木衛二鑄茶所 (怡和街) (已結業)

相信大家都識咩係黃店，今次黎到銅鑼灣又行到累當然要飲杯野木衛二係好出名既黃店當然張懲罰下，出一分力佢做過既黃事就唔方便呢到講，咁就介紹佢個店面先，真係好金黃💛係店鋪隔離有個小corner貼滿哂memo紙既連儂牆 ，等飲品個陣可以睇下，睇完都會好正能量💛而且呢到既文直真係好update，提提大家最更新既活動呢到仲有大量既文宣貼紙拎，等飲品個陣可以睇下最重點一提呢個，記得拎定垃圾黎，原因不解釋小編係芝士奶蓋迷，當然要試下呢到既奶霜，有幾款茶底可以選，叫佢推介觀音就一於試下奶霜姐係芝士奶蓋，奶蓋打得好滑同好夠鹹香但就略嫌甜左少少（已叫微糖）咁個茶底係香茶味同幾純，而且帶有觀音既少少苦澀味，中和一下奶蓋既甜味總括黎講：呢間黃店絕對值得黎支持下，大家記得繼續支持黃色經濟圈

木衛二系出名的黃店 去到銅鑼灣梗系懲罰下佢🤘🏻 第一次飲左泰戈爾冰茶 其實即系蜜漬鮮檸青檸藍伯爵冰茶🤔 好長的名 但其實我吾覺有咩太特別 有小小似凍檸茶的feel😂 佢的茶底都幾濃 而底就應該系蜜漬檸檬 所以有小小漸層😌 同埋我叫左小甜 但我都系覺得有啲甜🤧 $39就覺得吾系好值🤭 另一次去左飲奶霜觀音 即系芝士奶蓋茶😬 茶底吾會太甜 入口幾純👍🏻 奶蓋亦夠鹹香 但略嫌有啲太甜 最吾好的系個奶蓋打得吾夠滑 有好多粒狀 令佢吾可以同啲茶完全混埋🤢 所以整體就一般啦 係銅鑼灣會有更多選擇😶

雖然已經11 月尾除咗早晚有啲涼意之外下午時分都仲係好熱都仲係好適合周圍買啲正茶飲下成日行銅鑼灣就緊係要幫襯下啲黃店支持支持奶霜觀音$32奶蓋味唔太喊配茶岩岩好茶香奶滑下次再試埋啲果茶先好店要一飲再飲

已經飲過呢間幾次，因為個味同裝修都好吸引。呢個奶茶加埋個背景係影得幾靚，不過覺得呢杯既奶相對有啲水狀，茶澀味唔夠，可能同少甜都有關係。整體覺得還好，經過買就好，唔會特登飲。

好熱鬧的店不斷有人來光顧店內到處貼滿了memo.- 藍伯爵茶那堤 $29其實即是earl grey latte點了少甜走冰不算太甜伯爵茶的味道也挺突出而且奶味不會太重可以再來懲罰一下那個泰晤士也挺吸引的

-銅鑼灣怡和街真係有好多間飲品店可以揀。瘦編聽過有朋友話佢每次都係揀木衛二鑄茶所，今次等我買翻杯試下先。😍-我揀左熱嘅藍伯爵茶那堤配茶香珍珠。店員服務好好，好細心會叫我小心熱。依杯藍伯爵茶茶葉來自斯里蘭卡，再用100%全脂鮮奶沖製而成，茶味好濃郁，配埋茶香珍珠，如果平時鐘意飲茶嘅人士，一定好岩飲。💪🏿-當然重點係黃店，店裏面已經有一幅連儂牆寫滿大家嘅訴求，一齊懲罰黃店，你嘅消費代表住你嘅價值。🥰-味道評分▶️🌕🌕🌕🌕🌑 (4)抵食評分▶️️🌕🌕🌕🌕🌑 (4)回購評分▶️️️🌕🌕🌕🌕🌗 (4.5)-➡️木衛二鑄茶所 (銅鑼灣)📍銅鑼灣怡和街22號地下3號舖-

大概是因為用APP點外賣的人超級多，看見大部份都是外賣拿走了。極黑濃奶茶 ♥♥♥♥原本以為是濃茶口味，接過來才知道是指黑糖。看餐牌的"冰塊"圖示，點的這款就是冰沙限定。飲了幾口還是覺得水水的，只好脫了蓋子把整杯再拌好，上面的黑糖當然也一起抖均，連顏色也有點不一樣了。間中會吃到沒融化的黑糖小顆粒，雖然甜了一點，但我覺得這部份最有驚喜和特色。最最最最最重要的事情就是，沒有事先點好餐的話，等待的時間可以非常漫長，至少比起其他同類型店舖來說是這樣沒錯。

手搖飲品店在香港愈開愈多 ... 單在銅鑼灣怡和街就已經有3間以上而且大多以黑糖珍珠鮮奶作為招牌。但我最近飲的這間則是以茗茶為主~同時亦有加了「珍珠」的飲品 (๑´ㅂ`๑)‎選擇來說不算特別多，但也足夠苦惱一番 (笑)因為逛街逛得又累又熱，於是便選冰沙限定的飲品！極黑濃奶茶 ($38) - 其中的黑是指「黑糖」。整杯有著濃郁的紅茶奶香，再加上甜度適中的黑糖剛剛好不過飲之前記得要先好好攪勻一下喔除了味道不錯外，個人很喜歡那些碎冰~喝起來有透心涼的感覺！不過 .... 原以為等的人不是很多應該好快 ... 誰知等了30分鐘才拿到我杯飲品 Orz 建議大家使用外賣自取app先下單 ... 

