春天 (已結業)

成班老友好耐無見，去到新都城中心二期，朋友們行過呢間餐廳，我就跟大隊，見面吹水，邊度都無問題既。黎到呢間叫"春天"既餐廳，價錢大眾化，我地都點左餐。我就點左「鑊仔咖哩牛腩飯」，睇落都幾香幾靚，食落去辣得來又接受到，香得來又不掩蓋牛腩甘香，靚米飯🍚配翠肉瓜椰菜片。 送飯好一流。朋友仔就點了「鑊仔紅酒🍷薈牛尾」，上菜前先比個酒精火爐，坐熱個鑊仔，等幾分鐘就可以打開，香噴噴既鑊仔紅酒薈牛尾就出現係大家面前，我當然要試番嚿，好夠淋，又係送飯佳品，今晚食得好開心，服務態度良好，愉快的一餐。😊點了SET 仲送春卷配沙律菜!!正呀.

呢日黎左TKO，同另一半睇戲前去醫下肚先！之前未食過呢間，望落個Menu都唔錯，試下無妨～餐廳環境屬開放式，都幾舒服午市都幾多選擇，好多都好吸引好想食！＃是日餐湯：周打蜆湯＃九州豬骨湯手打稻庭烏冬配吉列豬扒他他汁烏冬唔錯，份量十足！個豬骨湯清清地岩哂我塊豬扒好大，成隻手掌咁大！炸粉唔多，好香口＃法式燒春雞(半隻) 伴印度薄餅咖哩汁及沙律好吸引既燒春雞！個外皮夠脆，肉夠厚夠滑其實後面仲有印度薄餅，可以點咖哩汁食唔好睇少隻雞得半隻，食完真係好飽架喎＃飲品跟餐有埋野飲～

大概下午兩點經過留意到呢間以紅色為主，牆上貼上古典美式牆紙，掛住幾幅油畫同埋歐式吊燈，設計傾向古典歐式嘅餐廳。睇吓門口餐牌仲係午餐，價錢都幾幾抵，一行三人決定喺度食晏。我哋叫咗兩個午餐，兩個下午茶餐，除咗咖喱牛腩外，其他質素都唔錯。午餐可選擇餐湯或田園沙律，湯都可以，沙律太乾。香煎羊扒拼魚柳意粉，羊扒好嫩好味，魚柳稍乾。秘製咖喱牛筋腩飯，除咗牛筋軟淋外，牛腩真係唔掂，又鞋又韌。下午3:00下午茶餐嘅黑松露野菌意大利粉，好香蒜味，黑松露味都有啲，份量以下午茶嚟講都幾滿意，味道又幾好。吉列魚柳配薯條，午巿及下午茶無小食，所以叫多個餐，魚柳同午餐嘅魚唔同，多少少魚味，薯粉比快餐店粗啲，新鮮熱辣辣。凍飲無需加錢。熱奶茶用茶包，但無蓋焗住，所以色同茶味欠奉。

今日初二丫，岩岩返到香港。本來都冇諗住出街的，但朋友忽然話明天唔黎我家拜年，就諗住去Popcorn買定初三既戲飛去睇戲。仔又話都出得去囉，不如即日睇啦，咁都係既，咪睇即日囉。點知Popcorn又Full晒，上網check到新都城重有喎，咪去新都城囉；都驚驚地去到新都城又冇晒飛賣，所以就急Call舅父問下佢有冇興趣睇戲，有就請佢幫忙去買左飛先買好飛，就諗食乜啦。本來都驚新年要等位等得耐，點知出奇地小人囉；雖然都有餐廳要等位，但真係比起平時少人好多囉。行晒成個商場，最後仔仔決定去春天食，原因係肉丫都幾多餐可以擇，包湯或沙律，主菜同一杯飲品。百零蚊又坐得幾舒服，就咁睇個價錢都抵食既。餐湯同沙律，個湯都冇乜點係薯蓉湯黎都幾好飲，個沙律就真係少左DD，雖然話係跟餐送...但湯同沙律二選一的話，個沙律係咪都應該大份少少同個湯差唔多呢？最早到既西冷牛扒，意外地淋，幾好食喎。不過個汁，又唔係鐵板，比個熱熱地既汁好D囉。個汁凍既，D牛點左落去都凍晒。仔仔點既漢堡，都幾大份，重有個沙律跟，算唔錯。但可能仔仔唔多夠飽，因佢久唔久都有望下我個扒。可惜今日我肚餓，而且個扒真係好味，我只係比左2小舊佢舅父點的龍蝦

