春水堂 (美麗華廣場1期) (已結業)

疫情到不了台灣那就到尖沙咀的春水堂吧，疫情一年多了我想念台灣的心也一樣長。每次我去台灣也會吃春水堂，幸好春水堂在香港的分店也愈來愈多，非常方便就能吃到台灣風味尖沙咀的分店開了大概半年，每次都看到很多人排隊，等位的時間也頗長，所以我今次選擇了外賣自取，落單到自取的過程十分暢順及快速，只用了10分鐘我就能夠享用美食。包裝精美衛生。1）鐵觀音奶茶$28一直都很喜歡鐵觀音奶茶，喜歡鐵觀音的茶味。我認為與台灣味道相差不大，我非常滿意😋😋😋😋😋推薦2）滷肉飯小碗 $29價錢便宜好吃😋😋😋😋😋推薦3）黃金香酥雞 $49即使外賣，質素也沒有變差。剛炸起的鹽酥雞，有椒鹽加芝麻炸起，味道不錯，一客約有9小件，數量正常😋😋😋😋只是如果價錢便宜一點跟貼台灣一點會比較好，小食來計略貴這餐吃了$106，雖然比起台灣價錢算相差得多，但是一解鄉愁🥲是值得的！我相信很快我會再來吃

知道美麗華開咗間分店, 今日經開呢邊就去食個下午茶, 2:45左右冇人等位, 好快就可以入座,  餐廳都算大環境都幾舒服, 起碼冇壓逼感, 枱與枱之間都分得好開, 亦都唔會太嘈吵麻辣涼伴鴨舌 - 賣相可以, 未完全解凍, 有啲鴨舌係痴埋一舊, 但味道可以, 鴨舌新鮮珍珠招牌紅茶雪糕吐司 - 賣相吸引, 吐司好脆好鬆唔會太膩, 紅茶雪糕好味, 珍珠夠軟熟鹽酥雞翼滷肉便當 - 雞翼炸粉太厚, 滷肉飯冇乜汁好乾, 其他配件菜多貢丸湯 - 一般, 貢丸爽口愛玉檸檬綠茶 - 檸檬綠茶好醒胃蜂蜜綠茶 - 不錯總結 : 我覺得都係一般, 價錢都係偏貴, 甜品係有驚喜

救命 味道不了 啲湯凍既 又唔可以話完全凍😡系暖暖哋囉 一定唔係熱 要我自己叮？😨我五知本身系凍食定點樣？湯麵系凍食？🥶我真係五明 已經五系打電話 隔咗好耐先去拎😤我直接去叫完 等佢整完拎出嚟 我就直接拎😥過咗5分鐘都唔知有冇 我就打開食☹️正常岩岩整系熱呀 竟然唔係熱😠 啲湯凍都算 連牛肉都超級老 啲麵又硬🌚 成碗食咗幾啖完全唔想食 但唔想浪費 仲要尼個價錢 都要格硬食咗佢😓尼間真系好失敗 完全接受唔到出面叫咁多次外賣都未試過😒完全五值尼個價錢 五會回頭既可能性🙄失望到喊 真心估唔到 嬲到我仲要浪費時間🤬我打呢篇野...冇咩事唔好去...

🍽 小編幾年前去台中就已經去過春水堂第一間分店，今次係見到尖沙咀美麗華開左新分店，所以就同朋友一齊去試下龍與鳳。小編今次就專食推介餐廳食物☝🏻紅燒牛肉麵(半筋半肉) $82滷香大腸 $49黃金香酥雞 $49珍珠熔岩蛋糕(香港限定) $59小編人生都食過好多間紅燒牛肉麵，而春水堂半筋半肉紅燒牛肉麵就不過不失，牛肉煮得偏淋入味，湯底都煮得不錯，但比較偏油，滷香大腸一般平庸，黃金香酥雞都好普通，係街邊都可以買到，而珍珠熔岩蛋糕就比較少見，蛋糕內餡就普通，主要係靠上面表層Cream同珍珠帶出味道，有興趣都可以試一試。

