春天 (已結業)

中秋節晚上一改傳統捨棄中餐改食西餐, 位係要等, 但絶對會少人D囉!呢間西餐廳設於商場內, 開放式用餐區, 先拎飛等幾張枱就入得坐!係門口位置已經有個超大餐牌比你參考下食物選擇唔見有單點, 只係有晚市套餐供應咁就要晚市套餐啦..............................套餐包餐湯/沙律, 我地要左是日餐湯為周打海鮮湯湯質地唔太杰, 味道偏啖, 海鮮方面我只食到有魚肉碎另惠顧晚市套餐可以用半價享用小食一客, 既然係咁當然唔執輸, 叫左客七味炸鷄翼 ($21/3隻)炸至金黃色外皮再洒上七味粉就成為呢客惹味小食, 皮脆肉仍嫩滑, 最緊要係入口熱辣辣, 好快已被我KO另一客為吉列炸蠔 ($38/4隻)即叫即炸, 入口香脆之餘又熱辣無比, 唔會食到一口油, 點少少沙律醬食仲好味, 蠔味幾出, 有驚喜喎!差唔多食晒小食時, 主菜就上枱啦美國肉眼扒 ($188/12安士), 可配飯/意粉/薯菜目測件肉眼扒係幾對眼, 柯打左七成熟, 切開時仍見內裏有血紅色; 肉味一般, 反而調味偏咸, 用意粉配食可中和番!另一客為春天龍蝦拼盤 ($178)材料都幾大堆頭, 包括有半邊龍蝦, 牛扒, 羊扒

中秋將至,加上週末假期,就想帶Mami出嚟威威,請佢食番餐好嘅,以表孝心👩🏻但通常老人家都唔想舟車勞頓去得太遠,所以就喺屋企附近嘅新都城搵吓邊間高檔小小又唔會太傷荷包嘅餐廳啦🤭之前好似都唔覺眼呢個位有間西餐廳,我諗應該都算係新開冇幾耐,見到裡面嘅裝修都幾有歐陸風情,人客都幾多但又不至於要等位,餐廳名叫做「春天」都幾有詩意,見Mami都覺得唔錯一於就入去試吓啦。呢度嘅set dinner分兩份餐牌,都幾多選擇,搞到我哋三個人都花多眼亂,結果我哋三個都分別揀到自己嘅心頭好每人一個set,大家都叫唔同嘅餐咁就可以亙相開心分享喇。我哋三個都驚飽得滯食唔哂所以全部都揀咗是日餐湯,如果唔鍾意飲湯嘅話就可以揀田園沙律。本身餐牌冇寫係乜所以我叫之前已經問咗職員係咩湯嚟,佢話今日係粟米火腿忌廉湯咁我就放心叫喇。佢仲話餐牌都會定時改動吓,咁可以下次嚟就應該會試到其他款式啦。平時都好小見西餐廳嘅粟米湯會加火腿,所以呢度有都加咗分丫。啲湯最重要夠熱,啲粟米同忌廉煲到好溶,好味Mami揀咗呢份扒智利比目魚柳配大蝦,估唔到仲可以有意粉/飯/薯菜跟埋添,職員問Mami揀邊樣嘅時候都令佢嚇咗一驚因爲覺得好抵食。佢驚食

家住將軍澳新都城，媽媽道今晚3號風球下不想煮飯，落樓下（春天）開餐，因天文台預早通知今晚會掛8至10號風球，媽媽一早已經去到街市買定餸菜、乾糧，預備明天掛風球時備用。去到餐廳時已有多枱都坐滿客人，餐廳侍應都十分忙碌，既然颱風（山竹）來勢洶洶，大家都想盡快回家。我們住在樓上比較安全，但侍應們就比較擔心一點，速吃快走，讓他們可早點回家。前菜沙律，有蕃茄仔、紫椰菜、生菜，配上沙拉汁，帶來甜甜酸酸的感覺，好開胃。美國肉眼扒12安士配薯條$168， 點選五成熟度，嫩紅的牛扒肉質有足夠口感之餘，也不會過老， 屬優質prime牛扒類別。原隻芝士焗龍蝦配蕃茄乾意大利粉$128，意粉爽口彈牙，主角龍蝦味道漸滲透意粉中，帶鮮甜香味。春天龍蝦拼盤，有羊鞍、豬扒、龍蝦半隻及薯條 $178，羊鞍 一點也不羶，味道清香不俗，吃時肉質軟腍，大咬會漏汁，也有足夠的juicy。芝士煙肉焗蠔$42，加入碎煙肉一起焗，鹹香兼脆口。特濃朱古力蛋糕$25，朱古力味好濃，蛋糕入口溶化🥧。藍莓芝士cake$25🍰藍莓芝士蛋糕，特濃朱古力蛋糕 ，草莓忌廉蛋糕，原味千層蛋糕🍰。

