星海薈 (利舞臺廣場)

營業中

休息中

今日同幾個朋友嚟利舞臺飲茶一入門口長樓梯同瑰麗嘅燈飾，好似酒店一樣咁靚。幾個饑餓嘅女人仔剔咗好多款點心：✨春風得意腸必食腸粉，滑嘟嘟嘅粉皮，包著網格嘅脆脆，加上粒粒蟹籽，口感好特別✨小籠包放上手挽嘅小籠包賣相好靚，湯汁好豐滿，皮夠薄，夾起時都要小心翼翼，怕湯汁湧出✨竹笙菜苗餃皮薄餡料超飽滿✨蒜茸鮮蝦春卷春卷擺耐咗依然好香脆，裡面包著滿滿蝦肉✨黑金流沙包竹炭嘅包，撕開兩邊立即流出金黃色奶皇漿，每次飲茶必食✨鮮菠蘿脆皮咕嚕肉即叫即炒，外皮香脆炸粉唔厚，配上新鮮菠蘿粒，酸酸甜甜好開胃點心質數有水準，下次一定要嚟試下晚市嘅胡椒蟹

銅鑼灣美食何其多，飲茶的地方反而不多。星海薈。譽宴出名地方夠寬躺，價錢合理，點心水準當然都有番咁上下。想去嘆茶就會諗起佢下午茶有時間限制，限時個半小時。安格斯天鵝酥 $48蘿蔔絲酥餅升級版，外型已經感覺到嗰份誠意，餡料以安格斯牛肉切成小粒、炒香釀入酥皮內，一咬下去真心不得了沾滿了醬汁的安格斯牛肉同時爆發，牛肉味澎湃富咬口；酥餅超鬆化可口、非常美味的自創點心，超推介！推介的還有「竹笙菜苗餃」 $34完全感受到即點即蒸的威力晶瑩剔透的餃皮包著呼之欲出的餡料，竹笙的爽口和蔬菜的水份令口感更有層次，味道清新不膩，感覺十分健康。黑胡椒安格斯牛肉腸 $38高級版牛肉腸，用上安格斯牛肉，口感比免冶牛高班得多，牛味濃都唔使多講，腸粉不黏口，配上甜豉油，完美組合。正常發揮的還有以下點心星海薈蝦餃皇$38蠔皇叉燒包 $30啱晒夏日炎炎菜色「士多啤梨大蝦球」$148 蝦球隻隻都咁大，色澤鮮艷的士多啤梨汁將蝦球的鮮味緊緊鎖住，入口超爽脆，醬汁酸甜平衡，太正，所以一口氣吃了三粒 😋欖菜肉鬆炒飯 $118份量超多，起碼有六碗；欖菜不死咸，肉鬆、蛋絲、蔥花，炒飯鐵腳組合，炒飯尚算乾爽，不油膩，口味較為淸淡。

之前吃過觀塘譽宴，食物及環境不錯，因此朋友選婚宴即介紹她到此吃一趟。港島區 譽宴 整個場地豪華大氣，樓底偏高，旋轉樓梯配上粉系花作配搭，更夢幻更吸睛。店舖極多優惠套餐，可配搭出多款海鮮肉類，最後選了三菜一湯的配搭。孖寶D$338原隻鮑魚(4隻) 滑雞煲原隻鮑魚厚肉質感爽口彈牙，雞肉結實香滑多汁，配料比例多包括洋蔥、蒜頭、甜椒等，味道濃香惹味。金銀蛋浸時蔬以高湯、皮蛋、咸蛋等作基底，湯濃郁香甜，配上鮮嫩莧菜，健康美味之選。招牌白胡椒煎焗澳洲龍蝦原價$698，以優惠價$398享用，必試之選。澳洲龍蝦殼薄肉厚，肉質爽彈帶膠質，白胡椒醬汁滲透龍蝦肉，開邊入味易拆殼，好味易吃。白玉海皇冬瓜盅$68絕對絕對必點，師傅以菌類、蝦、瓜類、帶子等燉冬瓜盅，海鮮及菌鮮味滲透冬瓜肉，肉絲絮鮮甜，湯清香鮮甜滋潤。雪梨無花果花膠燉湯口癢額外點了一份燉湯，清熱潤肺止咳、滋潤養顏。湯甜而不膩，香滑可口。總括來說，環境佳而食物好，絕對是晚飯好去處。至於擺酒，單說氣派已很足夠，酒樓宴客不輸酒店觀感，可以認真考慮。

