曼谷志明 (已結業)

幾前係上環返工記得食過哩間餐廳一兩次，不過印象中食物同服務質素都好一般，所以之後都冇再去過。今日過開哩頭同舊同事聚會。同事就帶左我去哩間餐廳。一心諗住見下舊同事，對食都不抱有太大期望，點知又驚喜地食到個唔錯既海南雞飯，雞同油飯既份量都好足料，雞肉肉質又好滑好嫩，個醬汁又甜甜酸酸同個海南雞好配合。 之後仲點左個泰式燒豬頸肉青木瓜沙律。個豬頸肉份量又係非常多，完全蓋過沙律部份。豬頸肉淋得黎又好爽口，燒到岩岩好👍🏼。青木瓜絲同紅蘿蔔絲粗幼適中，口感好，配上甜酸汁同帶有些少蝦乾味道，好開胃。 冬陰公海鮮湯真係好大碗，兩個人好難先飲得哂。哩款冬陰公唔太辣，反而椰汁味重，加入海鮮烹煮，湯微辣帶鮮帶甜，唔錯。 蜂蜜柚子茶好大杯😮。椰青好大個，超甜👍🏼。 聽同事講最近轉左老闆，所以餐廳食物同服務都改善左。午飯同放工後哩到都多左人排隊等位。唔想等位既6點半前就好黎到喇。

朋友喺中上環番工話上環地鐵站隔離有間越泰餐廳好正成日都好多人排隊；最近接佢放工食飯就黎左試泰式小食拼盤鳳爪爽脆蕃茄微酸加上洋蔥香芹甜辣開胃；魚餅香草味濃略帶檸檬葉香味道清爽；蝦餅鮮甜肉質厚實爽彈；春卷餡料飽滿口感豐富西貢生牛肉湯河湯底滾燙清甜略帶牛肉脂香；牛肉肉味香濃肉質唔韌；河粉通透滑溜質感唔會過腍；配料豐富包括洋葱銀芽九層塔等；另外附上青檸同辣椒粒可以按個人喜好加入檬要檬要其實即係蕃茄蟹粉湯檬；湯底蕃茄香濃微酸平衡蟹膏甘香；扎肉都有兩款其中有款加左軟骨口感特別泰式無骨海南雞飯雞肉去骨嫩滑雞皮帶黃油肥而不膩；油飯光澤呈淺黃色帶姜蔥香；醬汁酸辣咸香層次豐富粉絲蝦煲粉絲蟹煲上枱已經聞到好香；加入花椒八角同埋香芹蒜頭等等配料爆炒之後炆煮粉絲完全吸哂醬汁香濃惹味海蝦總共四隻而且都好大隻；蝦肉鮮甜而且帶有蝦膏；仲左大由蝦仲有豬肉同樣軟腍入味好正

今日去開上環做嘢路經一間越南泰國嘢本身都諗住求其食完反屋企見到有下午茶餐食價錢合理同款式又多原來餐廳已經改左名叫曼谷志明餐廳入去以為好細無咩位原來樓上仲有一層勁大仲有獨立房燈光雖則偏暗但裝潢好有格調估唔到個海南雞飯有驚喜之前都食過幾間出色嘅海南雞飯但呢間個雞夠滑之余仲有雞味啲油飯有陣陣香茅味道仲有個生牛肉粉好鮮嫩既薄切牛肉河粉滑流湯底夠哂溫度唔食咁生牛既朋友可以浸耐一些先食即變全熟個春捲同蝦餅都好好味春捲裡面有粉絲之余仲有木耳絲個蝦餅都唔差彈牙+重蝦香味可以再食野飲方面叫左杯青檸梳打好大杯青檸好新鮮酸甜醒胃加$18叫左滴漏咖啡平常飲開星牌的覺得呢杯咖啡別有一番風味感覺置身於越南般睇住咖啡每滴咁漏出來好有療癒效果同好寫意咁過左個下午

今日我和家人到上環軒諾道中128號豫泰商業大厦地舗越泰餐廳，食越南和泰國菜，地點好方便係上環地鐵站🚉C出口, 入到去 以為舖位好細,坐滿人，但佢哋安排我哋上2樓,嘩!😃原來樓上個層地方好大, 上下層都差唔多坐滿，似乎客似雲來， 我心想🤔應該有啲質素先會有咁多人👨‍👩‍👧‍👧👩‍👩‍👦👩‍👩‍👧‍👧👨‍👨‍👦那裡員工招呼吾錯，有好介紹，我們試第一味招牌飯餸，泰式海南雞飯🐤一上枱給人一種色香味俱全的感覺，🐦雞不太肥，入口肉質又嫩又滑，用料上盛，配上好特別野味醬料和粒粒飽滿的炒飯🍚，份量一碗適中，可算有質素， 實至名歸嘅招牌貨👍，值得你一試第二個本店招牌係 越式生牛肉牛腩湯河🐄🐂🍜， 湯好鮮甜，牛肉肉質好滑又味濃，河粉幼細爽滑，入口好有口感，牛腩不肥，份量很多，價錢合宜，想吃濕口野就首選這個呀！另外我們吃了一個炸蝦餅🍤，師傅手勢了不得👍，金黃外脆的薄皮，裏面嘏肉彈牙，蝦味鮮甜 ，配上泰式甜辣醬我們吃個不停，邊吃邊讚個不停😋最後的小吃係傳統 無骨酸辣泰式鳳爪 鳳爪，肉質爽滑，甜酸度好適中， $28價錢唔算貴，分量ok😃飲品方面，有越式咖啡☕，咖啡味香濃且口感幾滑。另外又試了椰汁紅豆冰🥥🥤，新鮮

突然心思思想食泰國菜 行過見到裝修整整齊齊 又幾乾淨 就一於入去試下啦～上環夜晚黎講 價格都算抵食 而且選擇都幾多先叫左兩個椰青 大大個 而且好甜 不過唔係好夠凍 有小小可惜軟殼蟹米紙卷：除左泰國菜 見到menu上面都有好多越南野選擇 叫左米紙卷試試 蔬菜幾新鮮 加埋香口脆口既軟殼蟹 口感同味道都好夾海南雞飯：雞非常滑 而且幾有雞味 加埋辣汁 非常惹味！油飯就普普通通啦～唔算好重香料味燒豬脾：外脆內軟 連住小小脂肪 好好味！送酒一流👍🏻