星河餐廳

營業中

休息中

香港開埠後，西人和高級華人光顧西餐廳，一般華人只能去翻版貨 - 茶餐廳。西餐廳是高檔，茶餐廳是低檔。此店卻是少有的低檔的「西餐廳」？同區星厨賣最平的晚餐是108元，此店卻只是賣69元。還是此店真身是「茶餐廳」?如注入燒味元素的叫「燒味茶餐廳」，注入粉麵元素的叫「粉麵茶餐廳」。此店僅是注入扒餐元素?為解謎，我進行多次「星河探索」。👤神秘的「西」先生👤晨曦射入二手音響店街道 - 大南街，天青猶翠，晨輝欲斂， 工人在旁邊的北河街街市，忙碌地工作。天邊的魚肚白色，與魚肚相映成趣。開始繁囂的白晝了。此店供應售價A至G的早餐，並提供鮮牛油菠蘿包。但11時30分後，它回復真身，雖有39元的午餐以碟頭飯迎合勞苦大衆，但是主要以扒餐和焗飯迎客。它內裏燈光較昏暗，沒有詳列各類多士，小食，常餐的「茶餐廳」式餐牌，有的是飽歷風霜的廣告牌，豎立在行人寥落的街頭，表明它是草根的西餐廳。草根的，舊式，歷史悠久，性價比高的西餐廳如鳳毛麟角，早期有「金鳳」賣阿根廷扒。現在它比舊式，港式的快餐店更少。🤴🤴特餐四大天皇🤴🤴茶餐廳的靈魂是「常餐」。此店沒有常餐，它很有性格，最精采的是「特餐」，每日有兩款，供應至下午6時，有西

深水埗, 一個好繁忙嘅地方, 想搵個地方食晏都唔係咁易.今日有事到附近做嘢, 開工前打個底先, 今次選擇嘅呢間餐廳係喺一個靜中帶旺嘅地方, 由鴨寮街行落去唔使五分鐘到.中湯飲完幾清甜, 花生眉豆, 飲完唔會特別頸渴, 至於個鴛鴦扒飯,黑椒汁幾好味, 豬扒牛扒就普通, 以39蚊嘅午餐嚟講,十分抵食, 如果大家行過不妨一試, 支持中小企

店名：星河餐廳地點：深水埗大南街374號，電話: 2728 8371本人和親人先後在2014年8月4日及2017年4月4日，分別因搬遷及掃墓的緣故而光顧。(1)煎雞扒沙律附送麵鼓湯；(2) 焗豬扒飯跟腐竹糖水；(3) 海南雞飯； (4) 咖哩牛腩。共二人享用本餐，每個餐約五十多元。食物的色香味如何：Œ 煎雞扒煎得很香口；v焗豬扒飯的做法合乎西飯的要求，先炒後焗，所以有少許飯焦，但這就是合格與不合格的指標，其他不合格的做法是只是用電飯煲煮熟，與普通中式飯無異。w 海南雞飯的飯底有雞油，正宗；而雞也具有雞味，比起提供同類的餐飲的大家學（化名）表現更出色。x 咖哩屬南洋口味，較有椰汁香味。環境：較暗的燈光，充滿西餐情調。服 務：合格以上分數。衛生：OK。抵食：價錢中上檔次，和親友聚會可以選擇。

星河係一間草根餐廳，之前試過午餐時間要排隊，同埋坐得較迫，所以今次特登提早六點就到，可以唔使排仲可以坐卡位。對上一次試咗＄69嘅晚餐，佢個扒餐都水準唔錯，牛扒冇用野「乸」過，今次專程嚟試T骨扒，果然唔錯，先係足料羅宋湯加埋蒜蓉包，胃口細啲都即刻食飽，再嚟14安士T骨扒真係冇得頂，剛好七成熟，黑椒汁剛剛好唔太辣又夠香，薯條脆，唔覺唔覺成份食晒，再飲杯凍檸茶，已經好滿足，點知侍應姐姐要唔要食腐竹雞蛋糖水，當然唔會拒絕，食落好似屋企自家糖水好味。香港已經好少有咁好咁有人情味的餐廳，難怪在坐都係街坊為主，個個同事老闆都有朋友講，好似屋企食家常便飯，排隊都冇計，所以如果要幫襯真係要揀啱時間。

一連幾天吃茶記，也試試這間餐廳，看門面也知道不是甚麼高檔餐廳，正合上班一族每天解決午餐之用。中午時份，還未到繁忙時段，人不多，但侍應阿姐硬要客人坐在一堆，尤其是全部都是大男人，個個聲大大，有點吵。午餐有五款，送例湯和咖啡或茶。例湯是冬瓜湯之類，沒有期望，所以無失望。主菜選了吉列炸豬扒，上了麵包糠炸，豬扒炸得鬆化，肉質可口，旁邊的茄汁味道和顏色都有點曖昧，不吃為妙。咖啡不合我口味。

