木槇料理 (已結業)

想食好D又唔想等位就去左QRE（感覺食貴野啦）朋友介紹呢間日本野，上到去先知道好似轉左手，不過去到都照食啦！見到個餐排猶疑左好耐唔知揀咩好！因為又貴又唔抵，不過都明嘅！我朋友就揀左角切魚生丼成$190，仲要加10%， 我 就揀左海鮮刺身沙律餐，盛謂$180+10%，份量唔多架，食物質量還可以，但又未去到好想番去會味個種

去左幾次，次次都點唔同既午市定食。而家好少魚生多過返既餐廳，質素仲要幾好添。推薦北海丼同蔥花吞拿魚海膽飯！新鮮甜美，唔會切得太薄而食唔出味。啲海膽都好大方，份量都有大半格。而個set有跟湯、日式蒸蛋、沙拉同野飲。除左魚生飯外，鰻魚飯都值得嘗試。餐廳服務員態度幾好，有禮貌。環境幾舒服，唔會太逼，不過午市就會比較嘈啲。前菜上得快，唔需要等太耐，但係主菜就會比較需要等耐啲，尤其係熟食。適合同朋友同事慢慢食，唔好有食快餐既心態。

同事升職梗係要出去慶祝一下啦，同事提意去灣仔QRE Plaza 28樓木槇料理。今日中午12點左右去到，中午有午市套餐，餐牌有不同款式的定食，都算幾多選擇，大家齊齊食個比較豪華嘅午餐。本人就叫左一個北海丼，裡面有海膽、牡丹蝦、中鮪魚腩、松葉蟹肉、帆立貝、赤身、甘油魚等⋯$280，仲有味噌湯(唔太喊)、和風沙律(D菜都好新鮮）、蒸蛋(D蛋未食見到都已經覺得好滑）。另朋友就叫咗個木槇刺身壽司定食$368，呢個擺設好靓，份量適中，好啱女仔食😉😉

新加坡同事黎香港出差..作為小薯嘅我是時候提議食咩...醒起朋友同我介紹過木槙話食物夠新鮮提議一致通過!! 12:30到QRE樓下都已經排哂隊..等左大概四部電梯..終於入到喇~~我地被安排嘅位置被冷氣機吹到正..員工都好醒咁將個葉向上移一坐低我地又諗左好耐~~同事想黎啲單點所以就問員工拎menu, 呢頭個員工拎完個menu令一個員工立即問我地要落咩..我地話唔好意思我地要再睇下先...當時店員個表情立即不滿左一下..其實全間店除左疑似經理嘅男店員同門口帶位個姐姐係有笑容同服務殷勤之外..其他姐姐都....😅最終我地全部都選擇同一個餐 - 北海丼總共有10款刺身..滿足哂我地咩都想試嘅心理同事另外點左個枝豆枝豆好快就到左, 顏色翠綠上面怖滿幼鹽..粒粒飽滿~~等左大概十分鐘我地個餐黎喇!!先由沙律開始, 沙律菜好新鮮,套餐落沙律醋而唔係麻醬可以增加胃口終於開始刺身飯..的確新鮮..醋飯同外間食到嘅唔同..原來係赤醋飯刺身新鮮到根本唔多需要醬油同Wasabi..當魚生掂到吞頭個一下..個種新鮮感完全令我好想日本人咁驚呼一聲ehhhhhhhhhhh平時唔多食蝦頭嘅我..見到同事食所以都作出

我們一行四人星期天晚上6:30試($388+加一)半放題餐、但只有19款壽司及手卷供選擇、食品質量一般、等了很久才出單及很多款也冇……環境燈光較暗下差不多幾次睡著了……冇下次

是日在合和同朋友上完堂出來，大家異口同聲說不如一起吃個飯才各自各回公司。是日對食，我沒有什麼意是，直接由朋友帶路。結果，我們來到了 QRE Plaza 登樓入室去找食肆。我們在樓下的水牌看了一會兒，朋友記起上次來的是《木槇料理》。咁，我們就一起來，每人一份午市定食。 皇后大道東的中午，幾乎所有食肆，不論貴或平，都是充滿著人群的。我們來到《木槇料理》，沒有訂位，店方需要看一看，想一想才安排到我們坐在 sushi bar 上。幸好是早來，不然，一係就是被拒之門外，一係就是要在門口耐心等候。《木槇料理》的午市其實好簡單，就是只供應定食。我們兩個人，就簡單地一人一份啊。朋友試了一個色彩繽紛的北海道三色刺身飯定食，有一個魚生飯，有一碗烏東，蒸蛋同沙律。就此看得出，這兒的定食是十分之豐富的。 蒸蛋，我沒有食但已感覺到這一杯蛋是非常之香滑的。不評味道了，因為這是朋友的餐，只可以說，這一個蒸蛋很香。 三色刺身飯，用色彩繽紛來形容一定沒有錯。有魚子，有鮮味的海膽，有新鮮的蟹柳。色彩豐富，味道豐富。是一個很有水準的魚生飯。 我本人就不太喜歡魚生飯，嫌佢凍冰冰。但這一個定食，加了一個湯烏東，吃下之後，令身體

