星洲名廚 (已結業)

每次諗吾到食咩我都會揀海南雞飯🤔因為我好中意食海南雞飯個醬😋今次食呢間餐廳雖然店細細，但食物一d都唔差，一個set有湯，油菜，飯，飲品同主菜。雞嫩滑有味，飲品係星加玻咖啡，油菜即刻煮。大件夾抵食

終於食咗呢間朋友成日狂推嘅星洲名廚😂 每次佢都會話呢度個炸豬扒有幾驚為天人，咁啱當晚九點幾響附近，周圍想食嘅都收哂，就索性入去試下啦🙈三條友兩個叫豬扒一個叫雞扒，雖然雞扒比豬扒平兩蚊，份量差成倍，雞扒得一塊仔切五六件，豬扒就疊成兩層八九件咁，明顯抵食好多，味道方面雖然話係香茅雞扒飯係完全冇香茅味，係幾嫩滑但普通雞扒囉，而豬扒就真係幾好味，厚切啖啖肉，炸得香口得嚟又夠軟腍，軟腍得嚟又有彈性，點埋個酸汁食又解咗個油膩感✨至於飯麵，煎蛋飯係絕對搵笨，隻蛋煎到封哂邊咁好似幾靚，但好細隻又好頹咁，俾多一蚊隔離成大兜咖喱，相比之下頹感更甚😂而咖喱就真係幾真材實料咁，嗜辣必選但我試咗啖就頂唔順，佢仲要唔係死辣，而係入口時得香料味唔覺辣，然後隔幾秒啲辣勁先至隨後爆出嚟，朋友好似食得咁過癮我就唔得囉😂我個黑豉油撈丁唔錯，係油咗少少，不過食前真係要撈勻啲先食，開頭嫌佢唔夠味，食到最尾好重味🙈btw佢個老火例湯幾好飲😛

星期五，獎勵自己外出用膳。同朋友食左豬頸肉椰漿飯！好滿足星洲名廚既豬頸肉整得好好，好林好香～好有口感，幾乎每次去都食佢！為左等更多人知道呢個飯決定要寫個食評讚揚下！下午食飯時段無乜人，唔洗等好快就有位～（12pm)叫完野食等佢上，大概10分鐘內，都唔算太耐！(岩果啲上班人士，食飯鐘數係12-1pm)餐飲飲左白咖啡，唔會好甜，岩岩好午餐黎講，一個飯加一杯野飲，$57算係咁！要睇下其實佢啲豬頸肉分量都唔少！

午飯時間來到，好彩我地一行3人，都有最後一張細檯坐低，唔係就又食唔到了！ 午餐點了個厚切豬扒+喇沙湯米 套餐，加熱檸水豬扒同米粉分開上👍🏻 份量夠多，又軟冧，熱辣辣喇沙湯底不錯，可惜配料很小，只有幾塊豆卜、魚片頭同埋半隻蛋！ 如果多d 其他香草做配料，湯底可能會更惹味埋單$55，都算ok!

係香港好難搵到好食嘅星加坡馬來西亞菜尤其是喺土瓜灣呢啲小區一街都係茶餐廳米線或者連鎖式嘅大家樂美心所以之前發掘到呢間星洲名廚我同老公都好開心雖然屋企行過嚟要10幾分鐘但呢日見放假冇乜嘢做我哋就過嚟食星馬菜午餐香茅雞扒喇沙摻摻好多港式嘅喇沙都只有米粉或者油麵選擇而呢間就好正宗地有得揀摻摻雞扒份量都非常之足夠海南雞套餐另外仲有湯㗎雞髀大大隻跟餐只有檸菜檸水咖啡係免費佢哋冇供應奶茶只有拉茶雖然拉茶要加$8但都幾好飲一定會再嚟幫襯嘅小店

放半天假期，去了土瓜灣找妹妹一起lunch首次在這區搵食，就由妹妹帶路吧～～來到這家餐廳，她就推介我食椰漿飯啊！我選了檳城椰漿飯，她自己就選了娘惹叻沙～～50多元的set lunch附有湯及熱飲～～檳城椰漿飯，飯量看似不多，但配料都足夠有雞扒﹑豬頸肉﹑花生﹑魚乾﹑青瓜及蛋椰漿飯粒粒分明，滲著淡淡的椰香豬頸肉烤得夠焦香而不會乾身，肉質夠稔雞扒更為出色，煎得皮脆而肉嫩有肉汁，很入味微辣的咖喱醬令雞扒的味道更惹味！！娘惹叻沙，可選米粉﹑油麵或摻摻妹妹就選了豬扒摻摻摻摻的意思即米粉及油麵各一半湯底味道香濃，椰漿味濃郁，辣度足夠，好滋味！配料同樣豐富，有豆卜﹑芽菜﹑魚片，豬扒另上豬扒size夠大塊，同樣煎得夠香脆，肉質不會太乾身～將豬扒吸收一點湯汁來吃，都好惹味！！整體來說，食物味道挺好CP值算高～可考慮再光顧呢！