銅鑼灣怡和街勁多珍奶小店，今次試住呢間先 LOL 其實係扮靚，畀佢門面吸引左入去！！！翡翠綠奶茶 $25 另外加珍珠 +$3 (我叫左走糖少奶....)應該唔係鮮奶（飲唔出係哈哈），佢都冇指明可以選擇／轉鮮奶（美中不足）不過佢係我飲過咁多間珍奶店，最濃茶底嘅鋪頭 !!!!! *心心眼*超濃超香綠茶底味 wooooow....我覺得好正，唔會得個奶味同甜字！而且佢D bubbles 都有兩款可以選擇，我揀左茶味珍珠，又食唔出珍珠有茶味哈哈不過compare to 焦糖味珍珠，應該會無咁甜同重口味：）佢重有Ｄ小擺設，係可以畀你聞你ORDER既茶底係咩味，好細心呀～～～～～

好多良心店係呢條街，今日一次過懲罰兩間😀✌🏻🔸鐵觀音奶茶 加蜜香珍珠 $28🔹藍伯爵奶茶 加茶香珍珠 $30鐵觀音奶茶嘅茶味突出，我曬完成日冇乜胃口但佢又清清地都幾啱飲，珍珠好煙韌，不過就冇乜甜味。藍伯爵奶茶個味濃厚啲亦都甜啲，飲完唔太解渴但味道ok，茶香珍珠真係有淡淡茶味！門口勁多人，落單好快落到，但等飲品就等咗將近半個鐘，冇計啦呢排太受香港人歡迎啦，鋪頭有好多memo紙同postcard可以慢慢睇所以等下都ok嘅，可再飲～/木衛二鑄茶所銅鑼灣怡和街22號地下3號舖

📍位置： 老虎堂 幸福堂嗰條街🚸推薦：藍伯爵奶茶  蜜香珍珠  少甜⚜️——————————————————-🉐🉐🉐茶味好香啊！手足推介之下 第一次試呢間黃店以前老虎堂 幸福堂當道 就算經過 木衛二鑄茶所 都唔會望個menu 發現menu好多野都好想試 (再去再去!)———————————————————店員好好 提我要唔少少甜 i love you!💕 茶味極香 較少香港飲到呢隻伯爵茶香珍珠好食有咬口又唔太甜整體黎講杯野100分 鋪面好靚呀——————————————————黃店必懲罰 好有心思有埋postcard免費比人拎香港人 永不放棄

🔅銅鑼灣♾木衛二鑄茶所🔅🔸銅鑼灣怡和街22號地下3號舖飲奶茶都要揀黃店！！💛💛特登行過幾條街去幫襯感覺比錢都比得爽手d其實之前想試好耐 不過都唔行經 現家唔經都要去🍹泰晤士 24HKD呢款係重果香多d最大分別係佢既茶澀冇咁重食飽飯你會想來一杯解解膩果種整體既伯爵茶香都好出眾🥰冇奶茶既茶式飲起來更無負擔🍹藍伯爵＋鐵觀音茶凍 24HKD+5HKD呢款花香會更突出我純粹想試一下個茶凍 就搭埋佢事實係個茶凍微甜 茶味要到喉嚨先有回甘(我其實更愛一點點既咖啡凍🥺不過呢款茶澀味會比較出色更加解濟 可以跟返個人愛好來揀呢間入到去見到大大既連儂牆 好親切💛嘆住飲杯奶茶再繼續抗爭

今次介紹呢間良心店位於銅鑼灣，自己都第二次飲佢。場內有連儂牆比香港人寫心聲，仲有啲抗爭運動嘅相片。我哋叫咗香港限定嘅奶霜奶茶（鐵觀音茶底），少甜走冰。佢係將奶茶同拉過呢兩樣牛頭唔搭馬嘴嘅嘢合二為一😱，奶蓋味帶少少鹹，成杯野走冰嘅關係所以奶茶味都幾突出，幾有驚喜，如果加埋珍珠就再正啲～飲完都幾飽肚，大力支持香港人嘅小店啊💪🏻💪🏻💛💛唔好飲隔離啲🐯啦👹👹-奶霜奶茶 | $37-木衛二鑄茶所銅鑼灣怡和街22號地下3號舖

平時少飲手調飲品，因爲好多都好甜。一次random經過就試下，實在令人驚喜。飲品不甜，茶味夠濃夠香。jelly都係茶味的。已經光顧左三次，支持，老闆又好人！讚呀！

//木衛二 香港鑄茶所 木衛紅茶配茶香珍珠 $28半糖 少冰.今次叫左既系招牌木衛紅奶茶⭐ 叫左半糖少冰有點太淡無咩甜味 下次應該要叫番正常糖😤 個奶味不錯都幾順幾滑 但感覺似奶粉味🍼 茶味都香既 用既系斯里蘭卡經炭培既阿薩姆紅茶 都幾香口幾有茶味🍵 但整體來講個奶味就出左少少有點蓋過左隻茶😭.而佢都有兩個味道既珍珠選擇 今次試左茶香珍珠 佢話系用黑糖同茶枝製作而成既 淨系咬珍珠都試到有淡淡既茶味 但系佢無咩甜味更加無黑糖味 所以其實同奶茶一陣飲既時候佢基本上系無咩味既🤔 下次可以試下蜜香珍珠可能會正d🤤 但系佢口感幾好 好煙韌好有咬口但系又吾膠又吾痴牙👍🏽.overall 來講🌕🌕🌕🌗🌑(3.5/5) .木衛二木衛紅奶茶配茶香珍珠 $28📣銅鑼灣怡和街22號地下3號鋪