最掂燒味 (已結業)

台灣朋友來香港探我，當然要好好想想和他去吃什麼東西！講到香港最具代表性嘅食物我相信燒味絕對係其中之一！叉燒，燒肉，貴妃雞，豉油雞，燒鵝樣樣我都想食，講起都直流口水🤤見度長沙灣有一間新開嘅最掂燒味，個名叫得最掂一定唔會差得去邊，於是就帶台灣朋友一齊出發！佢嘅店面非常光鮮亮麗，真的老遠都會睇到果款。入面座位唔算多，店員都相當殷勤，又會為我們介紹有乜好食。基本上我哋想食嘅燒味佢都有，花多眼亂。最後我哋每人揀咗一個雙拼飯，另外在斬多碟好似幾出名嘅燒鵝拼燒腩仔，夠晒豐富啦掛😝我就點咗個叉燒貴妃雞飯，朋友就點左個叉燒油雞飯，佢呢度嘅叉燒偏瘦本身我擔心佢會柴，點知食落去非常之軟稔，聽講佢嘅叉燒係燒之前係用木瓜同埋蔬菜天然醃制，而且用上梅頭肉，所以就算瘦肉都會又軟又林（其實我都係睇佢店內嘅介紹先知，所以扮吓專家😂），另外佢嘅切雞和油雞都不過不失，水準中上。最有驚喜係佢嗰啲燒鵝拼燒腩仔，燒鵝皮脆多汁肉嫩，點上梅子醬簡直係絕配😋燒腩仔更加不得了，我都唔知幾耐冇食過皮咁脆嘅燒腩仔，真係索索聲！台灣朋友都話正！點黃芥末食就一流👍原來台灣朋友係第一次食香港嘅燒味，佢都話覺得唔錯！好彩冇試錯咋😛😛________

終於有一日男友可以好好哋放假，就去咗唔係好遠嘅呢間至掂燒味，久違地食一餐燒味餐廳店面唔大，不過裝修都唔錯，門面大紅剪紙式通花設計，更添中國風而室內裝潢比較上簡約現代化，座位唔多，枱與枱之間尚有一定空間，都幾好顧名思義，餐牌上確實基本上以燒味為主，仲有一小部份小食臨近新年，仲有應節糕點可供訂購點咗一個燒味雙拼飯餐，仲嗌兩個小食同男友SHARE跟餐仲有個素菜湯、一杯熱飲、少少酸菜，仲可以加錢要一份油菜燒腩仔油雞飯餐好快上枱先睇賣相已經好吸引，燒腩仔層次分明，油雞表皮亮澤明顯吸收咗足量豉油兩邊仲有少少菜+蔥油素菜湯以多種蔬菜切粒熬成，顏色似南瓜湯，飲落比較淡味，正好可以同其他濃味食物起中和作用燒味食落亦相當有水準，燒腩仔最面層燒得非常脆口，肉質一層肥一層瘦，有油香又有口感油雞亦唔錯，幾嫩滑，唔會太肥，連埋索咗甜豉油嘅皮一齊食，好好味跟餐油菜份量都唔少，侍應仲會問你要唔要蠔油，要先會喺你面前淋，GOOD睇落個蠔油唔係一般就咁「李X記」果種，而係有另外處理加工過，不過食落味道都幾好小食方面，溏心豬手好入味，而且好淋身，明顯夠火喉，仲好容易「骨肉分離」，食起上嚟好方便，值得一讚！鮑汁冬菇生菜同樣好