執完屋到tea time想食個tea輕鬆一下行左好多間餐廳最後決定食呢間呢間之前同朋友食過生日飯記得d野食唔錯所以再來tea set超多選擇有甜食🍰都有鹹食花多眼亂啊價錢唔貴$28-48環境好舒適周圍掛左油畫感覺好elegant因為好餓下所以叫d飽肚野甜品就下次啦最後叫左黑松露野菌意大利粉 $38個意粉炒得勁香d料都幾多下食完飽飽有特飲超抵食加埋一 $42環境、食物同服務都好好呢個優惠好抵$108任食一小時（豬扒/牛扒）下次來試下先

這天早放工去睇醫生, 以為早 D 診所就無咁多人啦 ~ 點知等睇醫生都一樣要等個幾鐘!唉, 掛完號就去行下商場啦, 諗住坐低飲杯凍檸茶, 食少少野啦。 見到呢間小店幾靚喎, 就入去試下啦, 點知有少少伏。一心只係諗住坐一陣, 點左墨西哥芝士雞肉卷。餐廳地方不大, 是商場內的 open area, 下午茶無乜人, 不用搭枱, 都算舒適!檸檬茶算正常, 但沒有茶味。等左將近半個鐘, 墨西哥卷上枱了 ~ 可惜是又燶又硬的, 仲要刻意將較為無咁燶的向上 (忘了影相)! 我立即向女店員反映, 又乾又燶又硬 ~ 佢即時拎返入廚房, 出來後向說會重新做一份給我。又再等 15 分鐘, 新的一份墨西哥卷終於來了!可惜 .... 雖然外觀 ok, 但內有點不似預期。一點也沒有芝士味, 反而有幾條莞茜, 食落我以為食緊點心。味道有點似鮮竹卷呀! 商場內食店林立, 有咁多選擇, 短期內不會再來了。

我今次揀哩間西餐廳，係比佢門口個海陸空大雜燴套餐(至尊拼盤套餐配薯業)，哩個餐有雞，牛，海鮮肶，炸薯條，扇貝，魚柳。樣樣都好有水準，特別係牛扒非常好吃，係個海鮮肶比較咸。如果順路經過可以一試。菠蘿乳酸梳打

森仔今日同女友去寶琳睇戲，今次我哋揀咗嚟呢間叫春天嘅春天。講下間舖頭先，店舖位於2期2樓最高個層，入到商場直行扶手梯上一層就到。店舖唔細，舖面好光，歐陸風，位與位之間唔擠迫，坐得舒服嘅。一人set份量都幾多，一個人食絕對夠飽，森仔同女友嗌咗一個set加兩個小食，最後食到有啲飽。介紹下小食先，我哋嗌咗個黃金扇貝同焗蠔。黃金扇貝嘅黃金其實就係蛋😋蛋漿淋係在扇貝上面，焗完之後，蛋漿就凝固做一層好似被火槍烘過野，口感有層次，有層薄薄嘅蒸蛋係面，而味道係甜甜地又有啲似沙律醬，但佢係健康版😂😂。個煙肉焗蠔好香好大隻，將煙肉粒打碎再同黑椒粒撈均，好似整肉餅咁，鋪層係蠔面再拎去焗，香得嚟唔會蓋咗陣蠔味，味道好新奇同好特別。講下兩位主角喇😝跟set可以揀沙律或者餐湯，最後我哋揀咗餐湯，即係周打蜆湯，味道清淡而濃稠。介紹下第一個主角龍蝦拼盤先😋menu上面有mark埋拼盤入面有咩，唔駛大家再問啲staff先知👍🏻拼盤有半開邊龍蝦、西冷牛扒、羊扒同焗帶子，配菜有薯條。洋蔥同金菇連龍蝦一齊焗，賣相一流之餘味道又好，肉質爽口彈牙，以為要徒手打開龍蝦鉗，用手用刀差整得好辛苦，個waitress見我哋咁辛苦，畀咗個

