曲奇四重奏 (已搬遷) 新店位置

我也是看到雜誌才知道這間餅店 , 地點就在老公上班附近 , 所以"洗"佢去買 .老公話$138一盒好貴 , 不過我覺得真係幾好食 , 早前買了盒藍色罐曲奇 , 食到一半想掉 , 越來越難食 , 可能食得多就唔矜貴 , 試過呢盒靚靚曲奇 , 先知道唔係物以罕為貴 , 係好唔好食真係有差別 , 雖然貴少少 , 但我都會再去買 , 下次仲會買比阿媽食 . 蝴蝶酥好鬆脆 , 又唔太甜 , 而每一款曲奇都食到唔同味道同質感 , 同工廠式大量制造差好遠 , 從外到內都咁吸引 , 好味 ! 好味 !

近期熱話 - 曲奇四重奏最近因有人訂了此店的曲奇及蝴蝶酥, 才有幸品嚐一下。曲奇 - 我不認為他們的曲奇是超好吃, 但放得出來買也有一定的水準/特色，總之不過不失，不要抱什麼期望就可以。蝴蝶酥 - 中上之作, 很鬆脆唯一可以欣賞地方是不太甜，容易入口!

明星開設既店鋪,總會比普通人開既,會更旺場.比廣告,更有吸引力.當然,我都唔例外,想一試為快啦.但間鋪生意好到,要訂貨,仲要等到過年先有貨.好彩都有散裝賣,而且每款曲奇都有試食供應.最後買蝴蝶酥:味道幾好,又唔會太甜,好有牛油既香味, 而且入口鬆化.川椒榛子曲奇:同樣香脆,唔會過硬,一咬即碎. 可能加入少少辣椒,但唔係想中咁辣. 好刺激到個味覺,食唔到其他既味道, 內加入少許既碎果仁,更有嚼頭.下次會買其他既味道試,不過一定要早去,因為果日下晝先去,好多都賣完.

之前本來想買現貨，點知賣晒，唯有落訂，剛好是在情人節的一天拿，真的是應節。一開曲奇，已經香氣四溢，食指大動。令我最欣賞既，係每一種曲奇都有佢既意思同，唔係隨便亂整。味道方面，我最鐘意朱古力味同杏仁碎既曲奇，，兩者都十分可口及香脆。而d曲奇基本上唔係太甜，但應該用左好多牛油，怕肥既人唔好食得多呀~整體來講，我十分滿意，service我覺得都唔錯，並無上面其他網友講既情況發生，或者真係睇邊個時段?另外，我好似見到佢有散裝出售，應該係從善如流吧?

新年前訂左一盒, 諗住慰勞下自己,嘩....打開見到4個哈哈笑...實在太逗人歡喜了試哂咁多隻味...好香....有d味仲幾特別但始終都係鐘意食中間濃濃朱古力味o個一塊如果可以剩係買朱古力味就好啦

滿心歡喜去..但係所賣既野..都係好一般。我賣左個蝴蝶酥試下..一包大概20塊左右..要$38一包..賣相唔錯,包裝睇得出有心思..味道還好..但唔值呢個價錢!!另外,一罐曲奇要成$138..太貴..可以試下..但唔好咁高期望..同埋dee一罐罐既曲奇成日話無盒要訂..要成3-4日後先有得拎番..如果為左明星效應而去..包你失望!!

對我o黎講,九龍城係”蹺腳”地方…所以吾係好友o尋日下午走開果頭,順道幫我買左份cookies同蝴蝶酥…都吾會咁快試到哩排o既人氣之選!!...幸運係佢地出左紙袋裝(但佢地話係罐缺貨關係,其實長遠黎計都應該出呢D小包裝!Anyway...)…細份D又可以只選購單款合自己口味o既…吾駛下下百多元買大大罐雜餅…況且用少D罐亦環保!!!就選一款較特別口味o既曲奇啦! Hazelnut Pepper ($48 – 約16pcs)…食o既時候吾覺,過後舌頭反有輕輕辣剌剌o既回響…但如果你係向來嗜辣o既人…應該會當佢”冇到”!!...鬆化味佳,但哩隻味就吾o岩我送coffee/tea!!!另外蝴蝶酥 ($38 – 約12pcs)…我仲可以食甜D o既!...嘻!!美味鬆化…優質係事實!!...唯一失望係佢地包裝連基本要有o既食用日期、製材同容量都冇…這個對消費者好重要的…還有政府法例可依!!!...為此,今早已發email俾佢地,希望佢地跟進同改善!!

近期最熱門的餅店,應該是在九龍城福佬村道的"曲奇四重奏"了.店名為何叫四重奏?因為是四位城中不同層面的名人合作,來經營這間曲奇小店,其中一位,就是前港姐謝寧.可能很多年青朋友不懂得她是誰,她是1985年的港姐冠軍,廿多年前,應有很多讀者尚未出世.同他同屆的,比較出名的有周海媚,但當天路過此店,我就見到邵美琪,手抽一袋二袋曲奇.月前仍未廣為人知,見到謝小姐在鋪內打點一切,親自招呼客人.更將蝴蝶酥請客人試食.小弟當天身上現金不夠.試吃少許什錦曲奇之後,無奈離去.日前友人訂了一大盒,才能真正與蝴蝶交個朋友.曲奇本身要夠牛油香味才算稱職,而蝴蝶酥吃落鬆化香脆,牛油味反而不重手,面頭薄薄的糖衣,是甜味的來源.現今想吃要訂,而且要排隊,但這個蝴蝶酥是否令大家一等再等?我就有點保留,反而那個雜錦曲奇,我興趣更大.

