星海薈 (利舞臺廣場)

營業中

休息中

由細到大都好鍾意飲茶，以前就晨早六點幾起身，但係而家下午茶先係最抵食，由兩點開始就係下午茶時段，慳慳埋埋仲可以食多兩款。呢間相對地點位置優越，而且價錢合理。原隻鮑魚燒賣 $38/隻大大啖原隻鮑魚仔配上燒賣賣相相當吸引，鮑汁燒賣比起平時食既更新鮮。南翔小籠包$34賣相可愛，滿滿的湯汁一口爆出，皮薄餡多，一口一個超滿足。春風得意腸$38（必點）腸粉質地煙韌，包住香脆炸蝦，外滑內脆，新鮮好味😋招牌酥皮大蛋撻、安格斯天鵝酥呢兩款亦都係必須要點的，天鵝酥裏便釀製左安格斯牛肉，外邊非常鬆脆，牛肉炒得很香。而大蛋撻的酥皮同樣非常鬆脆，層次感滿滿，蛋漿香滑。雪梨無花果燉湯$68一碗滿滿的材料，雪梨無花果滋陰補肺潤喉，味道甘香清甜，沒有味精的味道，還有雞腳補充膠原。

放工一家人去星海薈晚餐，位於銅鑼灣利舞臺5樓，地點非常便利，酒樓環境十分舒適，裝橫美觀，而且服務很好👍🏻坐低點左幾樣餸菜😋😋😋冰鎮花雕5頭南非鮑魚 $68/隻點左冰鎮鮑魚，帶著陣陣香濃的花雕酒香味，好夠凍，完全覺得好似食緊刺身咁樣，好美味又可口雪梨無花果花膠燉湯 $68/盅花膠燉湯都很大碗又足料，有幾片花膠，湯很清甜美味😋😋瓦撐蔥油雞 （一隻）$98 堂食好抵食又好食，香蔥味很濃郁，雞肉鮮嫩美味，好足料，滋味滿分💯龍躉兩味 $388蒸龍躉蒸得剛剛好，啖啖肉很鮮甜美味👍🏻西蘭花炒龍躉以另一個方式煮都很美味，龍躉炒起更有魚香的味道😋

今日收工後去咗銅鑼灣的市中心旺區飲茶，位於地鐵站5分鐘左右的距離，相當方便。恰好撞正2點鐘的下午茶時間，價格較正價時便宜了一些，亦有些酒樓亦有些精選特價點心可供選擇。當中最出色的是晶瑩蝦餃王，上枱時熱氣騰騰，一蒸好便即拿出來方有此效果，一咬落去已有汁慢慢的滲出，再加上外皮很是薄身，蝦肉的彈牙口感及濃烈的蝦肉香味兩者相加絕對是一加一大於二的效果，此蝦餃王認對是必食之選。然後是性價比之選的大澳三鮮蒸飯，一上枱是已有濃烈的蝦醬香傳出，蝦醬的香味滲入了三鮮當中，當中尤為出色的是帶子，既鮮香亦滑口，很好配搭上蝦醬香，相當搭，而且是選用炒飯底，混合在一起後，很易下飯，我一個人都食左整蘢飯的一半。

同屋企人食午餐帶佢哋嚟咗銅鑼灣利舞臺嘅呢間譽宴 叫咗個新加坡胡椒蟹真係超巨型呀 肉蟹真係啖啖肉鮮甜味十足 仲有超正嘅菠蘿咕嚕肉菠蘿 係新鮮菠蘿 咕嚕肉外脆內軟 一啲都唔油膩

第五波疫情爆發前打算跟親友晚飯聯誼，在銅鑼灣利舞台的譽宴·星海薈訂了兩圍晚宴酒席兼麻雀耍樂。奈何其後疫情爆發，酒樓要求更改日期及將晚飯改為午飯，並表示因為是法例要求，所以不能退回訂金。本人理解法例所需，唯有接受更改日期至2月及酒席時間改為上午11:30至下午4:00，但保留雀局及酒席由2圍12人一枱改為4圍6人一枱，而且酒樓承諾因酒席圍數增加而由原先的一間小房間擴大至打通鄰房成一間大房。及後酒樓因有客人想訂婚宴酒席，需要較大空間，眼見本人只訂兩圍酒席，竟然要求本人取消酒席及退訂。因本人已約好親友及不知疫情如何發展，固堅持繼續酒席安排。此時酒樓竟表示因疫情關係，不能提供雀局，時間由上午11點半開始改為中午12點才開始，並且反口表示沒有承諾酒席空間由小房間改為大房間。😡今時今日，酒樓為了增加收入，竟然欺壓小客戶。希望各位警惕。

