景逸軒 (已結業)

二月上旬‧晴來到6樓的景逸軒，這裡給人的印象就是一間婚宴專門店，又實在筆者也因為參與別人的婚禮而來過幾次。第一次認真的坐下試試這裡的菜式，水準還不錯。雲耳海蜇頭是賣相頗不錯的前菜選擇，雲耳、海蜇頭再加上青瓜條，口感都非常爽脆也涼涼的，清新怡人。加入醋去調味，微酸的味道更令人胃口大開。櫻花蝦炒海蔘是不易做得好的菜式，是日的海蔘炒得軟腍中仍帶一點點微爽口感，顥見大廚的火候很到家。加上不少的櫻花蝦在內，味道鹹香而脆口，適當的替海蔘增味之餘也是其很好的配搭。

喺皇室堡嘅酒樓都唔少，同朋友晚飯，隨便揀間，於是乎就嚟咗景逸軒。可能係平日嘅關係，晚飯時間都唔係好多人。呢度嘅裝修相信係作婚宴之用，所以環境舒適；而且場地寬尚，晚飯hea吓都唔錯。小菜價錢約$100，但選擇唔算多。不過兩個人食，冇所謂啦！素鵝腐皮卷腐皮卷咗好幾層，都算脆，餡料豐富，有紅蘿蔔、西芹及木耳絲等素菜，頗有咬口。點少許醋味道較佳。燒腩仔微暖，肉雖淋，但冇嘜層次感同肉味；皮唔夠脆，亦唔夠香味。可能之前喺龍皇食過好有水準嘅燒腩仔，所以真係有啲比下去。粟米班塊呢道菜唔錯，班塊有薄薄嘅炸粉，少許脆得嚟又感受到班塊嘅肉質。粟米汁粉量啱啱好，每件班塊都可以沾到汁，送飯一流。整體嚟講都算ok，不過酒樓嘅小菜始終欠缺鑊氣；但環境舒適，兩者互相balance吓。值得一提係呢度作普通晚飯還可，作為婚宴場地則有待改善，事關洗手間同新娘房感覺麻麻，同區有好多同級酒樓比呢度更好。

臨近午市，又是周末，WALK-IN便要有等位的決心，同層五樓的稻香人頭湧湧，於是再上一層，意外不用等位，有點心怯，怕入錯黑店，但這次有意外收獲。點心款式多，大部份都不錯，魷魚鬚就乾左少少，素鵝只有西芹同蘿蔔絲，饀料就弱啲，奶皇好幼滑，仲有蛋黃，椰皇燉鮮奶都係正常水準，埋單每位100，座位不會迫，侍應看到同行一位朋友不方便，主動安排我們一張位置較好的，全程的服務也很周到，看到餐牌推介叉燒，可惜今次沒有機會嘗試，下次吧，以後飲茶又多一個選擇了。

今早又去銅鑼灣飲茶，決定改變地點，去皇室堡六樓試吓，步行出電梯的一刻，即感到強烈的燈光，電梯走廊天花上有用燈泡砌成花形圖案，加上牆上的燈，實在太耀眼。這裡好像人客很多，因為空枱不是很多，服務生的人數卻不夠多，想落單或是要加熱水都要等頗久。供應的點心自成一派，帶來了新鮮感，我們隨意選了幾款，以下是我的意見：醒神早餐A - 蔥花蝦米腸粉 配 蝦餃皇 ($30)，很奇怪，腸粉裡面沒有蝦米只有蔥花，粉皮卷得很厚很實，勝在夠滑溜，有米的味道。蝦餃皇是與別不同的，薄薄的粉皮之內是魚蓉與蝦膠，不知道這是好或是不好，見仁見智。魚湯鮮竹卷($12)，魚湯味道一點也不腥，豆腐皮夠滑，餡料的味道也不錯。臘味糯米飯($12.80)，糯米飯夠乾爽，不會太粘，臘肉與蝦米的香味滲到飯中，味道不錯。另一個特別之處，這裡早茶由十時開始有明爐燒味飯供應，我們試了一份瑤池貴妃雞飯($12.80)，是迷你版的，白飯不是很滿，但雞件份量多，鮮雞味濃，調味夠，對我來說，稍微咸了一點，但餸飯不錯。