如果吾係係附近睇過醫生，都吾會知道這間餐廳的位置。2點打後已經係下午茶時間，35蚊焗豬扒飯，凍飲+ 3蚊，叫杯凍華田。落單先會做的關係，所以都要等一段時間。飲住杯華田先，正，終於吾係華田水啦，飲到尾時啲冰融左都吾會如淡，抵讚。飯到啦，用炒飯底，豬扒同個汁都好食。好食到成個飯食哂。

見好似好多笑樣所以來試一次, 週末下午茶時間到來, 店內人頭湧湧主要9成是街坊, 下午茶餐價位由$24 起至$35不等, 我們試咗:香脆魚柳飽$27 拿出來的賣相甚為有趣, 稍烤過的飽放一邊/ 一件9x5cm.左右大嘅炸魚/ 一片蓄茄/ 一堆生菜絲/ 一pat千島醬, 可能咁樣係為咗唔想件魚柳俾菜絲, 蕃茄片, 千島醬的濕氣將炸魚表面嘅飽糠整淋? 又或者每個客人嘅喜好咖一樣, 等客人自己決定哪個要哪個不要? 多貼心的想法?!炸魚新鮮炸出來-脆口感是一定的了, 蕃茄片一片太小家了, 千島醬亦不夠, 飽是烤得剛剛好!白汁焗雞絲天使麵$35 不值! 天使麵沒有炒過只是撈過油而已, 雞扒絲無味,係連醃味都無乜!食緊橡膠一樣, 白汁味淡想必是製作時沒什麼料頭所致, 青椒絲沒什麼特別, 作為整個下午茶餐餐牌內最貴的一個餐, 可以講係唔合格囉杯茶只是一般或者晚餐/ 小炒類會好一點吧

深水埗,如果唔係因為身邊人要去黃金行的話,做老婆/女朋友應該會較少去的地方,亦因為身邊人常去,我亦開始留意有什麼好發現,出名的一早試過,所以開始向一些唔太出名入手,結果今次...........星河餐廳.地點唔太難找,不過估唔到係一條較靜的街內,我去到的時候,時間早,所有都唔太多人,入到去見到有晚餐set,分別叫了A 焗豬排飯 & B 雞排,味道好有舊式餐廳FEEL,豬排鬆軟,飯底好,沒有集團式的硬,比較甜,如果一個女仔食應該會食唔哂,另一款雞排,汁好味,薯條係舊式的,大大條,令人食完都想再食.主餐前仲有湯, 一紅一白,紅的很多菜,仲有一舊牛肉,很喜歡的味道,因為紅的突出,令到白沒有什麼特別,另外仲有一個小食,就係吉列魚柳,當然好味過集團式的所謂魚柳,仲有青瓜及番茄伴碟.當飲完我的凍檸茶後,最窩心的就出現,居然有位女士問,要唔要糖水(SET MENU係沒有的),因為身邊人唔食木瓜雪耳糖水,所以只要了一個,甜味剛剛,很有木瓜味,睇得出是有心去整,一個SET只係$65,好過所謂集團式,50幾60蚊都唔知食左咩.

今次黎到星河餐廳, 細間大慨坐40人到, 好似花園餐廳呢種舊式西餐廳格局同朋友點菜, 叫左一個焗咖哩牛腩飯炒底, 焗白汁雞肉天使麵由於係焗大慨等左10分鐘先黎到焗白汁雞肉天使麵: 天使麵OK, 雞肉係近雞脾肉既肥美同又濃又多既白汁.重點在於, 焗令到白汁完全滲哂入天使麵入面, 所以成個感覺好好味, 而且又大又飽焗咖哩牛腩飯炒底: 牛腩飯試得多, 真係未試過甘樣用CURRY 黎焗仲要炒底,  真係肥到呢.! 可能係因為炒底多左蛋既原故, 焗左之後好有飯香, 而且牛腩亦一早吸哂咖哩既汁味..呢個牛腩飯係強烈推介, 不過我提議細食既朋友, 可以SHARE, 因為好大碟..而且等候需時.!!

