朱敏記桑拿菜 (已結業)

成日都好想食下辣野, 朋友知我想食就帶我黎到土瓜灣呢邊覓食! 黎到真係覺得呢間餐廳認真唔錯! 呢度有好多唔同款式既菜式, 如果你係食辣既呢度都有好多選擇, 如果你係想食唔辣既, 都有好多俾你揀, 如果一大班人黎又要照顧唔同人唔同既口味, 呢度真係一流, 又唔駛擔心邊個唔食乜, 因為大家可以各叫一D 大家都中意既送再share~ 我地盲叫左水煮牛肉, 佢牛肉既份量好多, 辣味都岩哂我既胃口! 我地各自都撈左兩碗飯食! 真係好好味~ 入面D料都好多! 撈飯一流! 真係白飯都撈左兩碗🤣

同朋友去左間土瓜灣既農家菜食飯，餐廳好寬敞，坐得舒服，員工熱情友善，好有家的感覺！食左3樣野，韭菜豬紅好抵食，$70一大份，有好多豬紅，而且非常入味，我呢個豬紅殺手好滿意！仲嗌咗香辣孜然牛肉，$153，一上菜已聞到孜然味香噴噴，超好餸飯，唔會太油，我唔係好食得辣都ok呢種辣度，好惹味！最後嗌咗呢度出名嘅酸菜魚，$418一大條魚，夠幾個人食，有得揀辣定唔辣，我揀咗唔辣但都好好食，啲魚好滑好新鮮，又係送飯一流！

好耐無食大排檔了，今餐朋友帶路，我真係比較少去土瓜灣食嘢，估唔到呢度有間咁正嘅特色餐廳😳餐廳嘅選擇都好多，仲有好多鑊氣小炒，喺隔籬枱啲份量都好大碟，啱晒一大班朋友食❤️叫左成枱野食，潮式螄蚶，真係好耐無食，醬汁好加分‼️黑椒牛仔骨，啖啖肉又惹味，送飯一流‼️蒜蓉蒸蠔仔，蠔仔又幾有肉地，最緊要係啲汁夠哂鮮味又重口味‼️豬油渣炒蕃薯苗，真係第一次食豬油渣炒嘅嘢，原來係咁香咁好味😋難得咁好食，少少油膩都無所謂啦😂呢餐確係正呀！

一大班同事放工去食飯，呢間算係我哋嘅小飯堂😂真係想食咩有咩，菜式夠哂多元化，而且我哋食過好多次啦，老細同啲伙記都好熟，仲會坐低講兩句😝重點係啲食物，鑊氣重又夠味，足料之餘仲好好味，邊度搵呀😎我特別鍾意食呢度嘅脆皮豬手，咸雞，家鄉梅菜扣肉😳仲有佢哋嘅酥炸嘢😝用嚟送飯幾支大啤，夠晒香口😍其實咁嘅時候真係要支持下呢啲小店，人情味係好緊要架🥰大家經過開土瓜灣又想食大排檔丫，小炒王嘅風味，呢度一定啱晒你❣️

找尋美食是需要付出的不論是金錢或是腳程🤣這次到訪了位置稍偏遠的「朱敏記桑拿菜」✅脆深海魚皮🐟wasabi味的魚皮爽脆，咬落「嗦嗦聲」，喜歡濃厚芥末味的人會很喜歡✅加拿大象拔蚌刺身🍣很鮮甜，冰凍爽甜，冰涼又不膩 配酒一流👍🏻✅椒鹽鮮魷🦑香口的佐酒小食，魷魚吃得出是新鮮的，絲毫不韌，一口就可以咬斷，配以醋汁，很開胃✅炸牛仔粒🐮首次試炸牛仔粒，最令人難忘的除了牛仔粒的肉汁外，還有它的蒜蓉辣汁👍🏻😋✅涼拌皮蛋🥚很少吃這類皮蛋，皮蛋甘香柔滑，上面淋有脆脆的炸蒜和芝麻粒，很香口

試過清香豬手飯就覺得可以再去，朋友聚舊就即時想起朱敏記桑拿菜三五知己傾下計，一定係叫送酒小炒啤一啤香村土鴨湯份量好實在，鴨肉嫩滑好酥軟，湯清不油不膩，飲一啖就已經好温暖，夠哂滋陰養血，補中益氣，鐵板鮮蠔仔一上枱已經滋滋聲好吸引，蠔仔粒粒飽滿滑嘟嘟，一口一粒好滑嫩好滿足，調味做得好好好夠味辣子雞夠哂香口夠哂麻辣，食落好刺激好震撼，味道岩岩好，唔會過鹹搶味，食一口就已經停不到，送啤酒真係好掂大家好滿意，地鐵站行過黎算好方便，下次約埋再黎

