曼谷志明 (已結業)

同同事係公司ot完諗住係上環求其食d野，呢個時間可以選擇嘅餐廳實在不多，就搵咗一間泰國嘢填飽個肚入面坐得都算舒服正正常常，我叫咗泰式豬肉船面，黎到見到湯底夠晒黑色，味道夠晒濃郁，面底其實就係米線嚟嘅，煮得亦夠淋，豬肉同埋其他配料亦都好食，索晒啲汁。同事叫咗海南雞飯，個飯充滿油香亦都粒粒分明，好食。雞肉夠滑雞皮亦都爽脆，唔錯。另外叫咗一個餸，就係虎蝦粉絲煲，一個煲有兩隻虎蝦，非常大隻，肉質彈牙，好食。

呢間餐廳係平日中午會選擇的一間餐廳。怎知今晚帶朋友去食便知道完來是最後一晚。我們還是最後幾個走的。上環又少了一間餐廳了。既然是這樣就分享一下今晚食過什麼。海南雞半隻-正。有雞味。醬汁調得不錯。炒金邊粉-色香味俱全。其他菜都好好食。唯獨碗蕃茄蝦糕札肉檬就麻麻地。既然最後就問多幾句，原來是正中泰國㕑師做的，怪不得味道正宗。^_^

諗起食泰國野，但係要去到九龍城又有d 遠，於是就即刻搵下附近有冇泰國野食。比我發現上環有間正野！仲要超方便, 地鐵站c 出口就係佢, 都可能因為咁, 嚟到要排一排先有得入去。見到曼谷志明, 仲以為老闆叫志明。原來係代表泰國同越南, 所以又可以食到泰國野, 又可以食到越南野, 正!坐低諗都唔使諗, 即刻叫番個賣飛佛嘅生菜包，d肉碎唔係先整定, 拎出嚟出哂煙, 好香好多肉汁！食得泰國嘢, 咖哩係唔少得，叫左個曼谷黃咖喱豬頸肉。好足料, 唔似出面果d得2,3塊，有椰香味, 唔會得個辣字, 大人細路都啱食！有得咖喱, 就緊係要有包, 用嚟點哂d 咖哩汁。叫左個蒜蓉包, 即叫即整, 所以佢個邊係好脆！既然係泰越, 就順手叫個飽肚野。呢個香茅豬扒撈檬，所有餸都好足料, 佢d豬扒唔細件, 全部都啖啖肉，再加埋檬粉, 花生碎，滿瀉咁制！夜媽媽真係唔應該飲咖啡，但係一場嚟到, 唔試下佢杯志明熱滴滴咖啡, 又好似爭咁d 野！香味好濃郁, 略帶少少回甘, 唔錯唔錯！滴滴答答，真係睇住佢滴出嚟！下次如果想食泰國野加越南野，可以唔使突登出去, 嚟番呢間已經可以一次過滿足哂兩個要求！

一直都很喜歡吃泰國菜和越南菜，但是往往要二揀一真的令人很忐忑！「曼谷•志明」正正為着我這種愛吃這兩國菜式，同時選擇困難的人而設，非常欣賞老闆這麼醒目，能想出這個組合呢！！平日經過，看到店內座無虛席，並出現人龍。所以今天我決定六點半就到，勢要一嘗「志明」的魅力！上環站C出口，一出左邊就到，非常方便！馬上瘋狂地點食物，首先點我大愛的米紙卷，仲要係夾芒果同軟殼蟹， yeah yeah !! 好中意食米紙，明明它是沒有味道的，但配上沾汁酸酸的，芒果香甜，軟殼蟹新鮮即炸，是醒胃的前菜！泰式豬肉生菜包，一上菜香氣已經撲鼻！肉碎好香，炒得乾身，包喺新鮮爽脆既生菜入面，辣得好滋味！之後有馬拉盞炒通菜，通菜很嫩，最怕吃到起渣的老通菜！配馬拉盞炒真的無得輸！叫了兩杯飲品。其中一樣肯定係最愛的椰青，清清的甜味，解辣又解渴！最後我連入面嘅椰青肉都刮哂尼食！！青檸梳打，青檸好足料，梳打夠氣又夠凍，一飲落去個人即刻醒到上頭殻頂喇！食完出尼見到塊板有為獨身人士而設的單身狗套餐，配濃情椰汁冰，幾得意！