以前每一次去台灣旅行，都會去春水堂飲佢嗰中杯嘢飲，佢嗰種杯係成個啤酒杯咁大，每一次飲都要飲好耐先飲得晒！今日晚餐又唔想喺屋企食，咁就出咗去搵食啦，咁去深水埗行吓行吓又唔係好啱食（我有睇蘇媽蘇媽，蕃茄師兄，第一君，丸京同白布烏冬㗎！），咁個心突然好想去食台式牛肉麵，原本諗住去旺角鐵牛嘅，但又驚旺角好多人，於是上咗巴士就去咗尖沙咀，之後俾我見到春水堂喎！就憶起我係台灣嘅回憶，就入咗去食！因為佢唔係好full，舖都叫大，唔使等就即刻安排到個位我！咁當然我唔會勿忘初衷啦，叫咗個紅燒牛肉麵，同埋一杯翡翠檸檬。個麵一嚟到就聞到一陣好勁嘅牛油蘇味，上面有一層好勁嘅油！咁開始食啦，佢個湯底唔係好重平時紅燒牛肉麵果d味，感覺比較淡，好在佢食完唔口渴，我就覺得一般！麵就幾好食，可惜就細碗咗d，3啖搞掂！牛肉同牛筋出奇地入味，好食！到個翡翠檸檬啦，我叫咗少甜（即係50%糖）感覺會比較酸啲，但好啱呢個天氣飲，好fresh！但呢個價錢咁嘅質素，台灣真係抵好多！

茶飲出名嘅春水堂有埋麵食&小食,一於入去試下，叫左個素麵同紅燒牛肉麵，味道不過不失，紅燒牛肉麵牛肉夠淋，湯底夠濃，同出面台食店嘅牛肉麵差唔多，素麵就係素滷肉撈麵，味濃，但油都好多。如果份量多返少少就好啦。本身諗住飲翡翠拿鐵，一坐低見到有朱古力奶茶叫就改變主意，朱古力味係好濃，但完全冇奶茶味，唔飲茶嘅朋友就覺得好飲，面頭嘅兩塊脆餅造型精緻，都幾好食嘅如果食物款式多返啲，都會再幫襯嘅，冇得去台灣，都可以一解思鄉之愁嘛

行街行到攰所以坐低抖抖食個tea見到呢間台灣過江龍就決定入去試試🌟珍珠鐵觀音奶茶（$34）叫左走甜小冰要讚吓走甜真係唔甜😂因為好多時走甜 啲珍珠都仲係甜到膩但呢杯冇依回事而且嗰茶底鐵觀音都幾香🌟鐵觀音拿鐵（凍/熱 $36）叫左一杯凍一杯熱凍同熱嗰奶泡都幾厚身少甜嗰杯個人覺得都係偏甜可能我重口味 覺得奶味偏淡不體都算幾滑 同嗰清香嘅鐵觀音幾夾🌟珍珠熔岩蛋糕（$58）賣相幾精緻✨最啱打卡嗰蛋糕帶少少濕潤 唔會太乾🍰不過就有啲實而且台灣口味果然偏甜上面黑糖同珍珠好甜 中間嗰cream又甜 嗰蛋糕都好甜🌟台式芋米糕（$28）依個係我覺得嗰tea最好食嗰個芋頭香之餘帶少少米香而且每邊都煎得夠脆同乾身咸咸香香超級好食😋而且好貼心咁切好晒最啱同朋友一齊開心share-整體來講有少少名過於實 冇想像中咁好食而且店員態度都幾差同安排混亂門口完全冇人企喺度提醒量體溫同填紙仔填紙仔嘅位置亦非當眼處俾嗰牌遮住左因為朋友已經坐低左我哋心急入去join佢 唔記得咗量體溫同填紙仔就直入行到一半有店員見到我地就用啲好差嘅語氣講「喂！你地未量體溫同安心出行喎」聽到嗰吓其實有啲嬲想唔幫襯😡但都坐低左費事起身出去搵第2間我

