曲奇四重奏 (已搬遷) 新店位置

相隔一年再遊舊地，氣氛沒上次沈重，也多了一份活力吧！就在九龍城專登買好野食來贈興吧！就選擇了當時還算大熱的曲奇四重奏來試個究竟。雜錦曲奇牛油酥條 - 牛油味很濃，而且鬆化。蛋黃曲奇 - 像是吃著一條很濃味的蛋卷！感覺很足料。高纖五穀籽曲奇 - 口感因有五穀籽而變得豐富，味道清新。朱古力曲奇 - 朱古力不是很甜的那種，但只得賣相可愛而已，實在的欣賞價值不高。牛油杏仁片 - 普普通通，面頭那塊也是賣相可愛的。咖啡合桃曲奇 - 咖啡味頗濃，吃落脆身，但我喜歡皇后餅店的多一點。川椒榛子曲奇 - 川椒是辣辣的，和曲奇不真的很夾味，但整體感覺過癮，只不過不是令我歡喜的味道。店子放滿試食的曲奇和蝴蝶酥，買之前其實試清楚較好吧。這罐裝曲奇送禮還是不錯的，因包裝真的甚精美。尤記得當天這罐曲奇很快就被清空了，證明味道應該不錯吧。會Encore！

在未去睇戲前赻有少少TIME, 突登來試下呢間傳了很久, 說好味既COOKIETRY了後..決定買蝴蝶酥, 牛油COOKIES, 牛油COOKIES其實食得多會FEEL到太"漏", 因是幾甜..蝴蝶酥不太甜且脆...真是店中的名COOKIESCHOCOLATE COOKIES, COFFEE COOKIES也不錯我朋友便買了一包 杏仁COOKIES及一包CHOCOLATE COOKIES臨走前老細謝玲JUST焗了一塊較燶的蝴蝶酥, 我地見到便問她有咩分別, 佢笑住說咁樣想TRY下用此做法會否更脆啦環境是幾靚架, 且包裝真是不錯的.BUT其實價錢是略貴

今天有机會來九龍城, 看見很多人在試食, 就入去看看...試完後...其他曲奇都ok...只係佢真的吾太甜...所以好啱我...但講都最好味就係蝴蝶酥....佢一d都吾油, 好脆...吾太甜...我好怕出面有好多糖係面...所以真的不錯.......不過如果你愛甜的...就只會覺得一般了....

昨晚爸爸下班回來,拿出一個紙袋,內裡有一盒正方的鐵盒,直覺告訴我可能是我一直都想嚐的曲奇四重奏,打開一看原來是蝴蝶酥,雖然要開飯了,我也忍不住即時拿一件吃,好味,喜歡它的size精緻,不太甜,不太膩,不會太重牛油味,好鬆脆.今次能夠品嚐到要謝謝爸爸公司的客人,時間剛好可以當是聖誕禮物,下次有機會要試吓曲奇餅.

138元一盒.個盒都好正...值得讚個樣吸引....的餅又唔太甜......賣個地方.又靚.....環境唔錯

離開公和豆腐，向著這日行程的第四站邁進，眨眼間已來到以曲奇餅和蝴蝶酥打出名堂的曲奇名店-------曲奇四重奏。這店子雖然不大，但裝修骨子，陳設雅致，店員小姐服務態度殷勤有禮，Good！在店員小姐的介紹下，試了蝴蝶酥和三數種不同味道、款式的曲奇餅，味道各有特色，因為家中零食小吃還有不少，今次決定只買覺得最好味的蝴蝶酥回家享用。這裡的蝴蝶酥甜味恰可，咬落非常鬆脆，口感甚佳，的是佳品！放外賣的袋子也十分漂亮，中空的地方可以見到外賣的曲奇餅或蝴蝶酥，設計也甚為周到。這裡的確是個值得一試的地方。

買左蝴蝶酥、玫瑰曲奇各一小包一d 都唔係好似食評所講咁好食, 只係好一般既一般, 蝴蝶酥ok, 但都只係一般貨色, 玫瑰曲奇食落去有玫瑰味, 但曲奇唔突出2包小包加理$96, 我真係唔知邊忽值各位如果要尊登去試就真係唔好啦!

星期三返到公司，發現枱面多咗盒嘢，喡喡淋打閞，原來係馳名曲奇四重奏嘅蝴蝶酥，size細細個，入口好鬆脆，啖啖牛油香，不過雖然牛油味都幾重，但係唔會好似平時咁食完隻手油淋淋，唔想肥嘅朋友可以食得放心啲。

3-12-2009阿媽之前買過一盒 Palmier 蝴蝶酥 ($88) 返嚟, 試了幾塊覺得幾好食, 今次阿媽仲買多一盒 Assorted cookies ($138), 是日晚飯後立即「啪」了 7-8 塊當飯後甜品. 雜錦曲奇有 9 款, 由左上角 clockwise 方向數, 分別係:-(1) Macadamia(2) Coffee & Walnut(3) Five Grain(4) Sesame(5) Butter Sticks(6) Egg(7) Hazelnut Pepper(8) 又係 Five Grain(9) 又係 Butter Sticks(10) 又係 Sesame;(11) 中間有 =) 及 =P 樣的就分別係 (a) Devil Chocolate 及 (b) Almond Butter Crisps無食 (4) / (11); 咁多款就得 (2) 好食, 咖啡味香, 咬落又鬆化; 其他的味道好淡, e.g. (7) 食唔出川椒的辣味又無 hazelnut 香, e.g. (11)(a) 朱古力味又太淡, (5) 唔夠牛油香 好處 (??) 可能係「無咁肥

