論鹵水，小炒，完全係唔掂，鹵水已經非常普通，小炒無鑊氣，材料唔新鮮，涼瓜魚雲，椒鹽鮮尤，魚同鮮尤梅之餘仲好濃嘅腥味，唯一個九菜猪紅係幾好，嘢食已經不如以往，可以話係唔掂，可能厨房變咗，味道完全不是果回事，嘢食唔掂，點知仲要趕客，仲飲緊酒期間，老闆夜晚8點已經趕客。不斷問有無叫，只係坐咗一個鐘，仲要仍然有叫啤酒，都未飲完，以往經常幫襯，但今次真係好失望，嘢食不如以前。已經不是以前旺記打冷，不會再有下次。

旺記打冷@巴路士街🌟滷水鵝片：價錢不太貴，而且份量十足，我片雖然中規中矩，我覺得可以做得更好，加埋豆腐，呢個價錢我都會覺得合格，可以試吓其他滷水，我片不過價錢唔係太貴，可以接受。🌟楊州炒飯: 價錢抵食, 而且每一粒飯都好乾身唔會濕粒粒，有叉燒鮮蝦生菜，炒飯嚟講整體上都okay🌟蠔餅：有少少失望，因為炸粉比較多，實質蠔餅應該比較厚身，但係覺得依一間傳統潮州餐廳，有少少差好食程度（5粒🌟）🌟🌟🌟🌟抵食程度（5粒🌟）🌟🌟🌟🌟位置 （5粒🌟）🌟🌟🌟🌟🌟服務態度 （5粒🌟）🌟🌟🌟衞生程度 （5粒🌟）🌟🌟🌟🌟

We arrived pretty early at around 6pm, and there’re only one table occupied, we booked table so got a table insides, not that comsy, kitchen and bin is right in my back…honestly quite annoying, after we’re leaving so many ppl lining outsides guess more than ten ppl so crazy didn’t know it’s so popular as such Fried Rice with Salty Fish and Chicken pieces tastes nice with frying heat, so good filling up the stomachFried Oyster Egg Cake is really good too, even not making of large oysters, but the

🍴鵝片墨魚雙拼 $148 (7/10)已經配咗豆腐墊底，鵝片大概有七塊，大塊略帶啲少鞋口滷水味足，墨魚彈牙有墨魚味。🍴潮式蠔餅 $90 (7/10)超級大份，佢同平時食開嘅蠔餅唔一樣，佢用咗麵粉加蛋去炸，食落去有少少似煎餅，但又有酥脆嘅感覺！蠔仔肉都大粒有蠔味唔腥！🍴酥炸靚大腸 $98 (7/10)炸得香脆唔油膩，冇異味，點酸汁好正！🍴椒鹽鮮魷 $108 (8/10)炸得好出色，個炸粉好輕薄，一啲都唔油，魷魚彈牙新鮮！🍴 啫啫時菜煲 $98 (8/10)用肉碎炒過好香口，通菜爽口鹹香，撈飯一流！推薦指數: 7.5/10記得訂位，勁多人食🤣

有朋友從英國返來，幾個朋友識咗卅幾年多，諗住找個地點吹吓水、食吓宵夜，有個朋友想食潮州打冷，最後揀咗旺記，上網見食評不錯，最後叫咗滷水鵝片，滷水鵝翼，滷水豬腸拼生腸，香腸拼大墨魚，豬紅韭菜，椒鹽鮮魷，椒鹽九肚魚，蠔仔粥，煎蠔餅，小炒王，兩支啤酒及六罐汽水，合共$2000有找，人均消費250-300左右。食物質素一般，中規中矩，份量有些過少，椒鹽鮮魷有幾舊琳琳地霉霉地，滷水鵝片八至10片+兩舊滷水豆腐薦底（正常做法），滷水豬腸打斜切，份量很少，成碟加埋都冇10 cm🤣，生腸過熟，有啲韌、難嚼，豬紅夠滑，上菜夠快，店員服務OK，由於店舖不大，座位有限，顧客與顧客之間可能背脊貼背脊，侍應行過都要起身讓開，有侍應行過會撞到，感覺到屎忽磨背脊的感覺🤣🤣

好耐都冇同朋友食飯，今日就嚟到呢一間喺灣仔嘅打冷小店，我哋今晚五個人食飯，決定就叫多幾個唔同嘅餸！我哋大概係7:00嚟到，夜晚呢一間餐廳真係好多人，直接爆哂！比較推薦有佢嘅滷水鵝片，呢一個份量都非常之多，我哋每人都可以至少食到三至四件，咬落去亦都食得出滷水嘅味道非常入味，鵝肉嘅味道亦都非常香，送飯簡直係一流！ 我同朋友都10分推薦呢一個菜！跟住我哋叫咗椒鹽鮮魷，魷魚嘅炸粉唔係好厚，同埋都食得出佢係即叫即炸，上到枱嘅時候熱辣辣非常好食！鍾意食打冷嘅朋友絕對唔可以錯過呢一間餐廳！