話說個日約左小棋去寶琳睇戲，之後發現左呢間平民既西餐廳 – 春天(Primavera)。話佢係平民西餐廳其實一啲都唔過份架，因為論餐廳裝潢、服務質素、食物性格比都係中高價西餐廳既水平。而係呢到，我地可以只需花比較大眾化既價錢就試得到啦！先講下餐廳既環境。地方雖然不大，但都不失氣派，餐廳採用歐陸式的裝潢，天花仲裝上了一盞大吊燈，店內光線充足；待應在食客用餐後，就會馬上收執碟子及進行清潔，以維持餐廳內既衛生水平；餐廳又會按週日或週末推出多個唔同既餐牌比食客選擇，食物種類都幾多，同埋唔好忽視左食物的份量，份量之多，足夠兩個人一齊食一份，肯好小棋也是一個吃貨。(其實係佢唔浪費姐…..XD)餐廳有多個餐牌供食客選擇。我們分享下今次食左D咩啦：春天什扒 配薯菜 $98呢個套餐會跟埋沙津同餐湯，而今晚既餐湯係菠菜忌廉湯，湯味道不會太濃，反而係淡淡地，如果可以再稠身啲，效果會更佳；沙津唔會太多沙拉醬，兩者加埋可算係開胃既組合。今次個四餸精選，我地揀左燒大蝦、扇貝、燒蠔、尤魚，食物的尺寸都唔細，都有半個手掌以上咁大，燒海鮮冇可以挑剔，反而敗北既係魷魚，夠味但比較淋身。卡邦尼意大利粉 $78呢個算係成晚最

這家餐廳叫春天，令我想起汪峰有一首歌叫《春天裏》，GEM曾經翻唱而讓我愛上這首歌，裏面有幾句歌詞說：＂還記得許多年前的春天，那時的我還沒剪去長髮，沒有信用卡也沒有她，沒有24小時熱水的家，可當初的我是那麼快樂⋯⋯＂這首歌大概就是搵一個吃M記女友的歌曲版。雖然我未至於沒有錢吃飯，但每頓飯大魚大肉也是沒有可能的，我也想將來有一個伴侶與我有福同享，貧苦與共，我更希望的是「貧苦」是不會發生在我們身上，哈哈！今晚這家餐廳，裝潢典雅，暗紅色的牆紙十分搶眼，天花懸掛了一盞水晶吊燈，使環境加分不少！價錢十分親民，主菜包括餐湯和飲品，也不超過$100，小食也十分便宜。本想試試這裏的甜品，想不到下午已經售馨了。⭐️餐湯忌廉湯較稀，入口味道偏淡，而我期待口感再濃稠一點。⭐️黃金扇貝$42把蛋漿淋在扇貝上面，焗完後蛋漿黏附在扇貝上，放進口，雞蛋軟軟的口感配上爽腍的質感，味道沒有違和感。⭐️沙嗲雞串$35雞串醃得很入味，雞肉即烤很嫩，配上特製醬料，很惹味呢！⭐️香煎羊鞍扒$118這裏最出色就是羊架，羊肉烤得適中，灑上幾粒黑椒調味。輕輕一切，骨肉分離，呈淺淺的粉嫩，入口沒有羶味，淡淡的肉香不肥膩，實在不俗！⭐️香煎原條紐西

見今晚有啲得閒所以相約老媽子去做節，由於家住寶琳所以近近地去到新都城中心搵食，發現一間新餐廳佢叫做春天！佢有少少特色嘅裝修，門口有一個充滿甜品蛋糕嘅雪櫃，所以吸引左我哋一家人嘅幫襯，由於嗰日我哋七點前已經入去坐低，餐廳人流不多服務員好細心咁為我們介紹菜單，我和內子當然選擇嘗試他們餐牌內吸引的三款食物：我選擇了12安士美國肉眼扒，老婆鍾意食海鮮所以佢揀咗春天龍蝦拼盤，媽媽當然要食得健康啲啦魚柳拼大蝦！每個餐都奉送餐湯同埋飲品！魚柳肉厚不油膩大蝦爽口、肉眼扒油脂分布平均喜出望外、春天龍蝦拼盤更是十分出色想不到的驚喜⋯⋯有半隻新鮮焗龍蝦、一件燒得剛剛好嘅羊架、非常嫩口嘅牛脊扒、還有一隻大扇貝！所以這個拼盤我非常推介俾大家啦⋯⋯埋單都係$532 咋

