木玥巷

營業中

休息中

突然很想食滷肉飯，便走進這家，裝潢格局舒服，座位不多，大概可以坐20至30人。打開餐牌滷肉飯竟然是由牛肉造成，還是安格斯。$88價錢偏貴的一個滷肉飯，飲品要另外加錢，心想試一下 。食物如圖，賣相不錯，有些新奇，有傳統的酸菜，變成韓式泡菜，一粒滷蛋，變成煎蛋，滷肉變成安格斯牛肉，所有東西一改傳統，但味道很合襯，可惜內心就是有一點空虛，很不真實，可能還是喜歡傳統的滷肉飯吧了。總結價錢偏貴，的一餐滷肉飯。

今次因為返屯門探屋企人，所以我地就去左一間位於屯門紅橋嘅木玥巷食飯👀佢晚市時段係開17:30嫁，所以佢無下午茶食嫁！首先，我哋叫左幾款餸菜，包括🌶️麻辣鴨血寬粉、🍎黑糖蘋果西打豬軟骨飯、🍜紅燒牛肉麵、🍗鹽酥雞湯麵，同埋🍹黃金水果茶。特別推薦係豬軟骨同牛肉，質感唔錯，入口即融，而且明顯好入味。我屋企人年齡比較大，唔可以食太硬嘅野，所以店員特登話幫我地簡淋少少嘅肉😋 而鹽酥雞湯麵都有驚喜，原來佢哋嘅湯底係用紅燒牛肉麵嘅湯底，味道實在太好喇！我平時勁怕食無味湯底👍 另外，黃金水果茶雖然味道較淡，但係有新鮮嘅菠蘿，飲得出佢哋對食材嘅用心。🍍食物嘅價格方面，我哋今次食完連加一就$414，對紅橋呢個地區嚟講，價格可能會高一啲，但係我哋覺得都可接受。💰再嚟就係餐廳嘅環境同服務方面，呢間餐廳嘅服務員態度良好，而且環境適合家庭聚餐，座位都好舒服，絕對適合一家大細一齊嚟食飯。👨‍👩‍👧‍👦總括嚟講，呢間餐廳係一間好適合一家大細一齊嚟嘅地方，食物質量都唔錯，價格略高但係可以接受。🌟🌟🌟🌟 如果佢哋能夠有得飲珍珠奶茶嘅話，就真係更加完美喇！🥤

同老公去咗屯門T park浸溫泉♨️雖然超遠，但可以relax一下🫶🏻參觀完又再黎呢間木玥巷，味道如一，仍然咁好味呀！去大西北一定要試試！🔸黯然銷魂安格斯滷肉飯(💰88)(8.5/10)呢個安格斯滷肉飯仲係咁好味！仍然係一種第二度無法食到嘅味道！🔸木玥鹽酥雞湯麵(💰78)(8/10)鹽酥雞出色，香脆可口，令人一粒接住一粒不停食，而且份量超多！點柚子汁就係好正！湯底濃郁。美中不足係佢嘅麵淋咗少少🤏🏻🔸木玥招牌水果茶(西柚)(+💰32)(7/10)🔸木玥黃金水果茶(鳳梨)(+💰32)(7/10)兩杯飲品嘅茶味不足，無想像中咁好飲🫣Overall評分: 8/10

✍︎︎🐮黯然銷魂安格斯滷肉飯🍚$88安格斯牛好淋好入味，濃濃嘅牛味令滷肉飯升為豪華版(⁎⁍̴̛ᴗ⁍̴̛⁎)同平時食嘅滷肉飯真係有分別仲要配上流心蛋汁撈埋一齊食更加有層次升華哂🥹🍎🐷黑糖蘋果豬軟骨湯新竹炊粉🍜 $70友人點嘅豬軟骨同樣出色味道酸酸甜甜 肉質一樣淋同好入味(´▽｀)🌹玫瑰可可鮮奶☕️••••••••••••••••••••••••••••••🔎木玥巷 屯門井財街7號力生大廈地下4-5號舖••••••••••••••••••••••••••••••

每次幫襯木玥巷都係外賣型式，這次就趁返娘家staycation 時，三婆孫坐低慢慢食！擔心要等位，於是來個early dinner，7點去到可以直接坐低✌🏻兩大一小點了：鹽酥雞飯 、牛肉麵 和三星蔥餅，對於細食(😆)的我們仨份量足夠有餘。婆婆跟小朋友都讚鹽酥雞粒好食，香脆可口，一粒接一粒食得好滿足，而且份量多到要我執手尾😆不過佢地就冇食到牛肉麵，果然嘴刁呢樣野係有遺傳😂紅燒牛肉麵是我每次都會點的項目，大大舊厚切牛炆得腍軟又入味一啲都唔靭，加埋淡淡的藥膳湯底，依舊保持到水準😋另外婆婆亦對三星蔥餡餅讚好，金黃香脆的外皮包裹著滿滿的三星蔥餡香口非常👍🏻- 木玥鹽酥雞飯 $76- 紅燒牛肉麵 $76- 宜蘭三星蔥餡餅 $38