放工過咗去上環食泰國野，呢間泰國野喺正大街，好易就會見到。本來係比門口個泰國火鍋餐牌吸引到，但係坐低見到蛋咖哩就流口水，所以即刻轉陣。我地叫咗個蛋咖哩軟殼蟹，生牛肉河同馬拉盞炒椰菜苗。先上嘅係椰菜苗，坦白說碟頭唔係好大架咋，不過我地係重質不重量。啲菜好新鮮好食，其實我地兩個人食係剛好的。然後就係生牛肉河，幾喜歡的。原因係佢雖然同香港其他地方嘅生牛河一樣，有好多蔥同芫茜，但佢地唔會多到搶晒生牛肉同湯味，變相係似吊出啲味咁，剛剛好的。而芽菜係分開上，我估佢係唔想攪到啲芽菜好淋。蛋咖哩軟殼蟹係讓我轉陣嘅原因，完全無後悔，因為個軟殼蟹好香口好厚肉好好食，仲係剛剛炸起，熱辣辣，外脆內嫩的。一百蚊多啲有呢個size 都幾抵食。仲有佢個蛋咖哩，係我喜歡嘅味道，唔係辣係香，係蛋香。軟殻蟹沾落個咖哩汁度，好配！最後仲有個椰青。其實個椰青啲水好青甜，不過唔知點解啲肉好實，刮唔到出黎食。

OT完好肚餓，同同事食個晚飯先有力氣返屋企🤷🏻‍♀️我地去咗曼谷志明開餐，呢間餐廳位置方便，好近上環站B出口。環境闊落，裝修簡約舒適，企理乾淨。⭐️蝦餅 HKD$68蝦餅炸得外皮金黃香脆，肉質實淨彈牙，點埋甜酸醬，好食到停唔到口🤤⭐️軟殼蟹米紙卷 HKD$68軟殼蟹脆卜卜，米紙卷入面嘅配菜新鮮爽口，芒果香甜，點埋呢個甜甜地嘅sauce，一啖一口，好清新👍🏻⭐️火車頭河 HKD$68濃郁的清湯令到成碗河粉都美味鮮甜，牛肉入味，肉質軟腍，河粉順滑有彈性。⭐️菠蘿海鮮炒飯 HKD$98飯粒炒得乾身，有鑊氣，海鮮足料份量多👍🏻撈埋腰果，肉鬆一齊食，特別好味。

呢間越南野咁餅好搞笑，曼谷志明mix 埋泰國曼谷同越南嘅胡志明市，顧名思義姐系玩fusion啦泰國嘢又有越南野又有，睇下邊樣岩你（其實初頭以為同春嬌志明有啲關係）<香茅豬扒湯檬$58> (好味:3.5/5)(抵食:4/5)香茅豬扒炸得好香，大大話話切開都有成6、7舊，啖啖肉，正呀本身餐牌上面剩係得豬扒撈檬，但係夜麻麻大食妹唔係好想食凍嘢，問呀姐可唔可以轉湯檬，佢一口就應承左當檬粉遇上越南香料，一個字，個湯底好清好甜檬粉吸晒成個湯底嘅精華，好好味不過略嫌檬粉太碎好難夾，要用匙跟先食到

平時上環返工，lunch 食黎食去都係果啲野，都食到悶悶地。今日遲左放飯，平時好多人排隊嘅「曼谷志明」竟然唔洗排，因為...已經成2點半🤦🏻‍♀️正好可以點下午茶😂⠀▫️冬陰公什菌湯粉($58)食落唔會太辣，酸度岩岩好，材料十足好多香料，不過什菌無海鮮好似差啲野咁⠀▫️滷豬脾飯($55)豬脾軟腍很易咬，夠哂入味而且一點毛都沒有👍🏻 油飯好香，軟硬剛好，加上酸菜用黎撈飯幾惹味。配菜有番茄&青瓜解膩⠀▫️燒豬頸肉($28)燒得啱啱好，個邊少少焦香而入面都好juicy，里個價錢但份量竟然很多😳抵食⠀▫️泰式蝦餅($28)有六件！炸得香脆，質地彈牙，配埋甜酸醬幾好味⠀▫️椰青($32)椰青夠哂冰涼😻清甜解渴食完熱氣野就岩哂啦⠀▫️Menu

上環真的比較少去，這天剛好要過去，便順道在這邊覓食。這間曼谷志明相信是吃泰越菜，正合我意。來到時時間尚早，還有算空桌子，但吃著吃著便滿座了。水晶蝦米紙卷 $68米紙口感煙韌，蝦肉亦夠爽彈，還有生菜等配料，感覺清爽。馬拉盞通菜 $78份量不少，通菜夠新鮮，而且這裡的馬拉盞香而不太鹹，不錯。曼谷海南雞飯 $72雞的份量不算多，不過肉質鮮嫩，味道恰到好處，黃薑飯粒粒乾爽分明而不硬。香茅豬扒撈檬 $58很大的一碗，不只是粉多，而是豬扒也一樣多。豬扒肥瘦剛好，口感油潤軟嫩不會太乾，但又未至於膩。檬粉的温度不會太冰或太熱，咬下去有彈性。淋上酸甜度適中的碌冧，和其他配料如青瓜絲、蔥油等撈在一起吃，特別醒神開胃。椰汁冰 $26整體來說質素不錯，而且很足料，算是抵食。