16/9/18掛起了十號風球的前一晚入去將軍澳探姑媽，睇新聞報道天文台話今晚會掛八至十號的風球，所以我哋便到附近的新都城商場（春天）餐廳食飯，餐廳設計，十分光猛及優雅，坐得好舒服，我們享受完這頓美味的晚餐後，便趕快回家食（山竹）這個粟米忌廉湯，同一般的有所不同，湯底比較濃郁及軟綿綿，非常不錯。餐前沙律必食。香煎盲曹魚配菠菜意大利飯$78 將魚皮煎到微香，魚的肉質又保持嫩滑，食時仲啖啖肉，再將菠菜蓉煮成的意大利飯，每粒飯都爽口同黏著波蓉的味道，這個價錢十分抵食美國肉眼扒12安士配薯菜$188叫左5成熟，黃金扇貝$42 扇貝焗到好夠味又香口，賣相十分美觀。龍蝦米多配牛柳及薯菜$168龍蝦焗到好惹味，牛柳前煎得剛好不會太老，肉質十分juice，簡直食緊超豪版這件士多啤梨的蛋糕$士多啤梨份量十分多，好抵食。千層蛋糕$25，食起時軟綿綿的口感，又不會太甜太膩

放假一朝早起左身，平時番工又吾見自然醒😅，但醒左冇野做，為左吾好浪漫時間，最好就係去食個靚早餐🍝，不過呢排日日都落雨又悶熱，都吾想行出街，就近近地去附近商場新都城中心二期2樓的Primavera ，鍾意呢度感覺幾乾淨，裝修都唔錯，又坐得舒服。今天就叫左一個特色螺絲粉餐配炸魚柳（$38），另一個都係特色螺絲粉餐不過配薄牛扒，如果大食少少可能吾夠，所以追加左個多士（$5），另外早餐當然吾少得熱咖啡啦。

收工同朋友行完街，經過新都城見呢間到新開西餐廳，好少客人，但裝修得幾靚所以入去試下。叫左2個晚餐，加拿大豬扒拼羊鞍配薯菜同牛柳拼芝士焗蠔配意粉，凍檸茶同凍奶茶。豬扒同羊鞍不過不失啦，但個牛柳好鞋同太熟。凍奶茶又勁淡，好似飲水咁。最好食系個薯條！好大兜！重點黎啦！！重點黎啦！！重點黎啦！！食完飯叫完賣單，突然覺得隻腳好痕，然後用手拍一拍，竟然有隻小強跌左落黎囉！仲要唔係細細隻，系好大隻，有手指尾咁長囉！我大叫，然後有女職員沖過黎捉住左隻小強，我問有無紙巾，跟住先有男職員拎2張紙巾比，然後靜靜地咁放底張單係隔離枱！我坐多左陣，清理我隻手同腳，好彩我有帶濕紙巾姐，好失望住班職員連一句對唔住，唔好意思都無！以後唔會再黎食！！經過間野都想嘔！！

