暹 (裝修中)

地方勁大勁闊落，坐得好舒服，好岩聚餐。呢到d食物擺盤有別於一般做法，裝飾到鬼死甘靚，好岩打卡。【生蝦刺身（6隻）】$88放系酒杯入面，生蝦上放一片蒜頭、一片紅椒、一片薄荷葉，生蝦黏滑爽口，連薄荷葉食就清新d。【泰式炸魚餅】$78炸得好香口，魚餅勁Juicy。【串燒沙嗲】豬/牛/雞 （6串）$98肉混入左少少香料，燒得岩岩好，肉質柔軟，竹纖同肉好易分離。【肉碎生菜包】（豬）肉碎好香檸葉味同好似花生香，肥瘦均勻。【泰式豬頸肉炒飯】$88豬頸肉幾爽脆，飯底炒得好香，不過就淡左d，要加d魚露調味。

尖沙咀一向都多美食，這次和朋友來諾士佛臺打算食晚餐chill一chill，原來這裡又開了一家新店，見有優惠卷便試一試了～餐廳裝潢好有味道，充滿泰國風情。和朋友因為好餓，點了好多食物，一客金邊粉、青咖喱雞、原條爐魚，再加一客白飯和兩個椰青，真心的，是超級飽！金邊粉是偏甜的，不會好辣，好易入口又開胃，還有幾隻烤蝦，大份又抵食～青咖喱加飯是必點的，香料味重，雞肉夠濃郁又入味，咖喱汁加白飯食一流！爐魚真是很大條，有魚鮮味，相反湯汁後加上去加熱，不算好入味。這魚好多配料，好值得一試！最後當然要飲椰青中和一下啦，餐廳還要送我們生品，完美的一餐！

以往去諾士佛臺飲嘢多 樓上嘅餐廳都比較少試今次 黎到 原來樓上五樓新開咗泰國菜仲送甜品 一於食完再飲野香茅冰香茅冰飲落好清新,食咁多重口味飲完即刻解膩泰國龍眼冰龍眼冰甜度適中，冰涼解渴。馬拉盞炒通菜通菜上枱時香噴噴，蝦醬味再配薑絲，味道鹹香可口，配飯一流。泰式豬頸肉飯豬頸肉碎係舖哂係面，炒飯夠哂鑊氣,夠惹味冬陰功冬陰公係我最愛,每間餐廳既味道到唔同,依個冬陰公湯底酸辣個平衡做得幾好好易入囗，又開胃,仲有好多蝦,最好既地方係有個爐係到可以一路keep住冬陰公既溫度尖沙咀諾士佛臺1號5樓

今日早收工又唔想咁早返屋企，就約左友人去傾計食飯見下面，黎到尖沙咀呢道比我發現左呢間餐廳，係岩岩新開，裝修擺設都好靚，於是就入黎試下啦。一入門口店員熱情既招待就坐下來。首先我地叫左個酸辣無骨鳳爪，啲蔬菜好新鮮，酸酸辣辣咁十分開胃，而且鳳爪去曬骨，真係食得好放心。跟住叫左個泰式菠蘿炒飯，成個菠蘿即時開，呢道既炒飯係用新鮮菠蘿黎整，食落非常乾身粒粒米都好甘香，而且餸菜都好多，份量十足。之後叫多個小食燒汁原條鰻魚，有成兩大條咁多，非常抵食。賣相一流，食落非常好味。有啲口乾就叫左兩杯野飲，一杯係椰汁冰，唔算太甜，比較健康啲。非常冰凍。另一杯係石榴子冰，重有小小果肉係底，口感都唔錯。最後叫多個甜品椰汁西米糕同咪芒果汁西米糕，兩個口味我都好鐘意食，味道非常香濃。

