木子居酒屋

營業中

休息中

🔶厚燒牛舌心 $118厚切可以食到飽滿口感超級軟嫩 & 油脂豐腴好有驚喜！推薦❣️🔶荔枝豚肉卷 $38燒得恰到好處，絕不是乾爭爭的hea野🔶雜錦天婦羅 $108除了2隻大蝦，竟然仲有魚天婦羅 有誠意🫶🏻 炸漿輕薄，酥脆唔油🔶牛油果松葉蟹肉脆殼卷 $168牛油果薄薄一片為脆蟹卷增添creamy感覺面頭蟹肉既份量比想像中多🔶拖羅蓉脆脆餅 $78要趁上菜時仲係脆時盡快食🔶土佐豆腐 $68🔷環境餐廳空間比想像中大更設有包廂方便聚會大堂有bar枱位，1-2人去食都方便裝修以木系為主，貼滿酒label等充滿日本元素，好有心思好適合同朋友聚會

今次去到大圍覓食，喺大圍大街小巷搵嘢食，見到呢間居酒屋都坐滿人，所以入去試吓，但係出乎意料地等咗非常之耐，連前菜沙律都等咗差唔多成35分鐘先有，個人覺得服務一般，而且食物質素都係中規中矩。。。。價錢偏貴。

今日去朋友屋企化完萬聖節妝影相📷又未夠鐘接小朋友放學，就同朋友去撐下枱腳。行過見到有間居酒屋裝修幾靚咁就入去食下😆我哋叫左刺身6點&溫泉玉子和牛丼2個定食～2個定食都包左茶碗蒸、麵豉湯、小食（泡菜）刺身6點有三文魚、海膽帶子、吞拿魚、油甘魚、八爪魚、牡丹蝦，啲刺身都幾厚身，每款2片，仲配埋個赤酢飯（芝麻 紫菜 醋）好開胃😍和牛飯牛味好重而且好大片～溫泉蛋+汁醬同啲飯mix埋一齊，成個飯濕濕地好juicy餐廳有塌塌米位，想感受一下傳統居酒屋可以試下坐塌塌米位食😆

A Gastronomic Paradise for Food Enthusiasts! 🍽️✨Nestled in the vibrant neighborhood of Tai Wai, Mukzi Izakaya is a culinary gem that promises an unforgettable dining experience.ᴡʜᴀᴛ ᴡᴇ ᴏʀᴅᴇʀᴇᴅ -🦀 Crab Meat and Crab Roe SaladThe freshness of the ingredients shone through, making it a perfect appetizer to whet the appetite.🥩 Thick Grilled Beef TongueFor meat lovers, this was a standout dish. The tongue was expertly grilled to perfection, resulting in tender and flavorful slices of beef.🥑 Avocado an

我從來無試過食飯咁嬲！個個乜鬼嘢啊，吞拿魚火山卷，簡直就係垃圾！吞拿魚火山卷，簡直就係青瓜卷！仲要$88一啲都唔平！仲要我同男朋友去食最後食唔飽又貴！你間所謂嘅居酒屋可唔可以俾啲誠意㗎？！未試過食飯食到咁嬲要寫劣評！過份！因為我真係成日食壽司，亦都對壽司超級高要求！搵到呢個所謂嘅吞拿魚火山卷，算佢哋唔好彩了🫠唯一有少少誠意就係佢啲壽司飯有豉油，可能嗌套餐會抵啲嘅或者會好食啲！所以建議如果想試呢間就唔好食佢哋啲卷物！可能食熱食會更加好🫠

約咗鄰居嚟食飯，就俾佢周遭嘅中環吸引住，係有日本feel，但係燈光太暗影響咗影相嘅質素。入咗本同侍應講人五改三，侍應叫我哋歸邊坐，但歸邊就係坐緊隔離張橫櫈，其實未見爆場，亦無需要坐到好似玩毛毛蟲咁一個來一個，呢度印象分有少少打折扣。整體表現正常，但性價比低，未有深刻印象嘅地方。螢光魷魚～鄰居覺得有啲鹹，但係我覺得可以接受。松葉蟹沙律，個份量有啲駭人，如果佢收一半嘅價錢還可以接受。刺身六點，比較出色係個馬糞海膽，係鮮甜冇臭味。而其他刺身嘅質素同X田差唔多，比較孤寒少少就係將粒S size一開四，而家拼盤都好似要428。個吞拿魚腩火山卷更弧骨～喺個青瓜小卷上邊搵一Pat仔吞拿魚蓉，其實大家心裏面有數一包吞拿魚蓉喺出邊買$50都多佢三分二。最後鄰居話想食啲熱嘢，鍋物嘅話只有一款和牛壽喜燒。黃牛油花尚可接受，但係無牛味。而索價$388就唔值得叫。蕭文點左雞肉棒同埋豬肉韭菜餃卷。雞肉棒都尚算好食，但係個韭菜卷啲一咬落去好似咬緊一紥禾稈草，其實咁高纖嘅蔬菜，就唔好澤到咁大卷，好影響口感，不如卷細啲出四件一串俾人好過。銀鱈魚嫩滑但唔夠香口。唯一牛脷心要激讚，生熟都處理得相當恰當嫩滑又彈牙燒得好香。

