是蛋

營業中

休息中

#chowweisik鹹#chowweisik甜嚟長洲咁多次，分別都試過午餐或者晚餐喺度食～建議早少少嚟食，位置唔算多，都需要排一陣☺️✨一🐾 真 卡邦尼意粉｜$80係傳統嘅卡邦尼意粉做法！！冇落忌廉剩係得蛋黃配埋風乾豬面頰Guanciale✨純粹濃郁嘅蛋黃及鹹香味道☺️一🐾 松露是蛋炒配煎薯餅｜$60黑松露滑蛋夠滑 唔會過熟黑松露味道濃郁！配合埋煎得香脆嘅薯仔絲煎餅 幾夾一定要趁熱食☺️今次煎薯餅調味略嫌比較鹹一🐾 土製炸蛋｜$49中間一個流心蛋被混合Rose Mary香草嘅豬肉肉餅包住味道剛剛配合好一 🚏是蛋 (長洲)長洲北社街49號前座地舖

📍長洲 𝙲𝚑𝚎𝚞𝚗𝚐 𝙲𝚑𝚊𝚞❝是蛋!🍳以雞蛋為主題既小店cafe💛必食4款菜式😋炸蛋/炒蛋/卡邦尼/燉蛋!❞中意食蛋既 去長洲一定唔可以錯過呢間小店🍳😋今次假期入長洲專誠為左佢🤤👋🏻cafe food黎講算抵食(冇加一!)😍🍳土製炸蛋 Scotch Egg $51 (4/5)每日限量❗️當日臨入座 店員問要唔要炸蛋 淨番幾舊要幫我留定💕香港好少見呢種UK美食(之前係london食過一次😚)免治豬肉包住流心蛋再炸🔥香脆惹味 配流心蛋黃好正!🥔松露是蛋炒配煎薯餅 Truffle Scrambled Egg on Pan-fried Hashbrown $62 (4.5/5)勁大份炒蛋🤤超香滑 松露味好香 好高質! 底下係煎薯餅 外香脆 條條薯仔絲好香軟😋不過幾飽濟 要share!🤭🍝真•卡邦尼意粉 Real Carbonara $82 (3.5/5)只用蛋黃同芝士整既傳統carbonara! 店員會即席刨芝士🧀仲有煎香左風乾豬肉 幾香! 但我覺得醬汁唔夠厚身 感覺唔夠多芝士～不過呢個價錢算很不錯👍🏻🍮是焦糖燉蛋 Creme Brulee $51 (4/5)好香濃蛋香同雲呢拿味🥹見到燉蛋嘅黃

入長洲最大的目的一定係去食嘢😚呢間就係bookmark咗好耐餐廳，第一次去因為小店就快close所以冇得食🥲今次就一開舖就有得食啦！小店環境好細而食物就係全部雞蛋為主，每一樣嘢蛋味都好出🤪

入到長洲第一間就搵尼間專食蛋既餐廳，舖頭細細唔多位嫁，平日都有機會要等，好彩一去到都有一張枱。叫左三樣野，卡邦尼意粉、炸蛋同焦糖燉蛋，樣樣都真材實料。卡邦尼係用傳統正宗煮法，全蛋黃，一滴cream都無，少左平時好漏既感覺。炸蛋就係尼間餐廳既皇牌，基本上枱枱都會叫，假日尼遲少少都可能賣晒，因為唔係好多地會有得食炸蛋，其實佢係蘇格蘭蛋，入面係流心蛋，出面包一層厚厚既肉再炸，出面脆卜卜，入面juicy流心。焦糖燉蛋可以話係足料實淨，脆脆既焦糖，下面係濃厚既燉蛋，食完都好有飽足感整體食物質素唔錯，睇得出餐廳對食物有要求，但環境唔算係好chill，唔會係可以慢慢坐果d，但係值得去食既餐廳