揀左哩間餐廳食生日飯～ 想試很久了。沒有失望，很開心。 所有食物都相對出色明太子炒新竹米粉， 淡口味人士之選，好食安格斯魯肉飯， 口感不錯， 但其他更為出色豬軟骨飯～ 汁味濃郁， 肉質也很好， 水準之作飲品也很夠份量，雖然未至於話好好飲， 但是也不錯的鹽酥雞及小食拼盤也很不錯這餐十分滿足， 開心🥳

今次午餐去咗屯門紅橋食，去咗木玥巷食台灣菜。我地點咗一個蒲燒鰻魚飯，同一個紅燒牛肉麵，仲點咗一杯特飲(午市套餐+$28)。蒲燒鰻魚飯 $78鰻魚都幾大條，味道唔錯，如果燒汁多d仲好食。紅燒牛肉麵 $76牛肉好大塊，夠腍，麵有嚼勁，湯底濃郁，好食。

最近很想不停食台式食物，最掛著就係牛肉麵，而「木玥巷」想試好耐架啦，但假日次次行過都一定排隊👯‍♂️👯‍♀️難得今日晚市咁岩經過，見到唔駛排隊🌝立即食左先！！✏豬扒便當（$82）呢個豬扒便當上枱時真係「嘩」左一大聲，份量超級十足，絕對係大胃王之選😂豬扒個口感好鬆化，d炸粉唔會over左😈唔會搞到舊豬扒好粉，真係食到啖啖肉 🥩 至於飯方面，都唔會太淋太硬，口感適中，絕對唔會覺得好似擺咗好耐咁，呢個要 LIKE👍🏻👍🏻✏紅燒牛肉麵（$86）呢個牛肉麵，店主用到牛腱嘅部份，有3大舊牛腱，肉質非常淋！但因為本身有返咁上下厚度，所以唔會覺得食緊空氣咁😝至於牛肉麵，湯方面都當然好重要啦，呢個湯我自己就覺得偏甜味d, 就會太鹹 ，食完都唔會覺得油膩✏️鹽酥雞（$44）呢個鹽酥雞，我自己就覺得還好，份量就真係夠大啦，但係鹽酥嘅部份我就覺得缺少左啦，呢個鹽酥雞食得出冇左九層塔既部份，少咗一種香口嘅感覺，椒鹽嘅部份亦都缺少左，我會覺得呢個你普通嘅炸雞粒，如果你係想追求食鹽酥雞，就可能有啲小失望啦😜🌟 設有10% 服務費📍 店名：木玥巷 (屯門)📍地址：屯門井財街7號力生大廈地下4-5號舖

今晚去睇午夜場男朋友話可以食d野先去睇佢就帶咗我去平時佢成日幫襯嘅呢間台灣菜今晚竟然又唔洗點等位我order咗蘋果豬軟骨配湯麵湯底竟然喺牛肉麵嘅湯甜甜地配上豬軟骨其實好好餸飯多d不過豬軟骨嘅味道係好但唔係件件都淋而且有d柴咬唔開……係有dd失望而配菜個青瓜粒辣辣地幾好味而且好開胃另外再order咗鹽酥豬扒便當呢個就真係幾好味而且佢另外比咗個汁可以點甜甜地幾好味總括黎講不過不失係個豬軟骨希望可以改善一下

之前去過幾時都排哂大隊，諗住今日都係碰碰運氣，有得食就食，冇位就算，點知好好彩咁有兩個位。我地兩個人叫左牛肉麵，饅魚炒飯，鹽酥雞同鹽酥四季豆～～～～呢間既鹽酥四季豆真係食過返尋味！！好正！！ 外皮小酥脆，內有蔬菜汁同軟軟地，味道少少咸，睇得冇咩特別，但食落去就一條接一條，停唔到口。雖然佢既鹽酥四季豆好好食，相反鹽酥雞就冇咩特別啦，普普通通。而饅魚炒飯同埋牛肉麵都ok，牛肉都好淋，唔痴牙

