暢和麵家

營業中

休息中

持名大埔廿幾年嘅大埔醉雞麵，我諗絶大多數大埔人都食過，但去到今日食佢嘅醉雞麵都係要排隊等食，今日中午1點我同太太兩個都要等咗15分鐘到先可以安排入座食晏。醉雞 有花雕味但唔係好濃個隻，適中，有淡淡啲話梅味，花雕浸得啲雞肉入味但就一定唔會係滑，有啲啲鞋口，但皮係滑身嘅，可以接受，整體雞係入味，係口感差啲。湯河正常潮式鹼水湯河味。蝦子撈面面底唔夠乾身，碟底重有啲水份係到嘅，但蝦子份量多同夠鹹香，而面底都夠煙靭，不錯的。埋單人均50，雞夠大件，味道亦唔難，到今時今日一間面家都要排隊先可以食得到，我諗一來係好食夾大件，二來係食佢嘅人情味，三來係食佢夠黃。

大埔黃到金嘅雲呑牛腩麵舖🍜聽聞係屹立多年嘅屋村小店，價錢平民得黎又大大份同好味。先叫一份蝦子雲呑撈麵，幼麵乾身爽口面頭有多多嘅蝦子，撈埋一齊相當濃味，食之前可以溝番小小雲吞清湯。雲呑皮勁薄，唔似傳統雲吞麵店每隻都大大粒肉餡，佢呢度相對細隻啲但就岩岩好可以一啖食一粒。牛腩湯河啖啖肉得黎又唔痴牙唔會生渣，三十幾蚊碗麵啲肉都可以舖滿成個碗。牛腩湯汁濃味但唔會過鹹，河粉索左肉湯精華，食落口啖啖鮮味。🥟雲呑蝦子撈麵 $➌➌🍜牛腩湯河 $➌➐ 好可惜地今次黎到炸爐壞左，無緣食佢地嘅招牌小食蜆蚧鯪魚球😫唯有下次再黎嘅時候先試。叫左佢另一樣都好多人推薦嘅客家鹹雞，一份例牌都有十幾件雞夠哂2個人分享小食。鹹雞入哂味而且都舊舊厚肉，果然無介紹錯！🍘蜆蚧鯪魚球 $➋➌/➏ 粒🐥客家鹹雞(例牌) $➌➏📍 暢和麵家 大埔寶湖道3號寶湖花園商場二樓222B號舖西環石塘咀山道35號兆禧閣D舖

咁多年來喺大埔，暢和都係我好鍾意食嘅一間粉麵檔。舖仔細細座位唔多，要等一等先至有得坐低，但係老闆娘同伙記全部都好親切，食麵食得好溫暖。今日坐低等緊食物嘅時候，睇返牆身一篇訪問，寫住老闆毅進畢業。所以話人人都係咁畢業，唔係人人都唔讀書唔做嘢，老闆好嘢！潮洲粉麵同雲吞固然好食，鍾意試新嘢嘅都好多選擇，呢度所有小菜/小食都可以加錢要個淨麵！今日就叫咗個咸雞蝦籽撈，加埋個蜆介鯪魚球。全餐最正係蜆介鯪魚球，口感無得彈，魚肉好香，炸得又脆！咸雞就真係幾咸下，配湯麵會好啲，或者食醉雞都得！雲吞麵係老師傅嘅水準👍🏻

今日行經寶湖見到門口冇人排隊,入面又有位咁就緊係入去朝聖下啦,鋪頭比較細得十幾個位所以每逢到左假期呢到係一定排長龍同勁多外賣.叫左個醉雞麵同焗蠔 - 醉雞醉味濃郁 啖啖花雕既香味而酒味亦唔會過重變苦(大讚) 雞方面嫩滑唔柴舊舊整整齊齊大細適中 湯底同普通粉麵鋪頭唔同,佢地會用大地魚淆出黎再加埋小小韭黃飲落非常清甜,但唯獨事個焗蠔有小小失色比較乾身冇乜水份,可能焗過龍啦 

