曼谷志明 (已結業)

朋友在附近翻工，佢收工就黎到呢間餐廳食泰菜平日晚上都多人，所以建議大家黎之前可以book定位，咁到時就一定唔洗等位-餐廳坐得算鬆動，有梳化位-先來個海南雞飯 $72係我鐘意既雞油飯呀！！！雞件既數量都唔少，唔錯-滷水豬脾 （例）$88即係半隻，兩個人食岩岩好好入味-全晚重點係呢個皮蛋蝦丸皮蛋軟流心狀態，外面有一層炸蝦丸必點❤️❤️加埋泰式辣醬甜甜地好夾-軟殼蟹芒果米紙卷 $68好fresh既感覺，本身我個人都好鍾意食米紙卷-在附近收工想食下泰菜可以試下曼谷志明有椰青飲！

對於好似我住新界既人黎講 去得上環 10次有10次都係去澳門今次都唔例外 出發去澳門之前 點都要食夠飽先 如果唔係邊有力玩朋友表示信德入面既食店食到少少悶 想食周圍附近既食店所以我地求其出左個出口 (Exit C) 睇下有咩食如果一上地面 就有間泰國菜 就呢間 雖然正直時間人流比較多 我地都排左一排隊先有位坐低 坐低就緊係即刻叫野食小食。炸春卷唔油膩 香口脆扑扑 送到上枱仲係熱辣辣 新鮮炸起 春卷入面都好足料咖喱軟殼蟹強烈建議要簡呢個小食咖喱唔係好好好辣個隻 好香濃既咖喱軟殼蟹都有少少喜出望外 外脆內軟得黎一d 都唔油膩 加上自己第一次食咖喱mix 軟殼蟹呢個配搭 感覺都幾新鮮馬拉盞通菜食泰國野 呢個菜冇可能唔叫既菜炒得幾野味泰式炒金邊粉泰野菜另一必叫主食 金邊粉好味在酸酸甜甜 非常開胃mix 埋少少花生碎 又多個口感呢邊金邊粉高質架埋單每人大約150 抵食丫食飽飽就緊係過大海喇 真係好方便

一連幾日會係上環上堂，又係覓食既機會😋泰國菜同越南菜任君選擇🤗但同朋友都不約而同選了泰國菜食😂泰式蝦餅（$28）有六件，炸得香脆可口，粉唔會太厚，配埋甜酸醬幾好味😋菠蘿海鮮炒飯（$98）咁既價錢唔係原隻菠蘿上，有點小失望😞但食落，反而幾滿意！炒飯好大碟，材料豐富，有提子乾﹑粟米﹑肉鬆﹑腰果﹑蝦﹑魷魚、菠蘿外，最驚喜係有蠟腸！成個飯酸酸甜甜 很開胃🥰椰青（$32）食泰餐點少得椰青🤩仲要放左係雪櫃雪住，飲既時候凍凍地，清甜解渴👍幾滿意尼間新試既餐廳，價錢ok，食物質素又好😋

自從係上環附近食過幾間泰國嘢之後，就想試下食哂咁多間泰菜，幫大家一較高下😋呢間離地鐵站C出口超近，一轉左就係！佢嗰格局幾有風格，以磚頭嘅感覺為主調，除咗門口嘅白色框框之外，入面內牆以凹凸同大細不一嘅磚頭砌成，比普通磚頭砌更有特式入面有梳化位同普通椅子座位，亦有大枱俾朋友聚會，同兩座位俾情侶燒豬頸肉有時去越南菜餐廳食嘅豬頸肉陣味會怪怪地，同泰式好唔同，但今次呢到好好食，燒得啱啱好，個邊少少焦香而入面都好juicy👍🏿 夾埋炸紅蔥頭一齊食好香口迷你火車頭雖然係迷你，但個份量都可以俾一個人飽，入面有牛丸、牛腩肉等等嘅餸，湯底嘅味道入哂落啲河粉到，每一條入味得嚟唔好軟哂腍哂黃咖哩雞個咖哩好正好香，濃味得嚟唔會好似印度個啲咁勁香料，而且唔多油又唔係好辣。唔好以為佢成碗咖哩，其實佢入面都多餸，有雞肉、薯仔、青椒等等。雞肉咬落結實得嚟唔會韌，而且煮到好入味，薯仔都一樣，如果有埋薄餅點就perfect la🤤炒芥蘭苗個醬好正好惹味，辣辣地又有啲蒜頭令佢更香，唔會太浠或者太杰，啲汁炒得啱啱好佈滿係芥蘭苗上面。啲菜食落爽口鮮甜👍🏿總結係呢間都值得午市帶同事嚟食🤤