長洲第7站～是蛋💛想去果間所有野沽清提早關門！6點咋喎😳本來plan咗呢間下次先食 咁就今次食啦好彩做哂兩手準備！只係食完返到屋企又爆多粒暗瘡🥲招牌土製炸蛋scotch egg $51🥚 蛋黃色勁靚又流心 配少量炸薯條🍟真係食到我驚🙈超強香草味🌿好食！另一個揀咗黑松露是蛋炒煎薯餅$62，睇相都知佢切粗條再煎食餅，食咗兩啖我已經飽到打嗝😑好重黑松露味，但就唔係滑蛋嚟，薯餅亦有用鹽調味，我覺得咸咗少少老公叫多碟雞肉意粉，意粉盡索牛油蒜香🧄香草味！$70 好多雞肉好抵食，不過我真係一啲都食唔到喇，啲意粉仲要係最粗身果種，因為等位都等咗半個鐘，所以我叫咗外賣盒😂另外之前睇Manson介紹個焦糖燉蛋好出色所以我都叫咗嚟食，但其實我已經飽到上頂🫣好重蛋香味，但口感同埋溫度都唔岩我口味，蛋比例上多同用靚蛋嘅關係，質感偏實，有落雲呢嗱籽但食唔出，面頭嘅焦糖太薄仲要得中間有少少脆，我都係鍾意食凍冰冰嘅Paul lafayet! 店家打样都叫我慢慢食，我諗住坐9點船，就嘗試等一等食完佢，點知真係食剩一半….佢話食到回吐就唔好啦🥹岩嘅但真係好浪費埋單$234

長洲真係愈黎愈多新式美食小店，呢間小店一直人氣高企，好多人排隊，所以我同朋友們都去朝聖一下😁黑松露是蛋炒配煎薯餅 $60💮呢個薯餅好surprise💮薯餅係切成薯條後壓平煎香，完全無落麵粉💮煎到底同面都好脆口，食落好香💮個蛋有少少實，可能要做番個型，但都係滑嘟嘟，唔鞋口💮黑松露味好突出，應該落左好多黑松露醬All Day Breakfast $82💮有炒蛋、多士、焗豆、香腸、煎薯餅同沙律💮炒蛋蛋味濃郁嫰滑💮呢個煎薯餅都一樣做法，一樣咁好食💮多士係自家製的💮份量好大份呀香蒜蕃茄豬面頰肉意粉 $80💮辣辣地既蕃茄意粉💮蕃茄味濃厚，豬面頰肉軟腍💮這個配搭減少滯膩感💮店家仲刨左啲芝士係意粉上面

同朋友去長洲玩，經過呢間特色小店，就想入去試吓，唔好下下都食魚蛋粉紅豆餅。店名叫是蛋，開宗明義就係好多雞蛋嘅菜式，但係我俾佢吸引嘅係唔喺正常Menu裏面嘅嘢，就係佢嘅是日特製意粉，貪佢其實平時冇得食要試吓（講到好似平時食過其他嘢咁😂😂）。呢個就係煙肉泡菜手工意粉，意粉非常煙靭，醬汁夠香夠辣，配合得啱啱好，完全係意外地好食😋😋，講真，我真係未食過咁樣口感嘅意粉，講起都想再去食多次，不過應該都係可遇不可求。呢個係朋友點嘅All day breakfast，大大份好足料，我試咗少少雞蛋下面嘅薯餅，個樣係非常之靚同吸引，亦都好香，不過食落去味道淡咗啲，調味有所不足。

