明星海鮮酒家 (已結業)

昨晚又來這裡打邊爐,叫了醉雞湯底28蚊好抵食,大手切肥牛78蚊好抵都唔錯, 脆肉鯇骨腩好爽口,生魚片好新鮮, 普通肥牛麻麻地, 金菇,生菜同埋炸腐皮卷,呢個好唔得唔好叫…加埋3鑵氣水,6鑵啤酒4個人302蚊幾抵食

我參加一個生日宴會，當我一聽到地點於新蒲崗-明星海鮮酒家，我心想如此地區都未必有好東西吃，誰知當我品嚐過後，真的令我完全改觀，是日我七點多鐘到達酒樓時，巳見要等位情況出現，心想工廠區也要等位，果然到了食堂都滿座，食堂設計都O.K.，直至吃過各款菜式後，我終於明白到底甚麼原因啊，心想客人應該是捧場客啊，當日各款菜式都很滿意令我最值得讚賞是第一/.燜海參同鮑魚-燜得入味之餘又夠軟，連老人家都容易吃到。第二/.條魚新鮮，亦唔會蒸得太久，肉質嫩滑。第三/.伊麵竟然普通一款燜伊麵可以做到味道適中，以及麵條有煙靭口感。須然是日滿座，但能夠有如此質素，值得一讚，侍應及經理服務也令人滿意啊。是日我更聽到席上各人也大讚不絕呢。

裝修後打邊爐比以前是貴了,但有卡位雅座,侍應的服務也很好, 很耐心介紹每樣食品湯底, 比起以前好很多, 卡位還有電視機看, 點了個醉雞窩$48最抵食, 手切肥牛細$48也不錯, 雪花肥牛$28肥膏太多了麻麻, 脆肉鯇骨腩十分爽, 生魚片好新鮮,山瑚蚌和貴花蚌這兩個一般, 唐生菜$8.80很抵,這裡有熟蒜和豆辨醬任取, 我們3個人叫了1打獅威啤酒和一鑵可樂, 埋單$360都可以,一定會再來

裝修後還是第一次來這裡吃晚飯。和婆婆慶祝生日，有廳房，點了一個全包套餐。食物質素，好像比以前差了，份量也少了。那個沙律海鮮卷，太乾了。內裏好像沒有沙律似的。那條斑又未熟透。節瓜甫的生菜少得可憐。而最恐怖是那糖水。那紅豆沙，應該說作紅豆水，只能找到紅豆殼。還是第一次吃到雞也沒感覺飽，連雞胸也吃掉了。是我大食了，還是份量少了呢？

朝早訂檯晚市6:45 七位, 去到原來安排左vip 房, 正!費事咁嘈!我地叫左$638既套餐有白灼蝦, 乳豬拼盤, 沙律海鮮卷, 花膠肚翅羹, 海虎班仔, 果汁一渣, 擂沙湯丸, 生果盤.我地另外叫左蒜蓉炒菜心, 帶子西蘭花同紅燒豆腐...值得一讚佢地服務同禮貌好好, d 餸黎既時間又黎得好, 我地每個人都食得好滿足~!我地一家人好耐未試過碟碟清, 今次完全清哂, 正!!!

明星裝修後個大廳細左, 可能整得多左房既關係, 訂了位坐房, 茶錢$8比之前$10平左, 以前大排檔食物一定要出去拎, 依家多左張點心紙劃, 想食淥菜或煎炸野就唔一定要行出去, 咁樣又幾好點左好多點心, 就講下其中幾樣...飽汁鳳爪- 味好淡, 又唔入味淥菜- 比以前細碟左蝦餃- 每隻大約有兩三隻蝦, 有鮮味同爽口, 而蝦餃皮夠薄沙爹肥牛炒河- 沙爹味幾香濃, 河粉唔會炒得好油, 唔錯炸兩- 油條腍左唔脆口燒肉- 腩位, 皮脆