在銅鑼灣鬧市原來有一間酒樓裝修得咁豪華，見這個樓梯像酒店一樣，相信這裏是很多人擺婚宴的地方。白胡椒煎焗龍蝦相信是這裏的招牌菜，一入酒樓便見有很多廣告宣傳，龍蝦上枱時色澤不錯，食落胡椒味重，十分惹味，而且蝦肉新鮮，大大啖肉食得很暢快。酒樓貼心地將醬汁分開，食客可因應自己的喜好要多少醬汁，而且酒樓預備了鉗子，即棄手套，讓食客用手拿着龍蝦大大啖吃，實在是貼心的安排。秘製瓦𦉘雞做緊特價，$99，見咁抵食，即刻叫來試試。這道菜有很多香蔥在雞上，雞件沒有雪味，有雞味，醃得不錯！蜜桃烤骨有很多蜜桃，個醬汁做得很香，個骨多肉少骨，伴以這個蜜桃汁很美味。

太耐冇同屋企人飲茶，今日去左銅鑼灣利舞臺見到一間靚裝修中菜酒家，一上到就見到花花長樓梯好華麗，再加埋個靚天花燈好明顯依度好適合攪婚宴及宴會場地🤵🏻👰‍♀️食物方便都多選擇除左叫點心有潮州粉果，布拉米皇腸粉，雪山叉燒焗餐包😋，丁瑩蝦餃皇😋，黑金流沙包😋，仲叫左好耐冇食過既金銀蒜龍躉球蒸陳村粉😋，龍躉球好滑加埋陳村粉好有回憶既味道🤭原籠大澳三鮮蒸飯，蝦醬味好重有大澳FEEL，仲有兩個好出色既脆皮黃金磚，xo醬炒腸粉🤤，加多個雪梨無花果花膠燉湯就個個飽住出門口😋😋#好食推介 #食物遺照 #食物殺手 #food #foodie #foodiehk #zaki食評 #hongkongfoodie #hongkongfood #hkfoodie #hkfoodblogger #hkfoodstagram #hkfoodlover #instafood #hkig #ighk #hkigers #yummy #eat #星海薈 @星海薈星海薈地址 : 銅鑼灣波斯富街99號利舞臺廣場5樓

消費券就快發放，今日一於同屋企人去銅鑼灣，行一行街，準備購買各式各樣的小型家電，過一個愉快的暑假.忽然看到一個$98 元，一隻雞嘅廣告，行到攰攰地於是到了這餐廳晚飯了.餐廳環境佈置十分之明亮適合宴會婚宴，此外餐廳十分之細心，一坐下便拿來熱水，可以讓大家自行地消毒碗碟，真是食得放心又細心.這個蔥油雞十分之入味，加上雞肉十分之細滑，有彈性，水準十足.龍蝦加上伊麵底簡直是最美好的配搭，龍蝦十分之爽口充滿了彈性.伊麵把所有龍蝦計也所在面上.海蜇也是水準十足，又爽口又入味.呢一個花膠湯也十分之足料，好味道.

銅鑼灣飲茶我很喜歡港式飲茶，特別是跟家人食飯的時候，都喜歡選擇飲茶。這裏的點心一直都很有水準，這次我們點了：原隻鮑魚燒賣： 鮑魚煮得軟腍，燒賣很大一顆，餡料主要是豬肉，加上冬菇，味道很好。晶瑩蝦餃皇：蝦餃的片薄，裏面的蝦新鮮彈牙。胡椒濃雞湯灌湯餃：雞湯很濃稠、鮮甜。灌湯餃主要有豬肉和冬菇。非常真材實料。南翔小籠包：小籠包很大，皮很薄，裏面的餡料和湯汁也很多。黑金流沙包：流沙包放久了一點，裏面的流沙也沒有凝固，還是暖暖的。蛋黃流沙甜而不膩，是港式飲茶不能缺少的點心。這裏裝修得很富麗堂皇，staff 也很有禮貌。