今日中午第一次到新都城的春天吃午餐，叫了個豬扒珍寶腸配薯菜的午餐set, 首先吃了沙律，份量不多但都可以, 然後有問題的主菜了，豬扒是.....勁咸！！！是真的超咸的味道，感覺像直接吃口鹽，吃了一口已經要喝點熱檸水沖淡喉嚨咸咸的味道，當時想到不能浪費整碟主菜，又切了幾口來吃，但最後實在受不了，只好放棄塊豬扒！珍寶腸和薯條其實都偏咸，不過咸的程度相對地說，還可以吃入口！所以也都吃了。本來對一般數十元的午餐set並不會抱有很大的期望，自己平時對吃也不是很挑剔，但是這麼咸實在不能忍受，而且吃這麼咸落肚也有損健康！不知道廚師平常也這麼愛重口味的？還是今天失手落重了鹽？真的不得而知。（抱歉拍出來的照片是吃剩下來的樣子，因為本來沒有想過要為今天的午餐寫食評）

來過這新開的餐廳幾次，今次就選两次的晚餐來寫吧!第二及第三次惠顧的晚餐都是香煎三文魚配香芒汁。湯或沙律，我要沙律。沙律菜的份量对我來說少了些，不過有两大片蕃茄補返數。食物一送上來令我感到有點驚喜! 薯蓉上加上一片薄脆賣相頗特別。薯蓉份量足。三文魚ok，煎得不乾。香芒汁芒味不濃，也好，不會蓋過三文魚的鮮味。還拌有一些雜菜，感覺健康。第四次惠顧的晚餐是香煎智利比目魚拼黄金丹凡立貝黄金丹凡立貝香濃美味! Size 正常。比目魚份量好少，但味道。小就有回味感。整個餐食材和味道配搭都很好!餐飲只得茶、啡或汽水。我通常選擇熱檸水，有三片檸檬也不錯。

這間食店之前是食新加坡快餐的。一直都未試過，因為那些格局感覺很逼。今日和朋友Y去新都城食下午茶。但今日去的時候已經接近四點半，很多食店都開始準備晚市和落場中。這間食店還在招客，所以我就進去試一試啦。里面的客大多數都係一人食客。大家各有位置，不用搭枱，坐得很舒服。下午茶餐單如下：以下是本人和朋友今次點選的下午茶餐。我們因爲只想找個地方歇腳，所以點選的食物都唔想太Full.墨西哥芝士雞肉卷都幾好。配料夠、但又唔會太Full，會再試。雞翼配薯條就不太建議，因為雞翼炸得Over左很乾。薯條根本沒有薯仔味。因為炸得過份左。沒有提供茄汁。已經乾更加無味，不過待應都會幫忙。不過就不是太主動。新餐廳可能需要時間儲客。所以希望這間店的團隊努力。

我ㄧ個人去試晚餐, 安排我坐ㄧ張非常窄二人枱, 在走廊旁邊, 地下成地頭髮(吃到ㄧ半才發現)是日餐湯-係粟米忌廉, 稀到冇朋友, 礶頭湯 都仲好過佢主菜-黑椒豬手, ㄧ個咸字, 好似 食鹽 咁我吃不下, 便打算收包, 給$2, 那女侍應比盒又不比袋, 想點呀???熱檸水- 原本想要凍檸水, 不要冰, 男侍應話咁就係水喉水加檸檬ㄧ太恐怖了埋單$154 張單放在枱面, 我给 visa, 之後又是剛才女侍應話, 未過兩百, 不收卡, 我即收卡, 在手袋拿現金, 她拿張再重覆近距離再重説, 那語氣態度, 好似我爭佢錢咁

難得休假，打算一個人在新都城吃個下午茶。看到這間下午茶餐非常便宜，於是決定一試。如果不太肚餓，有一些更輕食的下午茶，只需2x元。但因為我很晚才吃了一個不算豐富的早餐，所以要吃意粉才夠飽。拿破崙雞肉意粉侍應端出來時仍熱辣辣噴煙，看來是接到單才即時煮。雖是下午茶，但份量都不少。意粉軟梗適中，掛著蕃茄汁更是好味。雞肉也比想像中多，而且滑身。吃飽飽還有餐飲熱檸水，很完滿。原本一切都很美好，但在吃後不久我竟然感受到因吃錯食物而產生的肚痛！令我不禁猜想是否食物不乾淨。。。這樣一想，立刻就要扣點分。