朱敏記桑拿菜 (土瓜灣)喺土瓜灣附近收工約左朋友來朱敏記桑拿菜食晚餐佢哋嘅菜式選擇都好多有小炒類🔥、煲仔菜🍲、海鮮🦞、酸菜魚🐟、口水雞🐓都有得食我哋就叫咗避風塘麻辣鯇魚、水煮田雞、韭菜豬紅、同招牌紅蔥頭雞😍好豐富紅蔥頭雞真係好好味🤤主要係雞肉夠柔嫩又香紅蔥味😃超級惹味啊另外個幾款菜式都唔錯～。水煮田雞夠入味～好香辣～辣得過癮。避風塘麻辣鯇魚～第一次食～又香又麻～鯇魚份量好多🐟😍。韭菜豬紅～豬紅做到夠無腥味～入口滑溜整體來講～呢間小菜唔錯喔📍土瓜灣馬頭圍道103-105號新華大樓地舖

朱敏記桑拿菜📍土瓜灣馬頭圍道103-105號新華大樓地舖今晚又約左朋友來位於土瓜灣朱敏記桑拿菜食小炒👍🏻主要喜歡佢夠鑊氣～即叫即炒我一行2人叫左3款菜式～加埋白飯🍚人均 $150 左右～慢慢食～吹下水😁。朱敏記小炒王材料豐富～夠鑊氣蝦乾、鮮蝦、腰果、韭菜花、炸香魚仔🤭愈食愈惹味😁。鎮江排骨😁～入口酸酸甜甜～天氣禁熱～食落好醒胃👍🏻😁。黃金豆腐～好香口啊～ 份量唔小酥脆外皮包住軟滑豆腐～外脆內軟～好味道

今次與朋友們到朱敏記桑拿菜食晚飯🥢，位於土瓜灣馬頭圍道103-105號新華大樓地舖。 餐廳有地下和樓上， 當晚我們在樓上的房間內用膳， 八個人點了潮式螄蚶、 椒鹽回魚翅、 黑椒牛仔骨、手抓羊肉、 孜然鐵板羊肉、 酸菜魚、 金湯勾魂魚頭、 黃金魷魚、 台南炒花甲、藤椒鵝腸、 蒜蓉蒸蚝仔、 招牌必食鹹鵝、 椒鹽豆腐拼椒鹽白飯魚、 豬油渣炒蕃薯苗、 豬油渣炒通菜、 豆豉鯪魚炒油麥菜、 紅蔥頭雞、 凍檸茶、凍檸水、青島和藍妹。   食物質素都幾滿意，各款菜式偏重口味， 但比較失色的就是黑椒牛仔骨， 肉質偏硬，又沒有黑椒味道。 這裏的凍檸茶和凍檸水超大杯， 非常適合用來解渴啊！ 八個人用餐， 埋單$3751， 整體都幾滿意😊。 🏷️溫馨提示～ 整個用餐體驗均屬個人分享意見， 只作參考😊。

今日兩人試左朱敏記大排檔，位于土瓜灣馬頭圍道，兩個人食咗 水煮牛 紅蔥頭雞半隻 椰菜苗____🥩水煮牛：入邊加咗豆芽同薯粉，調味係香港算辣嘅，最上面用熱油澆咗乾辣椒粉同花椒上面，整體辣味突出，鹹淡適中。🐔紅蔥頭雞：雞肉嫩滑，紅蔥頭係大塊嘅，整體味道偏鹹小小，送飯無敵。🥬油渣椰菜苗：油渣脆口冇渣，炸油炸得算乾身嘅，d椰菜苗就係有咬口嘅椰菜苗，椰菜苗炒得偏鹹口，但係同個水煮牛一齊食，又係幾解辣。____👍🏾整體體驗都算唔錯，坐係最門口嘅細台，真係有路邊大排檔嘅感覺，一入門口就睇到老板娘嘅形象，同廣告燈牌一摸一樣，寫嘢落單都係老板娘親自安排。呢次人少冇試酸菜豬雜煲，睇起都幾唔錯，下次人多先試下。____⚠️唔食得辣嘅記得落單時提一提bb辣或者小辣，個人覺得呢間係香港算辣嘅啦