難得放假，緊係留返係靜靜既上環啦！係地鐵站出口附近有間小餐廳，雖然唔係好起眼，但比佢個名吸引左。曼谷志明？咪又係泰菜又有越菜又有囉-黑松露扎肉米紙卷($78)作為前菜，必點米紙卷開胃一下🤩第一次食米紙卷係黑松露口味，配上扎肉是出奇的夾🤤點上酸酸甜甜既醬汁寧捨開胃，配菜仲有酸酸羅蔔絲！-燒豬頸肉($58)個豬頸肉真心正，性價比幾高🤤🤤小店將佢炸一炸再燒，食落勁香口，有小小酥肉的感覺，而且都好多塊，又唔韌口，仲淋淋的，好好食既小食！-海南雞飯($72)配黃薑飯👌🏻飯粒軟硬度適中海南雞皮肉分明，食落都尚算嫩滑，配上醬汁更添風味～-泰式炒金邊粉($88)每次嗌泰菜都要點😂😂😂足料夠鑊氣，炒得酸酸甜甜，隔離有花生碎，係正既

哩間店我食過三次，三次都係食中午飯。第一次食沙爹牛腩飯，上菜速度還可以，我12:15入去，十多分鐘送到，趕得切12:45埋單，可以有九折。沙爹真係幾特別，一啲都唔辣，甜甜地，好多花生。我個人都鐘意哩隻味，但同我食開既沙爹完全係兩回事。係我大鄉里，唔識泰國有咁既沙爹。第二次食鴨腿船麵，今次等咗超過半個鐘，令我哩個貪小便宜既人大失預算，畀返原價。碗麵湯底清澈，有好輕微既甜味，味道有少少似越式湯河，又同我食過既濃湯船麵唔同。麵同配料一般，最特別係有隻鴨腿，肉有點「鞋」。第三次食蕃茄蟹粉湯濛，今次伙記手寫完張單，過10分鐘，又一個人問多次我食咩，因為佢手字好難睇，入單嗰個唔識睇（寫number 咋喎😰）。跟住又等多半個鐘。碗濛係一般越式濛粉，係多咗舊蕃茄同一舊蟹粉（開頭以為哩舊係肉碎蛋）。哩間餐廳千祈唔好中午去食，除非你好得閒。

蛋咖哩軟殻蟹 HKD 108 香濃既咖喱加上幼滑，岩岩熟既滑蛋，配搭新鮮脆口既軟殼蟹，重點係咖喱辣味可以要求加辣，滿足個人既味蕾，蒜茸包 4塊 HKD 38再配上新鮮焗好既蒜蓉包，充滿牛油同蒜蓉既香味，每咬一口都感覺到佢既香脆，加上咖哩汁簡直絕配志明熱滴滴咖啡 HKD 38來到這裡當然叫特飲，等了一會兒，職員還細心提示杯底已有煉奶！ 味道濃濃的咖啡味。 精神飽滿！ 虎蝦冬陰公湯粉 HKD 98 冬陰公內有很多番茄，可補充抗氧化。湯底不是太辣，虎蝦已開邊又夠 爽滑！

