星嵐

營業中

休息中

今日帶埋🐧🐧 朋友仔，黎到依間位於天后，裝修雅緻嘅日本菜餐廳😋 一入去就俾佢無處不在嘅雞仔裝飾吸引住🤣 牆上嘅雞仔情景圖真係好有意思🤭 一場黎到，梗係要試下佢哋嘅特色pan 丼飯❤️ 㨂咗佢哋招牌嘅黃金黑豚豬扒pan 丼🥰 豬扒新鮮炸起，超級香噴噴😍🤤 表面淋滿美味嘅滑蛋汁🤤 伴隨潵滿飯素嘅珍珠米飯一齊食，真係勁滿足😋 🐧❣️ 餐廳特地製作卡片，仔細介紹pan 丼嘅最佳食用方法😍 真係好有心❤️ 🐧🐧 朋友仔就㨂咗個星嵐肥牛咖喱湯烏冬🐮 烏冬湯底質地成濃稠，食落咖喱嘅香味好出眾，充滿著經典嘅日式咖喱滋味😋 烏冬超級彈牙有嚼感，唔會太軟太爛😋 肥牛吸納了咖喱湯底嘅精華🤩 又濃郁又惹味，真係好高質❣️

一間主打福崗日式丼飯既小店~😋係香港好小見既餐廳~就係星嵐✨一入到去裝修好日式，俾人感覺好舒服🇯🇵仲有以木製傢俬為主佢哋個Menu寫左用福岡傳統滑蛋丼烹煮法仲採用日本產米，同埋嚴選食材🤩店員話佢哋用返福岡烹調做法食落去會比較濕潤啲~鍾意食日式丼飯既朋友千祈唔好錯過依間小店😉除咗福岡日式丼飯，仲有極上烏冬系列滿足晒鍾意食飯同埋烏冬嘅朋友😋⭐️值得一提: 星嵐貫徹日本免收小費文化免加一同埋冇小費😍😋 日本滑蛋鰻魚丼 $98日本滑蛋好香，入仲有洋蔥🧅同香菇鰻魚好厚身🤩份量好多，食落去好香～😋 星嵐雞肉咖哩湯烏冬 $98日式咖哩🍛比較甜～容易入口入面有好多雞肉，有洋蔥同紅蘿蔔😍加埋烏冬索哂d咖哩汁～好惹味🤤

-星嵐🍽️-黃金黑豚豬扒Pan丼 $98呢個Pan丼每日限量食唔食到就靠運氣喇🤣本身每個餐都包左麵豉湯/前菜係銅鑼灣地段$100都唔洗真係好親民🥹Pan丼非常威成大個煎丼傻你自己倒落飯度食打卡影相一流📸😌豬排雖然浸左係蛋汁度但炸粉食落口感唔會好似漿糊咁👍個滑蛋仲要係超滑加埋飯素飯真係食唔停口😋-星嵐肥牛咖哩湯烏冬 $98唔好睇間鋪細細間佢除左丼飯其實仲有好多唔同野食例如湯烏冬/壽喜燒/鍋物等等😍平時去日本都好鐘意食咖哩🍛呢個咖哩烏冬建議大家都加芝士🧀！烏冬好掛汁加埋芝士勁好味😋連入面既紅蘿蔔都連汁清哂🤣-🌟評分:🏅🏅🏅🏅🏅📍地址: 天后清風街1A-1B號美城花園大廈地下KL-3號舖-

今次想介紹間好有心思嘅天后小店比大家，相信大家去日本都食過吉列豬扒丼飯，店主好有心機咁樣將起福岡食到呢個飯嘅感覺呈現比大家，不論係食物嘅質素、環境、用餐體驗，同店主傾計，知道佢細心到將食具器皿等等都喺日本帶番黎。知道佢哋嚟緊仲會有新產品，大家都可以留意吓黃金黑豚豬扒Pan丼 $98我諗嚟呢度嘅每一個人都係想食呢個，佢最特別係連埋成個鐵pan上，等你影完相再倒落個飯度慢慢食，為咗營造一個超級滑蛋嘅感覺，偏向多汁水潤。不過最難得係個炸豬扒，炸到金黃鬆化，放喺滑溜蛋汁上面都唔會變腍星嵐雞肉咖喱湯烏冬 $$98重口味人士之選！ ！嫌親子丼太清淡嘅朋友仔，一定要試呢個烏冬，烏冬扁而淋身，係超級掛到個湯，連埋啲咖喱，濃到似醬汁多過似個湯，勁惹味

