木子居酒屋

營業中

休息中

今日去入數兼同同事試新野第一眼想揀西京銀雪魚定食最後……呢個下次🤣🤣今次試左海鹽火灸左右魚丼先碗茶碗蒸、小食、麵豉湯好精緻～睇落好有食慾茶碗蒸好滑但咸左d麵豉湯都偏濃左右魚薄到入口即溶但少左D得幾片魚油係幾豐富既魚籽我唔啱比晒同事飯係赤醋飯比個近鏡大家睇同事叫左滑蛋豬扒定食～佢呢個睇落大碗好多午市去比較靜（剛剛好似得我地）座位寬落唔擠迫外面睇好似好大入到去唔係好多張枱一入門口有張大枱可以三五知己飯聚無端鋪外鋪內都好日式可以暫時忘卻煩惱💫要留意番有落場時間

咁近屋企都搵到好野食😚居酒屋⛩裝修得好日系，好有FEEL🏮🏮~~🌟角切刺身和風沙律🌟角切沙律以三文魚同吞拿魚為主，混和醋汁同沙律菜一齊食🥗🌟黑松露鰻魚卷🌟配搭夠新鮮！！壽司飯上面係鰻魚同黑松露，壽司飯配有青瓜絲；口感多層次，幾好味🍣👍~🌟雜錦天婦羅🌟天婦羅材料好豐富，磨菇好JUICY🙂仲試左2款新上市食品：🌟西京味噌豬腩🌟🌟荔枝豚肉卷🌟呢款幾特別，用豚肉包住粒荔枝，咬落去D荔枝汁出哂黎，甜甜地咁配埋豚肉食，幾REFRESH💧🌟日式茶碗蒸🌟🍹飲品🌟檸檬綠茶🌟🌟青蘋果梳打🧊🌟

即使平日晚上，圍方內也是人潮洶湧🤣 幸好聰明的我們果斷決定到外物色餐廳，發現了這家(^^)v進去第一感覺是，餐廳樓底非常高，是一般的兩倍🤣空間感十足 ✿ 牛油果三文魚沙律 $98 (另加一)沙律菜爽脆，三文魚鮮甜，還有很多魚籽!牛油果粒香軟，如果沒有黑絲，整體賣相更漂亮 ✿ 土佐豆腐 $68 (另加一)一直想試😍但很少餐廳有提供脆皮介乎吉列和天婦羅的感覺之間，外皮薄薄的、酥脆、存在感高，鹹香內裡豆腐超嫩浸泡醬汁一會都仍然脆 ✿ 精選火赤壽司拼盤6件 $208 (另加一)超推薦(๑´ڡ`๑)每一塊魚都是厚切，加上剛剛好的炙燒，魚油香十足壽司飯也不馬虎，軟硬適中，已經調味尤其欣賞整件壽司握很好，輕鬆夾起，但不會太實👍 ✿ 月見燒飯團 $38 (另加一)飯糰表面已經燒得香脆，像鍋巴😍配上甜甜的生雞蛋，增加濕潤度 ✿ 茶碗蒸 $28 (另加一)店員推薦，想不到價錢這麼相宜，當然要一人一個😜很滑嫩，裡面有蟹柳、魚板 職員友善平日晚上七點半左右就滿座，最好先訂座

之前黎過一次, 今次回訪. 兩次黎都差唔多滿座胡麻豆腐蕃茄沙律 $68豆腐嫩滑, 配🍅胡麻醬唔錯野菜天婦羅 $78粉漿薄好薄, 外層酥脆, 特別鍾意蕃薯同南瓜中間仲粉粉甜甜嘅, 其他仲有冬菇、茄子、青椒等西京味噌豬腩 $88燒豬腩中間一層脂肪經烤後逼出油份食落脆口唔會油膩, 加上西京味噌炭烤香味, 好食牛油果🥑松葉蟹肉脆殼卷 $158上面係炸過香脆洋蔥, 下面係滑溜牛油果, 飯包住蟹肉, 配搭口感豐富煙豬肝 $58普通.燒飯團 $28飯團燒脆左外, 好似飯焦般脆口不過味道有點偏淡自家製梅酒/巨峰生啤 $58/78後者幾香, 果味cover beer 嘅苦澀好易入口. 前者個人覺得麻麻之前黎過食燒牛舌 鰻魚飯同 sashimi 都好食

