最掂燒味 (已結業)

長沙灣想揾乾淨少少燒味鋪得呢間.食過幾次,但如果有得揀唔會揀呢間.因為質素真係麻麻.次次叫燒鵝都係俾D頭尾頸位置. d燒鵝全部都皮包⻣，一啖肉都無，D皮仲要隆哂.叫叉燒又剩係得瘦,冇得俾你揀肥/半肥. 條條好似柴咁.叫油雞就比咗副多骨既翼部比我.價錢又唔係平.唔知係咪燒味師傅睇我唔順眼要咁玩我.唯一可以讚係服務幾好,地方好摩登好舒適 燈光好柔和 座位亦都好闊落坐得好舒服. 而且隨飯附送的十全十美健康素湯卻真的好喝, 而且非常健康。

呢度叫得做「最掂燒味」，未食已經知老闆對自己出品幾有信心！長沙灣店位置都幾方便，近元州商場果邊。先黎一份「皇牌最掂燒味三色拼盤」（$138）：自選三種燒味包括燒腩仔、懷舊腩叉同豉油雞。燒腩仔皮脆亦唔覺膩，腩叉就冇得頂，因為叉燒係要少少肥至好食，呢個腩叉燒得香之餘，仲一啲都唔覺佢肥呢！佛山燻蹄（$48）越來越少店舖有燻蹄供應，豬手皮帶爽，點少少酸酸辣辣嘅醬汁，超開胃！食燒味又點少得白飯（$10）同大大碗嘅上湯瀨粉（$15）呢？最後仲要讚下佢個自家製無味精素菜湯，味道清甜，仲有粒粒素菜有咬口呢！

去元洲村周圍搵野食,行下行下就見到最掂燒味,心諗D燒味到底有幾掂呢?!見價錢唔太貴,D叔叔又好客,門口d燒味賣相又唔錯,最後就決定左食呢間。裝修簡單得黎光線好足夠,而且坐位夠闊唔洗同人逼仲可以放到袋,坐得好舒服。當我地仲心大心細唔知食咩好既時候,已經有好多人黎買外賣,相信呢間都係附近居民加料之選。貪心之下叫左個皇牌最掂燒味3式拼盤,都幾多選擇架。最後簡左差燒/貴妃雞/燒腩仔半肥瘦差燒 燒得岩岩好,D肉唔會好硬仲有少少果皮味,如果多D汁可以用黎送飯就更正喇貴妃雞D雞肉好滑,多肉加埋D雞油不得了燒腩仔既皮燒到脆卜卜夠新鮮,仲用左荷蘭豬,好有心思架呢到既燒味一D都唔是但,比起好多酒樓仲好味。食飽飽之後 我地仲叫左個湯飲<十全十美健康素湯>本身都冇留意個湯有咩料 飲落都飲得有唔同既材料再望返張紙先知原來菅左咁多料個湯一D都唔味精 無咩油就好似飲緊屋企湯咁每人都分到2大碗飲架而且非常足料 好好飲超飽超滿足!果然係最掂燒味!

夜晚同同事打完波，行番屋企時，比呢間餐廳既名吸引咗，叫 最掂叉燒。把心一橫，就試下佢啦。由於入座時已經九點三，入面已經冇哂客人。而且店員仲同我講已經冇哂叉燒，建議我食燒腩仔油雞飯，配熱飲盛惠55蚊。落咗單，五分鐘左右已經上菜。望落去，燒腩既肥膏比例唔錯。而油雞就比咗副多骨既翼部比我。配菜有三條幾鮮既油菜。而食落去既燒腩仔，外皮燒得幾脆。大啖肉加肥膏配上芥辣，真係幾多碗飯都唔夠。而油雞質素就一般，外皮既汁唔太入味，雞肉唔多。整體上都算係一碟唔錯既燒味飯，份量唔細。而店員服務有禮貌，唔會因為你係最後一個客就黑面趕你食快啲埋單。