老豆今日放工,帶咗一包蝴碟酥返來,簡單包裝,但有一個好靚的夾,應該大有來頭.細問下,原來是曲奇四重奏的產品.老豆唔知它名氣有多大,但見人流十分旺,所以買了蝴碟酥,等大家見識見識!打開包裝,無攻鼻牛油味.蝴碟酥外型標緻,面頭沒有糖粒,只在酥邊掃上薄薄糖醬,不一的外型,是homemade罷!酥少甜鬆化,好少牛油味(比Mrs. Field, Jenny Bakery),吃罷,牛油卻在口中有一陣迴響.其實味道不錯,但價錢相對(剛提到的曲奇店)偏貴,見識一次就夠啦...

因為上網知道係此店係由4個有名人士開店. 再加上好多不同渠道推介此店. 所以專程走一轉九龍城會一會此店. 確實入店後, 雖然店子簡簡單單, 但感覺很舒服, 再加上可以試不同的曲奇口味. 而且會有專人逐一介紹及解釋. 今次為我地介紹的就係其中一位老闆 - 謝寧!原本諗住買一盒返屋企慢慢品嚐, 但點知無貨! 要留電話, 待四日後才有貨. 四日後, 終於得手! 急不及待回家食, 食完後確實覺得等四日係有原因GA!蝴蝶酥都不錯, 下次要試先得

我首次幫襯都是因為這店的老闆名氣..又miss hk 又hotel executive chief....etc.買回來立即給同事朋友分享,我們的結論是:"名大於實"~曲奇牛油味不重還可以,但係不太鬆脆 (我們又不是想要jenny cookies那麼鬆散--次次食都成身都係餅碎...) 同埋每塊曲奇太薄了．以每盒曲奇的價錢，不會再買喇！普通麵包店都好好食的！

正所謂…一傳十, 十傳百 ……, 亦都因為 ”羊群心態”, 什麼要排隊/預定, 竟然能夠使一盒平平無奇的曲奇變得特別的珍貴有幸在年廿九/三十(忘了那一天)約12時, 路過Cookies Quartet, 但未見傳聞中的人龍, 所以便入去看看, 店內有2-3人正在買曲奇, 而當時還有存貨, 所以便以為執到寶咁, 買了2盒曲奇試一試 (唉, 早知買一盒試試便算!!!)可惜一試之下, 發覺只都是很普通的貨色, 特別是中間有 “哈哈笑” 的四小塊, 全無特別和很硬, 真差勁!! 還有那個有川椒味的就更'騎尼', 曲奇餅有辣椒味...真的是畫蛇添足以這樣質素普通的曲奇, 售$138實在太貴了, 而我亦絕不會再買

見OPENRICE 既大家講得咁勁. 又成日咁高RANKING, 終於忍唔住去買左返黎試, 仲一次過買左兩盒.我覺得蝴蝶酥都幾好味, 但又未到話咁勁BOR. 另外一盒就好得意. 好少見到有D 牛油紐紋COOKIE 咁細塊. 不過俾得呢個價錢又好似好D 唔抵. 始終佢入面都唔係好多塊. 結論係: 唔會再特登去買. 如果行開又有貨, 可能會買盒綜合味.

上星期, 同事特地到九龍城福佬村道既Cookies Quartet買了兩罐cookies返嚟請大家食, 包括有蝴碟酥及雜錦裝曲奇~~其實, 早前出去食lunch也試過走入店鋪看看順便試食, 謝寧也在店鋪內, 由於忙著跟店員處理訂單, 無暇招呼我們, 只叫我們隨便試吃, 於是我和同事們就唔客氣咁試食不同款式及味道~~講返同事請既cookies, 再次食落都係覺得咖啡味不錯, 只係牛油味不重, 個人較喜歡Jenny's Bakery既口感, 因其cookies較鬆軟, 反而, 再吃Cookies Quartet 既蝴蝶酥曲奇又覺得幾鬆脆香口喎!!但以$138價錢一罐就稍為貴咗少少啦, 不過一試就無妨既!!

最初曲奇四重奏的宣傳多集中於謝寧小姐，老實說小女子一向對於那位過氣Miss Hong Kong沒有多大好感(純屬個人喜好，沒有惡意的)，所以我差不多每天都有機會經過都不太想幫襯，雖然之前有親友於冬至時送了一盒蝴蝶餅給我試，味道雖很好，包裝也精美，但小女子不是太瘋狂於蝴蝶餅，亦因為是謝小姐有份的便打消了再吃的念頭。後來得知Shadow 和Tony 都有份合股時，即有點心思思想試他們的雜錦曲奇，因為Shadow 和Tony在cable TV主持烹飪節目已很喜歡他們了，怎料小女子的主人竟然在昨天早上無端端買了一盒雜錦曲奇回來，哈！果然洞悉我心，於是立刻一試，真的很酥脆，香口又不太甜，正合我意，全部都好好味，尤其是coffee & Walnut cookies，非常香脆，(寫寫吓都忍不住去吃埋最後那塊coffee cookie，好正！！！)我個人覺得雜錦曲奇比蝴蝶餅更好味！吃過他們所有出品後，真的深深覺得抵他們咁好生意，連對謝小姐的感覺也有些改觀呢！唯一要彈的就是今次那個深紅色紙袋，size又不配那盒cookies，又無design，完全是求其拿個袋用一樣，不似之前那個白色又有design咁精