暢和麵家

營業中

休息中

暢和麪家，相信對居於大埔的街坊不會感到陌生，每次經過只見人龍，心中也不禁地問︰有什麼咁吸引?店內最多只可容納讓16-20名食客，想增加枱面，難免要佔據商場部份公共地方吧?此店製作食物需時，下單後大約要10-15分鐘才奉上食物。同場加映︰眼見對面枱的客人點了最後一份醉雞併河粉... 心中總有點不是味兒!! 點解唔係我?蝦子撈麪蝦子麪終於上場! 一眼望落去，第一個感覺︰足料! 蝦子鋪滿整個麪餅，食前先加清湯撈一撈，令每啖都均衡地沾上蝦子! 一口咬落去，第一個感覺︰好彈! 麪身彈身的程度幾乎是咬不斷!! 平常路經此地，會見店員會在店外整理麪條，新鮮程度可以想像!唯一的缺點是︰淨食撈麪唔夠喉，女士食量較少仍可接受，男士應該要加點淨牛腩或 淨豬雜!牛腩雲吞麪朋友因為無醉雞食，所以點了牛腩雲吞麪，清湯味道鮮甜而不膩，相信湯底以大地魚作材料。牛腩炆得尚算淋，但略嫌肉質以瘦肉為主，沒有了帶肥的油潤，感覺總是不夠完美；雲吞則是一口一粒，彈牙的鮮蝦配以豬肉，調味的比例平衡為味覺帶來上佳的享受，上等雲吞是也!@溫馨提示︰小店位置隠敝，大埔寶湖商場 近超巿斜對面的眼鏡店側的小路直入，轉右便是「暢和」!!

上次星期日相約一大班朋友到寶湖飲下午茶，見有時間就走去暢和碰碰運氣，誰知竟然排長龍，唯有放棄。今日再黎試試，兩點都等到嘔囉。見食客們都食得慢條斯理，慢吞吞 ﹗您地食快少少得唔得？侍應嬸嬸我唔坐街邊架，我要坐裡面啊 ﹗呆企左廿分鐘終於有位，侍應阿姐話執埋檯先比我坐，無問題。企多兩分鐘發覺唔對路，走去裝下啦，原來執完好耐囉 ﹗侍應阿姐您點我呀？是否見我只得一個人唔想比檯我？我一個頂您兩個客啦，可惡！不過長髮妹妹侍應就溫文爾雅，勤力有禮，感覺好 warm 好舒服，非常大既對比囉。發現暢和有待用餐喎，還剛剛已累積到 100 個，大家有需要可以黎試試。肥哥哥大力推介暢和碗仔翅，所以專登黎試試傳聞大埔 top 1 既碗仔翅，仲只得星期六及日先供應。我係都要食到您 ﹗是但食豬雜麵、醉雞、蠔砵咁就 $110 蚊埋單，都幾貴喎。花雕醉雞，大肥雞黎喎，冰鮮雞既雞味欠棒都正常。雞皮厚厚的，而且隱藏著大量啫喱透明狀脂肪，一咬成口油，感覺不良好。花雕汁清香帶甜不澀不濁，軟棉雞胸肉、嫩滑雞髀肉吸收左湯汁都幾好食，過得去啦。發現醉雞還可以 order 走翼或走胸呢。豬雜麵走蔥，果然係招牌菜，比起醉雞更出色 ﹗豬雜種

呢幾日被公司調配到大埔分社上班，一直都知道大埔係新界北的美食天堂。呢幾日有食神！率先在第一個LUNCH到了分社旁邊嘗一下花雕醉雞！門口淺窄，午飯時間有少少的人龍！幸好我人一個，搭檯較容易！終於入到舖，一用多想直接叫了一份醉雞，選了米粉！過了十五分鐘，食物送到！醉雞望上去骨都冇，全是鮮嫩的雞肉連皮！浸著調好味的花雕酒汁！未食已經留口水咬一口醉雞，那種鮮嫩度媲美吃著一隻春雞！皮不肥，裡面都沒有黃膏，一條毛都冇，處理得好好，入面的肉沒帶血汁，熟稔的！酒味聞上去重，吃入口淡淡的，偏咸，但吃一口米粉中和返！米粉幼細滑溜，好夾個雞，不會喧賓奪主！呢間小店位置又方便！大埔的同事真有口福！不過餐餐都食比較貴！47蚊一份！物有所值的

今日星期日，喺呢區越嚟越難搵嘢食，度度都超多人，而呢間往日都多人，諗都唔諗就坐底叫碗醉雞麵$42，雖然已不是第一次食，但水準就開始一次比一次咸，但麵質依然非常彈服務也是非常好而星期六，日先有得叫既 金牌碗仔翅，我都係第一次食，有好香既魚翅骨既味，好多雞絲入口都有點漿口(感覺好重骨膠原)，香味好夠，但竟然入口較淡$20可以試一次無彷