屋企人提起好耐無去銅鑼灣利舞臺間「譽宴．星海薈」食飯，所以就今晚帶佢地去食。譽宴 亦是搞婚宴嘅地方，所以一入門口便見長樓梯、裝修都華麗，尤其是天花上面嘅燈。**$15/位 、花生 $20 **今晚都8成滿坐，原來推出咗抵食優惠，$68 有盅燉湯、$68 有成煲冬瓜湯、$398有龍蝦、$98有成煲雞、$188 有煲仔翅、$68有乳鴿、$68 有原隻鮑魚、$538 有招牌白胡椒蟹等等，仲有大約$268-$338嘅晚市孖寶，抵食喎！《 孖寶 C 》「 脆皮燒腩仔 + 清蒸龍躉班（約1斤）$338 」燒腩仔咸咸地幾可口，肉質唔算嫩，但都算鬆化，加黃芥末好食。清蒸龍躉班夠大條，蒸得岩岩好肉好嫩滑，加埋蒸魚豉油好正，撈飯一流 《 白飯 $15 》。《 龍蝦 💲398 》好大碟，舊舊都厚肉彈牙，又整得入味！大大件食完都幾飽。《 雪梨無花果花膠湯 $68 》x2好香濃又唔會咸，又有雞腳花膠雪梨肉，熱辣辣好滋補。《 秘製雅餐蔥油雞 $98 》估唔到有成隻雞！少少鹹好香口入味，分量多，見隔離枱都要打包。《千層拉花糕 六件 $48 》 即蒸需時，但好味值得等待。口感好煙韌Q彈，又有奶皇香。

我間中都會來這間酒樓，實在價錢都尚算合理，今次由經理介紹醉雞$58，推薦的都很新鮮，雞份量也不少，雞味濃亦很滑，想不到質素都不錯，另外紅燒乳鴿係我致愛，剛剛出來的實在脆皮肉質鮮嫩，最重要係非常Juice，充滿肉汁，味道也相當非常好，相信因為他在做滷水的過程中不是太鹹，所以做出來味道恰到好處，另外都會點蝦餃王，皮薄餡靚，蝦餃王都大隻，內裏的蝦彈牙，加點辣椒油真係非常之好，還有春卷，春卷大條新鮮，鮮蝦滿佈，所以我一直覺得價錢同食物是成正比的

這地方很寬敞裝修華麗。是適合婚宴擺酒的地方。樓底非常高。今日來到時，特意試這個招牌白胡椒煎焗澳洲龍蝦$498這個招牌菜式上枱非常之特別，賣相非常吸引。他的味道很濃好香。黑白胡椒味重，但胡椒味又不失龍蝦的鮮甜味。 晚市孖寶 $268南乳吊燒雞半隻啫啫馬友蝦乾芥蘭這個孖寶非常抵食只不過是二百幾蚊首先這個南乳雞雞皮脆口雞肉嫩滑。馬友蝦乾芥蘭，芥蘭爽口。食落芥蘭甜。菜味濃郁。用這個馬友蝦乾更加突出了菜的鮮甜美度。 海蜇燻蹄$68這個分題層次分明比較爽口， 而海蜇也是厚身那一隻。白肉海皇冬瓜盅$68這個是我最欣賞的冬瓜盅，冬瓜肉已起，所以湯底熬製得非常之清甜。裏面有不同的材料有蓮子，金華火腿，草菇…..最後都是忍不住叫了原籠庶糖馬拉糕 $58現在已經很少茶樓有這個原籠上的馬拉糕。到上枱見到籠裏已出現熱辣辣。打開時這個馬拉糕是非常之軟熟，甜度剛好。

小團伙聚會，吃了一個龍蝦宴。先來個很滋陰的燉湯，“雪梨無花果燉花膠”，全無味精，一人一盅，清甜。今天主題，“白胡椒焗澳洲龍蝦”，白胡椒香濃，配海鮮一流，很星加坡！“冰鎮花雕五頭南非鮑魚”，鮑魚浸過滷水，慢慢咀嚼，於是，帶點鹹香的酒氣，部分從鼻孔湧出，部分衝上腦袋，過癮。一人一隻“當紅脆皮原隻乳鴿”，多汁，嫩滑，老友聚首一堂，毫無拘束，全隻上，原汁原味，最適合不過。終於有個半素的菜式，“金菇海參扒自家豆腐”，味道還可，但偏淡；今天菜蔬太少，這晚可能會「無屎疴」，點菜的那位要檢討下🤨！“生炒福建飯”，因為是生炒，飯已吸收芡汁味道，又足料，不錯。“原籠蒸蔗糖馬拉糕”，熱辣辣，鬆軟可口，這個有水準。

常到利舞台吃飯，卻是最近才留意到這間茶樓… 我們坐在側邊的座位，樓底比較低… 中間的位置樓底會比較高。洗杯碗很特別，拿了個很大的煲給你洗，最適合有潔癖的人。午市點心比較貴，叫了8籠，每樣都是$40。最出色的是馬拉糕，圓圓的一大個，賣相討好，味道香甜，口感實在，不會一夾就散。黑金流沙包也不錯，麵團發得很好，不會過甜，流沙也恰到好處。比較中庸的：蒸排骨，排骨過肥，味精掩蓋凍肉的不新鮮。咸肉粽：不見咸肉只見肥膏，米粒鬆散，包得很敷衍。牛肉球：太實。雪山叉燒包：叉燒餡太咸。比較差的：叉燒腸，只有兩條，卻剪開6小塊玩視覺效果，叉燒餡也是細細碎碎的，孤寒！其實腸粉的成本很低呀…. 小籠包，忘了影相，造型別有用心，每顆都放小藤籃上，及墊了一塊紅蘿蔔，可惜放得不好，皮也厚，一夾起就破皮， 餡鞋汁少。下午茶來吃會抵啲…

