曼谷泰菜 (新都會廣場) (已結業)

今晚7:50pm入座，同我地講限90分鐘，落完單5分鐘上哂，已經心叫不妙，沙律同冬陰功可以理解一早整定，但個炒金邊粉肯定齋撈冇炒過，串燒表冇燒過肯定就咁執上碟，味道當然差劣…8:15pm，個女經理走黎叫人埋單話last order，我話"吓？坐咗唔夠半個鐘就last order？"，女經理直行走咗…8:20pm，輪到個男侍應走埋黎話last order催埋單，我入座只有半個鐘咋大佬，個男侍應仲話佢地要收工～請問新都會d餐廳係咪都咁早收？入座時同我講90分鐘，結果25分鐘走黎同我講last order，估唔到7:50人座已經阻人收工～難道佢地老細唔喺香港，所以成班圍威喂？

約左個朋友去葵芳行街，哩區出名多野食，真係花多眼亂，隨意揀一間食晚飯，選擇左哩間泰國菜，海鮮肉鬆炒飯都幾香，飯粒分明，泰式鳳爪都ok，無骨啖啖肉又唔太辣，岩晒我，同埋串燒燒得好香好惹味。

來了好幾次這間泰式菜館，多是下午茶時段到來，這次是午餐時段，同樣的，只是為了海南雞飯而來。海南雞飯有三大重點一是雞，要嫩而且滑，不能太肥，否則油膩感就高，是次的雞，嫩滑，但略嫌太肥，連我這雞皮控也受不住。第二重點就是油飯，油飯得香，但又不能太油，這次的飯，不過不失，但只為合格之作。第三就是醬汁，這個酸辣汁可算是為這海南雞飯增分不少，味道恰到好處，酸味辣味不會互相遮蓋，反而配合得相當好。最後加了$15 吃甜品椰汁西米糕，一夾就散開，味道也未見突出，不推介。總結，這間泰菜午餐和下午茶尚算抵吃，價錢合理，海南雞水準穩定，推介推介。

幾個月前食過呢間泰國菜，d豬牛雞串燒同炒野都幾好食，所以今次再番去食。點知......係失望嘅，水準跌左。今次等左十分鐘左右就有位，輪候時間短左好多。👍🏻但食物質素就差左。👎🏻大蝦柚子沙津，蝦好霉，一點都不彈牙，不新鮮，柚子份量雖然很多，但味道很淡。泰式炒金邊粉，一d鑊氣都無，入面d蝦同樣都係霉嘅。味道稍為好d係呢個泰式拼盤，但每樣炸物都很細件，賣$18x, 一d都唔抵食呀。下次仲黎唔黎食真係要諗過！

今日和四位同事，一共5人，來到葵芳區工作，連日大雨，最好不過入去商場吃午餐，乾爽一下濕透的衫褲鞋襪。青咖哩雜菜配白飯、金邊粉、香茅豬扒及蝦醬炒飯都做得很美味，上菜快，熱騰騰，午市套餐只需$62-68，包餐飲，最愛龍眼冰（不用加錢），好抵喔。

眾所周知母親節後的星期一所有食肆都唔會太旺,晚上8:30去到都安排搭枱,另一邊有卡位都唔安排比人入坐,同個侍應講有無卡位可以坐,佢竟然話有人坐緊,我行過去一睇,張枱空空如也,鬼影都無一隻,我再問其他侍應呢張卡位係咪兩個人唔坐得(但係附近有兩個外籍人士都係坐同一樣嘅卡位)?佢態度勁差咁話唔係,不過9:15分要截單,9:30要清場,咁我再問點解剛才你個同事話唔可以坐呢張卡位?跟住態度更加差咁話:你依家係咪一定要坐嗰張枱呀?嘩!我當時真係嬲到想問候佢娘親,不過我依然忍佢,一言不發就離開咗唔食,新都會廣場咁大,食肆多的是,我使受你哋氣?不知所謂。奉勸呢間餐廳嘅老闆要教育一下所有侍應,飲食除了食物之外,服務更加重要,劉華話齋,今時今日啲咁嘅服務態度,點做生意呀!分明係趕客啦!以後都唔會再幫襯!

訂位都冇得入，一定要等；叫套餐連汽水都冇，得啲怪嘢飲；仲要食物難食🙈🙈簡直浪費金錢😡😡小弟建議大家多收集意見，三思之後先再決定食唔食呢間嘢，因為真係好差🤷🏻‍♂️🤷🏻‍♂️I believe that ordering food separately can be better, at least not being forced to order disgusting drinks and dishes I am looking forward to seeing their improvements

電話預訂8位去到加位唔得，帶位話電話訂左幾多個就係比幾多位唔可以加位，我見1:20pm有很多吉位都唔比我坐得舒服，我地十個人坐八個人位又唔比餐具及水，叫侍應攞又黑面，叫食物分開落單服務員西面，我問佢叫食物唔可以分開落單，答覆要一次過落單最好，我問唔夠食都可以加單又唔答我，餐飲落第一張單到我地食到停口都未送來，問佢地答覆張單唔係我落唔清楚，食物方面冬蔭功唔香又唔辣、海南雞飯無味、白咖哩牛腩變牛肉貨不對辦，還有其他食物不用講係差，我地一致唔會有第二次幫襯。