小妹其實第一次寫食評，因為之前考試所以一直冇時間寫話說前排我諗住去自修室溫書之後經過寶湖商場一心諗住食完午餐先去自修室咁見暢和麵家咁啱有位就膽粗粗坐低左咁睇下個餐牌見到有花雕醉雞($32)，咁我就叫左個試下，再配多個河粉(+$10)等左10分鐘終於上左個河粉河粉夠滑又唔爛，煮得啱啱好值得一讚既係佢個湯底，唔味精仲好香魚味之後就上醉雞，雞既份量都唔少，真係足一個例牌加上上菜既時候已經聞到好濃郁既花雕味雞皮好爽，但肉好滑，形成左個對比加上就算唔係髀位，肉質都依然咁滑最緊要係唔會有雪藏味，總括黎講性價比好高

此店座落於大埔一個平民商場，都算一人來人往既地方，係此店開業果時我都有黎過惠顧，當時舖外面仲未多人到要擺檯，而選擇當時都只有幾款粉麵，宜家越做越多菜式，座位都擺到出門口店玻璃都貼滿不同報章既訪問同新菜式，宜食客都多左好多，其實唔介意側邊有人行來行去坐門口好過坐入面，因為入面座位都幾窄；菜單都係新設計，價錢都係新嘅，今次我叫左滷水豬頭肉同醉雞河粉！！滷水豬頭肉不消兩分鐘已上檯，份量以$15價錢係抵食的，宜所謂豬頭肉其實都係豬耳位置，底係有青瓜托住，味道就感覺滷水味唔夠，但滷得夠膠同香油十足，食完肉可以食底既青瓜中和一下肥膩，記得食前先伴勻，因香油係拎出黎前先淋上去，整體算可以！到醉雞喇，係外邊餐廳食醉雞正常價都七、八十蚊，以三十蚊有得食算係平價錢食中價菜，部位應該係脾位，由顏色可見酒既份量都幾重下，食左一口，酒味好香濃，有揸車既食左吹波仔唔知會唔會中招！！宜雞肉部份好嫩，係成碟雞肉都好嫩，絕無咬唔開鞋口，同好多人見到唔太敢食既血紅色都無，可能係用脾關係抵讚，係一間咁既local商場食到咁既質素確係值得回味最後係個湯底，不鹹味淡好清，睇牆上介紹係大地魚粉整的，而我都加左他們自家做既辣椒油，

假日既大埔好多人, 今日無咩胃口, 想食清d, 見到寶湖花園有間小店未食過就即管食下.地方唔大, 可以話係細, 不過 d 食物都幾吸引.今日叫左一個蛋麵 + 腩汁生菜. (生菜可以叫腩汁, 清湯, 仲有傳統果種蠔油).嘩, d 蛋麵好爽口呀, 雲吞是細細粒, 不過真係好好味!!! size good fit, 唔係太大又唔會似佐敦果間細細碗, good!!至於腩汁生菜........好味到無朋友!!!!!!!!! 你會食到好多牛腩味係你個口度轉呀轉, 100 分!!一定再去, 下次再見! 

在大埔食麵，好多人都只會想起幾家出名，完全地老字號的魚蛋粉店。想食雲吞麵，在我的腦海裡，只有街市的《平記》，從前，平記的竹壓麵，馳名港九新界，小時候看見老闆在街市的麵檔前，坐在大竹竿上，不斷的壓，做出一餅又一餅的廣東幼麵，小時候的我，食雲吞麵，都指定《平記》。時代是不斷進步的，不進步，就會被後浪推過及淹沒。2004年回流香港工作，那時候早已聽聞大明里的和暢麵家是一家可以叫做頂瓜瓜的麵店，可是當年的我，向來只知《平記》，而《和暢》，我從來沒有對他問津。後來，《和暢》結業了，後知後覺的我有點兒後悔為何不早去一試。直至有網友通知，大埔寶湖花園有一間叫《暢和》的麵店，推介我去一試，而在這一個星期六的中午，我決定來了。也找到了。《暢和》，一看見名字已經會令人一想，《暢和》同《和暢》有沒有關係呢? 網友推介時已經說過，《暢和》的小師父，是《和暢》師父的徒弟。我到了店，看了牆上大字報的介紹，得知徒兒盡得師父真傳竹壓麵的功夫，而且新店亦由師父客席做監製。可以說是水準食舊。而且，看見細小的店，要把檯開到商場的走廊外，可見得到其受歡迎的程度。吃什麼，最簡單都是要往牆上看，看了一會，也想了一會，覺得醉雞會是

今日到寶湖花園入面電腦店買野，附近有幾間新食店當中有一間令我非常在意，門外玻璃貼左張關於雲吞文章手字有點似曾相識感覺，見店內坐滿，於是去完銀行辦D事，再回頭拜訪店內格局有點狹窄，裝修也毫不起眼，所以揀左門外貼左篇''雲吞文章''位置坐看到電視播放訪問同一張得獎相片.....再望個招牌，腦中浮起一家店名-''和暢粥麵專家''肚餓就先點菜，揀左花雕醉雞配米粉飲一口湯，大地魚湯清澈帶點鮮味同以前公''和暢''朝聖味道好似好似好多粉麵檔湯底都係死咸過濃，但呢度麵湯清澈飲哂碗麵湯都唔會口渴醉雞用雞脾肉制作，清香而不膩食完問阿姐，完來間鋪就係''和暢粥麵''主廚吳師傅徒弟主埋，難怪感覺如此熟悉臨走前再看餐牌，精簡專注自己長處，實屬難得有機會會約朋友一齊黎掃餐牌！