上環有間泰國餐廳超近地鐵站出口，真係非常方便而且價錢唔貴，幾大眾化！menu選擇都幾多。岩哂喜歡價泰國菜既朋友們。餐廳裝修格調都有d泰國味道 菠蘿海鮮炒飯，一上台就已經好香 好有鑊氣超惹味。材料非常豐富，有大蝦， 臘腸粒，腰果，肉鬆，栗米等等。入口層次豐富。菠蘿粒有點酸酸甜甜更增食慾香芒軟殼蟹紙米卷~外層包到好薄，唔會過厚內層既軟殼蟹好香脆，真係感受到即叫即整加上有香葉配襯。更有泰國風味。整體好好食，值得推介還飲左杯青檸可樂，青檸有別於檸檬，更加泰式呢

上環C出口即到高質越南菜，今日係附近做完野，過黎食個下午茶。香矛豬扒撈檬香矛豬扒味道唔錯，肉質亦夠淋，咬落啖啖肉。撈檬加上酸辣汁好開胃。沙嗲牛腩飯個沙嗲汁我比一百分，上台時個樣似咖哩仲以為比錯，食落口好重沙嗲味，甜甜地唔辣，送飯一流。牛腩就ＵＮ左少少，未能做到一絲絲既感覺。　小食都好抵食，叫左豬頸肉同蝦餅。豬頸肉廿幾蚊份量真係算好多，味度方面都非常好，本身已經好有香矛味，加上辣汁又另一種風味。炸蝦餅有４舊，以呢個價錢亦都算抵食，蝦肉爽口彈牙，唔會有油膩感，好食。

跟舊同事聚舊因為佢比較彈性，所以由天后過黎搵我食飯中環雖然多選擇，但性價比就一般於是去呢間想試又無試的餐廳勁多好評嘅餐廳不過服務一般，大概太忙講返的野食，炒金邊粉味道正常甜味、鹹味、酸味都適中😌比較乾身唔油（但無乜餸，好似得一隻蝦）不過沒有一點驚喜（下次可以試其它野）鴨腿麵😎賣相是深黑色嘅湯～味道似肉骨茶（驚喜）鴨腿嫩又多肉、仲有豆pok、牛丸配搭好豐富，呢個下次可以再叫柚子蜜（味道淡）朋友話無乜味😒青檸水（正常）

呢日相約左朋友係佢公司附近既一間泰國菜食餐飯聚下舊，估吾倒7點半呢個鐘數都已經好多人，要排一陣隊先入得去👁‍🗨冬蔭公湯 (7/10)💲 138冬蔭公入面既材料都幾豐富，有爽隻既蝦同埋吾少既菇，初初飲落就以酸味為主，再飲多幾啖就會感覺倒佢既威力😂辣度相當高，特別係對我呢個吾太食得辣既人離講😶但係整體係惹味開胃既👁‍🗨芒果軟殻蟹米紙卷(7/10)💲68米紙卷既外層算係整得薄身，軟殻蟹吾會太炸太油膩，不過芒果既份量如果多番些少會更好，有幾舊近乎吾見有芒果咁🥺👁‍🗨菠蘿海鮮炒飯(7/10)💲98係次次食泰國野都一定叫既菠蘿炒飯😂味道算係不過不失，有吾少既菠蘿係入面，不過略嫌呢個菠蘿炒飯炒得未算乾身，食落有時會比較一舊舊😯🔛 整體評分（7/10)

今日去咗上環食泰國crossover 越南野，鋪頭名叫曼谷志明，一開始仲諗緊春嬌與志明，原來唔係呢個志明， 係越南嗰個志明—胡志明。其實越南野同泰國嘢都有啲似，啲味道都幾相似，可能因為都係附近，所以都好似。間鋪喺上環C出口隔離，真係正一正隔離。餐牌都好多選擇，有啲都要諗一諗先分到係泰國嘢定越南野。叫咗碗火車頭河，味道都幾好，牛腩都幾林。馬拉盞炒通菜，都幾大碟，通菜唔會老。魚餅，好新鮮炸起，仲好熱，幾好味，同好大舊。芒果軟殼蟹卷，都好香，皮都好薄。枱面放左泰國同越南既醬，有是拉差同越南既醬。鹹檸檬梳打，都好大杯，味道幾好。

曼谷。志明小編又趁lunch time 同幾個朋友食好野，今日黎到呢間曼谷。志明，佢個名有"曼谷"呢兩個字，聯想起泰國，但其實有越南野食，真正泰越合壁今次小編叫左火車頭米粉、撈粉、沙爹牛楠飯，賣相都唔錯，味道同口感都好好，個火車頭米粉好值得推介，另外…佢會送熱飲，杯柑柑蜜好岩依家凍冰冰既時候飲，份外溫暖；價錢方面，大約$60幾蚊一個餐；空間方面，台同台之間都有合理既空間，唔算人堆人既，店鋪仲有上下兩層，鐘意靜少少既可以坐上層；港島lunch 黎講都算合理。