曼谷泰菜 (新都會廣場) (已結業)

好少食泰國菜，昨天喺商場想搵個下午茶食下，喺reception 攞位時，有位短髮女帶位嘅態度真係差到無法用言語形容，好像同人閙交語氣，等位期間，佢都一樣用咁惡劣嘅態度對其他客人，真係食餐飯都冇晒心情！再加上食物質素差，真係唔會再返去受氣！

侍應服務態度不專業，基本上得個經理係應人，其它全部都係紙版黎，叫都唔應人掛住傾計，投訴完轉頭叫又係咁。我不求你對客人有笑容，起碼要有基本服務態度丫野食黎講算合格，上菜速度算快！叫左個青咖哩，味道唔錯，完

再次回到曼谷泰菜見到有季節限定食物 當然要試一試這個烤鴨腿好滋味 肉質很juicy而不得不提就是這個燒膳 超級肥美 配上獨特的醬汁 醬汁帶有點蜜糖味 是一個不錯的配搭另外這個拼盤分別有四款食物小食  包括有春卷蝦餅等等 最後甜點當然要個芒果糯米飯啦 好味

星期日的葵芳新都會廣場，新裝修後，商場內周圍都是人，找了這間餐廳，坐外面，環境都舒服!媽咪要吃飯，又不要辣，於是點了泰式豬脾飯.食客不多，$62的豬脾飯好快來了. 賣相及份量看似不錯啊! 豬脾好稔，雖然皮當然會較肥，但裏面的肉都不算好肥，豬脾下有鹹酸菜的，所以整碟飯都好夠味，而醬汁可以略放少一點.$62的雜錦喇沙拼魚餅，第1個感覺，好大碗，色澤好吸引. 喜歡這個喇沙湯底，不會好辣，最適合想吃辣但又怕太辣的我.喇沙湯內是河粉，口感不錯!加$18可把餐飲加椰青，價錢都幾抵.聽說餐廳無下午茶的，過了午餐時間就要跟大餐牌點食物，都是午餐抵食.

葵芳新都會的泰國菜都算有驚喜尤其是醃酸辣去骨鳳爪($65)，份量又多又好食。另外我哋order左炭燒豬頸肉($76)、泰式春卷($45)、芥蘭炒牛肉($76)、濕炒海鮮河粉($78)、菠蘿炒飯($92)甜品就是香芒椰汁糯米飯($52)，芒果都好甜。這家餐廳都好有效率，食物送遞時間非常快，亦超有水準。價錢合適，短時間都會想再去！

話說尋日就同班同事去左新都會既呢一間曼谷泰菜，環境望落都舒服既，但d員工就無乜笑容我地各自都點左吾同既Lunch Set，本身我想叫海南雞飯既，不過見平時都好多機會食到，於是就揀左「泰式炒金邊粉」野食上到枱，顏色同香味都對路，不過見到得3粒蝦，頓時覺得有d失色，成碟野好dry咁到我撈暈之後就起筷喇，點知食第一啖之後，就已經令我吾想再食落去好甜，甜得有d過左火位，我清楚知道應該係甜甜酸酸咁既，但無諗過佢可以煮到甜品咁，點食！！加上又吾夠熱，其實係咪一早整定左嫁最後只係食左三分一，咁就無左65蚊可一不可再！

今日突然好想食泰菜，又唔想出九龍城，見葵芳近近地有得食，去試試。點知食完之後有點失望，原全食唔到泰國風味，連我最愛既冬蔭功湯都唔好味，阿女都話感到湯落左好多味精。這個咖喱軟殼蟹，啲咖喱冇咖喱味，啲蟹炸到硬晒，可以用難食來形容。呢個泰式炒河粉，雖然有好多肉，但係啲粉炒得好多油，亦係好一般。串燒上碟時最似樣，但係個沙嗲汁亦係整得唔好味，不過成餐這一味已算最好了。豬頸肉沙律， 豬頸肉又雪味。蒜蓉包都OK炸得鬆脆，呢個係全餐飯第二好食嘅。總結今餐飯，真係好一半，下次食泰菜，都係去返九龍城穩陣啲。

今日又同朋友食泰國菜， 兩個女仔胃口細，只點了兩款食物~一共食了210元價錢合理，食物豐富燒牛肉沙律， 燒牛肉超香入味，烤得剛剛好，肉汁豐富 燒牛肉沙律味道酸酸地甜甜地非常開胃，做頭盤一流 唯一不足是蔬菜的份量太少， 香蔥及配菜過多金邊粉超級大份 好好食: 炒得很香口 ，我們兩個女仔都吃不完， 最後唯有打包回家。 面的煙韌度剛好，酸辣醬汁入味， 裏面材料不是太豐富，只有幾隻蝦及豆芽、香蔥等配料。椰汁三色珍多冰， 裏面的椰奶很濃香， 還有豐富的料， 兩個人一齊sharD]]]]]]]]]]2]]]