今日同屋企人嚟咗諾士佛台食飯！樓上嘅餐廳見到開咗一間泰國菜，好似幾吸引，就揀咗呢間！串燒沙嗲，當日因為無牛嘅選擇，所以揀咗雞同豬各三串。最近食肉都好小心，驚唔熟，咁岩見到呢啲肉有啲粉嫩，所以再三向職員確認係咪全熟。職員同我地講全消預先炸過，所以唔使擔心。味道方面，預先醃過，所以好入味，而且沙嗲醬偏甜，有花生碎，幾好食。泰式炒金邊粉，份量好大，熱辣辣，都好足料！馬拉盞炒通菜，唔會偏咸。下次黎諾士佛台唔好掛住飲野，睇下上面d餐廳啦！

今日朋友帶我去諾士佛台1號食新開既泰國餐廳！暹，嗌咗幾個餐廳介紹既食物泰式燒牛肉燒到剛剛好，牛味重得黎又淋 份量又唔少 切到一口嘅尺寸泰式蟹肉炒飯本身以為蟹肉係飯入邊，點知係軟殼蟹係上面但呢個飯非一般咁好食，望上去只見到飯同蛋碎，唔知加咗d乜呢？馬拉盞炒椰菜苗小辣味道濃郁帶咸香。 用來炒椰菜苗惹味得來， 口感層次比一般炒菜更豐富泰式青咖哩雞餐廳有三種咖哩，紅咖喱，黃咖喱，青咖喱，而青咖喱既椰汁味應該係最重 所以香得黎帶辣味 夾埋雞肉食，真係絕配呀烤薄餅烤薄餅加埋青咖喱，軟熟有口感，麵粉味加少少辣

本身約咗朋友去飲野，不過諗住事前先填個肚！隨機見到呢間泰國野 - Siam 暹 喺諾士佛台1號上面🤣方便又幾驚喜！先講環境，好有feel, 泰式擺設，而且好大好寛敝。傾計聚會一流，唔會好嘈。*豬肉碎生菜包* 豬肉碎好入味，味道辣，唔會太咸，生菜好脆好新鮮，辣味夾住淡淡生菜食，好開胃好有層次感。*泰式黃叻哩雞*本身以為會好辣，但原來唔係，味道好濃郁，而且咖喱味好香，一上枱就聞到。雞唔會太大塊，好啱女仔食，一兩啖好方便，而且雞肉好入味，唔會好淡得外皮有味，用黎撈飯食一流。*泰式菠蘿炒飯*好足料，好多海鮮喺入面，飯好濃味，而且粒粒分明，完全唔會黏住黏住。最重要係有好多我愛食既菠蘿粒😍*珍多冰 & 泰式龍眼冰*我比較鍾意泰式龍眼冰多啲，感覺好清涼，清清淡淡好止渴。珍多冰就比我想像中淡左少少，啱晒鍾意飲少甜嘅朋友仔。*甜品*紫薯糕同南瓜糕都好好味！而且食到有三層✌🏻紫薯味同南瓜味都好入味。唔會太淡👏🏻 讚！

同Friend Happy Hour完梗係去醫吓個肚啦🍻🍴周圍望之際見到🧐五樓有間新開嘅泰國菜...一於試吓🤓出lift見到門口好有泰國feel🇹🇭地櫃擺設加埋餐廳名稱「暹」都好泰國，好似去左Bangkok咁😂😂步入餐廳右手邊就見大大的吧枱，旁邊係大廚房好光猛又整潔，值得一讚👍🏽我哋叫咗：$88 串燒沙爹（6串）：揀咗豬肉牛肉，靈魂精髓係個沙爹醬汁，花生味好香🥜惹味微辣，越食越想食👍🏽$78馬拉盞炒通菜：我係通菜怪！食泰菜唔少得嘅菜！呢間炒通菜勁有鑊氣，落埋姜絲炒，好香！上菜都仲好青綠！係我食過最好嘅通菜🥰🥰$88香葉辣椒肉碎炒飯（豬/牛）：呢間好細心，可以揀肉👍🏽辣肉碎香口唔油膩，辣🌶️味十足，惹味到一個點呀🤭😆$98泰式濕炒河 （豬/牛）：人地食炒貴叼，我就鍾意濕炒河！芡汁夠味，河粉好滑！同泰國街邊檔口一樣風味十足😋😋