將軍澳新都城呢間西餐廳開咗冇幾耐，一直都好想去試，今日終於有機會同屋企人趁放假去食，六點幾已經好多人排緊隊，呢間餐廳似乎幾受歡迎喎。餐廳嘅裝修風格活潑，紅紅綠綠色彩豐富，俾人耳目一新的感覺。坐低就每人叫咗一個set，12安士美國肉眼扒真係好巨型，足足有一隻手板咁長，厚大概1.5 cm。我哋叫咗五成熟，又真係做足喎，好多餐廳都唔會咁細心將烹調時間調校得剛剛好。輕輕切開牛扒就見到粉紅色嘅中心，裏面好juicy，加上邊緣嘅少少脂肪，入口好rich 好香口，牛味幾突出。意粉嘅份量都唔少，食完成個餐真係好飽。另外仲叫咗個至尊海鮮拼盤套餐。餸菜好豐富，有黃金扇貝、芝士煙肉焗蠔、香煎𩶘魚、煎大蝦、忌廉芝士焗蟹肉撻，份量相當多，蟹撻外皮鬆脆，有好多層酥皮，食落唔油膩。最好食恍然係最簡單嘅煎魚，外皮真係好香脆，裏面鎖住肉汁，整條魚嘅鮮味都好突出，雖然成個餐加一之後都要120幾蚊，但係真材實料。

同媽咪收工係商場行街，行左陣攰攰地去左春天食dinner，覺得環境好光鮮。先黎個餐前沙律＆湯，開一開胃!熱檸水香煎羊鞍扒，我真係好鐘意食羊，而且有3支，見到都開心，煎得好香，肉好嫩身有油香味，薯條雖然係配角，但炸得唔差，熱辣辣又軟身三文魚配香芒忌廉，媽咪清淡d，食煎三文魚，我食左少少，魚肉唔鞋口，配芒果汁幾特別黃金扇貝，名符其實，焗得金黃色，帶子肉好厚好大隻，有油香，好好味媽咪話哩間煮得幾好味，我都覺，大約食左hkd$300，當係慰勞媽咪平時咁辛苦

慶祝朋友生日，因為佢收工比較夜，所以就佢在佢屋企附近食晚飯，早排已經搜尋過這間Primavera睇落唔錯。我已到步在店門外影張相先，無耐朋友亦到了！忌廉餐湯龍蝦拼盤($178)半隻龍蝦，好似有金菇連埋一齊焗，焗得好靚，d肉好彈牙，不過蝦鉗殼冇預先整碎，要徒手打開。羊架，有肥膏位好香羊羶味，肉身都好腍。牛扒，一d都唔韌，易咬好腍。扇貝，這個必食，焗得好好味。薯條，夠熱帶微鹹，唔錯。美國肉眼扒($188)，size一隻手掌長，超厚身，煮到7成熟肉好腍，岩岩好。BBQ燒排骨($48)，約有5支骨，酸酸甜甜好好味，食完一支骨又一支，肉好嫩。芝士煙肉焗蠔($42)，蠔煮熟左仍然好大隻，煙肉粒放在蠔上加埋醬汁，食落味道好特別，從未食過，幾好味。食左好多肉，份量都幾多，食得好飽。店內環境都幾大，坐得舒服，乾淨光猛。總結絕對唔差，食物味道正，價錢唔算太貴。

又到一家人齊齊放假去食飯嘅時候，今次揀咗新都城好近寶琳地鐵站嘅一間中高檔西餐廳。餐廳內部光猛，色彩鮮明，空間闊落，坐得好舒服，特別係卡位。所有dinner set都跟餐湯或沙律，呢個番茄忌廉湯多數幾好，番茄味好突出，不過怕酸嘅朋友可能就會覺得酸味太重，但口感好幼滑，打得好smooth，整體感覺清新開胃。沙律加左胡麻醬，味道OK，蔬菜都幾爽脆，但係份量真係太少，相比起餐湯，如果跟餐只有沙律的話唔太抵食。見到個咁靚嘅賣相已經流晒口水，香煎三文魚有成隻多手板咁長，而且好厚肉， 淋上適量香芒忌廉汁，旁邊有不同蔬菜做配搭，份量適中，有魚肉有蔬菜幾健康，今次我揀咗配薯蓉，整體係light啲。芒果汁同三文魚好夾，芒果酸酸甜甜嘅味道好清新開胃，加埋忌廉汁令到個口感更加幼滑，好鍾意三文魚烹煮時間剛剛好，裏面嘅魚肉保持肉質鮮嫩，三文魚皮煎得好香脆，滲出陣陣魚油甘香。食完唔夠，再加多個小食，就係芝士煙肉焗蠔！平時其他餐廳食好多數細細隻，煮到縮晒水，所剩無幾，但呢度真係有質素，每隻好都大大隻，上面鋪滿晒芝士同煙肉碎，蠔肉好厚身，非常甘香肥美，放入口啖啖肉，雖然價錢一啲都唔平，但物有所值。不過杯咖啡呢⋯⋯講真略