旺記打冷小菜館

營業中

休息中

好耐都冇同朋友食飯，今日就嚟到呢一間喺灣仔嘅打冷小店，我哋今晚五個人食飯，決定就叫多幾個唔同嘅餸！我哋大概係7:00嚟到，夜晚呢一間餐廳真係好多人，直接爆哂！比較推薦有佢嘅滷水鵝片，呢一個份量都非常之多，我哋每人都可以至少食到三至四件，咬落去亦都食得出滷水嘅味道非常入味，鵝肉嘅味道亦都非常香，送飯簡直係一流！ 我同朋友都10分推薦呢一個菜！跟住我哋叫咗椒鹽鮮魷，魷魚嘅炸粉唔係好厚，同埋都食得出佢係即叫即炸，上到枱嘅時候熱辣辣非常好食！鍾意食打冷嘅朋友絕對唔可以錯過呢一間餐廳！