為友人慶祝生日，因為她喜愛吃中菜，選了一間食物質素及環境舒適的中式酒家慶祝，位於銅鑼灣利舞臺廣場的「譽宴．星海薈」，這間專為婚宴場地為主之外，環境十分華麗，有專屬客梯到達樓層，一到達大門口，便會看見花花拱門及長長的旋轉樓梯，十分高貴，大廳空間感十足。餐牌選擇很多，鑊氣中式小菜是主打，海鮮等，非常吸引，冰鎭花雕五頭南非鮑魚正是做推廣餐牌之一，鮑魚大隻，上菜時加入冰鎮煙霧飄著，很有仙氣，馬上拍照打卡！鮑魚口感非常彈牙，切成了四塊，入口有香濃花雕香氣，口感爽彈，蘸上Wasabi和醬油更提鮮！花雕酒醉雞，雞肉經花雕香濃醃製後，肉質嫩滑入味！金牌燒味雙拼 – 燒腩仔拼蜜汁叉燒，蜜汁香甜，叉燒肥瘦均勻，火喉恰到好處，梅頭肉質鬆軟，不肥膩；燒腩仔的皮燒得很好，外皮香脆，兩者同樣出色！清炒豆苗，份量大碟，先爆蒜香後令蒜味更濃郁，豆苗炒過後依然嫩綠，很有獲氣！豉油王蝦乾炒麵，同樣大碟，用了幼麵，加上切絲韭菜、芽菜，及蝦乾，口感和味道豐富，重點是炒得乾身，加一些豆瓣醬，更加惹味！整體而言，食物味道很好，店員服務有禮，環境裝潢高雅，實在是一間誠意中菜廳！下次再品嚐更多菜式！

12月係最開心既月份，因為老公生日啦☺️咁重要既日子，當然要同佢行街慶祝，呢日就陪佢出去銅鑼灣買禮物，行到2:00幾肚仔餓，而老公鍾意食點心，咁就去譽宴．星海薈飲杯茶，食個包下午茶時間都好滿座，等左一陣就有位了，開左茶位，侍應姐姐就拎一鍋熱水比我地，原來比我地用黎消毒d食具，食得非常安心，超讚下午茶時段，各款點心都平d，可以點多幾籠點心我地兩個都好大食😝點6籠點心都唔係太過份啦點心即叫即蒸，又熱辣辣，不過小心燙咀，而老公最愛就係蝦餃，皮薄之餘，d蝦仲大大隻，而我最欣賞就係小籠包，薄皮包住濃郁湯汁，熱騰騰揚州鍋麵: 食左d點心，都感覺有d唔夠喉，之後點左呢個鍋麵，絕對好豐富，因為食材好足料，鍋麵湯底又好鮮甜冰鎮花雕5頭鮑魚: 老公生日，當然要同佢整番隻冰鎮鮑魚，很精緻又好大隻，而且佢地好細心，已經切好件，方便進食

朋友請食飯，帶我去利舞臺廣場~譽宴。星海薈，華麗的裝潢，非常吸引。首先是充滿仙氣的冰鎮花雕5頭南非鮑魚，非常抵食 $68，鮑魚鮮嫩，入口陣陣的花雕酒香，很好味。大大隻的蟹粉小籠包，放入小巧的蒸籠，很別致，一入口，包內的湯汁已經濺出來，味道不錯。足三兩的紅燒煲仔翅，真係足三兩都是 $188，份量充足，味道鮮甜好味。蜜汁黑毛豬叉燒，黑毛豬肉質鬆化，有肉味。得獎金磚脆豆腐，豆腐外皮香脆，內裡香滑，好好味。欖菜肉鬆四季豆，不咸不啖，味道剛剛好。