葵芳新都會商場重新開番，星期六好多人，食午餐也要等位，來了這間泰菜試下。叫了三個午餐，泰式豬脾配白飯，好多豬脾，好多骨膠原呀，甜甜地咁，幾香。泰式雞肉炒金邊粉，好靚的顏色，有雞蛋，雞肉，芽菜，花生碎，肉鬆，豆腐干，葱段，金邊粉甜甜地好味，幾乾身的。香葉辣椒豬肉碎炒飯，賣相幾好的，還有一些臘腸同蛋塊，炒飯好乾身，少少辣椒碎，豬肉碎，妈惹味，好香，臘腸也好香呀，唔肥龍眼水，好大杯，好多龍眼的，好大粒的不是好甜，好飲午餐選擇也是幾多款的！環境是有泰國的佈置的，幾有特色的！！

泰菜控的我，曾光顧不同的泰菜館，但這間曼谷泰菜，可算是完全不入流。連我至愛的醃肉生菜包，竟吃剩寧棄；冬陰功炒飯，更不是那味道 😭😭我本打算叫甜品，都立刻剎停，早走早着。總括，難食 。。。不推介 🙅‍♀️🙅‍♀️🙅‍♀️🙅‍♀️🙅‍♀️

食開好多間泰國餐廳，其實對泰菜要求都比較高，如果你話曼谷泰菜的泰國菜非常好味，咁又算不上，不過來親葵芳新都會，曼谷泰菜都有機會系我地會選擇之一，點解呢，因為永遠都只食呢幾樣，好穩陣，哈哈。識點野既，呢間餐廳系有好好味的食物。比如我地今天食陝：炸蝦餅，芋頭焗飯，咖哩魚，同埋以前食過既泰式豬手，都系不錯的選擇。芋頭焗飯：每次來必食，幾個人share都夠，焗得好香，芋頭好冧，加上d海鮮，十分惹味。炸蝦餅：夠彈，份量足咖哩魚：不過不失，如果order份薄餅配搭就更滿足

有時候去食飯，發現餐牌上面想要嘅食物都冇，真係令到你好火滾！放工去葵芳同老婆食飯，就去食呢間頂樓嘅泰國菜，除咗冇人排隊，就係因為佢OpenRice嘅評價唔錯！結果真係好嬲！想食海南雞，佢話啲海南雞唔靚所以冇得食，想食雜菜煲，佢話賣晒！雜菜煲都買晒？真心佩服！結果我哋知叫咗個生蝦刺身、泰式鴨粉絲煲及泰式炒飯！呢個餐下次生蝦刺身，超級無敵辣！我同老婆都算食得辣，食完要問佢拎杯冰水，仲要等左好耐先有杯冰水，辣到我哋食其他食物都無味！如果佢嘅味道不變，歡迎各位喜歡挑戰食辣嘅去食，本人無福消受！呢個粉絲煲，鴨好似冇切，一大舊一大舊咁上！仲有勁多薑絲！鴨好老，好差！呢個炒飯，同茶餐廳食到嘅蛋炒飯有咩分別啊？咁嘅質素收＄276我都嫌比得多！

因為係附近番工，同事話想食泰國菜，於是就搵到呢間walk in入去食啦～lunch可能我地比較早放，4個人唔洗等位就入左去食啦～我平時都好中意食咖哩，所以我就叫左個咖哩牛肉飯，啲肉好林好林！好夠味！絕對想再食呀同事就叫左個海南雞飯，不過不失，最估唔到係就會跟個冬瓜湯～另一位同事就叫左個菠蘿炒飯，好驚喜，因為佢唔係同菠蘿🍍裝架！ 平時我都好擔心啲菠蘿係用完再用，佢用碟裝就冇呢個煩惱啦整體上呢個午餐都感覺好好，坐得舒服，同埋我中意佢個天花係透陽光既，感覺好精神好有光線好sunday feel~

去葵芳多數都係去葵涌廣場掃街，今次係第一次喺新都會廣場食lunch。朋友話想食泰國菜，於是就去咗曼谷泰菜食。叫咗個炸春卷。同普通泰國餐廳冇咩分別，餡料都算多，食落都脆口同新鮮，但賣相就一般。之後叫咗個菠蘿炒飯，佢係成個菠蘿咁樣上既。入邊嘅菠蘿肉都算多，但係飯炒得唔夠香口，而且成個飯得兩隻蝦肉。飯嘅份量好多，兩個人好難食得晒。本身想叫馬拉盞炒通菜，但係店員話冇馬拉盞，唯有叫咗個蝦醬炒通菜。我覺得個蝦醬比較鹹，菜都算新鮮。

係葵芳做野既大家，都係離唔開新都會呢個主場架喇。頂樓上面呢間泰菜都係一個唔錯既選擇。波羅炒飯唔係用個波羅上，即時放心曬，因為通常裝住飯個d波羅，十個有十一個都係循環再用既。味道都過得去，但唔會特別有驚喜。基本泰式特飲款式都非常齊全，唔洗講，我一定指定椰汁珍多冰。料多，椰汁香，杯特飲我會比四分，以五分為滿分的話。對比起食物質數，反而我會鐘意佢個環境，座得幾舒適，價錢親又民，lunch去就最好不過了。