🐔 花雕醉雞（例牌）- $36🐖 招牌豬雜 - $26如果你係大埔友 嘅話，相信你一定聽過暢和麵家 嘅鼎鼎大名，因為每一次經過見到人龍都知道自己冇可能食到😭但今次本身都冇諗住食佢，竟然比我發現入面有位，明明出面坐滿哂，姐係命中注定要我去食啦😝講返啲嘢食先，我叫咗嚟呢度幾乎個個都會叫一碟嘅花雕醉雞同埋豬雜，果然兩樣都名不虛傳🥰🍗 醉雞例牌都好大碟，比咗半碟雞脾，兩舊雞胸同雞背脊，雞肉啱啱好熟，食落同聞落都好有花雕味，雞胸一啲都唔會乾柴，雖然佢最厚肉，但同時都係所有部位之中最入味嘅地方！其他部位就更加唔洗講，超級嫩滑，36蚊好抵食！🐷 豬雜又係勁大碗，浸住大地魚湯底上，一碗有齊哂豬膶、豬心、豬大腸、豬肺、豬肚同埋粉腸六個部位，有啲仲要比兩三舊你，一次過滿足哂你N個願望！呢碗絕對可以稱得上係「招牌」，因為你絕對可以食得出佢嘅用心，針對唔同部位去唔同方式烹調，例如豬大腸用滷水，豬肚係好重胡椒味，亦唔會煮過頭，例如粉腸同豬心都保留原有嘅口感，豬肺仲可以食到軟骨，豬膶仍然保留佢嘅甘香，大地魚湯底嘅清甜亦唔會搶鋒頭，鍾意食內臟嘅朋友必叫！埋單62蚊，超級滿足！要大大力懲罰💛

我的舊居飯堂💛💛自從搬離大埔後就好耐無食了最高峰時期一星食三次帶過同事、朋友、屋企人去食個個食完都讚不絕口除咗食味道 仲有既就係 人 情 味！同埋最最最重要既良心💛💛💛星期六同老公返開大埔當然一定要去同醉雞麵聚舊因為💛💛既關係多左好多人支持導致排隊等勁耐😂足足等左半個鐘先有位餓到我地呢🤤🤤好彩仲有香草豬扒咋！啖啖肉好juicy又夠味豬頭肉加鯪魚球老公一個人啪哂碟鯪魚球勁滿足醉雞麵一如既往 勁入味 重酒香兩條友食勁多野捧住個肚爆滿足咁走良心小店 加油💛💛💛💛💛💛💛💛

Reserve 左成個月終於去到觀音廟😃 也等到我住大埔的朋友帶我去食呢間期待的好西我哋預早左兩個鐘諗住慢慢嘆 ，點知太心急了 去到未開 原來十二點先開😂 咁我哋就去附近行下先 到十二點再返黎 店已經滿晒人了而且外賣的人也不少 勁今日試左 醉雞 好香濃花雕味 而且雞肉好滑 好入味 真係好正！花膠炆冬菇 冬菇好香滑 花膠就薄身d 爽身蜆蚧鯪魚球 鯪魚球炸得唔油 點埋個蜆蚧醬 好鮮香 yummy我們仨都揀左撈麵 我係蝦籽撈麵 咸香又鮮既嘢我就喜歡嫁 💜 希望下次入嚟大埔再試呢間店既其他嘢食🥳

途經大埔，搵個地方醫下肚仔，呢間老店暢和一直想試，今日見一個人食，又唔需要等太耐，只等了十分鐘就可以入座。餐牌上列明食物種類都幾多，其實樣樣都想食，但胃得一個，最後只點了個例牌花雕醉雞，加了個人比較偏好既豬雜湯米花雕醉雞都幾入味，而且雞肉好嫩滑，難怪是招牌菜，是不能錯過的。豬雜湯米👉🏻大地魚湯頭味道偏淡，預期中有偏差，真係有啲失望不過下次都可以試吓其他小吃👉🏻雞絲碗仔翅、蜆介鯪魚球、冬菇炆花膠

一間真香港人既麵店，傳統做法雲吞麵已經買少見少，難得仲比我搵到呢間傳承古法雲吞麵做法的麵店，就係暢和麵家啦🤣位置不太顯眼，但深受該區歡迎，因為製作手法有誠意同埋花心思，例如會花時間去除麵餅既鹼味，湯底花大量時間去熬製等等，食得出時間同心機.1. 牛丸水餃粗麵人手包製水餃，粒粒都大小適中，皮薄到可以見到餡料，粒粒都脹卜卜，而湯底非常鮮味，用左豬骨、大地魚去熬製，鮮甜但唔重味精，粗麵食唔到鹼水味，炸魚皮大大塊，非常脆口

因為想吃棗蓉糕而來，沒有胃口吃飯加上饞嘴，所以一次過嘗盡小食。棗蓉糕很好吃，小小的一片$7，買了一底（相等於8塊）回家吃（$50）。炸客家豆腐很美味，似乎是現炸的。鴨掌也佳，滿滿骨膠原。京蔥牛肉餃也不錯，但因為我自己不太喜歡韭菜，所以不是心頭好。碗仔翅沒拍照，用料有肉碎和疑似魚肚小量。黃金蟹盒味道一般。下次再來會試試小菜。