今日同事一行10人book位食lunch，早一日book定位，餐廳仲fax咗個lunch set定食menu俾我地添，服務唔錯😊都幾多款選擇架，雖然價錢有返咁上下，但相對份量亦足料，味道真係唔錯，我地一行10人嘅feedback都係好味😋＆好飽😆我試咗個鍋燒海鮮烏冬定食，有salad、前菜茄子、味噌湯、鍋物、餐飲（奶茶、咖啡嗰D），成鍋拎黎熱辣辣出緊煙，烏冬有咬口，鍋物湯底清甜，海鮮唔似係急凍海鮮。總結係我會想再去食😍

午餐價錢表面不變，無咗頭盤的刺生，又無餐後雪糕糯米糍，變相加價！本來午餐價錢已經唔平，$208安格斯牛午餐，更覺唔抵！倒不如正正加價，維持食物份量，明買明賣好過啦！上得去食既食客，唔係抱住大件夾抵食心態，係份量與質素。

三人行。不過我淨係影左自己碟壽司。價錢OK食物望落去都好靚好GRAND好吸引。不過唔知係咪我本身淨係鍾意食三文魚，學得其他幾件魚食落去好漏，好油lum lum咁。另外想讚一讚碗麵匙湯好好飲。慶祝生日佢地準備左個SORBET寫埋名，SORBET味道鮮甜。

The restaurant was a bit slow given a weekend. While I enjoyed the freshness, playing and taste of the omakase I ordered, service was quite slow. There were only 5 tables there and I had to wait quite a bit in between courses. I also overheard the waitress telling another table they would have to wait an hour for their hot pot order which sounded odd since there’s no cooking involved.

我胃口唔太好，本來想散叫，食啲刺身拼盤，飲吓酒，都好滿足啊。但係女友人話要食多啲，又唔想咁煩諗啲乜，就叫二人前啦。QRE 呢邊夜晚比較清淨，咁就啱我，太嘈就影響食慾丫嘛。先嚟杯梅酒飲吓，醒一醒胃先。和風野菜沙律，蔬菜好新鮮架，但係我嫌佢地好少沙律醬汁啫。瞬間燻製三文魚，因為我拍咗片影住啲煙出，所以冇相。三文魚好嫩，好香煙味呀。枝豆女友人叫，暖暖地又有啲鹽喺面，佐酒一流。鹽燒鯖魚，鹽好均勻分布喺鯖魚上面，肉質結實，皮香。鮪魚壽司盛，手卷同軍艦都係鮪魚蓉，壽司就係一塊厚厚嘅鮪魚，都好食架。鐵板厚切牛舌，牛舌好厚好嫩，個汁夠嘢未。大蜆味噌湯，可能食得太多味濃嘅嘢，感覺個湯好清，但都有少甜。海膽沙飯，普普通通啦。杏汁豆腐，好滑好香杏味，抹茶奶凍就冇咁滑但都有抹茶香，睇自己鍾意啦。

有好多人問有邊間餐廳，又好食環境又好，同女朋友去食或者同老婆，慶祝什麼什麼週年嘅靚餐廳，我會介紹的一間日本餐廳，因為佢超級超級超級好食，除咗好食之外環境非常之靚喺灣仔合和中心對面，一間高層嘅食肆，環境佈置美麗之外入到去仲有一種非常放鬆同埋高貴嘅裝修，除咗裝修之外，當然要講下食物嘅質素啦今次我叫咗一個海膽丼，前點有海膽黑松露燉蛋，另外加多一個燒牛脷，先講下前點嘅海膽黑松露燉蛋 海膽黑松露燉蛋黑松露非常之鄉海膽新鮮度簡直用唔到一般嘅形容詞，去形容呢一種新鮮嘅程度，向來對燉蛋一般嘅我，不用五分鐘已經成個燉蛋食曬證明佢非常好食 另外叫多咗個前菜燒牛脷，燒牛脷非常之香牛口味亦都非常重，牛舌香滑嘅程度，好似食緊炆牛腩一樣，我夠膽講呢個燒牛脷毫無挑剔之處 主食系海膽丼，大大舊海膽一片一片裝滿喺度盤上，叫套餐仲可以有沙律，中華海蜇同埋麵豉湯，其他嘢可以唔講，但個海膽大家一定要試下，靚嘅海膽係真係可以成塊咁擺落口，一啲容嘅感覺都冇，而且入口即溶鮮甜到不得了 一間環境又好食物又好嘅餐廳喺香港地，真係唔多選擇，我建議大家有時間可以去多幾次

