星級扒房 (已結業)

買了團購, 98蚊的西冷牛扒, 想不到味如嚼臘,即係完全食不到牛味, 很乾, 冇汁又淡, 雖然加了醬汁, 但不嫩, 已經要求5成熟但唔明點解咁鞋口, 唉～可能見係煮比團購食所以比啲不同貨色我地。不過除了塊扒可以食出面沙律吧及小食, 有酸辣鳳爪, 白汁雞蓉酥盒, 火腿芝士卷, 沙律配料和幾款生果, 仲有甜品奶凍, 包餐湯和蒜包, 咁都算做值返個價, 因為有一個朋友不食牛排另點一份卡邦尼意粉, 份量奇小, 味道很重口味夠哂濃烈芝士味, 喜愛香口人士一定鐘意, 但食3, 4啖就冇, 未見過咁細份量, 不過叫做食返啲自助沙律小食吧補數, 總結係, 牛扒不能預佢好出色, 要食靚牛扒真係要自己煮。至於服務叫做普通餐廳招呼, 不太差也不太好, 即係好普通。

星期一晚上， 在旺角同男友尋覓食晚飯的地點，去到廣華街，滿心歡喜見到一間食西餐餐廳 "星級扒房 Starry Steakhouse"，見到價錢唔太貴，於是就上去試一下！自助沙律吧半自助頭盤主要有沙律吧（菠蘿、哈蜜瓜、西瓜、腰豆、粟米、蔬菜）、螺絲粉沙律、蒜蓉包、薯條無限添食。我同男友點了1.5小時半自助牛扒晚餐 (兩客特級西冷牛扒) $138，仲有半自助頭盤任食、餐湯、飲品和甜品。餐湯是日有磨菇湯和羅宋湯，羅宋湯味道好有蕃茄味，而且有點雜菜在湯裡面，磨菇湯夠濃，好重磨菇味同Creamy，蒜蓉包反而跟湯上會脆，好過出面選半自助頭盤的蒜蓉包，但點湯亦是不錯的。到主菜特級西冷牛扒，男友點五成熟，而我就七成熟 ，雖然是充滿好香炭燒的香味，但是好可惜，我們食落去就一起講好"un"呀，食到中段已經唔想食塊牛扒，反而薯蓉好軟滑同蕃茄粟米好美味，估不到配菜好食過主菜 ><！最後甜品是木槺布甸，比較甜但是味道可以接受！

因為我今日好準時收工，所以出咗旺角就行住等大少，到佢嚟到話不如開個FoodGuLu Apps睇吓附近有咩可以遙距拎飛等位，本身朗豪坊13樓間日牛火鍋係可以，點知突然間依家轉咗唔得，我地上到去見到超多人，梗係即走喇~本身想食泰菜或者意粉，點知行行吓，突然我又想鋸扒XDXD大少就話不如去喜來稀肉對面間扒房食，我梗係好喇，未食過嘛~由於個餐係半自助式，所以係有沙律吧可以自己挑選，主要有車厘茄、青瓜、鷹咀豆、紅腰豆、粟米、菠蘿、哈蜜瓜、西瓜、沙律菜，而沙律汁方面，有醋、千島醬、凱撒醬，另外亦都有預先整好嘅沙律、泰式沙律，熟食就有蒜蓉包、薯條雜菜湯 - 好特別，入面有鷹咀豆，好少西餐廳西湯會加鷹咀豆，另外個湯我覺得酸咗少少特級西冷牛扒 - 因為碟上關係我叫全熟，我就覺得都淋嘅，但係就無乜牛味，同埋個面煎得燶咗少少安格斯極上西冷牛扒 - 大少叫嘅係7成熟，因為都係因為唔係鐵板上，平時鐵板佢會叫5成，呢個牛味重啲，但係我就覺得比我個西冷韌少少奶凍 - 呢個都係士多啤梨醬少左啲，多啲會好少少