大圍圍方新開，好多人都去朝聖行下，甚至搵野食，但人始終太多，好多餐廳都要等好耐位。所以行下大圍其他地方，發現到呢間餐廳。餐廳好有日式居酒屋設計既感覺，有高枱同埋普通座位既選擇，空間感好充足，侍應們服務態度都好好👍🏻怪唔得未到7:30已經全場坐滿人我recommend ⭐️。拖羅蓉脆脆餅 ($68)⭐️⭐️⭐️一尼到已經好香，而拖羅蓉份量都好多，為咗增加口感上面仲有一粒細拖羅😍食起尼第一啖係甜甜地，而且好鮮，但去到蝦餅底，就鹹鹹地，好脆口，成個口咁既層次好豐富。火炙三文魚海膽卷 ($148)⭐️⭐️⭐️壽司卷面有海膽，而海膽入口即溶，有少少淡淡地既海水味。三文魚經過火燒一燒表面後，油脂岀哂尼😍但壽司卷裏面包住少少青瓜做餡，即刻平衡返前面既口感，令整體唔會過分油膩。野菜天婦羅 ($78)⭐️炸粉好薄，唔油膩，而且每個蔬菜都好脆口，尤其係甜番薯。厚燒牛舌心 ($98)⭐️⭐️⭐️牛舌心燒到大約五六成熟，唔好以為厚燒就會比較淋身，佢係極級既爽口，而且牛味幾香。豚肉韮菜卷 ($38)⭐️⭐️平時外面既豚肉韭菜卷豚肉份量會比較少，但呢間餐廳佢用左差唔多3塊豚肉片包住韭菜，令佢食起尼好穩陣，唔會好易散之外，油脂味十足👍🏻。福

之前同朋友去大圍舊村Cafe打卡，經過見到呢間居酒屋，覺得幾特別，所以今日就過嚟試吓。佢以日本傳統居酒屋嘅風格為基礎，空間大，營造出一個舒適且具有獨特氛圍嘅用餐場所。餐廳嘅內部裝潢融合咗木質元素&現代設計，營造出一種溫暖而時尚嘅氛圍，坐喺度，一邊聽住日本音樂，一邊飲住杯淡淡嘅梅酒，一邊望出窗外既景色，真係幾有曰本情懷！🥰🎏 鮪魚壽司拼盤 $298擺盤精美，新鮮好味。🤤🎏 胡麻豆腐蕃茄沙律 $68好味嘅開胃菜！👍🎏 免治雞肉棒& 燒秋葵。 $38/$28雞肉棒好juice配埋日本蛋一齊食，幾唔錯。🎏 福岡凍蕎麥麵 $88 蕎麥麵好彈牙，配埋溫泉蛋冇得輸。P.S.之前睇啲評論話佢哋冇水提供，服務一般，不過今次體驗到佢哋有聆聽客人意見，已經唔同晒，值得一讃！👍👍

餐廳空間感大，樓底十分夠高，不單門面裝修佈置令人有種感覺如置身於日本居酒屋中。進入店面見到擺設，甚至當中嘅塔塔米都好設合主題，放工過黎食返餐，真係可以一解旅行隱。好開心店員安排塔塔米，坐落去高度不用屈膝，尚算舒適，好快，上了日本清酒。可愛嘅酒瓶，倒出黎嘅酒係零舍唔同，入口清新，有陣水果味，果然唔錯。第一道小食有拖羅蓉脆脆燒餅，口感絕對豐富。頂層有炸脆嘅乾蔥，中間有分量十足嘅拖羅蓉配上脆口嘅米餅，值得一試。緊接落黎有牛油果松葉蟹肉殼卷，多層口感。牛油果香軟嘅果肉包住炸香左嘅松葉蟹肉，食落清新不覺油膩。跟住落黎海鰻天婦羅，雖然又係炸，但呢個出奇地令人不禁食完一件緊接一件。海鰻厚肉無骨，配上外層脆漿，蘸上清新嘅淮鹽，出面其他餐廳未必做到咁精緻。另外厚燒牛舌心，真係好夠厚切，外脆內還有肉汁，仲有保留到牛肉香味，絕對係靚貨。最後黎個福岡凍蕎麥面，給我一份清新嘅口感，加上溫泉蛋，黎個涼拌冷面，為晚餐劃上完美句號。絕對值得一試。