🍗 木玥鹽酥雞飯 + 安格斯滷肉 𝖧𝖪𝖣𝟩𝟨+𝟣𝟧鹽酥雞必點 💓 水準同上次一樣皮脆內嫩 大大件 份量又多🤤配埋酸甜柚子汁 唔會太膩太熱氣今次跟餐加配安格斯滷肉 肥肉偏多不過肉汁 𝖩𝗎𝗂𝖼𝗒 送飯一流🍱 黯然銷魂安格斯滷肉飯 𝖧𝖪𝖣𝟪𝟪安格斯牛肉充滿滷肉味～肉質嫩滑半肥瘦口感 🍖 珍珠米滲透滷肉汁果然係每次必點主食！❤️加埋一隻太陽蛋 撈飯一流🍢 台式炸物拼盤 𝖧𝖪𝖣𝟫𝟦厚切地瓜條 岩岩炸起 外脆內軟配埋酸梅粉 🍠 酸微微 好開胃鹽酥雞翼 炸到太乾身花枝丸 🍥 少少淮鹽 咬落十分彈牙仲有甜不辣 口感煙韌🍹 木玥招牌水果茶 (跟主食餐牌+$𝟥𝟤)必叫水果茶 🍎🍊🍋 🍉 西柚味主打酸酸甜甜 解渴解膩～ 食咁多油炸野都唔怕🍾 木玥黃金水果茶 (跟主食餐牌+$𝟥𝟤)相比下比較遜色 🍍 菠蘿味好淡感覺似飲咁一杯有菠蘿味既甜水🫠不過整體嚟講 食物質素都高💓而且係屯門區內真係數一數二出色既台灣菜可以令 👧🏽 再去幫襯其實佢地元朗都有分店～不妨一試 💛-𝖳𝖺𝗌𝗍𝖾 ♥︎♥︎♥︎♥︎♡𝖲𝖾𝗋𝗏𝗂𝖼𝖾 ♥︎♥︎♥︎♡♡𝖣𝖾𝖼𝗈𝗋 ♥︎♥︎♥︎♥︎♥︎♡𝖧𝗒𝗀𝗂𝖾𝗇 ♥︎♥︎♥︎♥︎♡𝖢 / 𝖯 ♥︎♥︎♥︎♥︎♡

嚟到屯門一定要試吓出名嘅台灣餐廳 - 木玥巷蒲燒饅魚飯 $78賣相唔錯，望落幾豐盛。饅魚燒汁配飯一流鍾意食饅魚嘅朋友可以一試！紅燒牛肉麵 $76咬咗啖牛肉覺得好厚好juicy係食過最好食嘅牛肉麵！就連白菜同蘿蔔都好鮮甜，雖然價錢比一般台灣餐廳貴少少，但個人覺得味道值呢個價錢，味道一定比高分木玥招牌水果茶水果茶好大杯，好彩只係嗌咗一杯同朋友share飲落覺得好清爽好fresh，大大杯又好飲!味道：9/10, 值得一試

今日入屯門搵食，黎咗好多人推介嘅木玥巷。果然無令我失望😋我哋食咗最多人推薦嘅兩款食物，真係幾出色喎！🔸紅燒牛肉麵(💰76)(8.5/10)啖湯有濃濃嘅牛肉同淡淡嘅藥材味，幾塊牛肉又厚又大塊，炆得好淋，好易咬開，仲有肉汁，好入味，紅白蘿蔔亦都好淋好多汁！唯一要挑剔係麵條有啲啲軟身，如果硬返啲會好啲。配菜有炸蒜、酸菜、青瓜，全部都好啱送麵！正！🔸 黯然銷魂安格斯滷肉飯(💰78)(8.5/10)滷肉飯真係好好味，安格斯夠淋夠入味，嗰隻醬汁雖然係滷肉飯嘅味道，但係一種出面食唔到嘅味道。真係好味道啊🤤但隻煎蛋太熟了，如果流心就更好！不過隻蛋都煎得幾脆👍🏻🔸台式焦糖咖啡(+💰28)(7.5/10)焦糖味幾香👍🏻呢度除咗食物好味，招呼仲幾好。如果我住近啲，一定會成日幫襯！🤭Overall評分: 8.5/10

好耐之前食過，忘記影相，但想紀錄下感想個次2個大人1個小朋友，叫左d小食，雞粒，芝士年糕同蕃薯條，另外2個主食，好似係叫紅燒肉飯同個一個麵既，仲有幾杯飲品，叫左咩野飲已經唔記得，但記得唔好飲，小食都算好食既，但只係炸野冇咩技術可言，蕃薯條個味淡左d，記得個紅燒肉飯（記唔清個名），唔夠入味員工唔太主動，唔醒目，好似有個男士（似係主管或老闆）就好主動醒目。食到尾有暗示我地埋單，我明白呢樣情有可原既，畢竟舖細枱少一般而言，成日見佢排隊（可能食飯時間），又唔覺得值得排，非繁忙時間黎就ok

鍾情台灣美食嘅朋友仔一定要試一試木玥巷，唔會令你失望！今日午餐同朋友食咗以下3款，全部都真係好好味👍🏻紅燒牛肉麵$82先飲淡湯，湯底有淡淡嘅藥材味，麵條好有咬口，牛肉有4大塊好足料，炆得好腍，白蘿蔔、紅蘿蔔都好香甜！黯然銷魂安格斯滷肉飯$85滷肉飯食得多，多數都係豬肉嘅，呢間嘅滷肉用咗安格斯牛肉，好特別！肉碎連蛋汁撈飯一齊食，真係無得頂！木玥鹽酥雞飯$68鹽酥雞真係好出色，炸得非常之香脆，份量俾得勁多！😋