尋日第一日裝修完新開張, 於是即刻約埋屋企人梨試,環境係比以前靚了許多,不過相對價錢比以前貴了,我們叫了毛家雞半隻$28好抵, 味道不錯但熟了點, 燒腩仔28蚊份量多很抵, 南瓜芝士骨是牛仔骨來的很好味但好漏, 西蘭花黃金蝦, 蝦很好味但也很漏, 花膠魚腩煲,份量很多但媽說魚腩不新鮮, 再叫了一客炸銀絲卷很香脆,半打獅威一鑵氣水, 飽到要打包4個人埋單$330左右是比以前貴了點,但水準沒變都會再來的如果有特價小菜推廣的話….

今日我爸爸起新蒲崗第一日開工，因為佢平時太過得閒喇...比佢返下散工郁下會好D...而媽咪都起呢頭返工....所以今日食晏.....專登叫契老豆揸架的士車我去新浦崗請佢地飲茶......平時佢地都好中意黎明星度食野....D點心要自己點...即刻Steam家.....都幾新鮮家....明明係我請老豆飲茶....唔知點解佢只叫了碟干炒牛河....一上枱就知炒定啦.....咁快出....超難食....又油....算數啦......爹爹自己叫就由佢啦....媽咪叫了碗粉麵食.....不過不失啦...不過呢度平時夜晚靜靜地既時候.....D餸真係唔差家.....

有D事為左感謝同事諗住請佢地飲茶, 但到後尾都係變左係同事埋單, 係呢度多謝佢地煎蝦米腸- 煎得唔夠香口, 腸粉皮仲有D硬蝦餃- 蝦好新鮮爽口, 皮都算夠薄炸兩- 油炸鬼唔係太脆, 普通流沙飽- 無食豉椒鳳爪- 唔夠入味腐乳通菜- 普通韮菜餃- 個皮好煙韌, 餡料就真係差唔多全部係韮菜, 得好少豬肉, 味普通蒸魚雲- 好唔新鮮, 肉仲有D梅海鮮鴛鴦麵- 好大碟, 原來即係米粉加粉絲一齊炒, 汁好少, 炒得好乾身, 調味唔得好淡. 海鮮除左蝦還可以外, 其他如帶子(超細隻)等都好韌椒鹽九肚魚- 指名要廚房即整, 小菜價, 賣相幾對辨, 炸粉夠薄, 咬落好熱辣辣香口, 唔錯之前驚無位入左小菜廳坐, 茶錢貴了, 但服務都差了, 叫極都無人, 伙計態度亦都麻麻

今晚同媽咪收完鋪黎食飯, 哈哈, 依舊一定要多...我地兩個人叫左1. 半隻貴紀雞2. 薑蔥焗蠔(煲仔)3. 金銀旦芥菜膽4. 芝士大蝦伊麵底媽咪差唔多每餐都要食雞, 所以雞係不能少既, 我仲以為呢度d雞會唔掂!但係估唔到一上檯一望, 未食已經知道d雞肉係滑溜!!!掂!!!咬落口, 好滑!!!薑蔥焗蠔, 唔知好唔好味呀, 因為媽咪鐘意食蠔, 所以成煲既蠔一路都係俾夾佢食, 媽咪話d蠔都ok肥美!!!芥菜膽不值一提, 好老好多渣!芝士大蝦伊麵底, 係媽咪點, 因為媽咪以為我仲細個鍾意食芝士...係, 我鍾意食芝士, 但係我唔鍾意食中菜館既芝士既菜式(自問真衰女!!!)..., 最終媽咪食左幾隻蝦, 呢個極品我地打包俾阿哥當消夜!!! 哈哈哈!!!^^叫左3枝啤酒埋單都係二百多d....好平, 正!

