暢和麵家

營業中

休息中

暢和麵店幾乎是每星期的飯堂，每次去到都要等位，幸好今天不算多人。花雕醉雞配幼麵$44醉雞充斥著花雕酒既味道，挺入味。可惜今次雞煮得太熟，肉有點「鞋」欠滑。幼麵水準能保持，即使浸在湯裏一段時間依然能保持彈牙，兼且有蛋香。

想食蝦子撈麵，唔一定要出深水埗先有得食，睇住小店暢和賣蝦子撈麵醉雞麵到以前一到就有位，而家次次要等位，好似仲開左幾間分店添。今日向附近剪頭髮，例牌去暢和食返個蝦子撈麵😋，落單時叫雲吞蝦子撈，姐姐問要鮮蝦定鮮肉，唔需要諗，一定係鮮肉，第二到得鮮蝦雲吞，好難搵到鮮肉雲吞的，而且呢到鮮肉雲吞的確出色👍🏾。如果要搵一樣野挑剔的話，就係姐姐放蝦子果時其實一時重手，一時好輕手😰，試過一次蝦子少到冇味咁際，不過同姐姐講佢立刻加返D俾我，算佢啦😆唔係個肚裝唔落😢，一定再叫個醉雞食。

聽聞呢間店鋪既湯底同醉雞幾好食，咁岩路過大埔就黎到呢度開餐😁黎到既時侯有五至六人排緊隊，等左約十分鐘就有得入座。先講雲呑麵，湯底係以大地魚製成，無味精之餘，味道亦十分香濃。雲呑係一口份量，一碗大概有四至五粒，餡料以豬肉為主，個人覺得都係有蝦既雲呑較好食😉麵質爽口彈牙，有口感。另外，我地嗌左醉雞配河粉，河粉既湯底原來同雲呑麵湯底係唔同，味道清淡，唔合我口味。醉雞例牌承惠三十蚊，份量都算多，兩個人食岩岩好~酒味濃郁，完全滲透曬係雞肉入面。而且肉質嫩滑，非常好食😋最後，有限量供應既蠔仔砵，有蒸蛋，蠔，芫莤等等。蠔仔好飽滿，味道幾特別，我自己就一般般。總括黎講，值得一試！下次黎一定會再嗌醉雞😋

醉雞吸引到暢和。食店位於商埸內，那商場都很懷舊，沒有連鎖店。全都是小店 記得第一次光顧，花了點時間搵。其實上自動電梯後，入門口後左轉沿路行三分鐘左右便到。酒味不强，也適合小朋友吃。最少點兩隻。屬爽脆質地。菜肉水餃皮很滑。

打敗仗，需要留家休息！口淡淡想吃些清淡易入口的東西所以叫工人去這店買外賣。今次叫了：客家咸雞 ~ 一開蓋看到皮黃肉白的雞已很想吃，吃入口雞皮很脆不油膩雞肉很滑有咸味和湯粉吃很夾。清湯牛根 ~ 喝了一口湯感覺很濃牛肉味，牛根很軟滑連我家少家仔也不停夾入口吃。白灼豬雜湯 ~ 有豬潤、豬肚、豬肚、粉腸、豬肺、大腸。吃得出是新鮮貨清楚得很乾淨沒有異味。每個部位也吃得出不同的味道和口感。鮮肉雲吞加六元轉做蝦籽撈麵 ~ 雲吞是細粒一口一粒那種，入口可以吃到新鮮豬肉的肉味。蝦籽撈麵有很多蝦籽。麵很爽。總括來說所有食物皆有90分以上

其實大大話話都幫襯過好多次，每次叫親都令我回味既醉雞，至於今次係食沙薑雞+醉雞。兩個人lunch經開寶湖就決定食呢間，我地都係叫河粉，首先上菜係醉雞，一如既往，醉雞都係好滑好多件既，河粉既湯底清清地，想重口味d同我一樣加埋辣椒落去食，勁香口。至於接住黎既沙薑雞就一般啦，雞唔算滑，味道一般般咁，下次都係叫兩個醉雞算。汽水係樽裝既，始終都係樽裝最好飲😋😋味道同罐網支裝都幾大分別既。兩個人既lunch埋單90幾蚊，呢個價錢中規中矩啦

醉雞面係大埔大行其道，呢間𣈱和同許記簡直係表表者由於店內位置不多，排隊一定係例行公事同去食許記一樣，我都係叫咗豬肺米加醉雞醉雞先上，用嘅係黃油雞，肉質較滑，唔會太實，醉雞汁較濃味，但食落又唔會嫌太咸，抵讚再嚟豬肺米，米粉份量多，呢個已經係扣底version湯底唔係太濃，加咗胡椒粉會好d,但嫌大地魚太少，始終唔夠香豬肺份量多，清洗工夫做得非常好，處理得好好，能保持豬肺爽口彈牙，值得推介本人嚟講，醉雞實在太出色，可以encore

