曼谷車站

營業中

休息中

泰國菜是我的comfort food，間中都會想去吃，這晚和朋友來到得寶的曼谷車站午餐，令我意想不到，在細商場中也有泰國人主理、正宗而價錢又相宜的泰國菜吃。餐牌有多款菜式選擇，由小食、沙律、咖喱﹑粉麵飯﹑至甜品都有，迎合大眾口味。

🇹🇭🥢🥣超抵食又好味嘅泰菜▫️免加一☑️泰式炒金邊粉-$65金邊粉炒得幾正宗，酸度剛好，份量都足夠，大蝦有三隻都好新鮮，配料仲有唔少豆腐乾、芽菜、蛋絲同埋蔥，另外都有花生碎同青檸係旁邊。☑️香芒蟹肉炒飯-$75 炒飯都好大碟同足料，有好多大大粒嘅芒果肉，亦都有唔少蟹肉、蛋、三色豆，上面仲有好多脆口嘅腰果。個味相對冇其他食物甘濃，但都好清新，幾好味。☑️咖哩軟殼蟹 -$140呢個好抵食好值得叫，咖喱汁嘅份量好多，充滿椰香味同埋有蛋喺入邊，令人垂涎三尺，撈飯更加係一流。軟殼蟹都有起碼2-3隻，斬件上的，但新鮮炸起浸咗落去都仲可以保持脆口，最緊要係一啲都唔腥。配料仲有唔少蔬菜，例如洋蔥、豆角、紅蘿蔔等。☑️冬陰功（小）-$75冬陰公同樣好正好足料，酸辣度都係我鍾意嘅，除咗有一大隻開邊蝦，仲有蕃茄仔、好多菇、同香茅呢d配料，個人覺得好好飲好開胃。

今日有好多事情要辦，係九龍灣忙忙碌碌了整日，夜晚打算簡簡單單食餐就算，點知有意外驚喜~係Openrice碌下有咩小店好食，見到得寶商場呢間泰菜好似唔錯，就試試去！兩個人食，食左兩款小食，一個小冬蔭公湯，已經好飽...大滿足！下次再試其他餸菜~

泰式肉碎煎蛋飯泰式肉碎通常使用豬肉或雞肉，結合了香料和調味料進行炒煮。肉碎質地細嫩，口感鮮嫩多汁，帶有香料和調味料的風味，給整個菜餚帶來豐富的口感層次。煎蛋是泰式肉碎煎蛋飯的一個重要組成部分。煎蛋可以根據個人喜好煎至不同程度的熟度，從蛋黃的濕潤度到蛋白的口感都可以有所區別。一般來說，煎蛋的蛋黃應該保持柔軟和濕潤，而蛋白則應該煎至蓬鬆和微微酥脆。泰式肉碎煎蛋飯的底層是白飯，它的口感通常是軟糯而鬆軟的。白飯可以吸收肉碎和蛋的調味汁，增添了口感的豐富度。泰式肉碎煎蛋飯通常會伴隨著一些醬料，如泰式辣椒醬或魚露等。這些醬料可以增添菜餚的風味，提供一些酸、辣、甜或咸的滋味，使口感更加豐富和平衡。這道菜通常具有豐富的口感層次，包括嫩滑、柔軟、濕潤、蓬鬆和微酥脆等。它既美味又滿足食欲，是一道受歡迎的泰國菜餚。

用左美團app叫外賣海南雞飯$88，運費$9，有$30coupon, 減埋都要$69，但份量太少，雞得4件，奶茶得8成滿，仲要只係港式奶茶，不是泰式奶茶，非常失望，冇下次

8月19日睇完早場正值午餐時段，揾食肥華和靚媽，專誠到此間泰國食店，試佢哋嘅泰式粉麵及海南雞飯套餐，先講嗰泰式海南雞飯，雞同三款醬料都係平凡水準，雖然個油飯，夠香但飯粒好削，冇頭整體衹值C+水評，而碗冬陰功湯底牛丸金邊粉，個牛丸不爽不彈，牛味淡如非個冬陰功湯底，有出奇好味的表現，才將此碗粉扳上B+評分級数，而此餐最出色嘅食品，一定係嗰碗紫菜，魚片，魚旦金邊粉，肥華認為，此店所用嘅魚片及魚旦係比(長發麵家)更出色，加上個紫菜湯底相當配合，此碗粉所用嘅食材，俾佢一個A級評分，亦不為過，而此店用餐環境舒適，價錢大眾化，又不設加一，肥華會吹雞到此店，試吓佢嘅泰式晚餐👍