留意咗呢間店一段時間皆因店名見"霸氣" ! 不過飯市經過見佢生意唔錯有時重滿座添, 看了看餐牌唔可以話係草根消費, 最平的义燒飯要$42送素湯或熱飲, 义燒係半肥瘦梅頭兩行並排, 還有條菜心, 燒汁偏少嗰種, 湯就真的是素, 味道較清淡, 同一般燒豬骨煲嘅湯有明顯分別, 而脆皮燒腩仔飯則要$50 , 燒腩仔大細適中, 醃味較少的情況下可以食到件豬肉的原來味道,這店食到的係"一分錢一分貨" 的貨色, 不過在最近的一次26/Oct. 叫咗個秘製梅子醬燒鵝飯$55, 鵝肉的位置係鵝胸, 本人唔介意, 因為經常食雞胸, 但呢隻鵝嘅皮下脂肪真的幾厚下, 而且好平均下, 都應該十幾年無見過咁厚油嘅燒鵝啦! 唯有咬掉吧, 個醬講明係秘製即係無標準吧! 但同梅子好似無任何親戚關係囉! 皆因內裡個甜醬比例好重, 唔明點解重要寫梅子醬, 基本上已經被甜醬蓋過晒其他味--> 即使有!?總共食咗三次, 印象是义燒最好味, 其他的都覺得over price咗, 有機會或者會同太座來嘅

用膳時間為10月21日中午11時50分，店鋪內人數稀少而座位很多。事前抱著好好一試 “最掂” 到底是有多好的心態，早已選好要吃四寶飯，落單不到一分鐘已經上菜，速度快得有點驚人，後來聽到是另一枱客人早點了相同的食物而侍應拿錯枱了。皇牌四寶飯如餐牌所寫:有燒腩仔，叉燒，油雞及咸蛋，飲品選了例湯，盛惠56元。燒腩仔: 原原整整的四小塊, 皮既脆且化, 燒肉夠淋而調味適當，脂肪比例較少，是為上品。叉燒: 偏瘦而少肥，但肉質一點也不韌，夠淋又夠多汁，只可惜吃不出蜜糖味。油雞: 是雞翼部份，整份都是凍的，頭頭尾尾的部份就是這種命運吧，沒有肉味亦沒有豉油味。食之無味而棄之可惜。咸蛋: 只吃了蛋黃部份，很甘香亦不會過咸。蔥油: 帶有怪味，撈了一點到飯裡面就後悔了，不要也罷。白飯: 煮得算鬆軟，飯質有點散，可能是放久了吧，以未到12點繁忙時段來看是隔夜飯亦未可知。例湯: 湯渣太多但飲得出有杞子味，飲後亦沒有口渴感，唯份量偏少。餐廳內冷氣非常大，飯未吃到一半已經開始由暖變凍，本人離店時間為12時10分，進食速度仍追不上飯餸冷掉的速度。 總結燒腩及叉燒可以一試，油雞不吃也罷，便宜幾元總有其便宜的原因。侍應及

昨晚用旅遊優惠app買咗2張套票每張$25包燒味雙併飯及例湯/熱飲腩叉貴妃雞飯，跟十全十美素湯 腩叉即係用腩肉做义燒，算係肥叉 叉燒肉質又嫩又腍有肉汁， 有蜜糖味 貴妃雞幾嫰滑又夠味 素湯清清地夠健康 燒腩薰蹄飯跟熱檸茶 燒腩皮好脆口，肉質鮮嫩唔嚡唔韌 薰蹄幾正，豬皮夠爽 而肉唔韌有咬口，無雪味

今晚來到長沙灣晚飯，揀左一間以燒味聞名的餐廳“最掂燒味”，鋪位小小的，大概只有20個座位。大約夜晚7點多進去，鋪裡面人不多，多數做外賣生意。叫得最掂燒味當然以燒味為主，我們一行三人就叫了三個燒味雙拼飯，其中最好食就係叉燒，這裡的叉燒分為兩種，有一種叫“懷舊腩叉”即係半肥瘦，另一種叫“最掂叉燒”其實即係瘦叉。個人本身喜歡食半肥瘦的部位，所以覺得“懷舊腩叉”好食。另外仲有雞鵝等選擇。除了燒味，仲有一些小食選擇，我們叫了豬腳仔，味道有點咸，但送飯還是可以的，都係覺得燒味比較好食。順帶一提，這裡的店員很耐心地解答我們問題，也很有禮貌，想食燒味不妨一試