星期日跟老婆食完午餐後剪個靚髮便食個早飯早D返家陪老車(我家老狗)老婆提議去starry steakhouse食扒OK即去此家主打牛扒半自助餐啱晒我啦,牛扒有四級由$138-298不等半自助選擇不算多有沙律菜蒜蓉包,炸薯條泰式無骨鳳爪,煙鴨胸生果,粟米,車厘茄等等老婆愛吃沙律將我的半自助給她享用據老婆透露質素聊勝於無(這兒有樣好不吃牛扒半自助餐客人可加$38享用,亦不須全檯都要吃半自助沙律吧客人自律就可以是日有南瓜湯和羅宋湯兩者都一般蒜蓉包硬生生的咬崩牙主菜我要了$188安格斯極上西冷生熟度係做到可惜有雪味so bad老婆的烤日本黑豚扒$168聽聞不錯但未能同名寶石的相提並論

廣華街除左出名買電單車人品野，仲多人知就係食糖水，但今次唔係食甜品！今次令我要寫食評既係尼間Starry steakhouse 岩岩2點半，又想食下牛肉，見到steakhouse,當然要試試佢。入到去，環境唔差，叫返個咖哩牛肉飯。尼個飯酸甜度適中，咬落舊牛肉，仲有驚喜，原來係西冷切粒煎封，外加幾種生果配日式咖哩汁。唔使多講，自己試下啦。另外，待應又係值得一讚，招呼有禮貌又快，係你身邊不遠不近，唔騷擾到你，但你一叫就應到你機。加上，出面又大把位泊車，無論你係26定46車友，車女友黎食飯都一流。Ps. Openrice app已hand 兩次，唔打詳情嚕

星期五即興約了桂去旺角行街,唔知去邊到食好,經過呢間,看餐牌好像不錯,於是就試下了,晚上都幾多人,等左陣先有位。餐廳面積尚算大,環境昏暗,普通西式設計,白色的牆身,印了不少心形圖案,有數幅掛畫,坐的是梳化椅,都幾舒服呀。加入38可享用自助沙律吧,但我們不太飽,沒有加呀。Set dinner,我們要了香草烤法式去骨春雞,$128 & 巴拿馬火腿野菌意大利飯,155。蒜蓉包,正常水準。雜菜湯,味道太濃又杰身,不太喜歡呀。巴拿馬火腿野菌意大利飯,份量較小,但味道不俗,飯口感外軟內韌,黏身但太多醬汁,味道香濃,配上巴拿馬火腿更好味呀。香草烤法式去骨春雞,是去骨的烤春雞,看起來像雞扒,肉質滑,但不算太惹味,份量較少呀。熱咖啡,正常水準。整體味道正準,但份量太少,價格合理。

父親節喺旺角搵食，一係多人一係加價。唔覺意見到呢間扒房，$138一客西冷仲有半自助頭盤任食，即刻拍板光顧。餐廳面積唔大，但環境唔錯，都算舒適清靜。半自助頭盤主要有沙律吧（菠蘿、哈蜜瓜、西瓜、三角豆、腰豆、粟米、蔬菜）、螺絲粉沙律、泰式鳳爪、焗釀蛋、蒜蓉包、薯條及薯角無限添食。擺食物嘅位置雖然細，但廚師經常refill，絕對冇欺場。啲沙律料好新鮮，鳳爪辣味適中，蒜蓉包酥脆，釀蛋好味。唯一可惜係我錯過咗一款熱批，畀人攞晒冇refill, 試唔到。餐湯係要同侍應點嘅。番茄湯或周打魚任㨂，我㨂咗前者，味道唔錯。飲完湯食完沙律同小食其實已半飽，想試埋周打魚湯都無能為力。主菜西冷扒，厚切一大塊，比想像中大件。講真，自己間中去百佳買牛扒，都好知價。$138一個餐我唔會預佢畀呢個分量我，所以上枱嘅一刻已經有驚喜。但更大驚喜係個扒真係grill而唔係煎，真係做到我五成熟嘅要求，充滿燒烤香味同肉味，仲有軟滑嘅薯蓉相伴，真係好滿足！甜品係咖啡布甸，味道極佳。稍為失色嘅係咖啡，味道稍澀。今時今日，$160都唔使食到質素唔錯嘅扒餐，仲有咁多嘢任食，性價比真係超值，睇得出老闆好有heart，希望佢生意好。