女人 都可以好浪漫話說 同朋友去深水埗 長沙灣一帶尋寶行到咁上下 要開餐🍽🍽我地決定要好好浪漫一番👯‍♀️👯‍♀️雖然話係食燒味 但裝修完全好modern 內裡裝修都係好摩登好舒適 燈光好柔和 座位亦都好闊落坐得好舒服🤗餐廳主打係「燒味」我地就一於朝聖下🙌揀左 燒煵仔 同 豉油雞🤤🤤燒煵仔 我實在忍唔住要黎個大特寫😖實在太好味皮又香又脆 肉質鬆化 口感一流👍🏻雞就 肉質滑嫩 豉油帶出少許咸香味雞肉保持嫩口 肉好滑 好正👏🏻👏🏻朋友點燒鵝拼 叉燒我地一齊share食 就可以食多幾款燒味啦😛😛燒鵝同樣都係肉質鮮嫩 好juicy 但由於經過燒烤 增添一份bbq既香氣 完全帶出鵝香味💪🏻💪🏻套餐係可以跟湯湯好甜 竟然素湯都可以帶出咁甜既味道 湯又足料真係好少見 值得推薦👍🏻本小姐一向對甜甜酸酸既食物頗感興趣一試呢個酸齋好難忘細問之下 先知酸齋係自家調製唔似坊間 由工廠交貨酸齋既酸 唔會蓋過哂甜味 好內斂但同「甜」可以互相輝映 酸齋由於係自家出品 其油膩度亦少過坊間侍應態度亦好好 好有耐性見我地心大心細揀食物既時候 仲提供意見好貼心❤️

最近喺長沙灣呢頭開工，都無留意到有間燒味，都係個同事同我講我先知，燒味對好多男士來講，都係恩物，肉感滿滿，又快靚正。但可能對於女土士們而言，就唔係個個啱，好在我身邊有個鐘意食叉燒嘅女朋友。佢過來做24孝接我收工，就試試呢間最掂燒味。餐廳位於米走雞對面，青山道，都有廿零個位，唔會好逼呢度嘅招牌係有個懷舊燒腩仔同叉燒腩，咁我地一定要點啦。先點左個至尊雙拼，揀左燒鵝拼叉燒腩，然後加左個我最愛嘅燒腩仔拼臘腸飯。燒鵝拼叉燒腩：冇加錢要燒鵝脾，但又咁啱俾到個脾位我地，正！偷偷暗喜，今日好運鵝脾肉又好肉地d，雖然唔係啱啱燒起，但個皮都幾薄脆。鵝肉香，而且有鵝汁，又唔乾，好味叉燒腩出色！點都要有d肥先好食，肥瘦半半，又燒到夠香，仲要食落爽嘅，冇肥豬肉口感，完全唔肥，蜜味足，推薦燒腩拼臘腸飯：燒腩仔皮都幾脆口，唔會太厚，肉稍瘦，食落就會乾左d。食落鹹鹹地，唔會得層皮，又冇肉渣，送飯一流臘腸偏瘦，冇乜油脂，稍為失色，但追求健康嘅就啱食。瀨粉：凍飲加3蚊：

今次是第二次光顧此店上次吃肥叉飯回味無窮今晚偕朋友來回憶舊夢這次就來個一碟兩享受招牌肥叉腩是必然選擇再配多個油脾很是豪華肥叉燒肥瘦相間很邪惡最高質的叉燒莫過如此加十六圓轉脾值回票價雞肉嫩滑吃得相當過癮每碟燒味飯配一碟漬物飲品選滋潤的竹蔗茅根肉食晚餐多了一份健康朋友切雞燒腩仔也不錯配老火靚湯有家的味道加七大圓就有油菜一碟蠔油生菜是不失手之選另加點了一份滷水豆腐滷水香豆腐嫩非常下飯有機會再來過過燒味癮

我不是燒味迷, 但間中都會食吓方便飯盒。 今晚在長沙灣買東西, 經過難得"最掂燒味", 媽媽叫著要吃。我們點了懷舊肥腩叉飯餐, 燒鵝燒腩仔雙拼及陳醋麻香骨。的確要讚讚其腩叉的肥瘦比例, 配搭均勻, 肥肉香, 瘦的部份肉質軟。飯粒是粒粒分開的, 配以香濃飯汁, 整體可口。燒鵝肉質鮮嫩, 皮香可口, 不得不讚是店鋪自製的烤醬, 酸甜香濃而不鹹, 令燒鵝味道提升不少。還有是令人停不了口的燒腩仔, 皮脆肉嫩, 有少量肥肉, 整體有層次性的食感。陳醋麻香骨味道也不錯, 小口小口的, 是開胃小食! 整餐再配灼生菜和一杯濃度甜度剛好的熱菜蜜, 有種互相中和的感覺!