從未如此食過甘差粉絲蝦煲，d蝦梅既！粉絲又似漿糊，冬陰公蒸蛋完全吾知係乜嘢黎！裏面d配料又差，燒魚係似蒸魚，d肉又係梅既！寸燒d肉又係梅既！👎🏻👎🏻👎🏻👎🏻👎🏻

母親節將至，媽媽又鍾意食泰菜，所以見近近地環境又ok就決定同全家人黎呢間。不過真係一個錯誤既選擇，完全係一個字，嬲!其實簡得商場食肆都唸住有服務，舒服，但係原來衰過大排檔。一落Order個陣服務員e小姐(呀嬸級)已經係勁冇禮貌，態度又衰，又冇耐性，完全唔理會身為顧客，即係我地既感受。我心唸我黎係食飯，同屋企人享受家庭生活，唔係黎受氣。anyway唸住食完即刻走人。但係發生左一樣野真係令我好谷氣，我上左年紀既爸爸飲唔慣餐廳唯一既泰啤，但又習慣左要啤酒送飯，所以就買左一罐啤酒偷偷飲，比服務員e小姐發現左就鬧我呀爸，最後驚動埋餐廳經理，其實如果係咁你可以收返我一打啤酒錢都得，駛唔駛鬧顧客?駛唔駛鬧我呀爸，所以呢間餐廳既員工甚至管理層要好好儉討一下，加上食物味道一般!所以呢間餐廳今時今日既服務態度真係差過大排檔!Btw一定唔會再黎同埋一定唔會介紹朋友黎食，失望加憤怒，簡直係比錢買難受!

約朋友食泰菜。近排新都會裝修，幾難先揾到上呢間餐廳。中午時份，前面三位未齊人唔可以入。我兩位，朋友都未到，都好彩可以入先。仲有玻璃窗位，同埋響角落度。叫左兩個午餐。想食冬蔭公湯，所以叫左冬陰公肥牛魚蛋粉。又想食咖哩，咁就叫左紅咖喱牛腩飯。飲普通野就唔洗加錢，飲特飲就要加十蚊。雖然佢地有甜品，但係我地兩個都好想食芒果糯米飯。所以加左個。可惜椰汁方面佢唔係用椰漿，係好稀既椰汁。呢度令到慣口芒果糯米飯失色左。

尋晚同老公黎到呢個商場點知大裝修 好多地方都封左度度都要等位最後入左黎呢間唔使等位既安排我地坐出面 都算靜同闊落我地叫左燒豬頸肉真係好好味 夠熱 又唔太肥 份量正常粉絲雜菜煲好多唔同種類菜份量都算多個汁好味但後尾覺得咸左少少最後黎既原個菠蘿炒飯都等左十幾二十分鐘都好大碟菠蘿好多好甜其餘既料就冇乜得少少雞肉同三色豆不過我欣賞佢唔油同埋淡口出面既侍應服務幾好會主動幫人加水仲加成兩三次三樣野食左$275偏貴不過出面食野係咁啦

中午經常一個人食飯，今天來到葵芳的商場，各大食店都在排隊，剛好這間有位。找個半室內的位置坐好。餐廳服務人員好快呈上餐牌。有午餐套餐。看上去很精緻，還配了一碗湯。雞肉很嫩很滑，油香飯香味十足，特別讃的是那種醬汁，酸辣味道剛好。非常惹味吸引，開胃得很。當口感油膩時，可以喝一口湯，湯由冬瓜及豬骨燉制，加上芫茜，味道清香。套餐有一杯冷/熱飲，可以選擇咖啡、紅茶、檸檬茶、檸檬水或泰國紅花茶。另加＄10可轉特式飲品

看到呢間食市評語差, 忍不住也要寫食評我們二人點了半打串燒($72), 牛肉硬到咬不到, 泰國炒飯比我炒更差, 完全沒有炒過, 沒有穫氣另點了魚煲($98), 非常不值我們用2張團購券, 怎知有一個非常沒禮貌的男職員說1張不能用, 說不可讓我們用, 我叫他可用人手把嘗試code入電腦, 他不肯, 結果我們用了很多時間在手機中download, 才可以用2張券最差的態度是那男職員最後非常不願意讓我們用劵, 因為很多人也用劵, 沒有時間處理, 叫我們一直在等這樣的價錢味道, 這樣的服務, 不會再來, 提提此店只可坐1個半小時

當日即興想食泰菜,就相約友人試一試.2個女仔唔係叫左好多野.三色珍多冰 & 椰汁冰 菠藺炒飯-得色!無味!菠蘿小得好可憐.小食拼盤-炸得好香脆,好味生蝦-唔新鮮!D肉好"梅" 唔爽身. 就算個汁幾濃都蓋唔住唔新鮮既味道.埋單360~無下次! 優點一個就係環境舒服同埋服務好!可能當日商場大裝修,無乜人流.