黎到長洲夜晚，冇好似其他人去海邊食海鮮檔，走左去搵人氣高企既「是蛋」。去到晚飯時間7點，見得2個人等緊，以為咁好彩唔駛排咁耐。原來佢個招牌菜「土制炸蛋」已經貼上售罄難得黎到，就緊係照等位啦。餐廳真係好細下，應該得10個位度，真係小店黎。我地食過下午茶，唔算肥餓，所以只係叫左2份野食：松露是蛋炒配煎薯餅薯餅唔係糊狀果種，係切幼條整既。個人覺得如果一半一半就冇咁易散啦。餅上既炒蛋配黑松露好惹味好香！夾埋蔥粒好食真·卡邦尼意粉一上檯既時候，Waitress 話千奇唔好放太耐，可能驚我地掛住影相。同埋佢係即時刨芝士碎係我地個意粉上面既，所以我地都好聽話即刻ko左個意粉先。正宗既卡邦尼係落蛋汁，完全符合店名呀，咩都係蛋但係個人覺得咸左d，唔知係咪因為個芝士既關係啦！意粉質感係少少硬既。總結：終於係長遊都試到人氣小店，係可惜未食到炸蛋，唯有靠幻想想像下個味道。想試既朋友就記得中午好黎啦！

嚟到長洲一日遊 以前最期待嘅一定係長洲大魚蛋同糯米糍:3 但最後開咗唔少𝐂𝐚𝐟𝐞 難得嚟到梗係要一試💛由於店舖比較細 座位唔多 所以都要等一陣 但都值得等嘅 ʕ•ᴥ•ʔ土製炸蛋 ($49) ☞ 𝟴.𝟱/𝟭𝟬作為店嘅招牌點可以唔嗌✨外皮炸到脆卜卜 切開係流心蛋 外層包裹住免治豬肉漢堡 賣相已經好吸引 食落鹹甜鹹甜都幾特別 而且完全無油膩感 仲要有薯條作伴碟 連薯條都係香脆可口 值得推薦💛ℂ𝕒𝕣𝕓𝕠𝕟𝕒𝕣𝕒 ($80) ☞ 𝟳.𝟱/𝟭𝟬呢個都幾特別 佢係正宗嘅𝐂𝐚𝐫𝐛𝐨𝐧𝐚𝐫𝐚 所以係係唔會落忌廉或奶嘅 只係用蛋黃同芝士去製作 有好濃厚嘅蛋味 但由於濃稠度主要來自蛋黃 所以比較飽肚 食完真係好飽😂但由於無落忌廉 好快就會杰身 建議要快啲食啊 唔係嘅話口感就會差好多🥲呢個價錢真係好抵食( ´▽｀) 店員仲會係你面前刨啲𝐏𝐚𝐫𝐦𝐞𝐬𝐚𝐧 𝐜𝐡𝐞𝐞𝐬𝐞落去🧀但如果佢再落多少少就好🥲另外佢地以風乾豬面頰肉取代煙肉 食落鹹香十足🤤黃金高牆西多士 ($49) ☞ 𝟴/𝟭𝟬推薦❗️❗️西多士係新鮮炸起 而且炸得金黃香脆 入面夾住滿滿嘅花生醬🥜配埋牛油同楓糖一齊食 真係好邪惡😈焦糖燉蛋 ($49) ☞ 𝟳.𝟱

.📍是蛋📍香港長洲北社街49號前座地舖呢間真係排隊名店🧐如果平時我真係多數唔想排，但又心思思好想試一試，所以最後都係屈服左😂不過又未到排成個鐘，不過都差唔多真·卡邦尼意粉(80hkd)呢款係比較heavy嘅卡邦尼，店員話完全無落奶煮，佢嘅濃稠感主要由蛋黃而來，所以更加有飽足感，調味整體偏咸少少，一個人食就會有少少🤏膩，2個人share就啱啱好喇😍松露是蛋炒配薯餅(60hkd)黑松露畀得都幾多，聞落好香，蛋🍳都炒得幾嫩滑，薯餅🥔係先切絲再用半煎炸嘅方法煮，所以唔會非常油，都夠香脆，不過一定要上枱即食，刻不容緩😂土製炸蛋(49hkd)外皮炸得好香脆，入面係扎實嘅豬肉肉餅，但肉不會乾柴，仲要配埋流心蛋😍真係無得輸，呢間野真係排隊都值得食🫣#foodiblum西式