今日喺維園打完波, 同朋友去咗出名多嘢食嘅天后覓食我哋今次就揀咗呢間出名食吉列滑蛋豬扒飯嘅休閒和食<黃金黑豚豬扒Pan丼>同一般嘅滑蛋豬扒丼好唔同, 飯餸係分開上嘅滑蛋豬扒用Pan上, 等客人想食嘅時候先跣落去個飯度, 好食又好玩米飯保持粒粒分明嘅同時, 炸豬扒依然脆卜卜黃金黑豚豬扒非常厚切, 炸粉嘅厚度都啱啱好, 配搭濕潤而且甜甜地嘅滑蛋, 送飯食一流<星嵐雞肉咖喱湯烏冬>雞肉咖喱湯烏冬味道濃郁, 又唔會太heavy, 烏冬彈牙, 雞肉嫩滑餐廳裏面仲有唔少可愛嘅裝飾同玩具, 非常推介大家嚟呢間溫馨嘅小店

偶然發現呢間小店有黃金炸豬扒丼，仲要每日限定，所以未開門就去排隊，因為店小座位唔多又無得訂位，星期六中午好快就full house，不過試過之後有少少失望，每樣野都總係差啲啲。🥢黃金黑豚豬扒pan丼 $98 ⭐️⭐️⭐️黃金黑豚豬扒上到枱，見到有啲失望，所謂嘅黃金並不黄金，唔似menu個蛋咁豐富，唔通要加$先有呢個效果？同埋蛋味唔夠濃，豬扒值得一讚炸得幾鬆化軟熟，口感味道都唔錯。🥢地表最強親子丼 $76 ⭐️⭐️⭐️呢個親子丼都係好一般，首先個賣相好麻麻，然後雞肉都係麻麻，有少少鞋。🥢日本滑蛋鰻魚丼 $89 ⭐️⭐️⭐️鰻魚丼係三個丼之中最高分，鰻魚份量算多，入口軟熟無骨，丼𥚃面除咗蛋同洋蔥仲有菇，比較豐富好味。三人共消費：$263

星期五lunch hour來,1：10 到,等左10分鐘就可以安排入座,亦都有9成滿.點咗招牌Katsu Don, 見佢一個份份咁煮,大約十分鐘就可以上.一上菜,賣相吸引,會增加食慾.建議張滑蛋豬扒放上飯上,但我唔太成功.anyway, 第一啖,豬扒尚算鬆化,冇油益味,豬扒唔係特厚個種,調味適中,蛋係滑既,但蛋味唔算濃.總體分量適中.老實講,唔係我食過最好,但以呢個價錢,有咁既水準,無咩好comment.亦好願意返來再食

開咗門五分鐘已經全部入座滿晒好彩仲有兩個吧枱位特登執開先坐得到親子飯味道一般啲飯都幾濕 劣滑蛋吉列豬扒飯唔係蓋係飯面嘅平平無奇同啲吉x屋嗰類日式丼飯鋪差唔多啫..試一次好啦

餐廳採用半開放式設計 感覺好開揚舒服☺️✨ 招牌黃金黑豚豬扒PAN丼 $98最期待係呢個來自福岡傳統口味嘅菜式😍滑蛋黑豚以小鐵pan盛載 超夠熱 又大份😱黑豚好脆 又厚切 肉質嫩滑 肉汁滿滿😚黑豚底下嘅半熟嘅滑蛋同洋蔥用黎撈飯一流🤪✨ 星嵐牛肉壽喜燒 $128牛肉份量好多 有肉味 唔會好肥 又無筋👍🏼配料有超滑豆腐 芋絲 娃娃菜 冬菇 好豐富🥳CP值滿滿嘅一餐 仲無收加一服務費添😨留意翻餐廳都比較細 唔想排隊記得早d黎食🤗📍地址: 星嵐天后清風街1A-1B號美城花園大廈地下KL-3號舖

今次同朋友食朋友個滑蛋豬扒丼真心超大個！網上既圖冇照騙啊😝我就叫左滑蛋鰻魚丼連味噌湯 同前菜可以揀少飯/多飯 幾貼心👍🏻汁幾甜香 都偏多汁滑蛋嫩滑🫶🏻個湯汁幾鮮味~鰻魚切左一塊塊 有5-6片算幾厚肉整體份量足🫡味噌湯幾好飲朋友覺得有d 淡😛前菜 海蜇青瓜🥒爽口😎係似平時壽司店螺肉個種微甜辣既和風調味整體價錢份量各樣合理細細間 開係路邊的唔多人既時候 會幾舒服好坐😎

