曲奇四重奏 (已搬遷) 新店位置

同事車我到門外, 否則...真係唔識行...(九龍城d路我真係唔係好識)感覺都幾光鮮, 但無照片咁貴氣~~~試了蝴蝶酥, 好鬆, 又有牛油味! 我地分別買了一盒蝴蝶酥, 一盒曲奇。曲奇禮盒 ($148)好多唔同味,最好食係川椒, 其他...其實我覺得同奇華唔係差太遠 不過食佢d名氣, 都感覺高貴d 啦, 哈~~加杯紅茶, 就係貴婦下午茶喇~kekeke~最中意係佢4個笑臉曲奇, 有心思

今日在"好奇心"驅使之下, 用六十六蚊的價錢, 買了廿二塊"夏威而果仁牛油曲奇" 一塊三蚊!論味道, 唔算好突出, 只可說比七十一買到的DENMARK...曲奇好食一點, 但覺得唔值呢個價錢, 只係包裝比較靚, 好有渡假FEEL 咁啦..曲奇餅咬落唔係好脆, 優點係牛油味幾香幾濃, 但試過一次, 相信都唔會買了

每個星期都會去九龍城覓食~其實早於此鋪初開時, 已經試過蝴蝶酥和cookies.還記得....第一口蝴蝶酥, 入口並沒有香香牛油香, 也沒有酥的感覺..唯一可取之處, 是不會一口咬散 , 令你儀態盡失...對我來說較硬....而cookies, 也沒有預期的香和脆....不過可勝處是不是太甜太膩....沒有太深印象...過了一段時間, 聽聞cookie款式更多, 令我又心思思再試....免費試食, 選了玫瑰花, 川椒, 夏威夷果仁味來試....結果, 是有點失望....玫瑰花味不夠花香味, 川椒是有點新鮮, 但並不算美味....唯一夏威夷果仁味比較好, 入口cookie不算香脆, 但果仁脆脆, 襯起不算脆的cookie...結果反而是有點雙重口感!不過最後也買了一包給友人試試, 似乎大家都不太欣賞~只此一次.....

同樣是出自TONG WONG !!! 但我覺得哩到用最簡單既材料做出最好味的COOKIES!!!同樣係flour,sugar,butter!!但係哩到會將d簡單 既食材發揮得最好!!!!川椒榛子曲奇:::好特別,好鬆化,入口有好重既牛油味,之後慢慢會有辛辣滲出黎very interestin蝴蝶酥:: 酥入口鬆脆,而且味道都唔錯,有陣陣牛酒香味!!!而且比較結實唔會食到成地都係!!拎塊上手睇!!就知點解做到咁鬆化!!!價錢略貴!!但唔係成日食!!都覺得可以接受!!

今次黎KLS其實係為左食野,,除左曲奇四重奏亦去了係OPENRICE很出名的Patisserie Tony Wong和公和離開KLS的時候真的好飽好飽,,HAHA!講番正題先!因為少黎KLS,所以未黎之前驚搵5到間鋪,但原來曲奇4重奏都算易搵,,!係Patisserie Tony Wong買完CAKE之後向前行少少就見到了,一入去.D STAFF 都幾好禮貌, 同我地講可以隨便試食,,試完之後,都係決定買蝴蝶酥(因為很多OPENRICE的人都推薦嘛=D!)!味道嘛,,我覺得好正牛油味好重,好香!!其他餅店既蝴蝶酥一咬就會碎晒,搞到好麻煩,成地都係,但呢間既蝴蝶酥就5會有E個問題,,可能因為佢比較硬身LA@@但本人幾鐘意^^總而言之,味道好好,但略嫌太貴!

近期九龍城飲食界變天，連番新舖林立，我都蠢蠢欲動去試試這些新店舖，只可惜一直沒時間！尋日，終於夾啱 timing，開開心心咁連繼試咗兩間 my favorite嘅 cake 同 cookie店，Oh！一次過滿足了我為食的嘴巴！其實之前都一直同謝寧的曲奇店緣慳一面，因為唔知响邊，只一味聽到朋友們說貴，但尋日就忽然給我遇上了，所以 timing嘅野…吓！（查實，我係後來才知那是謝寧的曲奇店！OK！）因為要去剪頭髮，所以諗住匆匆在福佬村道裹腹，結果卻發現無乜想食，咁！為有是但買 D 小食，於是這間裝修特別嘅舖頭就吸引咗我入去！Why？因為佢個店面只有一張枱及 2 罐 cookie，吓！我仲以為係 Bakery shop！（朋友話，初初唔知佢買乜，佢有無錢賺呢？）入到店內，就有兩個親切嘅店員 service你，問你想試咩口味；原來一罐罐裝著的 cookie 是給你試味的，真是想得周到。口味方面有：–蝴蝶酥、開心菓、夏威夷果仁、朱古力薄脆、藍苺、川椒榛子曲奇、玫瑰花及咖啡……等等口味；當然店員會首先介紹蝴蝶酥，不竟佢都屬于鎮店之寶，想起 cookie店便會想起牠。不過，雖然蝴蝶酥入口鬆脆、味道都

不便宜的曲奇,蝴蝶酥.但的確不錯. 味道很好. 入口鬆化........而且當天去到還推介了兩個"新口味"不知為什麼,夏威夷果仁 好像一般......另一款蝴蝶酥條(好似係咁上下啦)硬更脆脆. 口感不錯.