分別點了半自助扒餐及意大利飯先說說半自助餐的餐湯番茄濃湯 感覺不會很水也不會很酸 可見湯中有少許的番茄溶沙律吧內的沙律也新鮮 但選擇不多所提供的餐前小食只有一款 如有食物名稱會更好味道也不錯但單點餐牌食物不能加錢享用半自助餐真的有點浪費如能提供甜品會更好牛扒點了中等價錢 七成熟 外觀 厚身 外脆肉質 有部分過熟口感 還可以 內裡半熟意大利飯 比想像中好食 少些洋蔥會更好 米飯 分量 口感適中Like face book 送甜品 不錯

與朋友相約吃團購餐，價錢非常便宜。餐廳裝修舒適，擺設也很雅致。服務算幾好，侍應回應都算快速！餐湯無限添飲，點了羅宋湯磨菇湯各一：羅宋湯較稀，味道可以。個人較喜歡磨菇湯因磨菇味夠濃。沙律吧任吃：沙律菜，青瓜，蕃茄仔，粟米，腰豆等等…質素非常普通。反而小吃《白雲鳳爪》幾夠爽。主菜特級西冷牛扒：點了七成熟，略微多「筋」，有些少「靱」，不過以這個價錢而言已超值，我成塊都食晒。甜品有士多啤梨奶凍，都幾幼滑。咖啡是偏苦那隻味道，愛苦味咖啡的應該幾鐘意。

那天跟朋友約了去百老匯看電影，差不多八點就先吃飯吧，這樣人比較少不用去排隊吃飯他叫我在煙廠街選一間餐廳，那天想吃扒，我就選了Starry Steakhouse餐廳是有SET DINNER的不過我跟朋友都沒看中SET DINNER的食物，就另外看看其他吧先看看頭盤最後選了2款"西班牙火腿配密瓜"其實我對parma ham沒什麼研究，除了上次我在Ambrosia Oyster吃的真的很好吃之前在其他酒店都覺得沒怎樣這次這個我覺得配搭算不錯，密瓜沒有很熟，總覺得這密瓜不夠棒那個parma ham咬時會變一絲絲...哎呀...我有卡牙齒了...有點小麻煩但總括味道是不錯的，沒有很鹹..因為我試過一些是鹹得要命另一個頭盤是"焗酥皮盒黑松露大蝦"這個看起來很味道，上台是熱騰騰的，不過女士們很難酥盒連蝦一起咬...這樣吃起來太狼狽所以我都分著吃，先吃了蝦再吃酥盒，如果大家想連著吃，看來還是要動刀了酥盒內還有一些菇類的，沾著那個松露汁吃有點野味~~好了，到選主菜了，我們選的都在這個餐牌內朋友選了的是"紐西蘭牛柳伴鵝肝配法式菌蝦汁"朋友的說法是牛味不是太突出而鬆軟道適中但有一點熟左少少 鵝肝還過得去而我

早上到總部上課, 下課後趕回公司時, 途中經過這間"星級扒房", 見食品選擇頗多, 於是入內快快醫肚. 正值中午時候, 但客人並不多, 只有半滿. 安頓後便點食物. 這裡的午餐, 可以配沙律吧或餐湯. 另有主菜和餐飲, 也算豐富. 沙律吧是自助形式的, 不過只可能拿一轉! 沙律吧有粟米粒, 紅腰豆, 生菜, 青瓜, 番茄仔等, 食材一般新鮮而已, 部份生菜更見有鐵鏽色! 而且蔬菜refill很慢, 要食客多番催促才加!香橙燒雞下肶 $48香橙醬汁的份量很少, 橙味淡; 雞下肶肉有輕微燒烤過, 雞肉OK滑, 但可惜調味不行, 完全冇味; 意粉又乾又凍, 上枱時, 不少已經凝結成一餅了, 大大減輕食的興趣.即磨咖啡, 經過再三催促後 (因為已經遲到了!!), 再等了約十分鐘才送上. 咖啡味道最正常, 不過不熱, 暖而已. 味道不見得好, 欠缺咖啡豆香, 可能咖啡豆不是靚貨, 加上烹煮技術未到家,所以味道比即溶咖啡好不了多少. 餐廳內其實食客不算很多, 但店員好像很忙碌似的, 所以樣樣都要等, 不會主動refill沙律, 禮貌方面更不用說. 餐廳各方面, 都有很大的改善空間......