終於可以試下個焗豬排飯啦......下午茶餐，我叫了想試好耐既焗豬排飯+熱飲=$34一黎到...雖然是迷你版，但一塊厚身豬排蓋住飯，豬排有質感又juice,，個茄汁獻又岩當讚讚讚男朋友叫了五香肉丁旦麵+熱飲=$23不過不失，不過...個麵唔似大光麵，我男友大讚，我也試過....又真是有不同喎去深水步必去食既餐廳

好老實講, 雖然呢度係深水埗, 作為我成日來此區, 我都要靠GPS才找到。點解呢? 因為呢條街係絕對不會入, 隔旁簡直似廢墟, 收舊爛銅爛鐵果D, 那是否找死人?講番入面裝修, 我起初以為是餐記, 點知入去有D懷舊feel,跟荃灣沙樂美的裝修相似 !食物價錢一般啦, 中計.... 原來焗豬飯套餐只多了一個湯, 貴左$16.- , 即是焗豬本來只是$34.- 而已, 因為阿姐hard sale, 我以為$34 要再另叫飲品, 原來都是有熱飲的。羅宋湯其實是高水平, 起碼夠濃, 味度更加是正宗羅宋湯的味道, 甜酸得宜, 本人認為非常OK , 唯獨貴左D喎 !焗豬都要等十五分鐘才到, 首先是炒底飯, 絕對童手無欺, 茄汁味濃, 豬扒不是很多但足夠份量, 而且入味, 基本上好難挑佢的不好, 老實講, 很久未食過甘出色的焗飯, 如果是$34, 我覺得簡直是抵! 抵! 抵 !阿姐本身都好人, 不是一般餐廳留起D卡位, 我就算一個人都叫我坐卡位, 講明當時只是剛有人走, 基本上無咩吉位, 我覺得呢方面好滿意 ! 最後講番杯檸茶, 好濃既茶味, 所以有D苦, 但溝左D茶後OK !

深水埗的食肆數量真的多不勝數，在open rice內找到了這一間，便決定一試。鰻魚蟹籽炒天使麵$55雖然賣相不是太精緻，但味道卻不錯，鰻魚的份量也不少。這個配搭也頗新奇，吃慣了炒烏冬，這個也不錯吧。天使麵煮得稍稔身，汁料也足夠，好炒得乾身一點點更好。$55的價錢還有飲品，糖水確是不錯的選擇。順帶一提，餐廳提供了中西式的食物。西餐廳的裝修，茶記的餐牌，家庭式的服務

「星河，有一串星際流火…萬天的皎潔星座，圍著焗豬分佈就座…」上次來到深水埗，已經是十月中，咁你話在下有多久沒來到深水埗呢？不過只是一個左右吧！深水埗是基層的社區之一，但是食店卻依然的多不勝數，今天造訪的，是星河餐廳，從餐廳名字看來，又使在下想起了星河的歌詞來，又從門面看來，似乎經歷了不少滄桑，門面舊了，就連內堂也仿佛經歷滄桑一樣，擁有著舊式的裝潢，依稀也有像以往舊式餐的模樣。星河餐廳位於大南街近警署附近，好容易找到。進入之後，連餐牌也不用看和研究，落單便是焗豬扒飯。先來的是羅宋湯。濃稠的羅未湯，有著鮮紅色的湯底，蔬菜中夾雓著一件牛腩，是舊式餐廳的特點。湯雖然濃稠，但很清新酸甜度適中，而且配料十分充足。焗豬扒飯隔了約十分鐘才上桌，顯然是即叫即焗，非常有誠意。除了蕃茄，還有紅蘿蔔。整個蕃茄汁酸酸甜甜，而且部份已經焗到燶了，豬扒已經斬件，而且肉質鬆化有嚼勁，唯獨炒飯的蛋絲卻不足，而且還未炒得乾身，有點濕身，這是有所欠缺的地方。凍奶茶茶味充足，回甘度也足夠，茶及奶比例均勻，茶亦很順滑。雖然星河餐廳看來是舊式餐廳，可是味道不俗，可以一試，而且整體來說，已經很滿意了。

特意來食焗豬扒飯，果然不錯！飯、汁、豬扒好配合，味道真的不錯！份量也不是少的，其實兩個人食都夠！我哋都有叫到其他嘢食，不過同呢個飯無得比。

11-5-2013(六）♭♪〜星河，有一串星際流火。。。〜 ♭♪是日，一個人又在深水埗一帶逛遊，探訪完露宿者後，便在 星河餐廳 吃個晚飯。久聞其焗豬扒飯大名多時，還未看過其真身！好！是日就快快現身在我眼前吧！點叫後要等 15 分鐘才上桌，應是即叫即製吧！當它端上桌子時，看見其賣相對辦；豬扒件數應有兩塊，是切件而上的，吃下一口，肉質鬆軟，肉汁豐盈；最讚的是那個茨汁，濃郁的蕃茄味，且不肥膩；飯也炒得乾身，粒粒分明；唯蛋加入炒飯內的份量則較小，若加多一點，味道更可口呢！隨餐附送的羅宋湯，料子多得很，味道濃郁；炸物亦很香脆可口，正！凍飲需另加 2 元，吃完整個餐後，很飽肚呢！