態度不能接受， 根本不想做生意。。。不是一個是差不多每一個員工都有問題。。。你咁緊張量體溫，就用對眼每一個睇住個客有冇量體溫，不可能每個客量完體溫你又叫佢再量多次，量到你滿意為止㗎。成間鋪冇一個似senior嘅，冇一個似想做生意嘅經理。入去都驚你吐口水啦。

今次又係挑起條筋嘅好想去旅行系列，最近真係好想去台灣，所以都周圍搵吓有乜嘢台灣餐廳，因為想搵一間舖頭可以坐低慢慢休閒放鬆吓，所以我就去咗春水堂啦！去得春水堂當然就係要飲佢哋既珍珠奶茶，我覺得春水堂有樣嘢做得好好嘅，就係好難得一間舖頭嘅珍珠奶茶凍飲同熱飲嘅質素都做得好好，佢哋奶茶嘅茶香永遠都做得好出，唔會比奶味冚過左，無論係茉莉花茶底定係鐵觀音茶底，你都會飲到佢哋最原始獨特嘅茶嘅芬芳。而且佢哋嘅珍珠亦都唔會過軟或者過硬，每次去都Keep到同一個QQ嘅口感，我覺得呢樣真係好難能可貴，亦都係台灣嘅舖頭先會做到嘅用心。雖然我入嚟Hea一陣，但係我都另外叫咗碟鹽酥雞過下口癮，鹽酥雞炸得啱啱好，而且炸粉唔會太多，亦都唔會太多油積聚喺裏面，不過今次嘅調味粉略嫌有啲重手，如果佢加埋啲九層塔一齊炸嘅話，咁就不得了喇。講吓講吓都覺得自己嘅胃口越嚟越台味濃，希望世界各地嘅疫情快啲好返，然後大家都可以一齊去旅行周圍食好西啦！🇭🇰春水堂香港九龍尖沙咀彌敦道132號美麗華商場一期一樓110C&112號舖🇭🇰

是日出咗尖沙咀一行呢個地方非常多茶飲店俾我發現美麗華商場新開咗春水堂喺台灣就飲過，試吓香港又係點嘅味嗌咗最普通嘅珍珠奶茶半糖微冰因為人流唔多所以都幾快就到手店員好有禮貌主動問要唔要膠袋同台灣嘅味道差唔多本身都係奶味比較淡，茶味會比較突出所以整體上會比平日嘅珍珠奶茶稀身少少相對飲完成杯都唔會覺得漏如果好奶味就未必適合你但我唔喜歡佢哋嘅珍珠佢哋嘅珍珠係細粒珍珠唔係平時食開嗰隻standard size珍珠味比較淡，而且太有咬口煙韌到要好大力先咬得開但因為細粒咁大力咬落去就會磨擦到牙齒但唔用咁大力又咬唔開非常唔舒服呢個位要大扣分

春水堂呢個名大家都唔陌生啦諗起對上食個次已經成年前😂唔搵唔知原來開左咁多分店呢到兩人份量 初頭仲驚叫完會食唔晒點知岩岩好清得晒不過咁多樣夾埋真係好濟😂黃金地瓜條 $33蕃薯條好香脆 份量亦都好夠💛鹽酥杏鮑菇 $38個皮有d硬 不過好大舊好滿足🤤鐵觀音可可流沙包 $23/2個勁濃🍫味 仲要爆出黎咁濟😂個漿太濃味搞到食唔出個包本身既鐵觀音味😂珍珠熔岩蛋糕 $58Cream好滑同唔溜 珍珠都煙韌但無乜味咁～蛋糕質地太實了呢下扣左好多分 寧願食吐司🍞翡翠拿鐵 $36叫左微甜都好甜 茶味都好出但加左拿鐵會令我地更加濟下次都係叫返純茶好d鐵觀音奶茶 $31叫左少甜但都係偏甜 建議叫微甜茶味重過奶味 整體都ok

