札幌拉麵屋 (已結業)

Just moved to Olympic city and tried this restaruant. It is to my suprise that this resatuarnt is actually quite good! Two person ordered Fried onion pork rice set , Kimchi noodle and japnese style fried chicken. The noodle is good, taste like those in Japan. The meat is very tender .The rice set comes with salad and the things we like the most is they put mayonaise on the side of the veggie. We spent $170 for two people, which is very reasonalbe to have such good quality food.

我和老婆各自點了豬軟骨拉麵及海鮮沙律冷麵拉麵湯底味不夠 豬軟骨選料亦肥肉過多 如果要付錢不如在家煮個出前一丁冷麵本身賣相不錯 但放入口就好鹹好鹹不合格 盡可能不要打"札幌"這招牌

今日開始打風...所以冇煮飯...同老公去左奧海城行街...想食日本餐...之後就去搵野食...行到有幾間日本餐果層...揀下邊間好..點知行到入去最尾有間叫(札幌拉麵屋) 入面主打係拉麵...平時我都唔多鐘意食麵..何況拉麵...但係老公話想試下...之後我地2個就入左去...地方都唔錯...幾光..但係拉麵只係有2個後生仔煮..心諗會唔會好差..點知有意外收獲....D侍應服務都OK成日都有人加茶...坐低左之後就叫左個2人餐..都幾低食..叫左2個蟹肉拉麵同埋3個小食(日本番茄,餃子,海鮮沙拉)拉麵真係同平時係味X食果D唔同..個湯都幾香...D料都唔少..D小食全部都唔差...新鮮.......食到飽飽之後同老公繼續行街街嚕....老公話下次都會再去食過....唔知下次會唔會一樣咁好食呢...期待~

見佢新舖開張，從裝修上看都頗專業，尤其用上open kitchen，師傅想必有一定水準，跟男朋友和Auntie一行三人點了兩個湯麵＆一個咖哩飯。點知先來的兩款湯麵連Food Court（＄３０－＄４０）的水平也沒有，味道差且份量少，大大的湯碗只有半滿，而且盛惠＄６０（未計加一），大家心裡已預了無下次，可是男朋友叫的咖哩吉列豬扒飯更誇張，簡直不像樣，水冷冷，咖哩汁稀得呈半透明狀，連即食包都會好味十倍，吉列豬扒就皮同肉分開，後悔當時太嬲無心情，沒有拍低證據。雖然已經將間餐廳判了死刑，但係Auntie都忍不住叫了經理過來，同佢講食物的質素真的太差，尤其咖哩飯實在連飯盒質素都冇，誰知經理妙問妙答，竟敢說咖哩汁之所以水冷冷係師傅秘製醬汁, Orz，聽到客人投訴仲可以了無歉疚，服務亦可謂零（但當日只有數臺客人卻企著四個侍應打牙臼），好想訪問下麵店的師傅，究竟識唔識煮日本拉麵同咖哩飯，我真係未食過咁難食的拉麵同咖哩飯呢

某次跟太太在奧海城閒逛，看到這間新的拉麵店。當見到她名叫"札幌"的時候，還以為是一向心儀的IFC Sapporo在這裡開了分店。其後再打聽一下，原來這兒是跟太座公司舊址北角札幌拉麵屋之旁支才對....印象記得水準是不太差的，就找了個下午來看看她的拉麵水平又如何....新店的裝修當然比老店更光猛企理，店的size也是大了一倍有多，令人坐得很舒適.....店內的掛頭牌之作當然是加入了北海道牛油的义燒拉麵，不過以現時的天氣而言，要點吃這個實在是有些"攞苦嚟辛"，還是叫一份海鮮冷麵比較穩妥....這兒的拉麵號稱是用上西山的。但看見麵條樣子呈鬈曲狀，入口是極煙韌彈牙，可見是所言非虛。對小弟來講，有了出色的麵條作底，這碗東西已是差極也有個譜的。海鮮配料有的是蝦、八爪魚粒及蟹柳條，蝦肉不霉算是鮮甜；八爪魚尚算軟熟；蟹柳當然沒有甚麼好評。再加有大量的菜蔬如生菜絲、青瓜絲、紅薑絲及紫菜絲及一個調得帶酸的拉麵汁，所有東西同放入一個雪得冰凍的玻璃的容器上，的確是吃得透心涼之極....日式餃子最重要是豬肉餡內的蒜味要夠重，這兒的就有所不足了底部煎得有些過焦，但也不至於入不了口。這一道餃子，實有改善之必要...