再尋找九龍城另一名物，曲奇四重奏位於好後好後o既大街，由大家熟悉o既巴士站行去都唔近店子小小，企企理理，仲有梳化仔兩張一旁擺晒小包裝o既各式曲奇，另一邊就係供試食用o既各式曲奇瓶一o黎到無咩人，就試o左一半o既曲奇先，鎖定的確係蝴蝶酥最出色就要了兩罐($88 @)，一罐屋企一罐公司人多了，又試埋其餘o既曲奇(即係試晒~)玫瑰o個款幾得意，但細細塊試唔真。川椒那款少少辣仲有生日曲奇百幾蚊，感覺就未必值拎去食飯，個老闆都話成日走去買說回蝴蝶酥，一開襯新鮮食正到不得了，聞落已經好香，入口甘甜，鬆化，多番o的牛油香就更perfect。21塊，算抵食喇

一直對這間曲奇餅店很有興趣,初期看到其人頭湧湧就會打退堂鼓,自從有了分店後人潮比以前少,終於踏足店內選購曲奇。首先吸引我的是門口那瓶漂亮跳舞蘭,繼而就是那一列玻璃瓶的試食餅乾,還有研究試食那款曲奇時,一把很溫柔的聲線柔柔說出" 隨便試食曲奇丫!" ,原來是老闆娘謝寧小姐,真人相當清秀哩! 月巴人也不客氣地先試看來較特別的玫瑰曲奇,曲奇造得非常鬆脆, 帶點輕輕牛油香但不過份,沒有珍妮那麼濃烈和油份重,心理上覺得沒那麼罪惡感; 玫瑰花味輕輕透出,喜歡濃味如我會覺得不足夠, 一般客人應該會接受這種花香濃度。店員小姐問我想不想試著名蝴蝶餅? (正有此意!) 半隻蝴蝶很好味呀,半片試食版當然不足夠, 立即掏腰包買一包才最實在!回家慢慢研究這隻小蝴蝶,蝴蝶餅層次分明的酥皮很鬆脆,香香牛油味不會太濃,跟曲奇一樣雖有牛油香但不會太過油膩,面層薄薄一層糖漿,微甜的味道加酥脆酥皮真的令人不能停下來!買一包曲奇還有個漂亮夾子和高雅紙袋日後使用,真好!! 還看到一款生日曲奇,用來當生日禮物也很不錯呀!! 全店氣氛優雅,2位女店員和謝寧小姐笑容滿臉又有禮的, 令客人在購物時相當愉快! 其中一位女店員非常貼心,看

之前黎過架啦，點知逢星期一休息，失望得很！今次，約於能帶它回家了！！！店內有多款曲奇供人試食，可惜有幾個拿 hermes 手袋的有錢女人阻住晒，最後也成功試了幾款。買了一包蝴蝶酥 $38 和一包藍莓曲奇 $58，一包只得十幾塊，好貴！雖則貴，但物超所值。因為非常鬆脆，沒有可怕及強烈的牛味油，一口氣吃下一整包也不覺得膩，實是健康好味！超怕jenny bakery 那種傳千里的牛油味，只吃幾塊，牛油味留在口腔裡久久不散，還以為自己吃了一噸牛油。下次，一定買一盒回家享受！

I tried most of the cookies in the shop and I bought Blueberry Cookies at last. My friends bought Rose Cookies and Chocolate Cookies.這家的Cookies真的是很特別. 朋友專門帶我們來這裏. Blueberry Cookies我最鐘意,好似有濃濃的奶香,但又不會覺得膩,讓我想到了blueberry cheesecake. 買回來後我就忍不住一直吃,都快吃完了...Rose Cookies也很特別,真的有玫瑰的香味耶,但是又覺得和Cookie的香味融合得很好.蝴蝶酥我也喜歡如果價錢便宜一些的話,我想我會買很多種回來吧

買左蝴蝶酥X3-各$38朱古力味X1-$58牛油杏仁片X1-%58蝴蝶酥好香,一打開,已經嗅到陣陣牛油味朱古力味餅,男友話太甜,,但我覺得正常,係應該會咁甜,好味應該用既朱古力係貴野~~~牛油杏仁片,好好好好味~~男友超讚好脆~我唔知WHO IS謝寧~但入面服務員態度好好好,好細心,見到有D女人,一家大細,咩都試齊,佢都好細心咁介紹~非常GOOD!!!仲即場入去拎新鮮比客人試..有D人話覺得唔值,但食物真係唔錯囉,好明顯有放心機其實好抵,我地要支持本土食物好味過Mrs.xxxxxx啦!!!美國野,,,哼,,,,哈哈~~~~~~~~~~~~~~

上星期專登山長水又遠咁走去九龍城買雜錦曲奇同蝴蝶so...諗住帶去男友屋企做節(對方家唔興月餅)$88 盒蝴蝶so..貴係貴d... 但真係幾脆同埋唔會太甜, 感覺健康d~但曲奇就有d失望啦$138盒確實偏貴雖然我知佢有貴材料...但我諗買過一次唔會再買啦~無想像中咁好味~ 可能d人捧到佢上天咁滯~但佢o既服務, 包裝真係值得一讚囉~