星洲名廚 (已結業)

星州名廚已經在土瓜灣區多年，我由開張吃到現在，曾經試過肉骨茶、海南雞飯、豬排飯，最終都係覺得豬排是最美味的，因此専程為它寫一篇食評。這間食肆以綠色為主色，可能要給人星洲感覺。而座位都有四、伍拾個，不過繁忙時段比較迫，所以我會在非繁忙時間才來。豬排餐有幾個選擇，可以配喇沙、煎蛋飯、撈麵，而今晚點了咖哩豬排飯餐$57。咖哩豬排飯餐$57，咖哩有點似印尼的咖哩，帶少許苦味，不是我杯茶，不過想吃飯又不要豉油。而豬排則是我覺得其中一間最好食的，因為外表炸得好香脆，而內𥚃保持肉汁，仲要夠厚身，每一口都很滋味。

家住土瓜灣既我一向都好鍾意呢間小店，佢既海南雞飯，香茅豬扒，喇沙同肉骨茶都係一絕！今日我要講既係海南雞飯～呢到海南雞飯雖然唔係去骨但肉質嫩滑，雞肉味道重，一個套餐包埋野飲，油菜同湯，不過小弟最近減肥，轉左白飯，如果唔係佢平日既油飯都好香，唔會有太油感覺，三種醬汁都別有風味，甜豉油，辣雞醬同薑蓉其實呢到既厚身豬扒先係我既最愛，但暫時要食清淡啲，有機會再黎食過，希望黎到土瓜灣唔知食咩既你都會鍾意呢到啦～

今晚很夜才吃飯，想起很久沒有來吃這裡的了，收工後便趕來，因為它收十一點的。這裡以綠色為主，座位都有四、五十個，所以有點迫。我點了咖哩豬排飯餐$57，包例湯和餐飲。例湯：薏米黃豆煲豬骨，非常清甜，沒有加味精，仲有好多薏米、黃豆，夠晒足料。餐飲是白咖啡，白咖啡香味一流，就算不加糖都可以，加糖就更加好飲。咖哩豬排飯，豬排炸得很香，又夠厚身，而且保持肉汁，做到外脆內軟，暫時是吃過最好吃的豬排。咖哩汁是比較特別的，帶少許苦澀味，又不似馬拉和巴基斯坦，沒有椰香味，這個咖啡喱差少少。

今天沒有帶飯 所以同同事出外食飯！ 好彩我地2位，出去都好容易搵到位！ 出街食飯 當然要食comfort food !! 所以我點了個豬扒撈麵！ 豬扒好輕化 公仔麵都幾爽口，不錯！ 👍🏻👍🏻

星洲美食一向係我嘅「非忽」，經常都忍不住自家製作肉骨茶、喇沙之類嘅菜式，味道自我調合，碰巧行經土瓜灣食街，隨便走入一間星洲食肆醫肚先見店面整潔，大大個餐牌放在店旁，正所謂先睇版後點餐，未入去已經決定試下個肉骨茶套餐門口大大個餐牌真係好吸引眼球，未食已經流緊囗水了店內環境偏暗，白色掛燈為主，坐位不多，全部也是四人長方枱為主，坐位寛敞肉骨茶套餐（一人份量）主角肉骨茶湯有多種藥才香味，味道可以，有兩條大骨排及一件大腩肉，份量足夠，肉炆到好淋幾入味下，湯喝了也不嗆喉，但白胡椒味不足，而小段油炸鬼放入熱騰騰嘅湯裏，吸滿肉骨茶嘅海綿般油炸鬼，真係格外吸引 另外套餐還有西生菜，但份量一般，整體食物味道一般，價錢經濟，環境一般，香港地以$60元可以食一餐星馬套餐，也有一定水準，真心勝價比高