同一班好耐冇見既大學聚會 由於有人住新界東 新界西 九龍東又有 所以揀左書間點 長沙灣 長沙灣其實都不嬲唔少好野食 今次我地就揀左呢間試下個名夠哂霸氣😂餐牌我地首先叫左個齋熱下身先甜甜酸酸 用黎開胃一流😌跟住我地整左個五味牛展做前菜牛展最緊要夠香！ 呢款完全做到啦 食到開心哂跟住叫左個燒味拼盤😍有燒肉 叉燒 油雞 叉燒燒到好好 咬落有口感 燒肉皮脆肉嫩 冇得彈👍最後叫左碟生菜健康下 補充纖維值得一提係老板服務好好 令我地食得更加開心👍

與友人，於長沙灣一帶趴走，路經喜韻商場的「最掂燒味」，見門外貼滿了誘人的餐牌，以及「馬家開飯」兩大主角叉燒炳與馬壯到訪該店拍攝的照片。 好奇心驅使下，就走了進去…… 飢腸轆轆，極速地看了餐牌，不作多想，就決定要一客至尊梅子醬燒鵝三色拼盤$175 - 燒鵝全髀、貴妃雞全髀和最掂叉燒，一碗上湯瀨粉$16和一碗上湯米粉$16。著重健康的小姐，向樓面阿姐取來了一杯水。小妹，則要了一杯凍檸茶$20。 上湯瀨粉湯底甘甜，瀨粉爽滑，配以一條清菜，伴以油潤甘香的燒鵝同吃，人間一絕也﹗ 燒鵝全髀、貴妃雞全髀和最掂叉燒，一碟，可以滿足三種的口慾。 燒鵝的醬汁，不是坊間常見的梅子醬，而是店家自製的酸甜香濃的烤醬，小姐挺喜歡的。不過，個人而言，還是喜歡傳統的梅子醬多點兒。燒鵝雖則擺放了好一會兒，然而，鵝皮仍略帶光澤的外表和香脆的口感，咬下去甘腴的肉汁溢出，鵝味濃郁，肥瘦得宜。 貴妃雞，水準也不錯，雞味頗為突出，肉質嫩滑。 叉燒，燒得香甜軟腍且入味，肥瘦適中，如果邊沿可以再燶點兒，焦香味應該會更為濃烈。

同女朋友去左長沙灣探好可愛既BB探完就梗係要係附近揾下好野食啦, 見到之係係電視愛回家馬家介紹既燒味又見到老細咁夠膽叫自己做: 最掂燒味咁有信心? 引起左我既好奇心, 就入去試下啦!最掂燒味係住宅區, 主打街坊燒味, 夠晒地道!腌菜D個係老細自己腌的, 酸酸地, 又夠爽口, 夠晒開胃!豬耳-$20有好多小食選擇, 都係$2X左右, 抵呀, 個豬耳有D麻辣, 好好味, 而且極度爽口, $20真係超值!燻蹄-$50肉味夠厚夠香, 而且個皮好爽口彈牙, 完全冇出面某D食店既異味, 好食燒鵝 (下庄)-$128下庄係好味D係人都知, 所以我地比貴少少都要食下庄, D個鵝好正, 皮脆肉嫩, 肉質結食, 送飯係一流之選也呀!總結燒味真係唔錯, 唔怪得夠膽叫自己做最掂燒味, 可以再黎食過呀!