今天星期六不用返工，相約朋友到上環逛逛 那兩間老牌百貨公司。 買完心頭好之後，朋友提議到上環站旁的曼谷志明食午餐。 因為她食過一次，覺得價錢合理和食物質素不錯。 我們來到也差不多兩點，但餐廳內仍有很多顧客。 對於上環區星期六中午仍有這麼多顧客，實在感到有點意外。椰汁冰丶珍多冰用上窄高身杯十分優美 ，甜度適中原本柯打泰式煎魚餅，但剛售罄給我們轉蝦餅，蝦餅質地彈牙，加上甜酸醬和甜酸菜，中和了炸物油膩感。泰式鳳爪沙律，份量多，但略為細隻 ，菠蘿炒飯有很多不同材料，有臘腸肉丶提子乾丶魷魚丶紅蘿蔔丶青豆丶粟米丶鮮蝦丶魷魚丶腰果丶肉鬆及蛋絲 ，材料十分豐富。香茅豬扒湯河豬扒很大塊，河粉也十分多，但上湯就略少。

因為屋企個菲傭要辦文件，所以當日特登同舅父去上環。中午時瞓好肚餓。揀咗個虎蝦冬陰功湯。這個冬陰功湯好特別。可以吃得出有超過十多種嘅材料。例如泰國香茅泰國薑，芫茜即是香菜，加上泰國大姑，即草菇。加上超大番茄，以及一些蝦米造成，一起煲超過十多個鐘，就可以做到這個效果。個湯可以歎到色香味俱全。即就是顏色。香味四溢。味道濃郁。用來送飯就最好。舅父叫個菠蘿炒飯佢話好飽。菠蘿炒飯真係炒得好香。希望復活節再食。

朋友喺上環返工帶咗我黎呢間曼谷志明， 仲話平時lunch time都好full要排隊令我超期待😆😆!! 泰國菜 x 越南菜，一次過滿足曬兩個要求，我哋一人嗌咗一個main course🍲/snack🍤/飲品虎蝦冬陰功湯河冬陰公湯底超濃郁，夠酸夠辣真材實料😋😋開邊虎蝦同埋雜菌好入味🦐🦐好鍾意佢用左細細塊的粉皮代替河粉，可以一片一片夾/用匙羹食，唔使驚彈到啲湯出嚟👍海南雞飯肉質嫩滑仲去埋骨，配埋油飯簡直一絕🐔🐔泰式豬頸肉煎得好香，食落爽口彈牙😍點泰式辣醬嚟食正!!志明蒸粉包🌯 晶瑩剔透嘅粉皮薄得黎夠煙韌，入面再著滿滿的餡料，加上扎肉味道清爽不膩💗💗

This restaurant is just next to Sheung Wan station Exit C, they serve mainly Thai and Vietnamese cuisines. It is a comfortable place to enjoy the meal.《Stir-fried Minced Pork with Fried Egg》 $75 The egg was over-easy egg, the yolk was runny, both sides were crispy. The minced pork was slightly spicy, which was suitable for me.《Stir-fried Thai Style Kale》 $78It was spicier than minced pork, they added fish sauce and bean to make it more flavorful.《Soft Shell Crab with Egg Curry》$108 The soft shel

好少好少去上環食嘢，但有一次搭巴士經過呢間曼谷志明，見個名幾得意，又有好多人排隊，所以就mark低咗，呢日就搵咗個朋友嚟陪我試吓！上環地鐵站B出口，轉左再轉左就到！其實C出口喺正隔離，但係要行好多層樓梯！店面一眼望晒，唔算非常大，但係有埋上層，可以坐得多啲人。我哋7點左右嚟到，唔駛等位住，但坐低咗無耐已經坐滿咗人，要排隊喇！「曼谷。志明」顧名思義就係有泰國同越南菜，幾有趣。越式春卷（$48）呢個好正！皮勁脆，好好食。仲可以用塊生菜包住嚟食，減低油膩感。炒通菜(馬拉盞)（$78）好大嘅一碟，都係好好味～香茅豬扒撈檬（$58）檬粉爽口，加埋魚露汁一齊食，酸甜開胃。香茅豬扒煎得好香，蒸得啱啱好，唔會太腍或者韌。柚子茶(熱)（$26）朋友病病地，所以叫咗杯柚子茶潤下喉～志明 熱滴滴咖啡（$38）嚟到食越南嘢嘅地方又點少得一杯滴漏咖啡呀！首先外觀已經好不錯！等佢慢慢滴落嚟嘅時候已經聞到好香嘅咖啡味！終於滴完喇！撈好就飲得！依然係果陣苦苦甘甘嘅咖啡味，但又有煉奶嘅甜味中和返，相當好飲！叫嘅嘢食唔多，但係已經feel到好有heart！價錢唔算貴，我哋叫咗咁多嘢仲有埋嘢飲都只係每人$120左右～呢次叫