坐位算多，但非常窄同迫，筷指隨時被high到😕朋友點海南雞飯，雞味鮮嫩滑，尤其喜歡那三格醬油碟，比一般特別細緻！雞有85分我就點厚切豬扒叻沙米粉，上枱見豬扒拌厚粉得嚟，第一囗已經唔脆，咬多幾下係嗒唔到一丁點肉味！？好失望地⋯轉投叻沙米粉，配料雖然一般，但整碗米粉味道幾好，可以食到底。朋友見豬扒不動，挾一舊大啖咬，都話唔掂，之後夜晚重話喉嚨痛😑豬扒20分叻沙80分

現在香港的星洲菜大部份是港式星洲菜,要找一間比較正宗的也比較困難,無意中來到這間,發覺出品比較接近正宗星洲菜,而且價格實惠不妨一試。這店食物品質不錯!!環境也好，服務員招呼也不錯!!個人喜歡叻沙麵，推介!!!

同事提議來這裡吃午餐，我叫了豬扒撈麵，豬扒的份量非常多，味道尚可，另外有一碟蒜蓉加醋的醬料，醬料的味道不錯。整碗撈麵都非常肥膩，油份很多，吃麵很難消化。

係北帝街已經有中餐, 西餐,日本嘢,新彊火鍋,韓食,平民價又好好服務嘅金咖利啦, 最開心係有位迫車呀！今晚選擇咗星洲名廚, 叫咗個海南雞飯餐同咖哩牛腩農夫包. 海南雞飯嘅飯有一陣香茅味同少許蒜味,唔多有雞油香味, 碗飯夠乾身嘅,至於海南雞, 肉質頗嫩滑,其實宜家用雪藏雞做,味道已經唔錯, 配合附上嘅醬汁味道又幾好食, 統一囄講係唔錯,$60可以一試嘅, 餐湯冇味噌可以飲得過！Waaaaa 個原隻麵包上,麵包蓋烤到好鬼好脆👍🏻👍🏻😋😋😋😋💯, 又會有一兜仔汁比你,內有一舊薯仔, 咖哩好夠八角香味😋😋😋😋,又夠辣味💯😋😋😋, 牛腩燜得唔係好夠淋呀, 不過唔算硬,可以用叉切細粒D食就冇問題！$76,食到超飽, 我唔係一個冇咖啡會死的人,不過杯熱咖啡唔加糖都好好味！海南雞飯餐$60餐湯咖啡牛腩農夫包$76咖啡

若論到土瓜灣區內最出色的星馬菜店，我這個舊街坊一定舉起手指，遙指到這店裡內....從前住附近，經常來堂食或外帶。自搬走後，就很少專程來吃了。難得有機會重臨緬懷一下，心情總是高興的....不是說這裡的出品十分地道正宗，但其弄出來的味道挺合個人口味的，這樣便足夠令我對這裡有一份特別的感情了....一份椰漿飯午餐，有飯有湯有飲品，以五十多大洋的價位來講，性價比絕對是好得沒話說....湯沒甚特別，只是一碗人工味極重的湯料，可以將之skip走可也....椰漿飯飯粒分明不糊，滲著淡淡椰汁香。配著花生及江魚仔來吃，光這一味就可以裹腹了。可惜的是，上桌時好像欠缺了身為靈魂的參巴醬，滋味也就差得遠了；兩款配料當中，個人較愛醬汁夠濃稠惹辣的咖喱雞扒。雞肉處理得非常軟嫩，味道非常好；豬頸肉也甚入味而帶爽，不過相對起雞扒來言，水平就沒那樣突出....最後呷一口冰凍具備奶香的奶茶，非常滿足了....