環境舒適，樓底高，裝修有氣派，冷氣適中，忘了帶外套的我，坐久也不感太凍。雪梨無花果花膠湯母親生日專誠和她去吃好西，先點了花膠湯，清潤止咳，無花果跟雪梨🍐清甜順喉。香氣撲鼻，喝後十分滋潤清心，用料十足，雞腳瘦肉花膠雪耳全部也很美味。招牌白胡椒煎焗澳洲龍蝦🦞以煎鑊唧唧响著上枱甚有氣勢，未食已有陣陣胡椒香四週繞梁。龍蝦肉大件彈牙，加洋蔥煎後香口，鑊底不多油，白胡椒食味不重手，沒帶丁點苦。賣相要好，份量不少，足斤半，價錢中規中舉，尤其喜歡白胡椒的芳香，值得一試。砂窩鮑汁鱆魚雞粒飯一大煲砂窩煲熱騰騰上桌，用料豐富，材料有滑雞粒冬菇脆玉瓜雞旦臘腸甘荀蔥花等，底層還有飯焦呢！😍鱆魚沾上鮑汁也挺入味，彈牙口感不會靭，令整煲飯都散發著鱆魚和雞肉的咸香。原籠蔗糖馬拉糕一籠上的澱粉類飽肚甜品糕點叫起，未開籠已四溢滿滿蔗糖甜香，有舊式茶居情懷。顏色美美，型態漂亮，大大個不欺場，甜度剛好，鬆軟香甜，出奇地美味突出，我們吃得那麼飽還是覺得十分味美，就証明真的很高質，這兒的點心師傅好出色👍🏻食後感：地方大，裝修豪華，坐得舒服，好適合一家大細共聚天倫。

今日特登約埋👶🏻姨甥仔銅鑼灣飲茶，然後食貓山榴槤雪糕🍦譽宴嘅環境好闊落又舒服，最岩帶B嚟飲茶🫖「雪山焗叉燒餐包」👶🏻姨甥仔一見到即刻話要包包🥯面頭嘅雪山唔會一咬即散中間嘅叉燒滿滿的‼️「鮑魚汁炆鳳爪」呢個勁好食鮑魚汁入哂落啲鳳爪度鳳爪又唔會炆到爛哂食落充滿膠質「XO醬炒腸粉」XO醬好足夠腸粉夠哂滑‼「招牌胡椒龍雞湯灌湯餃」呢個灌湯餃真係要必食，雞湯好濃郁❤️❤️飲得出係無味精的「灌湯小籠包」酒樓非常貼心，有handle方便拿取，防止湯汁漏哂外皮做得好薄，又多湯汁，係好好食嘅小籠包「蛋白瑤柱炒飯」炒飯好乾身，係粒粒飯嚟㗎❤️面頭仲有啲炸左嘅瑤柱，好有口感

放假同屋企人去銅鑼灣行街 順便飲個下午茶 利舞臺5 樓就有一間酒樓 好方便 ！屋企人吾習慣食出面d 野 飲茶🫖就最鐘意 酒樓外觀非常高貴又豪華 下午茶價錢來講亦都不太貴 👍🏻比一般酒樓好吃叉燒骨 平時都係食叉燒多 今次部長介紹叉燒骨好靚 於是叫咗一碟試吓 又真係好香口 食到不停口 海皇炆鴛鴦米賣相望落不算吸引 ， 但食落鑊氣好夠 d 米粉又好幼 吾會炒到碎曬 呢個真係好考師傅功夫 XO醬蘿蔔糕一舊舊蘿蔔糕 香味俱全 外脆內暖 配合XO醬非常惹咪 布拉米香腸拉腸嫩滑 沈上芝麻十分滋味 晶瑩蝦餃皇晶瑩剔透的皮 配上鮮蝦 口感啖啖蝦肉 黑金流沙包好似皮蛋外觀 賣相吸引 打卡一流 熱辣辣流沙小心熱 係呢度飲茶好舒服 服務又好 飲茶前會拿一個大煲出來 俾客人洗碗筷 ， 安全又放心