曼谷志明於上環地鐵站口，我時常經過，上星期放工想食泰菜，第一時間諗起呢度，食之前冇做過research，好彩幾好食。鮮蝦柚子沙律 （$98） - 酸甜開胃，柚子新鮮多汁沒有苦澀味，鮮蝦爽口，全碟撈滿櫻花蝦，加埋d椰子肉同洋蔥，好唔錯。虎蝦冬陰功河（$98） - 虎蝦大大隻，冬陰功少辣鮮甜，唔食辣之人會喜歡，河粉滑身，但個人認為帶點酸甜會更好。蛋咖哩軟殻蟹（$108） + 蒜蓉包 （$38） - 好滿意既一道菜色，咖哩微甜加埋蛋好滑，軟殻蟹炸得香脆，咖哩用黎點蒜蓉包好蒜味。青檸梳打（走甜）（$26）- 青檸俾得重手，酸酸甜甜，加埋梳打水既氣泡，好鐘意飲。埋單400蚊唔洗，份量十足，幾抵食。

天氣超好, 訓到晏晏地先起身同朋友去曼谷志明食個lunch☺OpenRice 話上環B出口行一分鐘就到, 但其實係C出口隔離就係🤔去到餐廳已經2點多啲, 可以食返個下午茶餐😋在場都唔少人🤔我地叫左<志明>鴨脾船麵 $52一上枱就試下個湯底先, 勁香勁濃郁, 甜甜地! 配料有一隻鴨脾, 4舊牛丸加4舊豆卜☺鴨脾煮到好淋好入味, 用筷子都可以夾啲鴨脾肉, 好方便, 豆卜吸晒湯汁, 啖啖湯汁👍🏻👍🏻香辣肉碎煎蛋飯 $55豬肉碎炒到好香, 朋友唔太食得辣都覺得唔辣, 仲幾惹味, 個飯係乾身一粒粒的, 正! 仲有最愛脆邊蛋😍😍😍泰式豬頸肉 $2828蚊有好多塊豬頸肉, 好抵食! 肉質唔會太肥, 都幾爽口!😋青木瓜沙律 $22酸酸辣辣, 好開胃好fresh! ☺木瓜都好爽口, 仲有好多櫻花蝦椰汁紅豆冰 +$12同珍多冰 +$12椰汁好香甜, 紅豆好有咬口!☺☺

友人K見本人一臉頹廢的樣子，便拉本人出來食個飯平日很少食東南亞菜，但友人說想試這間新餐廳，便跟她來了看見名店相信很多人都會聯想起春嬌與志明但此志明非彼志明，此志明是越南胡志明市的縮寫坐陣的是位泰籍大廚，是有保證的感覺店內有東南亞風格感覺，柔和的木色和竹子特色牆還有幾幅大象掛畫，很有泰國的感覺每道菜大多徘徊在$50~$100上下的價位以位於港島區地鐵站附近的店而言，算是很合理的虎蝦冬蔭公湯粉 $98味道是不錯，但算不上正宗的冬蔭公大概是為了迎合本人地口味而調整了，較似一個微辣帶點酸既西湯很大份，金邊粉量極多，3-4人SHARE一碗也可水晶蝦柚子沙律 $98有大量甜而又不苦澀的柚子肉，蝦肉亦不少少有地有椰肉絲，食時有椰香，如果愛椰香便要試蛋咖喱軟殼蟹 $108軟殼蟹是即炸即起，口感脆卜卜，但如果炸衣少點油會更好黃咖哩很香帶微辣，最喜歡這道菜蒜茸包 $38/4PCS蒜茸包很大塊，而且蒜蓉同牛油均勻佈滿，很香很抵食青檸梳打 $26落單時要求少甜，甜度剛好很大杯，不會很酸，不錯總括而言，是味道水準表現不錯的餐廳服務態度也不錯，侍應生有禮是一間可以列入飯堂列表的餐廳