土瓜灣一帶不嬲美食雲集，上次食過朱敏記就已經念念不忘，今次敢嚟食佢哋嘅鑊氣撚手小炒😚紅蔥頭雞非常之出色，雞肉鹹香得嚟又夠嫩滑，食落啖啖都係滋味，而且同蔥頭都好多，可以充分帶出雞嘅鮮味，令到佢嘅滋味再昇華☺️豬油渣炒椰菜苗非常之有特色，豬油渣好香口，滾濃嘅油香味係個嘴入邊爆發，椰菜苗炒得非常之爽口，食落好脆身，食到我舔舔脷😋餐廳其實仲有好多特色小炒嘅選擇，只不過胃就得一個，下次一定要再返嚟，試埋其他好味小菜😚

朋友住係土瓜灣，成日同我講土瓜灣馬頭圍道嘅朱敏記桑拿菜好好食，今日就同佢去試下。一入到去，真是好熱鬧，已經有好多人，環境佈置好舒服，牆上放左D盆栽及小擺設。朱敏記大牌檔有好多好嘢食，可以食火鍋、海鲜、雞煲，我地揀左出名的金牌胡椒豬雜鍋。點解揀金牌胡椒豬雜鍋？無他，因可以補肺止咳，補中益氣，對近排有少少咳嘅我有幫助。無幾耐一陣濃厚嘅胡椒味飄來，就有人送上一大個豬雜鍋，我見到鍋裡面有好多大大片的豬雜，有專人用鉸剪將豬雜剪细，方便我地食用。我地夾起來，見每件豬雜都是厚肉，絕不欺場，尤其是豬肚，大大厚厚，入口爽，加上濃濃的胡椒味，真好食，無得頂。食完第二日，咳真是少左，正！

一大班人約食飯，識揀一定係揀去大排檔食，今日小編為大家介紹下土瓜灣一間幾高質既大排檔—#🍻🍖 質素：🍲深海爽魚片魚片肉質爽口，幾新鮮，醬汁係店鋪特別調製，魚片索左啲汁帶有咸香味，呢個醬汁撈飯好開胃🍲豬油渣炒椰菜苗用豬油渣炒菜聽落好油膩，但事實上係相反，菜苗索左豬油渣突顯左咸香味，反而減少左油膩感，豬油亦令椰菜苗望落更有光澤—🍻 #朱敏記桑拿菜 🍖📍土瓜灣馬頭圍道103-105號新華大樓地舖

我平時好少去土瓜灣一帶。朋友生左bb,上星期日入去探佢，地膽帶左我去一間大牌檔。朋友話係佢飯堂喎🤣🤣食物質素真係唔錯！推薦！麻辣手抓骨朋友推介🤩呢款係豬肋骨黎，食落又香又麻，口感酥脆好過癮！🐟酸菜魚魚片份量好多，每一片都有一定既厚度食落好有滿足感，而且冇魚骨，魚味濃香嫰滑順口。 湯底既辣味、酸味溫和，入口舒服，十分開胃。 🐔紅蔥頭雞雞肉肉質鮮嫩，配搭紅蔥頭、醬油、芫荽一齊食，香氣四溢，十分惹味！紅蔥頭可以抗氧化同埋抗菌。雞肉有豐富既蛋白質，整道菜十分健康！白切咸鴨咸鴨味道鮮美唔膻，肉質細嫩！咸香味非常突出，而且肥瘦適中😍唔油膩，配飯食一流。叫朋友下次再帶我黎食😬

中意食辣既我除左中意去川菜館食嘢之外，大排檔都係我其中一個我好中意去既店舖🔥因為除左啲野食夠哂鑊氣之外，佢地既麻辣都絕不手軟🥵所以都絕對滿足到我想食辣既慾望今次試左2碟小菜🌶️麻辣手抓骨同紅蔥頭雞🐔一上枱都見到啲辣椒夠哂足料🌻而原來手抓骨係好似辣子雞咁一粒粒細細粒🥓好惹味都好香口，而紅蔥頭雞都好滑好入味，特別係面頭既蔥配埋豉油用黎送飯食真係一流🍚我當日見到仲有得打牌同唱k🀄️咁都幾適合一大班人黎玩，又無酒樓咁貴，野食都唔會怕去大集團無保證👍🏼