朋友今晚帶我去間距試過好正嘅日本料理餐廳，據說食材新鮮嫩滑，睇左餐牌我都係覺得有唔同刺身嘅北海丼最適合我，岩好件件都係我喜歡的刺身，特別係海膽，好新鮮，肥厚，超級好味，牡丹蝦好鮮甜，夠曬彈牙，中鮪魚腩，爽滑，鮮甜，係新鮮才有呢個口感和味道，葉松蟹肉，係岩好熟左嘅蟹肉再人手起絲，真係啖啖珍貴，彈牙爽口，正吖，帆立貝好甜，好有嚼頭，配合日本米一齊食，超級正，都係非常有嚼頭的，好味，三文魚都係一D雪味都無，好新鮮，肥美，半肥瘦，令到肉質更滑，口感更佳厚切燒牛舌都係我的最愛，同出面唔同嘅係，距用左唔同部位的牛舌，每個口感不一樣，但係厚薄岩岩好，好有嚼頭，最主要它不是急凍牛舌，呢個無雪味，好濃厚嘅牛味，食左非常有滿足感，好幸福甜品我揀左好正嘅抹茶奶凍，平滑奶凍上面有奢侈嘅金箔點綴，比藝術還藝術，真係好正，每啖都有濃厚嘅抹茶味，奶味也岩岩好，好濃稠，有一粒紅豆都係非常絕配，整體甜度都岩岩好今晚真係渡過左一個難忘的晚餐，所有野都非常好，精緻👍

新鮮魚生， 新鮮的帶子，肥美鰻魚飯及醬汁，二人餐中的拖羅很好吃，很有驚喜。 還有就是他們的雞泡魚乾，非常juicy。這是第一次到這間日本餐廳吃飯，店員非常細心。 我們只叫了兩個二人餐+二個飯，店員也為我們額外免費加了大蜆味噌湯及甜品。 在用餐的過程中，店員也有為我們不斷加水，非常貼心。這裏有日本師傅即場為客人準備及安排刺身的選擇， 看到有很多日本及內地男士到這裏享受刺身及其他日本美食。 希望很快便能再到這間餐廳用餐。

雖然早前有數間以滿滿的海膽或魚生鋪滿丼飯上而跑出的丼店，它們都以平價和海量的魚生作賣點，但在朋友的facebook知道事實大都不似預期，價錢不如想像中便宜，份量亦沒有預計中滿瀉。坦白說，出來做過生意就明白，人工鋪租樣樣貴，又點會有咁大隻蛤蜊隨街跳，始終一分錢一分貨，所以花在吃的我絕不吝嗇，不一定要魚翅撈飯，但起碼我不會只單純看見價錢平就狗衝。＊＊＊＊＊＊＊＊＊＊＊說了一大段開場白，是因為要分享以下的食店。木槇料理走中高檔路線，餐廳空間感十足，座位寬敞舒適，裝潢雖然有別於一貫日式餐館用淺木色做主色，但卻予人一種簡潔有格調的感覺。木槇有套餐有點點，晚市套餐平均三百元一個，有丼飯亦有豬牛魚定食。木槇極上刺身丼定食($368)收得你三百多元一個刺身丼定食，木槇亦交足功課，丼飯上有近十款不同魚生，全部都光澤度十足感覺非常新鮮，另外還和風有沙律、前菜和味噌湯。沙律菜爽脆，車厘茄爆汁，昏單加點醋汁已經好吃。前菜是帆立貝群邊，有嚼勁得來又不黏牙，味道甜甜辣辣幾惹味。味噌湯內有昆布，味道剛剛好不過鹹。丼飯被刺身完全覆蓋，有赤身、拖羅、三文魚籽、海膽、油甘魚、三文魚、帆立貝、甜蝦和玉子，全部都大大塊又厚切