同朋友行完新開嘅圍方喺附近搵到依間隱世居酒屋🍶環境好舒適，食物好高質🤘🏻店員服務都好有禮貌🦪日本北海道仙鳳趾蠔（$68）蠔好大隻，食落非常新鮮，保留到淡淡海水味之餘亦唔會蓋過蠔肉鮮味，非常出色🍣火灸三文魚海膽卷（$148）師傅嘅技術好好，唔會燒得太過火，保留到適量煙熏味之餘亦唔會破壞咗三文魚同海膽嘅鮮味，壽司飯亦做得好好，絕對唔會過硬及過重醋味，非常好食🧀黃金芝士西京燒（$68）依樣非常之邪惡，超香濃芝士味，入口即溶，食完非常滿足🐟蒲燒鰻魚（$178）主角之一，鰻魚配上惹味鰻魚汁，非常惹味，鰻魚肉質亦爽滑同埋唔會太多骨，鰻魚份量亦絕對對得起價錢，水準之作🍢厚燒豬腩肉（$38）豬腩肉燒嘅時間岩岩好，保留到肉汁及油份，食落有濃郁豬腩肉香味🍢豚肉韮菜卷（$38）依款口感好特別，外面係燒香咗嘅豚肉，肉味濃郁，肉質嫩滑，中間係好爽口嘅韮菜，夾埋一齊食口感非常豐富🍙燒飯團飯團用火灸形式處理，咬落好香口，配以脆卜卜紫菜，食落非常脆香🧃日本青森縣完熟蘋果汁（$38）飲落非常清新，絕對唔會過甜膩，好香蘋果味🍹士多啤梨梳打（$48）有別於坊間梳打咁太多氣同太甜膩，飲落亦好清新舒服，亦好夠士多啤梨味

朋友生日，佢最鍾意去居酒屋，所以喺大圍呢個咁方便嘅地方選擇一間有氣氛嘅居酒屋，鄰近大圍車站，之後仲可以行埋新開嘅大商場圍方。由於時間尚早，依然有好多枱可以選擇，而最有氣氛嘅位置，係有一個吧枱，可以睇住師傅處理食材，簡直係另類享受。除咗酒精類飲品亦都有唔少特飲可以選擇，由於揸咗車，所以決定飲蘋果梳打及士多啤梨梳打，依兩個口味都唔會科學甜同死甜，加上大量氣泡，絕對係夏日良品。松葉蟹肉蟹籽沙律～蟹肉蟹籽獨有嘅口感同鮮味令整個沙律吸引不少😀青瓜爽脆清新，做前菜/開胃菜一流😊牛油果松葉蟹肉脆殼卷～壽司飯粒本身已經有味道，鍾意清淡一啲，可以唔用壽司豉油，面層有新鮮蟹肉，鮮味一下子提升了，再配上牛油果軟滑，脆口既餡料，非常深得我心😍軟殼蟹天婦羅～軟殼蟹非常酥脆，而且每一隻嘅份量都非常大及厚肉！配上天婦羅汁，真係一絕！青森山芋～口感綿密、帶有微微甜味，切片烤到外層微乾，再加上調味，真係非常好味道👅西京味噌豬腩～豬腩一層層肥瘦分明，入口有多重口感，而且煎至微焦，結合咗味噌與焦香。厚燒牛舌心～口感除咗爽口嘅質感之外亦都非常順喉柔潤，旁邊附上芥末籽醬，更加可以話係畫龍點睛。而呢個價錢食到咁多精品真係非常抵食

今日天氣熱熱地，係大圍行吓行吓竟然比我搵到間居洒屋🌁餐廳內裝修都好特別，好似返咗日本鄉下咁，全部都係用🪵木裝飾，好有feel ! 我叫咗魚生飯定食，隻蝦都唔算細隻又甜。另外仲有鮑魚雖然唔係原隻係碎上，但我覺得午餐來講已經好抵食㗎❤️啦，成個定食又有飯又有魚生，食材又新鮮！😜朋友叫咗一份牛肉壽喜燒，牛肉味都幾又大大塊，份量都算大㗎，個定食有埋麵豉湯、蒸蛋，食到捧住個肚走🤣每人都係百零蚊係抵食嘅👍

大圍日本菜,近期已經買少見少,有好多間已經結業,但這間裝修簡約,坐得好舒服比人感覺一間平民居酒屋,食品算太貴但係能夠滿足到每個客人嘅需要,是大圍區一個唔錯嘅選擇,大家可以過嚟試下！！！