喜韻商場又有新野食!今次係一間燒味店，長沙灣我只食大慶，但有新野都可以比拼一下餐廳唔算大，一眼望哂，膀在乾淨整理，而且d位都幾好坐，唔會太逼餐牌上既花款野唔多，都係傳統燒味食到既野，但呢度有自家呂牌既涼業豆漿，一定要試下!朋友點左一份燒鵝燻蹄瀨，粉既份量同一般燒味店一樣都係大份既除左一個梅子醬配燒鵝，燻蹄都有個酸酸辣辣既汁，睇落唔錯!而呢度比較特別既係有青瓜酸同蘿蔔酸做前菜開下胃，醃得好入味，而且酸度岩岩好燒鵝同燻蹄既份量都唔少，60蚊黎講都係合理燒鵝皮脆肉嫩又多汁，而且唔太肥，食落唔會油膩感重，感覺肥瘦均衡但有點失色既係味道上鵝味唔太重，梅子醬味道亦偏淡左少少燻蹄自己都好耐冇食了~夏天唔敢食，因為天氣熱，怕佢易變壞; 冬天又淨係打邊爐，邊度得閒食燻蹄其實都係豬蹄，經過熬煮去骨，再包好紮緊去冷藏切片呢度既燻蹄夠薄夠凍夠爽口彈牙，配上餐廳既酸辣汁幾好食!我點左普通叉雞飯，飯量都好多! 我加左錢轉雞脾!雞既色水唔錯，而且唔太肥，食落啖啖肉好香口。雞本身有少量適當調味唔加薑蔥都夠味當然!食白切雞唔加薑蔥總有點欠缺既! 呢度既薑蔥好在唔太油!而且盬既份量唔太多，唔會太咸叉燒燒得好腍好軟身，但我

今日行經呢間好有中國風既燒味店，好有新年既氣氛。又見到有啲報道貼係門口。連《馬家 叉燒炳》都黎過采訪，好似幾吸引咁！等我又入去食下先！😁佢有好多唔同既燒味配搭任我揀之外，仲有其他既lunch set。都好正咁。但黎度梗係要食佢d燒味啦！叉燒有兩種：最掂叉燒 同 腩叉。而我就最鐘意食肥叉架喇！可能腩叉既製作功夫比較長，所以好少可係出面見到有腩叉食。難得見到，當然要食啦！😊我就叫左懷舊腩叉併 燒腩仔飯喇。😁話咁快就黎喇！哇！！兩款既燒味都好靚呀！望落一啲都唔求其！呢個lunch set, 仲包野飲/湯同前菜小食。我就揀左個 十全十美健康素菜湯！聽個名都覺得健康！個湯好濃，一啲都唔係普通既滾湯。有好多既湯料切粒煲成，雖然無肉，但碗湯都好好飲。好甜同唔會有味精！😋正！呢個雙併飯，唔會好似出面d燒味飯咁。得個幾舊。佢每款燒味都有好多舊腩叉： 佢既肉比一般既叉燒更腍！而且更加入味。肉質食落啖啖都係蜜汁，好 juicy! 雖然比起脢頭肉脂肪較多，但佢唔會話成舊都係脂肪。比例岩岩好！燒腩仔 亦係招牌菜之一！佢既皮燒到真係好脆，食落去仲聽到好脆既聲音！！而且肥瘦分明，剛剛好！成舊放入口，有三種層次。真係

有時有啲食物係會無啦啦想食，就如叉燒。從來我食燒味就真係獨狐一味淨係食叉燒，所以對我來說燒味店叉燒整得好就夠了哈哈。呢間小小的燒味店聽聞好鬼多人，但我果日平日放工去都有位。驚喜既位係佢竟然有腩叉！係真正的半肥瘦食感呀～宜家好多地方都唔會比你揀叉燒的部位，斬到邊你咪食咩囉～但呢到可以瘦叉同腩叉雙拼！一次滿足我兩個願望，好開心好滿足坊間好多因爲要遮蓋肉的唔新鮮而用好多蜜汁去燒，結果死甜得蜂蜜味，而呢到完全無呢個感覺，首先師傅每日用木瓜溶去醃製豬肉(店內個電視一直repeat播住所以知)，肉的質感好軟稔，即使瘦叉都係，好味！偷左朋友一舊腩仔都非常出色！個皮脆到嚇我一跳～又唔會太咸，我見個個入黎都會拼腩仔～成個set咁樣都幾真係幾豐富仲叫左個小食醋醬骨，肉煮好稔好入味！不過好似肉太多，好飽～