時間過得真快，轉眼間 2011 年的冬至已過去了。正所謂冬大過年，所以每年這個節日，我們一家人都會聚埋一起吃頓晚飯，共渡佳節。真是歲月催人，姨甥快將於下月初小登科，這年青小伙子由細已看著他長大，現在要成家立室了，真是可喜可賀。家姐姐夫亦順道藉這次喜慶日子，向眾人派發請帖，加上家中的童孩已提早找到工作，身為母親的我，這晚心情自是特別輕鬆愉快。說回這天的晚飯，由另一位姨甥負責安排，選了這家位於銅鑼灣皇室堡，屬漢寶集團旗下的「景逸軒」。據說這間開業大約年半左右的酒樓，擁有港島唯一園林空中花園，是個熱門的婚宴地點，可惜這晚不是來喝喜酒，無緣一窺這裡的户外證婚場地。由於這天是週日，加上這晚幾乎全場爆滿，為免人多而要久等，就由姨甥發辦，選了個酒樓特定的全包冬至團圓餐 ($3380)。先來的前菜竟然是兒子向來最厭惡的皮蛋酸薑。雖然皮蛋最近被 CNN 列入全球最噁心食物之一，但老公對此物從不抗拒，反而愛那黑糊糊的蛋黃，吃來仍帶點輕微的刺鼻氣味。至於這晚的皮蛋，入口雖沒溏心口感，但咬落內軟外滑，配上嫩滑的子薑，水準還算不賴。吃過開胃的前菜後，就輪到主菜的炭烤乳豬併盤出場，原來這道頭盤也頗豐富，內

買左團購 Coupon, 一連兩晚都食景逸軒.之前一晚同屋企人食紅磡果間, 今次就同朋友食銅鑼灣呢間, 因為朋友話, 銅鑼灣呢間在 Openrice 高分 D 喎.唔比較就唔知, 一同昨日比較之下, 銅鑼灣呢間就差好多.冰震鮑魚雖然同紅磡一樣隻隻唔同樣, 但係 overall presentation 都冇紅磡咁靚, 只少隻如鮑魚殼都唔見左.至於堂煎和牛, 牛肉本身就比紅磡好, 冇咁韌, 易入口.但係煎完出黎賣相就冇紅磡咁靚, 紅磡有沙律菜伴碟, 呢度冇, 同埋紅磡係好靚洋蔥圈墊底, 呢度得 D 洋蔥碎.雞就兩邊都差唔多.菜既賣相就差得遠, 呢度好似求其炒起就算咁.翠塘海鮮豆腐應該係今晚最好食果個, 一樣鮮嫩.甜品味道都冇乜問題, 但係紅磡每碗有 4 粒湯丸, 呢度得兩粒, 足足少左一半, 其實都幾離譜.而且, 銅鑼灣呢邊服務都麻麻地, 可能果邊酒店級呢邊酒樓級, 同埋又無端端規定如果主菜叫 "芝士波士頓龍蝦配伊麵(半隻)", 就一定要叫兩份, 因為佢一整就整一隻. 紅磡果邊就冇聽過有咁既要求 (可能因為咁岩叫兩份啦).其實本黎好好地, 唔知就由自可, 一有比較呢, 就覺得呢邊縮皮好多

早前購買了某團購網的套餐券：（１）糖心皮蛋：別說糖心，皮蛋心甚至有點「乸」口呢。（２）帶子海皇羹＆蟹肉羹：味道分別不大。（３）冰鎮鮑魚：據聞是這裡的名菜，但實在不敢恭維……鮑魚質韌而沒有味道！（４）波士頓龍蝦半隻：味道正常，但龍蝦肉質略削了點。（５）法式煎石斑：那不知什麼的外層實在太乾太硬，內裡卻是一塊雪藏太久的斑塊。（６）浸時蔬＆翠塘豆腐：行貨水準。（７）貴妃雞：味道尚可，但只有三件，仲帶點血水。（８）芒果布甸＆脆麻花：假味芒果布甸吃得多，連質感也這麼假的卻是第一次，根本就是黃色的大菜糕嘛，裝什麼芒果布甸？！團購價錢連現金收加一，每位約花費$170，款式呢，看起來是頗多，但份量卻不足。總括來說，這一餐太不值得了！唯一值得一讚是這裡的服務員的服務不錯。

下年擺酒響紅磡景逸軒, 見到佢有團購, 就BUY左... $138一位.. 再加一茶芥$30左右... TOTAL $168...我地揀左....1. 糖心皮蛋 2. 燕窩花膠海皇羹 (老婆仔) / 蟹肉海皇燴花膠羹 (我) 3. 冰鎮鮑魚 4. 竹笙花野菌浸時蔬 5. 翠塘海鮮豆腐 / 瑤池貴花雞 6. 芝士波士頓龍蝦配伊麵(半隻) 7. 香芒凍布甸 (老婆仔) / 薑茶湯丸 (我) OK... 有水準... D員工有禮快手...!~ 讚!!!