諗住星期一入長洲應該冇咁多人，但比想像中人潮湧湧🥺黎左食呢間bookmark左好耐既小店☺️平日黎到都等左2－3張枱　原本冇打算叫飲品，因為好似冇咩特別推介🙈不過有人均最低消費，所以叫左杯熱情果紅茶($28)，味道正常～.♡ 土制炸彈 $49蛋黃流心但係覺得可以再熟少少，過於水狀所以好難切得靚🍳外面係豬肉漢堡 味道略嫌淡左少少，但整體味道都唔錯🙌🏻.♡ 松露是蛋炒配煎薯餅 $60黑松露炒蛋味道好濃郁，食得出左好多黑松露醬，蛋唔會過老 口感好滑✨薯餅其實係薯仔絲 口感比普通薯餅豐富，煎得香脆～ 炒蛋同薯餅一齊食好夾🥰

我哋一行四人兩啤人就入咗長洲book房玩，一落船就睇吓有啲咩食先，就見到平時呢間排晒隊嘅舖頭今日冇乜人，仲要啱啱開門唔使等，咁我哋就入去試吓啦我哋四個人叫咗四款唔同嘅嘢食，一齊share嚟食下。如果大家係趕時間到下一程我就唔係好建議黎依間食，因為佢本身個廚房的一個人整嘢食，一個人落order，啲嘢食你都要有少少時間等佢整好。咁就呢一款食落去好似食緊M記薯餅咁，上邊有啲蛋陪襯下，食落去就冇乜太特別嘅感覺至於呢一個炸彈就係佢哋呢間舖頭嘅招牌菜，個賣相係幾吸引嘅，但係食落去真係好普通咁當然有兩個好似小食咁嘅食物我哋都會帶返啲飽肚嘅嘢，叫咗一個意粉一個飯，個意粉食落去就正正常常都係熱嘅，加咗啲蛋黃醬落去，但係就食唔出有啲乜嘢特別，因為我見每次都好多人排隊，以為呢間嘢係十分出色個味道最後呢個墨魚汁西班牙飯，其實見過賣相你都見到佢好一半，食落去真係麻麻哋

餐牌寫接受外賣，但去到又唔俾外賣？請問這是什麼玩法？已經不是假日， 竟然話數量有限只限堂食， 咁唔該你修改餐牌轉為不接受外賣， 以免客人誤會， 不如直接說土製炸彈不接受外賣。

第一次去 未夠三點又話落場 第二次去 又話個炸蛋 好少數量只供堂食 第二日十二點再去又話個炸彈數量有限指限堂食 問佢究竟幾點先有外賣因為你餐牌寫住 可供外賣 其實冇所謂 店員實在太度囂張十黑面

秋天季節涼涼地最適宜一班朋友去郊遊 ，同朋友入了長洲周圍遊同食好西。我哋下午先出發，入到先搵食，第一站先搵一間人氣cafe - 「是蛋」主打以雞蛋料理的小店，店舖唔大，坐位十個位左右，但食物質素有騖喜，平日都等了20-25 分鐘左右是值得等的。🌟松露是蛋 🥚炒配煎薯餅 🌟（＄60）必叫的，松露炒蛋松露好香，蛋又滑又嫩，有少少牛奶味，薯餅一絲絲的，外脆內軟，脆得嚟又唔太油 ，連埋炒蛋一齊食味道一流，真係好食個就知好好食😋。🌟土製炸蛋 🌟（$49)外皮香脆，切開勁流心蛋，外層包了層炸免治豬肉漢堡，重有淡淡的香草🌿味，冇油膩感，真係好正，又睇得又食得，賣相又吸睛，有薯條伴碟，薯條都好食。櫻花蝦煙三文魚忌廉汁蝴蝶🦋粉 (＄89)好濃忌廉汁蝴蝶粉，軟硬適中 ，同櫻花蝦，煙三文魚好夾。🌟黃金高牆西多士 🌟($49）熱辣辣新鮮炸起的西多士，切開內面重有粗粒嘅花生醬做餡料，好香花生🥜味，配埋新鮮牛油同楓糖一齊食，真係好邪惡。