叫就叫做最掂，價錢貴都算喇，賣埋晒d 垃圾。叫左碗燒鵝瀨，d燒鵝全部都皮包⻣，一啖肉都無，食完好似食左碗齋瀨咁！！！個老細仲要句句粗口！！！！之後咁啱有另一個friend 去左幫襯（同樣外賣），話聽到已經無晒燒鵝，先知原來將d 斬淨既頭頭尾尾照拎黎賣，所謂燒鵝既價錢蔗渣既質素，真係最掂係你啦！！！！實在係不吐不快，四五十蚊食左個齋瀨粉，第一次遇呢d 情況，唔記得影低佢，大家唔信或者心存僥倖既都可以去碰下運氣。

之前在剛開張時食過一次，那時候感覺以30、40蚊的水準來說，已不算很好。但今日路經看到最掂燒味多了款式和有馬家開飯推介下，於是再次一嚐。卻讓我後悔不迭......上圖是豪華燒鵝四寶飯，內有腩义、燒鵝、豉油雞以及燒腩仔）首先從相片已看到，豉油雞沒皮的😅我起初還想是否要了白切雞，原諒我見識淺薄，我不知道豉油雞是去皮的。第二是腩义，從餐牌上的圖或我個人認知上，一直以為腩义是會有點脂肪，讓义燒帶點油香，但來的是瘦义...你地好野...都總算是淋...第三要配圖了...燒腩仔...原來我這麼多年都白吃了燒味...燒腩仔原來是半點肉也沒有，只有脂肪（一係唔黎，一黎就成件都係）ok...唯一可以贊的是...皮還是脆的...到壓軸登場了！當然是豪華燒鵝啦！請看配圖！骨，全部都係骨👏👏我找多點肉都找不到😂成論是，這間餐廳，沒下次。

今日下午，黎到長沙灣試下試下有幾掂等左陣位，入去裝就修唔錯既，38蚊個叉燒飯都算平。見倒人地既燒腩，望落唔錯。燒肉個皮人地話好脆，不過厚左少少。我叫左個雙拼，最掂叉燒同貴妃雞，45蚊。黎到，我下左一下。d叉燒見倒白肉，所以特登反兩塊肉先影相。跟住望下牆上掛電視入面既叉燒，差咁遠既。叉燒，算唸，甜，比一般食開既甜，好味既叉燒唔係得個甜字。有白肉心，白肉當然冇咁好味，同隔幾條街既強x飯店比，差dd，雖然強x都會有時比白肉既。唔夠燒果種味，唔夠香口。貴妃雞，籽左部份脾我，d肉滑，唔錯。幾有雞味，不過脾既最好肉部位冇比我，所以骨多肉少。都唔差既。薑蔥油唔錯，唔太油。配菜正常，酸瓜之類既野。檸水檸檬ok。最掂叉燒？唔係lor，希望呢係呢餐失水準，雖然我睇其他呢道食評既相，叉燒都有d係白肉。overall唔差既，38蚊跟茶算抵食，45蚊雙拼都ok

你話掂唔掂緊係要試過先知啦今日黎到「最掂燒味」試試佢怕中午食飯時段多人要等位所以今日專登早上十一點幾左右黎到幫襯食個早飯,叫左2碟雙拼飯2杯凍檸茶1x肥腩叉燒鵝飯1x叉燒燒鵝飯落完單,一下子唔記得左叫佢少飯女仔出街成日都食剩野想習慣下叫少飯少面（扣底）但成日唔記得大家睇清楚2碟係唔同價錢架,因爲啲肥腩叉係好食啲架大家去試都最好叫肥腩叉。啲肥叉唔係真係平時食果啲見到成舊白色果啲肥,佢呢個係半肥瘦咁,如果大家係附近的話其實不防可以去試(一次)但係我自己就唔會去試第二次喇唔係話佢唔好味,只係覺得一般般,而價格黎講都係偏高,以為佢個梅汁好正好正，食落就覺得無話好特別,可能口味問題但我自己都係鐘意點平時平價果啲梅汁,平野酸啲撈飯好味啲講下我地2個啲燒鵝,我平時就鍾意食有啲肉,而今日就不幸,分配唔到我鍾意食的鵝好在我都鍾意食鵝皮,如果唔係真係得啲骨但味道係唔錯架⋯總括黎講我係有啲失望