午市晚市款式差唔多，晚市價錢貴少少。叫丼飯包前菜、麵豉湯。裝修別緻，似道地日式小店。今日門口大開，吹冷風，少凍，而且大馬路有好多車經過。*日本滑蛋鰻魚丼 $82上菜熱辣辣，出晒煙。我叫咗少飯，所以望落去細碗啲。鰻魚魚塊偏軟爛，魚香醬油香都好淡。滑蛋嘅部分略為普通，豉油味>>>蛋香，而且份量唔多。丼飯醬汁多到浸晒每一粒白飯，而且淨係得豉油味、好鹹。整體而言，我覺得未到驚艷嘅程度。包前菜+麵豉湯，湯唔會過鹹，幾好飲。

第一次試呢間位於天后清風街嘅丼飯店。平時好多人排隊今次終於有機會食。主打招牌黃金黑豚肉pan 丼。咩叫pan 丼？就係成個pan 上嘅丼。豬扒放咗喺個pan上。超級大份。豬扒炸得好脆，配上蛋汁洋蔥撈飯超夾。在場所見有好多人都叫咗呢個招牌丼。餐牌話預計要等20分鐘。不過可能佢預咗呢個招牌多好多人叫，所以都好快有得食。不過同事叫咗第二啲就等得好耐。🙈🐷招牌黃金黑豚肉pan 丼 $88

天后一個角落有間日式小店座位好少weekend 12點多d 到，已經坐最後一張台然後門口開始有一條小隊伍幸好出菜都幾快，所以都好快食完丼飯大部分$100 樓下連signature 既豬排丼都係$88!!!!dinner menu 既話都係貴$10, 平得好過份豬排丼賣點係豬排同滑蛋同飯分開，然後自己滑落碗飯度份量一d 都唔少，飯、豬排同蛋味道都唔錯蛋夠滑又夠蛋味（未算極濃），豬排炸得酥脆唔油膩，豬肉似質唔肥但又唔乾，軟淋多汁。$88 賣相靚仔、有少少gimmick(自己滑落去）、仲要好味不過奉勸如果要滑得順暢，唔好好似我咁影一大輪先滑，可能會搞到個底既蛋痴鑊滑唔到😂另一個親子丼同樣非常唔錯，滑蛋比豬排更顯滑，而雞肉嫩且冇雪藏味追加lunch menu 冇既芝麻雞翼$28/2炸得好香脆，肉超嫩又多汁，係比較油🤣

網上見到好多人推薦，就去試下，以為係網紅餐廳，味道普普，點知幾好食，幾驚喜。佢個滑蛋吉列豬扒好食，豬扒煎得香脆，肉質嫩滑，一切咬落去，真係好有咬口，最特別嘅係佢嘅滑蛋，好滑好滋味，同豬扒配合得好天衣無縫。飯都煮得剛剛好，每一粒飯粒都飽滿有彈性，食完好滿足。佢嘅價錢都好親民，一份都幾大份，食完係會好飽，價錢唔貴，真係抵食又飽肚。總括嚟講，呢個滑蛋吉列豬扒飯水準幾高，所以都幾多人排隊，等咗幾耐先有位，所以想試就早啲去～

嚟到2023 年嘅尾聲，屋企附近成日都見到好多人幫襯嘅人氣嘅日本小店，忍唔住今日試左佢2個招牌菜。⭐️黃金黑豚豬扒Pan 丼⭐️菜式由鑊仔Pan 上枱，pan 底用上滑蛋同埋自家製嘅醬汁，食完之後真係比足滿分，炸漿控制得好好，非常脆口，黑豚肉質鬆軟有彈性，富有肉汁，肉香而不膩，$88 冇加一，份量件數都唔少，亦夠厚肉，抵食。⭐️地表最強親子丼⭐️因為係用雞肉同雞蛋造成嘅滑蛋飯，故又名為親子丼，上枱嘅時候熱辣辣香噴噴，紮實嘅雞肉腿軟滑，夾雜着滑嘟嘟嘅蛋漿，洋蔥絲嘅香氣加上自家製嘅醬油、味醂所融合的香味，足以扒光成碗飯。係吧枱等緊上餐嘅時候發現吧枱上面有一啲小玩具提供比客人，大人都忍唔住拎嚟玩下，如果有小朋友嘅家庭嚟用餐，都非常合適👍👍👍