大埔呢間小店已經相試好耐！又黃店又夠傳統！但因為真係好小位，所以要等😂-今次就試左招牌醉雞湯河，同花膠冬菇蝦子撈麵🥰 首先醉雞都幾多舊。每舊都好入味，仲要幾多雞胸部份😛 佢入味到真係好想啜下啲骨! 花雕味好香呀🤓 碗河粉好滑，個湯用左大地魚去煲所以幾甜，仲有小小韮黃的香😀 係好傳統雲吞麵的湯底😋-另一個蝦子撈麵好多蝦子！真係啖啖都有😝 啲麵夠彈牙，冇腍晒。係有小小咁多鹼水味😣 但佢份量比較小，所以好快食晒。炆花膠就好似呀媽煮的咁，用蠔油炆到入味，底有啲生菜鋪底🥳冬菇想幾大隻所以就比較整係食到冬菇味🤭 花膠就比較薄，但咁的價錢就唔好奢望係啲咩好靚的花膠。 整體性價比超高，又傳統味道！好值得大家支持💛如果大家食內臟，不妨試下！😌

🍲 蜆蚧鯪魚球...............$22/6粒香脆可口 魚肉彈牙魚肉嘅鮮味同蜆蚧醬配合得好好更能突出鮮味可能我偏好淡口味所以覺得咸左少少🍲 花雕醉雞必食的花雕醉雞最怕有雪味但呢個花雕味好重 好入味雞肉亦爽彈嫩滑發現左新食法就係將花雕醉雞汁加入湯粉😋好味😋不妨試吓🍲 菜肉水餃麵係薄的水餃皮食落好容易”sir”入喉龍😍菜肉比例55兩者角色互相配合🤟🏻🤟🏻🤟🏻🍲清湯牛腩麵牛腩份量多唔會咬擦膠咁肉質唔會好淋 亦唔會好硬牛味充足加埋腩汁同彈牙麵🤤果然係老字號👍🏻👍🏻

🔸黃到金既粉面店🍜必食醉雞😍🔸————————————————————-💛#littlefatwest良心小店 💛#littlefatwest大埔黃店 ..粉面店我好少會介紹😂太難影相但呢間真係黃到金又好食 一定要推介下小店參加#黃親国斥 計劃 每月定期捐款亦有同大埔其他黃店一齊派飯券 舖頭會派文宣咭同貼紙💛————————————————————-除咗雲呑麵同魚蛋粉呢啲大路野仲有其他正餸 醉雞 鯪魚丸 香草豬扒都好食😋.🍜花雕醉雞河粉 $46 (8.5/10)平時食雞最怕係得頭頭尾尾d骨冇肉食呢隻雞啖啖肉 仲要係雞脾位☺️花雕好入味 雞肉都好滑 吸哂酒香湯底唔味精 河粉好滑溜.🍜炸鯪魚球 蝦籽撈麵 $39 (8/10)鯪魚球好足料 炸得好脆口🤤撈麵揀左蝦籽 好香 但食食下會喉嚨乾😂要飲番杯野先得 佢啲奶茶好飲！

試過一次豬潤撈麵就念念不忘，終於有機會再食多次 😋😋都算好彩喎，去到唔駛等就有位，我哋坐底揀食物已經開始排隊等位 😅😅我就梗係唔駛諗叫返個豬潤撈麵啦，另外叫咗碗鮮肉雲吞撈麵，再加一個碗仔翅同花膠冬菇。先上碗仔翅，可能因為煮好晒，所以好快就上檯，味道唔錯，唔似有啲好似開粉咁，食有肉絲喺入面 😃。然後上 2 個撈麵豬潤仍然洽到好處剛剛熟起沙，鮮肉雲吞味道比較寡 😑 蝦籽撈麵都係唔慳家灑滿麵上 😍😍😍 食嗰時記住小心唔好咁大力索，唔係會好易比啲蝦籽濁親架 🤣🤣而碟花膠冬菇好驚喜，大大碟同唔少冬菇，好好味。我哋埋單時仲見人外買幾份攞走 😋😋😋由於鋪頭收得早，放工返到去就摸門釘，有機會會再食架 😅😅🤣

聽朋友介紹大埔有間抵食又好食嘅醉雞，所以搵咗一日平日lunch去試下。我哋兩個人未到1:00去到，見到好多人喺鋪頭出面，好彩大部份都係叫外賣，有咁啱入面食完一輪，唔使等位。因為一輪入咗好多人而且鋪頭入面座位得大約10個位，執枱落單都需要等一陣。但係侍應都好有禮貌咁執嘢同落單。好彩上菜時間都好快，大概等左15分鐘就有得食。我哋各自叫咗一份花雕醉雞(例牌)加米粉，同埋一份蜆蚧鯪魚球。招牌醉雞雖然唔係好大份，味道好味已經搭救，醉雞汁好濃好香，雞肉吸收哂酒香，但又唔會太鹹。配埋清清地湯嘅米粉，簡直係絕配。另外個鯪魚球都幾好食，唔會有碎骨，不過個汁就偏鹹，唔食得咁鹹嘅就唔好點咁多。加8蚊有杯熱柚子蜜，潤喉之選👍🏻