📍#木子居酒屋 (大圍)大圍積富街33號積康樓地下E-G號舖♡人均消費: $627▪️▪️▪️▪️▪️▪️▪️▪️▪️▪️▪️▪️▪️▪️最近個個都去圍方，其實圍方以外都有好多好西食😎今次介紹呢間居酒屋都唔少客人，晚市幾乎座滿席，所以order後都要等比較耐既時間～但食物質素個人覺得係ok既～價錢都屬於正常價位。✨#精選火炙壽司拼盤💰$208火炙壽司拼盤有六款，包括: 火炙帶子、火炙三文魚、火炙油甘魚等，每款都好新鮮，個人最鍾意帶子同油甘魚，燒過更加香。✨#胡麻豆腐蕃茄沙律💰$78沙律選材非常健康，由豆腐、蕃茄同沙律菜為主，加入胡麻醬即刻變好味🤤✨#日本番薯拼南瓜💰$78日本番薯拼南瓜🎃 南瓜每片都好大塊，而且好甜好好味。反而日本番薯都無咩味。✨#厚燒牛舌心💰$118今日MVP就係厚燒牛舌心🤭 每片都好腍身，裡面仲係粉紅色㗎！最鐘意佢拌碟既蜜糖芥末醬，唔會好甜，但配上牛舌又幾好食😋 ✨#西京味噌豬腩💰$88西京味噌豬腩燒得岩岩好，個邊好香，肥瘦適中，味道都唔錯。▪️▪️▪️▪️▪️▪️▪️▪️▪️▪️▪️▪️▪️▪️

同朋友👧一齊喺大圍，大家都唔係好熟悉呢區嘅食肆，不過諗住食完嘢先返屋企，咁就喺車站附近行吓，見到呢間日本餐廳，就決定入去開餐🤣$118「厚燒牛舌心」：牛舌心油份好充足，仲有芥末醬可以沾🤣$68「土佐豆腐」：豆腐幾滑，簡單幾好食🤩$168「牛油果🥑松葉蟹肉脆殼卷」：呢個手卷組合幾有趣🤩$108「雜錦天婦羅」：天婦羅脆漿做得幾輕身，食落唔覺得膩🤩$38「月見燒飯團🍙」：不嬲都鍾意食燒飯團🍙，呢個飯團🍙外邊燒到脆脆哋😋$28「日式茶碗蒸」：夠滑，簡單幾好食🤩

📍 木子居酒屋（大圍）好少下午會食到居酒屋🏮餐廳入面以日本風格裝修，係日本傳統居酒屋嘅感覺，環境又好大，無論咩時間都可以同朋友嘅黎聚一聚，飲番杯🍻自己一個黎到，當然食個刺身定食🍚🔸分為六點既刺身有吞拿魚，帶子，牡丹蝦，八爪魚，油甘魚，三文魚腩（刺身肥美鮮甜，由淡至濃食落去，味覺好享受）。配赤酢飯（係日本古早風味🍚加入芝麻，紫菜，醋，令整個飯都好香，充滿開胃感，有種想追住黎食既感覺）日式蒸蛋（好滑，熱食凍食都得，蛋味好重，正😍）麵豉湯（真材實料，昆布紅蘿蔔，不可缺少，鹹味得宜👍）🔸清新既青蘋果梳打，嘆個一下氣係最舒服～

同朋友去參觀下大圍新商場圍方❤️點知入面餐廳全部都要排惟有出去其他地方食Openrice 見到呢間居酒屋 頗有格調即刻打去留座🙆‍♀️餐廳唔算離大圍站好遠 步行幾分鐘就到環境幾清靜 人流對比番圍方真係少好多🤭🤭好適合同朋友傾計😆食物方面選擇好多 拍得住九龍區既居酒屋價錢方面亦都平過九龍區😗😗------------------------------⭐胡麻豆腐蕃茄沙律 ⭐雜錦天婦羅⭐三色腐皮海賊腐皮壽司控表示好好食🥹🥹⭐月見燒飯團⭐豚肉韮菜卷 超級大串 大推🫶🏻🫶🏻⭐日式茶碗蒸------------------------------

黎過兩次都好鍾意呢間，準備三訪！一入到去已經覺得空間感好足，好高樓底，檯同檯距離都ok，唔會太近食物方面，特別推介生蠔🦪同牛舌生蠔真係好大隻😆🤤 同埋好新鮮，肉質結實，海水味唔太濃牛舌燒得好惹味又嫩口，三個人share 都夠。同雞粒一齊食，配酒一流👍🏻主食就叫左牛釜飯，熱辣辣，撈埋好好食，又香口。同事仲好有耐性等我地影完相再幫我地撈個飯。見佢本身話要等好耐，不過一路食一路傾，都好快有得食，值得叫