Today is mothers day. We made reservation at 12:30pm for lunch. We got the table at 1:45pm. Had no choice but to wait because all other places would be full. In our group, we had one 80 years old, one 2 years old. Totally spoilt mothers day. Staff had no explanation. There were other angry customers in the same situation. Do not ever go there. I will definitely tell everyone I know.

feb 07, 11...............10大1小來食晚飯,叫咗 : 1) 酸薑皮蛋 x 3 -來到時見到3碟酸薑皮蛋,以為喺友人們叫的-原來是店方提供的收費小食-個人不好此道小食,所以無食到2) 上湯焗龍蝦 (hk$398)-龍蝦size比較細咗少少,肉都唔喺好多,不算肥厚,不過鮮味道是可以的-底下的伊麵剪得碎咗少少,而且亦腍咗少少3) 瑤池貴妃雞 (hk$280)-雞都算滑,不過無雞味的4) 濃湯雞煲翅 x 2 (@hk$498)-翅身很粗,很足料-個湯底也濃,不錯5) 北菇鵝掌煲 (hk$108)-無試到鵝掌,但聽說好腍6) 西芹炒斑球-個斑球就炒得有鑊氣7) 清蒸斑頭腩-頭腩內少有的搵到豆腐8) 鳳梨咕嚕肉 (hk$78)-賣相倒不差,因做到掛醬效果-當然咕嚕肉炸得算喺咁啦9) 上湯唐生菜-正常10) 果盤 (送)-西瓜最甜11) 芒果布甸 x 3-聞說味道帶假,沒有芒果味12) 楊枝金露 x 2-聽友人們講,這個也不見得好不到那裡13) 紅豆沙湯丸 x 3-最正常同交到功課就喺呢個中式糖水喇-個紅豆沙真的煲到起沙,也夠紅豆味,很實在,味道不假-而湯丸皮帶煙韌,沒有腍

5人之晚餐，叫左三個餸，一個羹，加一個炒飯．基本上黎講服務員唔友善，或者因為我地唔係大客，加上又叫得咁平．帶子海皇羹：材料豐富，味道偏濃．蜜汁叉燒皇：推介，果然肉質滑，勁有口感．生啫排骨煲：配以蒜子炒，好入味，排骨又有ｄ軟骨連住好有咬感，送飯一流．老干媽芹香脆蚌片：老干媽係醬汁既名，辣辣地幾開胃．瑤柱蛋白炒飯：普普通通既一個炒飯，不足一提．生果拚盤：好唔願意之下送俾我地食，西瓜唔係真係甜（浸左糖水），密瓜完全無味，火龍果都係麻麻架喇！

之前已讚賞過這間酒樓的食物質素和服務水平，也帶了屋企人來試試，大家也讚不絶口。今次想講講座位安排：由於屋企人有小孩和老人家，每次訂座時已說明要遠離露天廣場入口的位置，因為太大風，但唔知點解，他們每次都偏偏把我們安排那入口的位置，今次也不例外。由於今晚有婚宴，侍應門在入口位置裝了木門，唯他們要搬枱搬椅，所以經常把木門把開，D風就呼呼聲吹入來，都幾凍。我們馬上要求換位，但那位經理只是說沒有位，我們說在訂枱時已說明，但他頭也不回就走開了。之後那兩小時，我們就在大風中吃了午餐。這不是第一次了，他們的服務態度真的有待改善！

上回在此店飲宴，今回則吃了一頓家常晚飯。小試小菜數碟。大斑兩味，份量不算多，但所用的魚塊質素都OK。薑葱蠔煲香氣仍在，但蠔隻確是小巧，有感不足。菠蘿古魯肉口感乾硬，不作推介。蒜蓉炒菜心普通。生炒糯米飯相較平日在其他食店所吃的較「韌」，但配料頗多，淺嚐不俗。$8一客法式燉蛋，賣相OK，質素和價錢成正比，不要多求。

環境：環境唔錯，仲有個小花園，天氣好時出去走走，好舒服！點心：蝦餃、生煎包、叉燒腸粉、馬拉糕、蛋撻仔等都幾好味。但燒腩仔好似隔夜翻熱一樣，個皮一D都唔脆；鮑汁鳳爪太細隻，唔夠入味，花生又唔夠諗，都係龍皇好食D！服務：可能唔夠人手，舉了手很久都沒有人招呼，這方面他們要改善一下！價錢：都OK。

一早訂了位, 叫了個4-6人套餐 $688 都幾抵食 個餐有 老火湯, 沒有介紹是什麼湯, 但相當清甜又夠火喉, 每人可以喝到2-3碗, 而且每次都會再煲熱才端上枱。讚! 燒味拼盤的乳豬皮很脆, 夠入味, 其他燒味質素正常。 三杯雞味道略為濃味, 但肉質尚算嫩滑, 而且份量不少。另外還有 西蘭花蛋白帶子粒, 有點像炒鮮奶, 帶子切得很細, 勉強有2大粒吧~ 另外有條蒸斑仔, 這個很好, 不腥, 新鮮而且豉油另上, 隨客人按喜好添加。上湯魚腐就一般。 籠仔海鮮蒸飯很好, 很香, 飯粒硬度剛好, 調味亦不太咸, 海鮮很新鮮而且很豐富, 但食到此時已很飽... 最後還有生果盤。很滿足的一餐!