其實住大埔咁耐我從來冇留意過呢間鋪頭仔反而係男朋友見到報道星期日拉咗我去食我哋下晝兩點鐘到去到舖仔細細要排隊係好正常不過食粉麵又唔會太耐丶15分鐘到就有位醉雞，碗仔翅就一定要叫啦男朋友就要左碗雲吞麵我就要豬什麵碗仔翅的確系同平時嘅完全唔同好多肉絲入邊仲有鯊魚骨有咬口之餘又唔會過咸乜都唔使落已經非常高質醉雞花雕味香濃雖然雞始終唔係新鮮雞，雞味係唔夠嘅不過皮爽脆，酒夠入味，都係好正雲吞佢話係用正宗嘅做法只係得豬肉我自己就幾鍾意細細粒容易食，豬肉味又香但男朋友就食慣咗大大粒有蝦果一種佢自己就麻麻到我食自己個豬什麵啦重點係乜嘢！！重點係個湯底一飲就知道係大地魚湯超正宗依家好難搵，香到爆炸豬什連好少見嘅豬心同豬肺都有最重要係食得出製作用心因為一啲so味都無面嘅質地偏淋，唔算好爽，不過勝在掛湯湯底贏曬嘩點解我咁遲先知有呢間鋪頭

住大埔區廿幾年，今日第一次幫襯。每次經過都人山人海或者收左舖(晚上唔開的)，今次終於立定決心等位試下。首先叫左個台山蠔缽$38:寫住師傅獻藝，當然要一試，叫左三分鐘就上枱，原來一早整定左:幾特式，好重蛋味，入面仲有蠔仔、油炸鬼、大量芫茜，類似蒸魚腸既做法，個人好鍾意食芫茜，所以覺得好香好好食! 如果係魚腸，相信仲惹味，仲經典。醉雞配米粉$42，中午十二點就話冇米線，你做粉麵生意唔係應該一早要備貨咩? 唯有改做米粉。 醉雞有微微酒味，但份量大，$42算係好超值。清湯牛腩河$34，味道尚可，牛腩算多。可惜食完勁口湯!舖面太狹窄，唯有坐到舖外走廊。店員態度不錯，但漏單情況嚴重。叫左熱奶茶，過左十分鐘後黎話我知，熱奶茶要等起碼十五分鐘，你仲要唔要? 改左飲汽水算。 叫杯凍華田，催左幾次，半個鐘後先到，野食都一早食完，呆坐等杯野飲!

星期日既第一餐～點了一客醉鷄麵（由於我個人喜歡食米粉，老闆轉左米粉俾我），米粉同醉雞分開上～醉雞既份量好多，好入味！好嫩滑！米粉個湯都好清甜～而米粉應該係用新竹米粉較爽口幼身～另外仲有沙薑雞、客雞咸雞選擇！朋友唔食雞就叫左個香草豬扒米粉，豬扒都幾香口厚肉！小食方面叫左個蒸蛋蠔缽，幾特別既菜式！限量供應～料好足！有蠔、有肉碎、有香葱等等～一個人可能食唔曬，都幾飽肚～好受歡迎既小店，座位較小較狹窄，都幾多人等位～不過上菜快客人食完就走，所以等候時間都唔係太耐。

好鐘意食醉乜乜乜!!原來屋企附近就有間正野醉雞~好早就無哂碗仔翅同雞腳，一點到之後仲有就真係好彩👍🏻我食醉雞米，男朋友食炸豬扒麵~醉雞好入味，炸豬扒好鬆化仲有個腩汁生菜，好好食，因為太好食無影相就食哂價錢平民但坐位有限，繁忙時間一定要排隊

男朋友因為打機識到新friend,知道佢喺大埔開面店所以去支持下撈面同牛腩面都不錯，裝住雲吞既湯好飲，牛腩好林。如果撈面上既蝦籽可以多啲就好。雲吞皮算薄，不過咬落去又冇乜特別好食既感覺，普〇普通通吧醉雞味道十分好，又香又滑！同男朋友要搶食，哈哈豬扒都好不錯，juicy!味道正估吾到小店都可以做咁有水準既食物，未來一定會番黎再食醉雞呢！聽說店主希望開分店，希望能保持水準店員話有個住香港仔既婆婆一星期會專登黎呢度2-3次，為既就係帶醉雞回家食，大家記得試下

因為網上報導而走入黎寶湖花園試試呢間麵家，想試碗仔翅，點知賣哂😭最後叫左雲吞麵，蝦子撈麵，醉雞同埋凍奶茶！雲吞麵一般般，麵質幾好蝦子撈麵好味！麵質爽口！醉雞👍👍非常入味！酒香滿溢⋯⋯好想再叫多碟😆😆😆不過太飽！下次會試沙薑雞，因為見隔離個客人都話好味！凍奶茶都好好飲！我自己鍾意茶香重既奶茶😋～

老實講，類似屋邨的商場我又估唔到呢埋左間麵店。所以地方都唔駛講，非常迷你，四張卡位（如果無記錯），因此，去得呢間除非咁啱，否則九成九要等位，不過食碗麵唔駛好耐，要等都唔太耐者講返食物，首先必須要試生麵，無簡味不在話下，仲要非常彈牙，但雲吞是豬肉果種，無蝦的。醉雞的汁非常濃烈，都係值得一試的推介，而炸鯪魚球係炸到金黃且脆的。還有碗仔翅，星期六日限定且賣晒就無，無味精，足料，但喜歡濃味的朋友或會覺得淡，總括黎講，佢係值得等的

暢和既雲吞，醉雞etc都好出名，但我偏偏鍾意係度叫牛腩河河粉幼滑，份量剛剛好。牛腩半肥瘦，好腍身好入味，一如以往咁好食！雖然環境一般，人來人往，但我會再回來encore的！