今時今日，外出2人晚膳，稍為企理的，動輒幾百大元，最掂燒味就超價惠，最啱無飯家庭，日日食都無有怕 😂😂👏此店最強的懷舊叉燒 $75 （例）正式的半肥瘦叉燒，用木瓜蓉醃制，以天然酵素代替鬆肉粉。配上蜜味叉燒汁，很出色的一道叉燒。皇牌燒味雙拼 $115 （燒煵仔+油雞）燒腩仔皮脆肉香，上枱還是暖暖的！一層層的，有肥有瘦，美味！油雞肥美，配蔥油就最啱！平日吃到的蔥油，都是油多咸味重，但這個少相對少油少咸，蔥味濃郁！上湯瀨粉 $16瀨粉夠煙韌，夾口彈牙不易斷！果醬甜酸齋 $20沒有刺眼的橙紅色，感覺健康！口感味道絕不遜色，平靚正小食一客！白灼菜心 $18青菜一碟，每餐必備，健康之道！

年幼時家住長沙灣，以往大部份食肆都是麵店或粥店，但自從市區重建局在這區作大規模發展，陸續有很多新樓盤落成，亦令到很多新派餐廳進駐該區，今日因工作舊地重遊，順道在這裡吃個午餐選擇這間最掂燒味，完全是因為名稱夠特別，叫得自己最掂，當然要見識下原來明星都來幫襯過餐廳當然以燒味為主，但亦有其他特色小食供應**叉燒拼燒鵝脾飯**叉燒是用新鮮豬肉，肉質夠嫰，外層有濃濃蜜糖味，燒鵝脾外皮夠薄又夠脆，鵝肉很有鵝味，夠晒軟而無肥肉，很有水準**乳豬拼鹵水牛飯**乳豬皮十級脆，吃得出是用上很多配料醃制，下邊一層薄薄的肥肉，超級惹味，鹵水牛有極濃鹵水味，肥瘦適中，有咬口之餘又唔會太硬**果醬甜酸齋**估唔到燒味店的甜酸齋可以咁有水準，酸酸甜甜，面筋齋軟硬度控制得剛好**炸醬脆爽耳**豬耳用上炸醬調味，很有特色，豬耳切成條狀夠晒爽口，簡直食到停唔到口**油菜**最掂燒味果然名不虛傳，每一款燒味都做得很有水準，而且更有多款小食可供點選，二人吃到飽飽都只是約二百元，確係抵食又好味

係旺角MOKO睇完戲, 已經到左食飯時間  商場餐廳又睇唔岩加上男友超愛食燒味, 次次返香港都想食好啦, 搵返間有靚燒味食既餐廳先  ╮(╯_╰)╭上OPENRICE 搵到呢間最掂燒味, 好似幾好, 睇相又唔錯就決定係你啦!  (✪ω✪)因為要泊車搵路耽誤左D時間, 去到已經好晏, 所以唔使等位就入得,本來睇門面裝修以為好大間, 原來係小舖黎, 空間感比較細入門口時已經告知是日燒味賣剩叉燒 一心諗住食幾款燒味的男友有點失望 (◞‸◟) 不過唔緊要叉燒都照殺點左2份叉燒飯(連素湯 / 餐飲), 一客梅子骨等左一陣, 叉燒飯到了, 睇落唔錯 (✪ω✪)"令"身既蜜汁叉燒, 白飯份量足夠叉燒件數都唔算少, 相比起X興, 翠X, 算很慷慨了食落肉汁豐富, 燒得夠淋&入味, 好食!!  ♥(´∀` )男友覺得好食到呢 . . . . . 哈哈, 即刻同侍應落一份叉燒例牌 (掛住食, 忘記左影)不過當晚叉燒偏瘦, 相信肥返少少會仲好食 梅子骨一般般, 可試可不試餐飲都係一般餐廳水準服務一般般, 可能因為太夜, 員工都放慢黎做後加既叉燒例牌份量都幾多, 兩位晚飯$200有找,  食到好飽。相比起X興