搵食搵食，辛苦搵黎梗係食！今日收工落旺角食飯，搵左間西餐，諗住靜靜地，方便我地傾計訴苦，哈哈！因為鐵飯腳講左要遲d, 唯有坐住等...見menu 有牛扒半自助餐有沙律有湯有薯條「無限添加」咁吸引，試下，食住等無咁dry～等朋友既時候已經黎左2round～ 我最'欣賞'佢既生果盆😍😍😍主角安格斯西冷牛扒. 燒得好香！始終燒既牛扒比煎既好食好多。薯蓉creamy左d. It's too heavy for me😆😆黑毛豬鞍都唔錯，夠厚切，仲係好鬆化👍什菌意粉一般雜果撻凍d會更加好我反而鍾意檸檬慕思，甜甜酸酸咁。岩哂我既心情😁埋單每位$160-200. 呢間西餐出品都算唔錯，side dishes 任食都係幾好諗頭. 不過加水就成日要叫，唔識自動自覺. 總括黎講，值得再去食，特別係佢果個生果沙律吧😋或者澳洲和牛西冷😍（想試！）

哩日行過煙廠街見到有間扒房於是行去睇吓，見到價錢唔貴！好。。。決定行上去試吓先！一上到去就見到個沙律吧及小食。。。正！所以決定先試食半自助牛扒餐$138極上西冷牛扒冇諗過哩個價錢可以有咁好質素好香炭烤味啊~我叫咗5成熟一試之下。。。very very good最主要係平民價錢可以有咁多嘢食沙律吧，小食，餐湯，蒜蓉牛油法包，薯條都係任食！再加一件牛扒，甜品及餐飲！

Starry Steakhouse呢晚陪男朋友係煙廠街買返工的裝備，行到好攰好攰，眼見呢間Steakhouse唔太貴就唔理三七廿一入去坐下。入到去就見到個自助沙律吧，餐湯也是任飲的，不過質素比較普通，選擇亦不多。牛扒終於上枱了，聞到好香炭燒的香味，賣相亦不錯，心裡暗喜，難道百幾蚊可以食到高質素牛扒？！ 但一切.....哇！咁腍既，再放入口，omg，用了鬆肉粉，全塊扒腍到爆，冇肉質可言，更別說什麼脂肪分佈了，不推介。

9:30PM 剛好入座, 有75折揀左兩個SET DINNER有湯、沙律、主菜、甜品、餐茶另加左個薯皮味道OK, 係個南瓜什菌意大利飯有輕微淡口, 但屬可接受的但最奇特係佢D服務水準.....點好菜呆等了15分鐘, 上第一味食物第一味係:薯皮, OK 啦第二道竟然係.......主菜!!!我地忍唔住問侍應員:"咁個湯呢?"佢先至好似發覺我地未飲湯咁好喇, 反正我食緊薯皮, 食埋先來個湯都OK!個湯都剛好來得切, 但係, 個沙律呢?!?!?!??!?!?!?!??!?個侍應先至知我地個沙律未來...唉..好喇再飲完個湯, 沙律未到。唯有食左個上左好耐凍左的主菜啦。食到一半, 有人埋來:"唔好意思, 個沙律而家師父整緊!"原來我地個沙律同埋隔離枱剛剛坐低的人一齊上, 仲要上比隔離枱先, WHAT?算, 都唔緊要喇明知佢地D服務係咁上下, 我地食完野掃把埋來話寫埋餐茶我地都即時提佢個甜品丫唔該算你叻返次, 上左甜品先上餐茶個姐姐用盤托住杯熱檸水比太太, 但係, 糖呢??!?!好喇, 太太話唔使但點解唔係一次比埋我杯咖啡我嘅!?另一位又好好咁拎杯啡比我, 但係... 點解唔用盤呢?要雙手拎會好