同事看完有關百事吉的蝴蝶酥報導後有異議，認為過譽，他進一步介紹我嘗試港姐謝寧在九龍城福佬村道開的“鳳凰四重奏”（cookies quartet）蝴蝶酥。門面已和百事吉有很大的分別，歐陸的風格，簡單整潔，店員制服整齊，店內還備有數張椅子供顧客等候包裝時歇歇……未開戰先贏一杖！我買了一盒$98的蝴蝶酥，排列整齊，較百事吉只用膠袋包裝再勝一杖！不過就香味而言，百事吉便香很多；曲奇四重奏餅質較實，百事吉較鬆化；味道各具特色，曲奇四重奏有烘焙香味，百事吉則散發着另一股香味，而且味道較甜。我一家三口都較喜歡百事吉的蝴蝶酥。我會留數片鳳凰四重奏的蝴蝶酥給那位同事自己品評一下，分個高低！曲奇四重奏一盒$98只得250克；百事吉半磅232克只需$34，可見包裝和名聲有多昂貴了！ 名牌的質量較有保証，但味道卻並非一定最好，這情況在選擇月刊中屢見不鮮啊！

每次經過九龍城都要去買點回家。蝴蝶酥當然是必然之選,多手多腳的我去了上試食其他味道的曲奇,而我最喜歡的是這個杏仁曲奇,一咬下去都有滿滿的杏仁,好味道呢!夠脆,一口接一口的,我回家一開封都沒有停過口...想要減肥...似乎要先遠離邪惡的九龍城。

加價由88去98, 仍是要食, 因為真的暫時以她的蝴蝶酥是最鬆化. 今次試下包全蛋曲奇,包裝加幅最大PACKING是幾靚架, 可能有D錢去了個包裝到

上星期，滿心歡喜到Cookies Quartet買蝴蝶酥做禮物，一買買左七盒，問個sales羅紙袋，佢有d唔唔熱情咁招呼我，我唔係第一次去，每次都唔係買一盒，諗唔到今次個sales除了無熱情，仲要比錯細紙袋我，又唔比貼紙！返到屋企至發現，真係嬲到震，我係送比人架唔係自用，唔係住得遠，真係想衝返去羅番o豈size的袋！我唔明白點解會有咁的失誤，我去的時候，得我一個客，兩個人sale一個客wor!!諗到諗到鐵盒個款，要用四方底的紙袋平穩放好！我好嬲係因為今次送比人o個時要打直放，人地返屋企打開可能會碎晒！而且打直放唔靚！我相信佢地鋪頭的理念除了買好味的食物，都係賣一種藝術！諗唔到今次的送禮大計會有不完美的地方(係七個不完美！)，真係好唔開心！因為我想把最好的送給我的朋友！

果日帶埋honey黎試下閒名已久的蝴蝶酥~ 突然發覺加左價了, 衣家賣$98罐, (我同女友去老麥分贓, 計下入邊大約有36塊~)價錢真係唔算平, 但係味 道真係一絶, 話佢係最好食的蝴蝶酥都絶不為過囉, 包裝又靚, 老闆就更省鏡~ 果日下午見到謝寧小姐黎鋪面, 咁靚的老闆娘招呼你, 點都要買罐幫襯下~ 當然一場黎到, 我地都好比面咁試食下其他曲奇啦, 嘻嘻

去開九龍城，終於可以買買聞名嘅蝴蝶餅，很欣賞店員笑容可掬，介紹曲奇，更欣賞曲奇任你試食。決定買一盒蝶蝶酥，很鬆化，夠牛油香，不過甜，送禮自食都是很好選擇。唯一缺點，店子太小，細人多了就很迫啦！

蝴蝶酥 $42行過又點可以唔買返包試下呢? 話說佢d蝴蝶酥唔油 (即係唔會成手油淋淋) 但酥, 但又唔會跌到d碎一地都係喎~ 勁! 佢呢個酥其實相對地實喎, 唔係個d鬆鬆散散個唔好味既曲奇餅~ 所以食一塊都有少少飽肚既feeling. 唔係好甜, 中間仲有少許鹹味, 非常惹味, 令人食過唔停~ 加上每塊細細塊咁, 金金黃黃, 真係拎完一塊又一塊~ 同埋佢任人試食, 搞到我好有temptation食哂佢成罐啊! 哈~ 不過$42咁細包又真係貴左少少囉~ 呢d都係耐唔耐食一次 (睇佢都估佢幾高calories!).

今日有人帶左盒曲奇比返公司食, 本來忙到火紅火綠o既我....一打開見到笑哈哈公仔既曲奇已經好開心返晒 ~ 一食之下 ....味道好好, 細細塊一口咬o 岩晒我, 好有牛油香, 唔太甜又鬆化, 真係會食唔停口呀