最近梅艷芳這套票成為熱話，當然我和朋友都會捧場啦！於是約左今天在銅鑼灣一齊看，然後飲下午茶。突然想起利舞台廣場有間譽宴有下午茶優惠，此處食物質素唔錯；而酒樓擺位寬落舒適。疫情前她們專辦婚宴所以環境佈置很華麗，一入到酒樓看見那座水晶吊燈不禁令我們眼前一亮。我們入坐後服務員捧來一盤熱水給客人把碗筷消毒確令食客來個安心。👍醉雞花雕酒味香濃，雞味嫩滑；非常入味。五香牛雜牛雜以瓦煲盛著可助食物存熱，味道濃郁不會太咸。各類牛肚、牛肺、牛蒡皆有很多件，炆得好淋好入味；尤其是蘿蔔是我最喜愛。黄金磚豆腐分量足，炸得色澤金黄；好像一磚磚金磚。外脆內軟，加上七味粉更加香口。晶瑩蝦餃皇皮薄晶瑩剔透，大大隻蝦非常爽口。蟹籽燒賣皇餡料有半肥瘦豬肉和蝦肉粒粒飽滿，口感扎實。頂層鋪上鮮蝦和蟹籽好味又美觀。椰汁桃膠燉鮮奶  鮮奶很香椰味濃，一齊燉上桃膠滋陰養顏；係女士至愛。最重要是它不會太甜附合現今健康標準。

老闆突然請吃飯，放工後拉大隊到銅鑼灣譽宴吃飯! 餐牌上選擇不少，當中亦有較抵食的晚市孖寶，不過，這餐由老闆請客，食物就由他發版~ 冰鎮花鵰5頭南非鮑魚冰鎮5頭南非鮑魚很有“睇頭”，於杯內灌水會釋出白色煙霧，而廚師亦細心預先將鮑魚切成厚片，方便品嚐，鮑魚帶有淡淡花鵰酒香，口感Q彈有咬口，很鮮味。 經燒皇子鴿皇子鴿送來時已經有陣陣肉香，乳鴿外皮亮澤，入口皮脆，而鴿肉肉質細嫩多汁，滷水味突出，非常有水準～ 鮑汁海蔘豆腐煲海蔘數量蠻多，口感爽脆，吸收了滿滿的鮑汁，味道鮮香味，豆腐用上玉子豆腐，入口滑捊捊，冬菇厚身爽滑，用來佐飯非常適合。 鮮菠蘿脆皮咕嚕肉咕嚕肉口感好香脆，入口帶有濃郁脂香，但不算肥膩，用上火龍果肉及鮮菠蘿配搭煮成，味道酸酸甜甜，很醒胃。 鮑汁鳳爪鳳爪煮得好入味，鮑汁味道好鮮，唔會過濃過鹹，而鳳爪口感鬆軟，但又不會煮致軟爛。 豉油皇蝦乾炒麵炒麵煮得很入味，蝦乾不但能令口感層次提升，而且還帶有一股獨特的蝦鮮鹹香～

譽宴集團一向做開婚宴酒席，疫情下少了攞酒，酒樓主力做番晚飯小菜，水準都真係唔曳。酒樓大廳好靚好grand，枱同枱之間亦有足夠距離，夠晒私隱，亦唔會好嘈，坐得好舒服。今日點咗個招牌白胡椒蟹四人套餐 $1288，包每人一罐汽水或啤酒。🦀招牌白胡椒肉蟹賣相好吸睛，端上時，蟹仲係熱pan 上發岀滋滋聲，再淋上白胡椒汁，香噴噴，已忍唔住要拆蟹喇，個白胡椒汁調得非常好食，好惹味，濃濃嘅胡椒香又唔會辣得嗆喉，同蟹嘅鮮味好夾😍🐣原盅黑蒜螺頭燉雞湯湯頭呈深啡色，清徹唔油膩，每盅都有瘦肉雞肉，仲有原粒黑蒜，味道濃郁甘甜，趁熱飲好正。陳皮蒸八頭南非鮮鮑魚鮑魚洗得好乾淨，內臟亦都清除左👍🏼，大隻好新鮮，肉質柔軟富彈性，食落一啲都唔韌，鮮味十足，仲有陣陣嘅陳皮芳香味添😍😍🦐翡翠蝦仁炒冰極蚌蝦仁🍤晶凝剔透，大隻又爽口，冰極蚌肉質爽口又帶點嚼勁，蜜糖豆爽口清甜，蘸上蠔油好滋味。🐟清蒸金花龍躉班剛剛好，冇蒸到過熟，魚肉鮮嫩雪白又滑，加埋個滾油鮮甜嘅蒸魚豉油更能帶岀魚嘅鮮味。🐥脆皮一品炸子雞炸子雞算係工序繁複的菜式，要整得好食其實一點都唔易。呢度嘅炸子嘅雞雞皮好似焦糖片咁嘅口感😻😻，食落好香口，肉質軟嫩juicy唔嚡口