玩左一日, 今晚叫外賣食方便D, 叫左樓下間曼谷車站食,用網上外賣平台訂外賣自取重有折添4個大人叫左7樣野,包豕杯野飲,我地叫左青咖哩豬配薄餅,馬拉盏炒芥,瞥牛肉,泰式炒金邊粉,泰式燒烏頭,菠蘿海鮮炒飯值得一提係佢個菠蘿係比左新鮮菠蘿粒另上, 好正,青咖哩汁配燒薄餅一流, 我地重自己煲左飯送個汁一d 都無浪費到😂,埋單都係490蚊, 食到飽飽, 相當抵食, 相信堂食會更加好味，決定下一次去試堂食，絕對值得幫襯

今日來一轉泰國之旅，去唔到泰國，食泰菜頂住先。😅店內座位寬敞，卡位坐五個人都重好舒服。一入坐，店員就自動派碗仔，餐具同水每枱都有，幾方便。泰式燒雞雞肉彈牙多汁，皮脆肉嫩，配埋個酸辣醬，味道一流。蝦醬炒飯賣相好靚，真正色香味俱全。飯粒粒粒分明又彈牙，蝦醬味濃，配埋肉鬆雞蛋食，口感十足。特別重有炸臘腸伴碟，重好好味，誠意之作。咖哩軟殻蟹咖哩味濃，但一d都唔辣，伴飯一流，我哋忍唔住叫白飯伴食。軟殻蟹鬆脆，配埋個咖哩汁係必食推介。泰式濕炒豬肉河一般，汁略嫌太稀，似湯，味道偏淡，河粉彈牙。蒜蓉炒翡翠苗蒜蓉味不夠濃，未能蓋過翡翠苖的清草味，菜有點老，整體尚可接受。椰汁珍多冰 椰汁味濃，用料足，飲品推介。

曼谷車站 (牛頭角)好食度： 😋😋😋/5性價比： 😌😌😌😌😌/5回頭率： 🚶🏻🚶🏿🚶🏾🚶🏼/5價錢：HKD48，豬頸肉炒飯連熱飲原本港男諗住食粥嘅，點知一場嚟到先發現間粥店已經結業添🤷🏻‍♂️噉唯有係得寶商場搵吓有乜食啦。噉就見到呢間曼谷車站嘅價位都幾平噉，一於就試試佢啦。咁港男就揀咗啲安全之選，就係你啦，豬頸肉炒飯。噉個炒飯一上到嚟係熱辣辣嘅，感覺上應該係即叫即製噉，其實食物本身熱度夠就已經加分不少啦。而炒飯味道係可以嘅，豬頸肉就不過不失啦，雖然唔夠肥，但HKD48嚟講，所有嘢都好合理，重要包埋熱飲同可以堂食喎，係可以再幫襯之選。———-//////————地址：牛頭角牛頭角道3號得寶商場1樓218號舖電話：28912298～～～～～～～～～#堂食 #kongerguy #kongercouple #搵食 #情侶 #港侶 #couple #foodie #food #美食 #九龍灣 #九龍灣美食 #kowloonbay #kowloonbayfood #牛頭角 #牛頭角美食 #曼谷車站 #豬頸肉炒飯

呢間位於得寶商場既泰式餐廳坐位寬敞 食飯坐得舒服人流雖然唔算多 午市餐都係平均50蚊就有得食格價好親民 見隔離客食豬手飯好大碟 仲可以加錢轉泰式奶茶服務質素就麻麻 要自己主動叫人點餐可能做開街坊生意多 所以服務員都慢慢來📍蝦炒金邊粉金邊粉賣相唔差 蝦🦐肉都大粒醬汁比較偏甜不過同想像中係有啲分別 因為一般食炒既都鍋氣乾身啲而呢個就「林」身 水份多 變相減低左其他配菜味無咁出花生碎都ok 濃味奶茶就普通款 整體上就不過不失 親民價就填飽肚

平時食開覺得唔係太好味都唔會點比差評但係今次真係忍唔住係我食過超級難食嘅泰國菜大家千奇唔好中伏 唔好嘥咗自己血汗錢難食到要形容 係最世界最難食嘅烏頭同炒飯有一個阿姨服務態度超級差 都算 d野食難食到想同自己個胃 講聲對唔住講完

今日同老媽子去食午餐，好耐都冇食泰國嘢咁就食下呢間「車站」啦。可能11點幾太早，啲伙記仲吹緊水，冇所謂啦都係輕鬆食啫。2個人食，叫左一份海南雞飯、一份炒金邊粉同一份炸春卷。海南雞飯都係普普通通啦，啲雞熟左少少。金邊粉就勁囉，濕炒咁或者我孤漏寡聞掛，食落好酸（唔係壞左）係啲醬太多未炒開，搞到一啲勁酸一啲又冇味。另外春卷入面啲料食落似kfc啲雜菜沙律咁味，勁怪一陣雪櫃味。呢間店以前食落都還可以架，不過我諗有排都唔會再幫襯啦，雖然唔係咩名牌食店，但都俾少少誠意啦….