今夜，大圍，去樓底高既日式居酒屋飲酒食串燒。先來巨峰燒酎，檸檬梳打燒酎。呷一口酒，深深呼氣，暫放下勞累。*胡麻豆腐蕃茄沙律芝麻醬汁，不稀不杰適中，配上蕃茄豆腐，是開胃前菜。*黑松露鰻魚卷鰻魚燒得香口，有水準。一口連清爽青瓜吃，好味。*雜錦天婦羅天婦羅既漿，薄而脆，放耐也不淋.大口咬蝦天婦羅，鮮爽有蝦味，正。*花魚一夜干魚味濃郁，海魚鹹香，肉身堅實些，又香又濃。呢款新出品，配米味香濃既sake更正。*豚肉韮菜卷*福岡凍蕎麥麵豚肉慢火燒烤,韮菜吸進豚肉油份，這卷香氣四溢，配上一口微涼蕎麥麵，一重一輕，暢快。員工服務態度不錯，環境闊敞，一個飲酒敍會既好地方。

以日式風格為題🇯🇵店內有各式日本海報、啤酒樽擺設、及深木色調裝潢，洋溢懷舊的昭和風情🎎設計更還原日式居酒屋的格調🍶啱晒食客打卡📸吞拿魚蓉海膽刺身丼，絕對係呢間食店嘅招牌菜，上面擺放著新鮮海膽，及覆蓋住滿滿的吞拿魚蓉，啖啖濃郁的海膽香甜味😍及魚蓉香味🤤店內刺身全部都由日本直送✈️特選壽司拼盤睬用多種優質魚類刺身🍣又新鮮又肥美😙口感豐富🤩環境舒適，食物款式種類多，很滿意的午餐🍴會再來🤗

收工同朋友happy hour，更成為第店一台客人，餐廳空間感大，樓底高木系坐位，🎏日式布簾及燈籠🏮舊式清酒🎎海報佈置，猶豫置身日本當地嘅居酒屋，價錢親民～💢人氣💢巨峰生啤$68 、梅酒$48🥃除咗飲純啤酒之外都試下～夾雜着好sweet 嘅味道易入口，快有酒意🤭梅酒微甜，不酸不澀‼️💮牛油果三文魚沙律$88沙律最緊要營養，片片魚生和牛油果粒、滿滿的蟹籽鋪滿在新鮮爽脆沙律菜，配上醬油汁及炸蒜蔥，健康推介！💮日式茶碗蒸$28～高湯靈魂特出，口感綿滑細嫩💮 手握🔥火炙9貫り寿司盒$268🥢廚傅發辦·日日不同🥢🍱九宮格精選嘅壽司🍣賣相精緻配襯一些食用花材打卡💯而每件壽司都係醬油飯底，唔使點醬油，都已經好夠味，令人回味值得推介👍🏻💮野菜天婦羅$78🍆茄子🍤蝦🍄冬菇🎃南瓜🍠番薯🫑青椒炸得乾薄，口感脆脆💮 荔枝豚肉卷、免治雞肉棒$38/1串～油而不膩，好嫩美都好特別～肉質鬆軟好Juice💦配埋日本雞蛋🥚

喺大圍地鐵站附近兜多幾個圈，就會搵到好嘢食！！😆😆😆btw 顯徑嗰邊好似都好多隱世美食😌☘︎︎ ☘︎︎ 牛油果三文魚沙律$88➪ 有新鮮牛油果同三文魚營養豐富，配埋蔬菜同沙律醬，好開胃😙👍♥️☘︎︎ ☘︎︎ 三文魚子海老卷$128😻😻➪ 大量三文魚子捲着非常爽口脆身嘅蝦，多層次口感加上海鮮鮮甜，大推😻😻☘︎︎ ☘︎︎ 荔枝豚肉卷$38👍➪ 荔枝同豚肉嘅組合好新鮮，就好似以前都唔知拉麵會配雪糕食🤣🤣當咬開豚肉嘅時候，同時會感受到荔枝汁係口腔爆發😂😂我覺得你地都要試吓😂😂😂☘︎︎ ☘︎︎ 西京燒銀鱈魚$138😻😻🫶➪魚油脂極度豐富，鱈魚肉質鮮嫩，咬落去魚肉被油脂包裹住，滑到漏，真係漏。☘︎︎ ☘︎︎ 雜錦天婦羅$108➪ 好多種類嘅海鮮同蔬菜，炸得好酥脆☺️☺️🍻青蘋果梳打$48🍻士多啤梨梳打$48≡≡≡≡💰價錢參考💰≡≡≡≡Total ~$660人均 ~$330☺️☺️♥️▼・ᴥ・▼