話哂春水堂係台灣嘅過江龍，點都要試下！但由於疫情關係，今次就買左個外賣便當☺️• 🍱鹽酥雞翼魯肉便當(HKD 93)賣相睇落好豐富，食落好多都係蔬菜，較健康的便當！鹽酥雞翼都炸得幾鬆脆，🥺但魯肉就偏油及偏肥，不太合我的口味，雖然配有貢丸湯，但價錢都真係偏貴💸飲品方面，套餐沒有加配飲品價錢，需以正價購買，點了一杯珍珠奶茶(忘了拍照)，珍珠奶茶相對較岀色，茶味香濃，而且珍珠是細Size，有Q彈嘅感覺，挽回了不少分數👍🏼美麗華分店是最近新開張的，環境都較新淨，想試試春水堂的朋友都不妨可以選擇到訪新店😀

每日到左lunchtime都好苦惱ಥ_ಥ唔知食咩好...今日決定食一間新開既(≧▽≦)其實都唔算新開haha 好彩呢個時候無咩人排隊姐唔洗等位!! 入面都唔算太多人堂食 係咪因為今日確診人數又上升咗(._.)- - - - - - - - - - - - - - - - - - - - - - - - -滷汁排骨便當 ($82)滷肉要另外加 +10$ 溫馨提示!!職員落咗單之後 大概等咗15分鐘就嚟到~排骨果然無令我失望😚真係好好味 外面好香脆^^入面啲肉唔會太乾 咬落去會有d肉汁(^o^)都算幾大塊便當仲有好多配菜架鍾意食菜嘅就啱啦有西蘭花 🥦(不過有啲硬好似未煮熟...),椰菜,小棠菜,秀珍菇,冬菇 上面都會有啲椒鹽粉😋聞起上黎特別香 諗起台灣夜市既 燒雞比菇🤩 仲有半粒滷蛋仲有一碗紫菜貢丸湯 細細碗 都好好飲 唔似味精湯不過食肉獸既我就中意多肉小菜整體黎講 都係好味既！係價錢方面貴咗少少啦要加一服務費********

在公司附近新開了這間有名氣的餐廳，我同事已經嚷著一定要食，那麼擇日不如撞日，就今日一於試下。可能還是新開關係，暫時不用等位。但沒有午市套餐，及要加一收費。我們分別點了:滷汁排骨便當$82 - 賣相吸引欣賞有菜同菇，感覺食得健康但豬扒口感略薄，味道一般般。鹽酥雞翼便當$92 - 賣相同樣吸引雞翼好酥脆，味道不錯紅燒牛肉麵$82 - 湯頭香濃牛肉半筋半腩，口感軟淋入味，整體不錯黃金香酥雞$48 - 雞肉嫰口好酥香，粉不會多，口感香脆，好好味魯肉飯(小)$28 - 份量小小的，魯肉肥瘦均勻，肉汁香濃，伴飯一流臨走外賣了杯珍珠鐵觀音奶茶$31 - 茶味突出，但略嫌珍珠硬了點，及欠奶香味，整體上中規中矩!

一直都有聽到「春水堂」，但以往分店面積都較小、而且常常都多人，未有機會一試。今次聖誕日下午時間路經美麗華商場，發現有新分店剛開業、人流不算多；店舖面積不小，見有不少卡位，可惜由於疫情的緣故，沒有堂食，只買了飲品。飲品選了熱鐵觀音珍珠奶茶($32)飲品製作都需時，因堂食都忙碌。容量不大，感覺堂食較大杯。奶茶的味道中規中矩，茶味較奶味出，沒太多奶味，珍珠多且煙韌、較細粒，性價比一般。另外，觀察堂食食物都吸引，有機會會一試