去了銅鑼灣吃飯，發現原來中菜廳也有美美打卡樓梯🥰🥰🥰清蒸沙巴龍躉仔 $198吃中菜都會期待吃到深海魚，所以叫了龍躉仔，味道很鮮，配有大量最愛的蔥絲😍😚黑蒜螺頭燉雞湯 $68湯底十分濃郁，吸收滿滿精華，非常滋補😎😎🙂燒汁珍菌霜降牛肉 $188看到霜降牛肉就試試，味道是很濃的，但調味偏重口味，有些好像過了火候，份量適中，配飯吃會比較好😗😎$228原隻鮑魚滑雞煲有4隻鮑魚，和少量雞件，新鮮滾熱辣上菜鮑魚有點大有點難咬，但雞件尚算肉質嫩滑😗人均$278,價格中等，想打卡美美樓梯可以一試😗😗

今日拎咗半日假帶埋仔仔去老公公司銅鑼灣附近飲下茶，享受吓家庭樂！就啱時間飲下午茶😁可以嘆埋下午茶個優惠👍譽宴之前都有食過，不過走漏眼🙈錯過咗安格斯牛肉腸粉😱而且呢度嘅點心係即叫即蒸🉐️所以要預返等10至15分鐘！但係真係特別好食，因為新鮮製造！佢個好正嘅安格斯牛肉腸粉咬落去啊特別有牛肉味！同平時食嘅牛肉腸粉完全唔同我仲食到停唔到口食咗幾舊😂下午茶竟然有蝦餃特價，入口蝦味濃郁👍叫咗扭麻花脆口又好味，BB食咗好多舊❤️蝦春卷即足料，正所謂有圖有真相😁雪山叉燒餐包外脆內內軟熱辣辣蒸排骨大大碟個底仲有芋頭墊住芋頭好入味！

銅鑼灣酒樓選擇真的好多 要環境舒服食物一流還有要服務一流也好難選擇就是被這裝修環境吸引了，好似擺酒的🤣🤣紫色主題。疫情咁耐現在可以多過四人一枱啦白胡椒炒蟹叉燒好淋 唔錯喎 值得推介小食醉雞好濃酒味，以一斤六兩龍蝦伊麵感覺啖啖肉喎得獎金磗脆皮豆腐好滑粉絲雜菜煲士多啤梨蝦球菠蘿脆皮咕嚕肉一口安格斯牛仔粒好華麗的大堂燒鵝估唔到要預計，經理話當晚得兩隻鵝，已經賣哂...幾離譜喎其實好普通間間酒樓有燒鵝，竟然要預訂囉…難以接受到囉！

蟹粉小籠包招牌必點之一，蟹粉小籠包同其他不同的是裡面的湯汁好甜。蟹的味道都非常鮮。鮮蝦春捲春捲裡面的蝦超大，外層脆口吃起來不會太咸，但是吃多左就會有少少膩同熱氣，喝壺茶剛剛好又可以繼續食。五香牛雜牛雜是裡面最驚艷我的，味道上沒想象中的咸，吃起來牛雜不會太難咬，仲有好多牛肺食落去好爽，煮到不會太爛。無骨酸辣鳳爪酸辣味的好開胃，可以加點這一份，幾個人一起吃，吃到一半可以轉下開胃。份量上都算多。蝦餃皇這間餐廳必點之一的是蝦餃。最怕就是蝦餃裡面的蝦有海鮮的腥味，這間食落蝦夠大粒皮多簿就是加分。依家燒排骨做緊特價所以叫咗試一試。食落外面香脆又有焦香，排骨整得好入味，份量也不少。雪山叉燒包這間餐廳的叉燒包的表皮是甜味的，咬下去裡面就有少咸味。叉燒裡面都算大塊，再加上裡面有地是瘦肉有地是肥肉所以吃起來好會有少少肉汁。