識揸車其實係一件好幸福既事，雖然我唔識，但我慶幸我有一個識揸車既老公，所以佢可以車我周圍去食好東西🤫🤫 今日返工前就黎左土瓜灣食星州名廚。黎到門口綠色既門牌已經非常突出。 入到去鋪頭唔算大，已且擺位相當迫。午餐都算好抵食，有飯有湯有野飲，價錢都只係由$44蚊起知道呢度一向出名厚切厚豬扒飯，所以我叫左黎試。厚切豬扒可以揀配鼓油撈麵、咖喱飯煎蛋飯、椰漿飯，或者叻沙。最後我叫左椰漿飯因爲從來都未試食過。塊豬扒真係好厚好大。椰漿飯椰味唔算濃，第一啖食落去食唔出椰味，再食多一啖，慢慢再細味，椰漿味終於都出了，椰漿同個飯既味道其實都幾夾。塊豬扒好入味，肉質好嫰淋，同埋真係好大塊，有機會會再黎食下🤤🤤。

土瓜灣係我其中一個中意搵食既地方，因為呢度好少有d大型既連鎖食市，而呢度隱藏左好多小店美食。 星州名廚係我其中一間中意幫襯既餐廳。雖然地方唔算大，環境其實有d迫，坐位與坐位之間既空間得少，或者呢d就係小店既特色啦。今次我食左小印度煎羊扒（2塊）配椰漿飯，雖然menu 寫得2塊羊扒，但黎度我竟然見到有3塊😱不過當然第3塊唔算好大塊。羊扒比我想像中好食，因為唔係間間鋪頭都可以煎到d水準出黎。塊羊扒一d酥味都無，又唔乾，肉質好嫰滑，好有印度風味。

今晚自己一個人吃晚飯，想起很久沒有吃過這裡的豬排，自然來到。這裡有七個晚市套餐，由$53至75，我要了咖哩豬排飯$60，包一杯例湯、熱飲。咖哩豬排是分開上的，咖哩不是巴基斯坦，又不是馬來西亞，有可能咖哩粉太多，所以咖哩一點苦澀味，如果是馬來西亞就完美了。豬排🥩是厚切，肉質軟腍，肉汁豐富，我覺得非常好味，而份量足夠飽。

每次經過都有好多人排隊，今日早少少去，總算唔洗點等就有位。門面比較細，唔係好顥眼，枱同枱之間都比較迫。試左個肉骨茶餐同豬排撈麵，肉骨茶好好飲，豬排都幾厚切，唔錯!

何文田實在太少餐廳可以吃，所以都很習慣坐車去旺角/土瓜灣食lunch。今次跟同事去土瓜灣的這間餐廳，不太顯眼的門面，裏面燈光帶紅很奇特。據同事說喇沙很不錯，就直接在幾款喇沙中挑。豬頸肉喇沙（$50，lunch配熱飲）豬頸肉自動自覺另上，抵讚，我最怕味道污染。份量比想像中多，一塊切開起碼有6片。吃得出搽了蜜糖烤過，香口又爽口，好味。至於喇沙米，不算好杰身但很香濃。裏面有芽菜豆卜雞蛋魚片，幾足料。-惹味重口味之選，胃口欠佳的時候會再來吃。

店內雖然有卡位，但空間偏窄，燈光好綠，唔太舒服見呢間舖頭招牌係海南雞飯，就叫咗個套餐轉雞脾，$62+8，埋單$70齊頭套餐跟湯，係冬瓜薏米豬骨湯，薏米都幾多，湯都好夠味，不過都係味精湯凍檸茶都幾地道港式味道，不過個膠杯花哂崩哂，搞到感覺好似好污糟海南雞飯終於登場好正式嘅連骨雞飯，雞髀肉幾厚幾滑，但雞味唔重，真係要點醬汁食雞飯都幾香，偏乾身，不過真係唔比其他海南雞飯店特別個唐生菜反而幾好食，甜豉油有返啲水份中和下整體嚟講唔特別推介如果下次嚟食，會叫其他嘢食算

附近野食都真係好多，但係聽朋友講依度嘅豬扒唔錯咁就一於試下啦。餐廳細細，略嫌有一啲逼夾。 今次叫咗厚切咖喱豬扒同埋肉骨茶。先講厚切豬扒，份量都十分合理。咖哩有啲辣，但係無咩咖哩味。豬扒都好淋，好容易食，但略嫌有啲乾身。而我個人反而幾鍾意伴碟嘅青瓜！😱肉骨茶好足料， 味道都相當唔錯，下次如果再嚟都會再食。本身好想飲凍奶茶，但係嗰度冇，只有熱嘅拉茶。叫咗一杯試下，唔覺得有咩特別，相比起要加12蚊嘅價錢，唔值得一試。其實嘢食都唔錯，但係有一樣嘢，令我唔係好想再嚟。就係佢個地下...真係好跣，我有兩三次都差啲跣低。

所謂嘅招牌咖哩牛腩飯，無咖哩味，只有咸味、差丶差丶差。喇沙更差，食左2⃣️啖，放棄，差差差，衹有更差，然後阿姐同我講下午四點話佢要落場，要先埋單，仲以為夜晚四點添

放工後繼續在土瓜灣覓食！行過見到呢間星洲名廚個招牌咁可愛，以為係decent少少既餐廳，點知入到去原來係茶餐廳既環境，有少少失望。本來想食肉骨茶，但見到係藥材味濃的馬來西亞式，而不是白胡椒味濃的新加坡式，所以罷了。最後揀咗羊扒叻沙，羊扒係孜然，超級濃味！而羊扒有香騷味，配合一齊好惹味。而叻沙就好夠味但又唔會太辣，我㨂米線，食到好飽，一個女仔係未必食得晒。熱檸水就唔使加錢，全日免加一。最後$70埋單！其他菜係無$70咁貴，主要五十幾蚊，係涉及羊既就會貴啲，晚飯黎講算係實惠，份量亦好充足😌