帶住兩隻小魔怪行街遊樂超攰,老公怕我辛苦,就提議去奧海城食壽司!見到熟識既名字,心諗未必係佢,我老公排隊等位食壽司,我就去八卦吓!賣既食物款式都一樣真係抄到咁足?!呢個時候,我見到兩個熟識既面孔,北角札幌拉麵既師傅!真係佢地呀!見仲有位,即刻話俾老公知,一家4口去食拉麵,是也!地方比北角大好多,就算我有BB車都唔怕阻到人,我地叫左一個2人餐(兩碗拉麵+3個小食)同炸雞定食,小食揀左燒賣,凍蕃茄同南瓜薯餅,燒賣同薯餅都係自家製作,兩大塊薯餅凍左個皮仲係脆!唔會好似其他假日本食店求其買D雪藏野整熱就算!我既蔥拉麵同叫俾亞仔既蟹肉拉麵依舊有水準!老公既炸雞定食,炸雞亦外脆肉嫩!待應靚姐同師傅見到我地都好開心,佢地O係北角一直係家庭式經營,冇諗到新鋪會見到D熟客,師傅仲專登出黎同我地打招呼!黎緊想搵個舒適地方食拉麵唔駛再過海啦!

睇完戲搵地方開餐. 見呢間店新開. 又唔使等位 (金滿庭仍然排長龍). 就入去試一試...叫蟹腳拉麵, 牛舌, 豬軟骨拉麵, 炒雜菜……拉麵價碼都唔平, 唸住都會有一定的水隼蟹腳拉麵一來, 即試…wa, 湯唔好, 蟹肉冇味, 拉麵是普通supermarket買到一樣…失望!!!牛舌來啦, wa…又簿, 簿都不要緊, 咁簿都咬不開! 豬軟骨拉麵…咁間單都可以差過味千…係冇辦法….唔想再寫下去……只想講, 有choice話, 千萬不要試!!!!

自從呢間拉麵店在奧海二期開張後，一直都未有幫襯過。呢日終於一試，看看它的水準如何，可惜......這次幫襯，叫了兩個1+1+1套餐，即係一個拉麵 + 一個飯或小吃 + 一杯汽水。第一個拉麵係牛油拉麵，雖然呢個麵的確有塊牛油舖在麵上，但係撈勻之後，個湯底仍然係淡得很，毫無濃郁的牛油濃香味道。配料雖然有不少粟米，但叉燒只得「一大塊」，而且切得頗薄，肥肉也偏多，水準偏低。另一個蟹柳拉麵雖然較多蟹柳，但係個湯底同樣是淡而寡味，未能合乎一個好湯底的要求。（個湯底比上星期在圓方吃過的另一間拉麵店差多了！）至於個細滑蛋豬扒飯水準只是一般，不過不失，個炸雞翼賣相都不錯，只是味道偏鹹了點，尚可一試。一句到尾，如果想吃正宗的日本拉麵，比這店做更得好的應該有不少呢！

日期：2009-07-14 在"札幌拉麵屋"(奧海城分店)買了"牛油拉麵"($54)。拉麵和湯是分開盛載的，本身那塊牛油已經溶化，相中那塊牛油是自行加上的。牛油拉麵------內有拉麵、日式叉燒、蔥花、筍片、昆布、芽菜、粟米、牛油和味噌湯。湯頭味噌味香濃，帶點酒味，鹹味頗重，牛油味略淡。拉麵麵質偏腍，彈性不足。日式叉燒肥瘦比例適中，肉質嫩腍。整體水準不俗，不過拉麵份量實在太少，不夠飽肚。

琴晚就來試下呢間拉麵舖， 只係叫左長蔥拉麵，叉燒拉麵同埋一個mini咖哩飯。 賣相都OK， 不過一試個湯底就發覺唔係好有味， 我覺得應該係豬骨湯底吧， 但係唔多夠味啦。 而且長蔥拉麵裡面得一塊叉燒。 又無紫菜！ 叉燒拉麵個湯底一樣， 但係D叉燒都幾好！ 咖哩飯就一般啦， 叫做OK既。 因為得兩個人，所以無叫其他食物。 唔知道味道如何， 不過就拉麵來說， 我想都係横綱拉麵好味得多！！ 最後一提，waiter 既service唔錯，因為o個到D杯比較細隻， 所以見到waiter常常行來行去幫客人添茶，同賣D茶係元米茶！

發覺近排我對拉麵十分有興趣今天經過大角咀 的 札幌拉麵屋試試呢度嘅拉麵叫了個豬軟骨拉麵..果然唔錯.. 爽口.. 湯十分鮮甜..料夠足..

今日收工約左幾個fd食飯,諗諗下就決定去奧海城,行行下見到有間應該新開既拉麵~見到個環境幾好,都好大...睇睇個Menu都ok呀,好多野食...不過當然主打係拉麵啦~~~咁我地4個人,叫左1個2人餐,有2個拉麵,3個小食,拉麵我就點左牛油拉麵同埋蟹肉拉麵,小食就點左海鮮沙律,吉列蝦,同埋雜錦串燒..咁再加多幾個小食,鹽燒牛舌,牛油帶子,燒鯖魚....我地幾個初初仲諗住唔夠食呀,不過叫住先啦~~嘩..拉麵d料都好多呀!我地2個人分一碗囉~都岩岩好,之後再黎個海鮮沙律....正!!!!!!!!!佢d汁好特別,我第一次食到,仲有個牛油帶子都好正呀!!!!!咁其他既都ok啦~~不過我d fd都話d野唔錯....下次試下黎食午餐先!!!!每人$100都唔洗就食左好多野.....好飽呀!!!!!!