食西餐食到悶悶地 🤔 , 今日黎到諾士佛臺去一間新開嘅泰國餐廳 ! 一上到嚟就見到好靚嘅擺設 😉, 地方非常闊落 , 坐得舒服 !! 食物選擇都幾多 , 而且價錢合理 🤗 肉碎生菜包 (豬) ($88)可以揀豬或雞肉 , 好大份呀 , 我哋揀咗少辣 , 豬肉唔會嚡口 , 而且充滿泰式香料味道 , 🤤🤤 好食 !泰式炒金邊粉 ($98)賣相一流 ! 有 3 隻蝦 , 花生碎同辣椒係另上 , 可以根據自己口味加番好大份 🤓 , 味道唔錯 , 略嫌炒金邊粉濕咗少少 ~泰式炭燒豬頸肉 ($98) 炭燒豬頸肉係去泰國餐廳必叫嘅食物 ! 點埋醬汁 , 辣辣地酸酸地 , 非常開胃 ~ 飛天通菜 ($78)上菜熱辣辣 ! 抵讚 👍 ! 同樣係好大份 !! 夠辣夠惹味 !! 店員仲送左甜品比我地食 ~ 滿足的一餐 ~整體嚟講 , 食物全部大大份 , 係尖沙咀諾士佛臺做到呢個價位非常抵食 , 而且坐得舒服 !

係香港食泰國菜唔一定去九龍城，最近係諾士佛台都開左間性價比高泰國餐廳，環境寬敞，而且好有泰國味道。汁燒原條鰻魚 燒鰻魚是原條，肉厚肥美，第一次在泰國餐廳吃鰻魚配泰式辣醬汁一起吃，非常特別！鹽燒雞中翼 雞翼燒得非常香脆，切開一半方便食用，單骨雞翼比較乾身，所以配泰式醬汁會更好吃。泰式青咖喱雞 青咖喱小辣鮮香，味道極有層次感，配上烤薄餅惹味得令人垂涎。豬頸肉炒飯分量很多，豬頸肉肥瘦適中，炒飯粒粒分明。椰青大大個$38，非常清甜。最後送上泰式甜品。

一間令人食完想再回頭既泰國菜，雖然位於尖沙咀諾士佛台但價格相宜✌🏻員工的服務態度非常好—- 寒冷天氣下男侍應生在餐廳門外好有耐性向我介紹餐廳之特色👍🏻+正宗泰國女廚師用廣東話好地道詢問客人既評價+女經理待人和藹可親☺️並按客人喜好來介紹恰到好處既招牌菜。每一味餸圴有驚喜👏🏻👏🏻👏🏻一定會再幫襯😋

呢間泰菜裝修都幾靚，入到去充滿泰式嘅味道。叫咗小食拼盤：份量比想像中多，而且賣相唔錯。有6小件蝦餅，蝦餅炸得香脆，而且食落幾彈牙，蝦味幾香。另有6小件魚餅，魚餅嘅魚味都幾重，而且炸得都相當唔錯。春卷有兩條，而且又係新鮮炸，起所以食落去夠熱夠脆，入邊都多餡料。泰式炸雞寶我幾鍾意食，呢個外脆內軟，而且點埋啲泰式醬汁好夾。另外仲有香葉包雞，呢度啲香葉爆雞啲雞肉夠嫰滑。蝦醬炒飯聞落好香，食落去蝦膏味唔算太重，但係都唔錯。再叫咗個炒芥蘭，呢個相對地普普通通。最後有甜品送係椰汁西米糕呢個好食！