【九龍灣都有泰菜🇹🇭🤤】今日 屋企人話好耐無出去食 傾咗好耐 最後決定揀咗我好鍾意嘅泰國餸——曼谷車站🚉一入到去 間餐廳嘅裝潢真係成個車站咁 墨綠色為主調 連卡位都設計成車廂模樣🚇 帶入感十足 令人有種沈浸式體驗*蝦炒金邊粉 🍤 $65呢個好食 啲蕃茄醬同金邊粉搭配得好好 唔會覺得落嘅水太多 啲汁收得太快 落太多 太甜 或者成個口感好似好濕好立 反爾所有野恰到好處 啲蝦🦐都大大嚿 值得推介～*肉碎生菜包（少辣）🥬$69呢個值得推薦 啲肉碎炒得好好 好香 有辣椒🌶️我哋揀咗小辣 但其實唔係好辣 適合想食辣又唔係好食得 想挑戰嘅朋友 配埋生菜包埋一齊食 葷素配搭 咬落會啲生菜同肉會爆汁💦爽呀🌊～～*菠蘿海鮮炒飯 🍍🥡$75由魷魚🦑蝦仁🍤腰果同肉鬆組成嘅海鮮炒飯🥢配埋菠蘿🍍酸酸甜甜 咬落有汁 中和得好好 唔會覺得太滯 正常表現～*青檸梳打 🍋$24係分開包裝 有一樽梳打水同一杯已經放好咗青檸加冰嘅杯 大家可以根據自己需求 調出自己鍾意嘅青檸梳打 口感酸酸甜甜 鍾意有氣飲品嘅朋友千祈唔好錯過 最正就係最尾會「urhhhhhh🌬🌬🌬」🤰🏻果下 正啊！⭐️評分：7.5/10📍地址：曼谷車站 牛頭角牛頭

口痕想食串燒 見呢間係附近又評價ok就試下😆但唔知點解好似每樣都幾伏下🫠🫠🫠✨串燒半打 $68唔熱 仲要好乾 點多d沙嗲醬食就叫做好d🥲✨菠蘿海鮮炒飯 $72同我expect嘅賣相有d唔同 以為會放係個菠蘿入面😂點解菠蘿炒飯入面有臘腸😧😧😧理解唔到😂✨椰汁雞湯 (小) $65有椰子香 都多雞肉 賣相奶白色但個味道有d似冬陰公🤨

經過九龍灣，大部份人都係去德福或淘大，好少會留意附近嘅得寶商場，其實裏面都有唔少臥虎藏龍，今日就介紹親民嘅泰國餐廳。佢嘅外觀好似曼谷火車咁，幾有泰國特色。1️⃣ 生蝦刺身 $79一碟有半打，🦐都幾新鮮同大隻，個酸辣汁非常開胃，配埋啲辣椒同生蒜片，正呀😋2️⃣ 明爐烏頭魚 $145食泰國菜梗係要叫返個明爐魚🐟今次叫左冬蔭公湯底，上左條魚仲另外跟多碗湯，俾你一路食一路加，烏頭唔腥，肉質都實淨，滾滾下好鬼正👍🏻3️⃣ 肉碎生菜包 $69份量都幾多，生菜夠脆，肉碎酸酸地辣辣地，加埋啲香料同檸檬汁🍋非常開胃食到停唔到口。4️⃣ 勝獅啤酒 $22當然要飲返枝泰國啤酒🍺原來勝獅啤酒始創於1933年，不但是首個於泰國生產的啤酒品牌，更是唯一獲泰國皇室認可的啤酒，帶迷人的麥芽香甜及清爽啤酒花芳香，口感順滑細緻。5️⃣ 鹹檸七$22整個鹹檸檬加入冰鎮的七喜汽水，清涼解渴，味道甜中帶咸，但又多了幾份檸檬的清爽，啱哂夏天嘅時候飲🆒總的來說，上菜速度快，食物質素不錯，而且座位舒適，價錢非常親民，值得推介。#foodie_couple_hk_sm816