叉燒- 好乾同硬, 叉燒面仲有層肥膏"瓊"住燒排骨- 又係好乾燒肉- 要了一條骨, 皮好脆, 因係腩位所以d肉都好滑不嬲都有係呢間買開叉燒, 又平($28/斤), 又好食(平時好腍同入味), 但今次真係好失水準

平日黎食晚飯都好地地次次過節黎食就完全唔掂冬至果晚起(好似係12月22日)黎食全晚我只記得:瑤柱扒豆苗變左蝦乾扒豆苗，豆苗仲要"吉"口o既...上湯焗龍蝦(伊麵底)o的伊麵碎到嚇死人最恐怖係條老虎斑，仲"un"過o的養殖紅油，咁大個仔未食過咁大舊香口膠...但平日食o的食物都ok o既~

今日我同個friend去飲下午茶，咁我地見搭檯區無位未入去d房到睇下囉。之後見房有張吉檯未坐左先啦，點知當我地叫開茶d侍應先話張檯唔坐得。但係張檯一黎無寫留座，二黎d侍應話唔坐得，但係我地係d侍面前坐低，佢地又無同我地講，分明當d客無到jei。咁我地坐低，又唔想調，d侍應就叫左另一個人黎(應該係公關/知客)。呢個人話呢張檯唔坐得係人都知喎。唔係呀，我又唔係係度做，又點會知呀。之後都話調過張檯俾我地，我個friend都已經火喇，只是批評多兩句，果個人居然鬧番我地轉頭，呢d咩服務黎架。後來有個主任黎左，想平息件事，咁我地想果位員工同我地道歉啦，佢無理我地。過左陣我又叫個部長幫我叫個主任過黎，佢又無理我。根本上，我會覺得佢地成件事都唔覺得自己有錯，做得服務業ge，個客態度幾差都無理由鬧番個客掛，重要果個應該係公關黎架喎。乜佢地d公共關係做得咁差架。其次，如果班侍應一早出聲話唔坐得，成件事根本就唔會發生。但係一開始好明顯佢地就無留意d客，直到叫佢地開茶(我重叫左兩次tim呀)，佢地先驚覺我地既存在。第三，事後果班管理層根本無去回應或者跟進事件，成件事變得不了了之。我只是要求果位鬧人既員工出黎道

原本諗住打邊爐,不過因為朋友唔得閒,所以同屋企人梨明星食飯,係度食小菜同埋火鍋都唔錯,又唔貴,我地叫左片皮鴨兩食都係$68咋,剩係1食就$48,都幾脆同埋唔多肥膏囉,另外鴨肉就用梨炒涼瓜, d涼瓜幾好食,但係鴨肉就冇乜興趣,下次都係叫番一食算啦,另外叫左蒜蓉蒸象拔蚌仔$38,味道唔錯,不過細隻左d,再加埋個燒汁牛仔骨好惹味,不過太濃味,再加埋6鑵獅威啤酒,一渣橙汁4個人埋單都係$245都算抵,不過食片皮鴨真係好漏,平時最鍾意叫既炸銀絲卷都冇叫呀~

會來這就lunch只因貪呢度近公司就腳, 每次食既野都差唔多蝦餃- 蝦肉算爽口燒賣- 普通蒜茸鮮魷- 蒜茸幾香口, 而魷魚都幾新鮮椒鹽九肚魚- 指名要廚房做, 唔係出面小食亭, 賣$48雖然唔平, 但即叫即炸, 夠香口, 好味流沙包- 一定要襯要食, 一咬開內裡餡真係流出來, 好味時菜- 菜整得唔夠時間, 有點硬乳鴿- 唔太隻, 亦無咩肉, 但即叫即炸還算ok芝麻卷- 雖然整得唔算好好, 但個人偏好食呢樣野, 所以每次一定叫黑椒豬肚- 黑椒味唔算濃, 但豬肚算爽口, 都食得過白灼三寶- 有牛柏葉, 豬腸同魚肉, 個人比較喜歡魚肉而炒粉麵只係好普通, 叫只係為了填肚服務方面人手唔多, 叫野食或埋單都要等好耐