老公請朋友食飯，叫埋我，之前佢講過好多次，話呢間好食，性價比高，我係第一次嚟食，原來呢間係老字號，以前晌燈籠街，之後搬咗嚟呢度。果然冇介紹錯！係細間D，D枱密咗D，都ok！食物確好味，越夜越旺哩！大家食得好滿意，好滿足。

我哋一行三人八點幾嚟到要等一陣先至有位，其實唔多位，仲有啲迫添，不過都好旺場，同埋牆上嘅Menu手毛筆字真係好靚。我哋嗌咗三個餸：炸蠔餅、玉蘭炒臘味、咕嚕龍鳳球。炸蠔餅好鬆脆，碟上亦十分之得體，可惜唔知係蛋漿定炸粉可能未搞混，食到一啖鹽。嗰個咕嚕龍鳳球其實係咕嚕雞球同蝦球，味道唔錯♥️最後就係嗰個玉蘭炒臘味，其實係芥蘭炒臘味，成碟都好香好好味，又夠鑊氣。整體來講：上菜快，味道好，有氣氛，係晚飯聚腳嘆啤酒嘅好地方。

姨丈介紹灣仔有間好味潮州打令 講到明地方迫夾 但勝在好味😋我哋一行五人 未夠6:30已見到坐滿9成客人😃點了醉雞煲 豬紅 潮州拼盆 豪仔粥 賣相非常吸引 都忘記相機食先😅 雞煲用藥材做湯底 煮7分鐘再焗一陣 火喉啱啱好 新鮮嫩滑 見到佢哋都食到😋😋味本人食素 點了白粥 豆腐 金銀蛋豆苗 豆腐好入味 食得相當滿足☺️綜合各人意見 每道菜式都相當唔錯👍👍👍唔怪得咁多熟客仔特別一提 店內每位員工都非常和藹有禮❤️❤️❤️食物品質+服務態度 大家都俾十個讚👍👍👍👍👍👍👍👍👍👍💕

餐廳營業至晚上3點，鐘意夜麻麻食打冷既啱晒！個人覺得墨魚餅同滷水鵝係呢度最好食嘅，豉椒炒大蜆都好食，今次就無叫，但鐘意食炒蜆既可以一試。今次試了花生鳳爪，不過就一般般，下次再試其他小菜。

夜晚晚10點零係灣仔好多餐廳都閂門，咁岩比我地搵到間打冷鋪。係門口就見到坐無虛席，咁岩有人埋單先有枱，去到打冷鋪緊係叫返個「靚鵝片」食住先，之後仲叫左一窩「蠔仔🦪粥」，試埋個「黃金鮮魷」。「靚鵝片」將鵝胸肉一片片咁片出黎，食落去會食到鵝肉汁同滷水汁溶合埋一齊，再食埋底下嘅豆腐中和返就岩岩好。「蠔仔🦪粥」係潮州菜精粹之一，依窩蠔仔🦪粥有大量蠔仔🦪，湯底野味，再加埋冬菜芫茜🌿，一流！「黃金鮮魷」個粉漿唔會太多食落唔會大厚粉，食得岀用左大量咸蛋黃醃製，鮮魷又彈牙！味道：8/10環境：7/10價錢：7/10服務：8/10衛生：7/10

打完波，同朋友去焯一個潮州打冷，去咗旺記打冷小菜館，叫咗啲麻甩佬至愛，潮州大餅，蠔仔粥，小炒王，鵝片拼墨魚，黃金魷魚，炒四季豆。基本上旺記呢間老字號，每一樣嘢都出色好食，尤其是係我蠔仔粥，啲蠔仔差唔多粒粒都有手指公咁大，好肥，好新鮮，一啲都唔腥。鵝片拼墨魚味道幾好，滷水味好重，豆腐底都好入味，不過份量就真係比較少，小炒王係最有驚喜，啲蒜芯好新鮮，蝦米，乾蝦，腰果，全部都炒得好香脆，好正。蠔仔餅（潮州大餅）反而有少少失望，係好香脆蠔仔都好新鮮又肥美，但係個人鍾意食啲厚身啲餅底多少少嘅, 佢呢個就比較脆身，個人上就麻麻哋。黃金尤魚到出色，鹹蛋味好香濃，炸得亦冇過火，鮮尤都好有咬口。整體非常滿意！