門面大，地方當眼易搵，坐得舒服。前菜爽口，並無加一👍🏻果醬甜酸齋18醒胃酸酸的，面筋入味不死實。汁煮牛蒡18清新爽口，比較少有，口感特別呢！陳醋麻香骨18酸甜鬆化又啖啖肉，抵食夾量多，帶有啖啖陳醋香，吃多幾塊，後勁有點辣。柑桔酸梅湯14x2預先枝裝包裝好，衛生之餘，味要好，冰凍解渴，酸甜開胃，有驚喜。至專梅子醬燒鵝三式拼盤168來最掂燒味，一定要試試這裡的鵝肉才對得住自己口腹吧？！燒鵝上台賣相精美，鵝肉味濃，油郁芳芳，香氣逼人來，皮脆肉嫩兼帶汁，加秘製梅子醬更添食慾。皮跟肉間不多膏膩，肉食卻是很飽肚呢！最欣賞燒鵝皮不肥膩☺️脆皮燒腩仔皮燒得脆卜卜卜，肉挺嫩。叉燒鬆化少肥，燒得恰好帶焦香，超正，色澤靚，垂涎欲滴。食後感：燒味不俗，地方大坐得舒服冷氣充足，而且各式燒味碟頭飯粉面都比連鎖餐廳做得好，而價錢還是快餐價，值得再去。男店員對旁座客人超殷勤有禮，燒味店我無見過呢👍🏻💪🏻P.S.openrice標示的餐廳地鐵岀口C才正確呢

睇完杜鵑隧道...。。要搵食喇...原本搵到一間心儀餐廳係食葡國嘢...搵路途中意外遇上另一間早前喺網上見到嘅燒味飯店...又聞說週末會高朋滿座🤔...於是立即轉軚食呢間...。。印象中，長沙灣街舖多數都係有一級...呢間飯店竟然係平路！轆出轆入十分方便！不過，食店真係唔大，但店員好好人！相信人多嘅時候，佢哋會幫手安排而且店內嘅枱櫈可以隨意移動...所以輪椅使用者可輕易埋枱食嘢...。。安坐後就發現原來仲有15分鐘就過時段(lucky！)快手落order先！叫咗叉雞雙拼飯，加埋飲品只需$37(凍飲仲要唔使加錢！)...低食喎！。。本身唔太鍾意食肥叉燒，個人認為最理想係2分肥8分瘦...一般燒味檔邊可能做到咁呀，未俾人鬧過咩？ ！拔！呢碟飯比咗純瘦叉(燒)，齋睇相以為瘦叉燒一定好乾爭爭又韌過乜咁？！錯喇！錯喇！相反仲好好食，好鬆軟，仲要係零肥膏！最like有少少燶邊，食落香口d...蜜汁唔會水浸而過甜，恰到好處！至於豉油雞好滑好入味，側邊嘅薑蓉好食喎，好夠薑味，但鹹咗少少...。。下次要約埋朋友去試佢哋另一出名嘅秘制梅子醬燒鵝...最愛酸may may嘅東西...。。無加一

話說家中大廚罷煮，屋企又無儲糧，懶起上嚟唯有付出代價叫貴貴外賣。其實袋鼠某啲餐廳可能因抽佣關係，外賣既價錢係比堂食貴好多！就講呢份「最掂叉燒瀨粉」袋鼠價$49，堂食價$40；而「果醬甜酸齌」袋鼠價$28，堂食價$18，食物份量仲比起外賣自取既少。至於講番食物味道的確有如餐廳霸氣名稱一樣「掂」，毫無失威！「最掂叉燒瀨粉」叉燒唔會好肥，但又做到保留油香，即使唔食肥膏都唔需要避得咁辛苦。瀨粉夠滑夠香，雖然客人應該多數叫燒味都係跟飯，不過瀨粉都無揸流灘。魔鬼在細節，食碟頭嘢最怕遇到又老又多渣嘅嚡烚烚配菜，好彩餐廳同樣無為慳成本而影響食物整體。「果醬甜酸齌」其實係為叫滿袋鼠最低外送額$85先搭單要的，個名怪怪地，但食落好正常仲幾好味添。嗯......不過一兜仔要$28就下次不了嚕。