唷，很少來這區搵食，土瓜灣北帝街，原來是一條食街，兩旁食店林立，很多選擇，中西，星馬，粥麵，不會下下茶餐廳，有得楝，日日可以選不同餐類，正。這店門口不大，但很深，都應該可以坐三十，四十位，試咗海南雞套餐，厚豬扒叻沙，海南雞滑，處理剛好，油飯亦佳，本來要雞腿，話明加錢，但上比我，我當然感恩。。厚豬扒外脆內有肉汁，十分正，大家真係要試試，再加叻沙，超值，淨係碗叻沙都要咁嘅價錢，再加大厚豬扒，下次會再幫襯。

呢度地方唔算大，裝修簡單，座位逼，其實唔係太好坐。晚餐價錢唔貴，我知道呢度嘅豬扒特別出名，所以就叫咗兩個有豬扒嘅套餐試下。咖喱厚切豬扒+湯 +飲品湯夠味，不過唔夠熱，所以俾零分。咖喱厚切豬扒，咖喱汁係星洲味道，微辣，豬扒鬆脆，肉質鬆化，稍稍肥膩，不過厚切嘅口感相當唔錯。厚切豬扒叻沙+飲品喇沙味道濃厚，材料豐富，米粉份量相當多，唔算太肥膩，我覺得比吐司工坊嘅叻沙好味多，跟一碟厚切豬扒，扒面脆，肉質鬆化, 喇沙+切豬扒係絕配。白咖啡奶味過龍，咖啡味淡, 唔好飲。餐廳食品價錢唔貴，我覺得好扺。

早前在中環食左間淡茂茂嘅肉骨茶，今回到土瓜灣再試。這間的肉骨茶份量足，有四嚿肉骨， 肉質已被燜淋，一篤便離骨。湯中有兩片冬菇，和少量杞子。 藥材味適中，有點當歸味，幾好。 價錢亦唔貴，才$60。 畀多兩蚊仲可以跟杯熱飲。順帶一提，馬來西亞的肉骨茶係藥材味較重。而星加坡的肉骨茶則胡椒味較重。 各有特色非常好味。 喺香港實在很難找到啊！舖頭主要做街坊生意， 所以店內裝修和服務態度亦非常一般。

星州名㕑今晚又唔知食咩好。同老公係北帝街搵嘢食。經過星州名㕑，就去食豬扒啦沙啦。豬扒鬆軟，煎得好香。啦沙的椰汁，當中米粉及油麵撈埋一齊食，加上芽菜，好快就食哂。豬頸肉好冧滑，份量都好多，55元真抵食。鮮奶紅豆冰有好多紅豆，冰不是很多（唔會溶掉後減淡鮮奶的味道）值得一䜠👍。

工作中午餐，四圍去嘅好處係可以四圍食，呢條街泊到車，又好多食店，搵食評呢間都幾高，所以選咗呢間，幸運唔使等位！人多坐店內中央長方枱，西餐廳格局，店內粉綠加樹葉圖案裝飾，幾清新，食物以星馬菜式為主，食評話豬扒好味，所以叫豬扒麵！例湯：夠熱，幾足料清甜。豬扒叻沙摻摻（$52）賣相幾靚，叻沙湯底椰香，幾濃香，雖然有紅油但完全唔辣，魚片彈牙，半隻熟蛋太熟，蛋香還可以，蛋黃太粉，豆卜皮軟軟的，無乜口感，芽菜爽脆，摻摻即粉絲+油麵，但油麵同粉絲係分開兩團嘅！唔係撈埋，有啲奇怪！油麵彈牙，粉絲爽口，另上嘅豬扒好厚（喜歡呢度另上，唔會浸淋晒）豬扒顏色深色，應該係啲醃料顏色，鬆軟唔乾有肉汁，鹹香好味！熱檸茶：夠熱，茶底濃唔澀！幾好！以下係同事食：海南雞飯套餐（$62）豬扒煎蛋飯（$55）檳城椰漿飯（$52）豬軟骨飯（$52）咖哩雞扒飯（$54）豬頸肉叻沙摻摻（$50）凍檸茶（跟餐加$3）凍白咖啡（跟餐加$3）熱檸水：食物幾好！店員爽手勤快，人太多有時漏飲品嘅出聲好快處理！在呢區來講唔錯！