來到寶林站探友人剛好到下午茶時間當然想找一間又平又好食既食物路過見到一間開放式，裝修Grand既新cafe前身Toastbox的位置原來開了這間新餐廳下午茶的價錢十分便宜($28-48)，而且包飲品一杯奶茶是外國奶茶的做法(本身以為係港式奶茶添haha!不得不說這個黑松露野菌意大利粉真的不錯味道不錯、醬汁夠、意大利粉不會過硬唯獨黑松露的香氣和味道稍欠不過連埋加一最後都係$42Tea set黎講真的幾抵

多數星期日都出街食, 經過幾次都好多人排, 咁啱發現一個排隊app "GULU", 見有得搖控拿飛 即管試吓。手提拿左飛 10分鐘先去到, 見到等兩張就到。再等多大約十五分鐘有位。 行過見到 人地個餐 碟頭都幾大。一坐低侍應放低鋪檯紙餐具餐牌 仲好細心講聲 刀好利 叫小朋友小心。 (+分)叫了豬軟骨湯烏冬, 咖喱吉列豬扒飯, 雜扒配薯菜。各餐可配湯或沙律菜,另包飲品青豆湯 似加左水 溝過嚟 只得顏色青青地沙律菜好味 個醋汁 好開胃 咖喱吉列豬扒飯 麻麻地 始終同差一大截吉豚屋雜扒飯, 只可以話普通 但夠晒飽 不過薯條炸過龍硬到插損上顎總括坐得舒服 服務不錯 假錢合理

佛誕公假與小朋友(中學生)搵食，男仔發育期食肉獸，常佢來据扒。11:30剛開門，拎張飛好快就入得。西冷set lunch $88, 應該是幾底。炸魚set lunch都系$48，就試下fish n chips.個餐湯中晒伏！樣似磨菇忌廉湯，味道是似煲菜水！淡而無味，依稀有菜味！我同個細路好勉強飲了2啖，驚訝真系菜水味，放低成碗淨番系度！擔心之後會點。。。薯條基本合格，但系無落任何調味，無盬，其他香料更加吾洗問啦，淨是脆及夠熱。炸魚得2條，size吾系大，比多件就差吾多，D油是舊油？顏色太深，感覺過火吾夠健康，味道還不錯，炸粉略厚，魚肉嫩滑。西冷扒要5成，略熟了小小，有點乾及嚡。雖則如此，從價錢及食物質素尚算正比。公假午市套餐叫抵食。

晚餐 (餐湯OR沙律+主菜+餐飲)-♦時日餐湯 – 菠菜忌廉湯幾特別，平時食西餐都係得紅白兩款湯，今次有菠菜湯，飲落唔會好濃味，但有粒粒菠菜係面，飲落都覺得健康。-♦芝士煙肉焗蠔(2隻)配牛柳 $158 (另包意粉/飯/薯菜)呢個餐等左比較耐，因為蠔係即刻焗出黎，時間都比較長，隻蠔都比較大蠔肉都好大，平時食焗蠔都係好似得堆醬咁，但個明顯食到隻蠔，面上仲有好多煙肉添，好好食。牛柳，職員不會問幾多成熟，但食落大約7成左右，小小紅，但我怕生都覺得唔錯，牛柳好淋身，好有味薯菜(薯條+菜瓜) 有椰菜，四季豆，幾入味。 但薯條好多鹽，真係好咸好咸， 食左小小已經唔想食。-♦龍蝦米多(半隻)拼西冷牛排 $168 (另包意粉/飯/薯菜)龍蝦半隻，面上仲有忌廉汁，仲有D茹係上面，啖啖肉，好方便一吉就食到D肉。西冷牛排同樣無問你要幾多成，食落都係7成左右，但西冷牛排就相對大塊，當然都無牛柳咁淋身啦，但都好有肉味。-♦西冷牛排 $128 西冷牛排同上面個餐一樣，只係小左隻龍蝦，都係好大塊，呢個價錢性價比非常高，今次配意粉，意粉會一齊上，仲會有埋忌廉汁，好好味。-另配餐茶及加一服務byM: 8/10insta