今日同朋友聚會，於是book咗呢一間喺大圍嘅居酒屋試一試～🍹芒果白桃烏龍茶🥃威士忌梅酒飲品就正常發揮，不過不失～🧆炸雞軟骨呢個炸雞軟骨，略嫌乾身咗啲🤔🍢免治雞肉棒燒到焦香嘅雞肉棒配上蛋黃同豉油，真係絕配👍🏻🍖厚燒牛舌芯呢個牛舌心入邊超軟熟，十分厚切，不過咁樣兩舊都要成百幾蚊🫢我個人就覺得定價有啲太高🍣牛油果蟹肉脆殼卷口感幾豐富，但蟹肉味唔算好出🍲清酒煮蜆呢個應該係我食過最難食嘅清酒煮蜆⋯首先咁細碗就要差唔多$100，蜆肉係幾大粒嘅，不過完全冇味⋯仲要有沙⋯🍲木子極上釜飯呢個飯入邊有三文魚子、蟹肉、三文魚等等，而且要等40分鐘先會上菜。啲海鮮嘅份量好少，仲要切得好細粒🫢$200幾蚊，份量只夠兩個人一細碗，個人覺得唔抵-總結：定價偏高嘅居酒屋，而且食物質素有待改進。兩個人食左$959，性價比麻麻，應該冇下次🫢

兩人細食小女子，到大圍一間日式居酒屋🏮食飯。樓層高沒有壓迫感，看到店內推介美食No1.厚燒牛舌心，當然要叫一客來試試。份量適合兩人，味道不錯👍🏻，入口柔軟細膩，再來一個韭菜豚肉卷🫔，價錢不貴只是三十多蚊。有兩件肉汁夠多，沒有流失，野味可口。叫了一個松葉蟹肉釜飯，落單先會告知要等40分鐘，用心製作當然食好野，就要等下。份量細食女子夠三人。蟹肉新鮮不會太濃。有溫暖感覺。服務員態度很好。值得再去。

上個星期失咗約，今個星期要約閨蜜食返餐飯補番數，就下佢就入大圍食啦！！原來大圍都有好多嘢食，我地揀咗間居酒屋，見佢門面都幾靚，入面裝修又幾有日本風情，周圍都係清酒樽，佈置得好靚！我地食得早，所以係店內第一抬客，趁機打返幾張卡先....我地叫咗個角切沙律開開胃，上面有大大隻牡丹蝦，啲刺身好好新鮮，而且個沙律油醋汁調得好鮮味，哟三文魚籽大大粒，漲卜卜~每一下咬爆佢都「噗~」一聲，好滿足！！上次試過火炙司，覺得個風味都幾吸引~見呢度有個火炙壽司盛合，幾種不同嘅魚都有（每日不同，好似omakase一樣…😅☺️），就試下啦~幾種魚都好鮮味，經過火炙之後油香滿溢，齒頰留香！我之前病咗食唔到燒牛舌😓，見呢度有牛舌心，一於要試下！上枱兩大件厚切，燒得剛剛好，非常鮮嫩，肉汁豐富~但又唔會一陣牛騷味，配英式芥末醬，非常惹味！炸豆腐係我食日本菜必食嘅，表皮炸得好香脆，但係入面嘅豆腐又好嫩滑，配埋昆布汁食落好舒服！再來個野菜天婦羅啦～食日本菜都要食蔬菜㗎～每件都炸得得好好！脆漿唔會太厚，尤其最愛茄子同粟米芯！！呢餐真十分圓滿（真係幾飽🤭🤩）要一提：呢度始終係居酒屋，酒嘅選擇都幾多，啤酒竟然可以溝梅酒🥳👍🏻🥰所以

好耐冇去食居酒屋🏮揾間近近地又可以同朋友坐低慢慢食慢慢傾吓心事，成個氣氛都勁舒服😌見網上都幾多人推薦下，試完真係吾錯，又近地鐵站🚉真係幾正下😊🌟拖羅蓉脆脆餅 $78呢個脆脆餅上面嘅拖羅真係好足料，一咬落去好脆，上面嘅拖羅食落去好滑🍘好香口，仲有啲炸蔥嘅配搭真係好正，值得一試🌟精選火灸壽司拼盤 $208每種壽司都吾同，全部都係用左火灸形式去整，食落去超香口，啲壽司🍣食落去入口即溶，又好新鮮，而且個擺盤都好靚，打卡真係一流🌟野菜天婦羅 $78呢個天婦羅有好多吾同嘅蔬菜，有蕃薯🍠南瓜🎃粟米筍🌽冬菇🍄個炸粉仲要一啲都吾厚，食落去好脆，好鮮甜🌟厚燒牛舌心 $118佢食落去係好爽口，一啲都吾淋身，而且又冇用太多嘅調味料去腌制，牛味好濃厚🥩好有嚼口，正😄🌟免治雞肉棒 $38個雞肉棒一食落去已經好香口，再點咪個蛋黃一齊食會更加滑啲🥚燒到岩岩好，又有少少甜甜地嘅感覺都好正🐥