朱敏記桑拿菜 (已搬遷) 新店位置

土瓜灣真心唔知有咩食，唔係有野做都唔會走過黎，上黎search下見到呢間朱敏記，所以咪同幾個朋友去，呢除左炒小菜出色，打邊爐亦唔錯，選擇多同份量都幾多！我地4個叫左街邊什錦鍋加百花釀北茹，再加埋幾罐汽水食到都好飽！街邊什錦鍋樣樣都有d唔錯，我地揀左清清地既普通莞茜皮蛋湯底，呢個餐乜都有:- 蝦雖然唔算好大隻，但夠新鮮彈牙- 墨魚魷魚拆好晒d唔要既外皮，鮮味夠爽口，魚滑冇鯹味，新鮮鋪頭自己打製打得幾好口感好好- 雞肉嫩滑多肉連雞腳比埋我地- 鵝腸洗得好乾淨，同食落好爽口- 豬潤新鮮食落軟棉棉火煱當然不少得肥牛，切得厚薄適中，雪花都幾靚，食起黎唔會咁韌墊底既菜同粉絲我地見洗得好乾淨一樣拎黎食，成碟乜都食得又抵又唔洗晒醬料齊全豉油辣椒蒜蓉蔥花豆板醬都有！仲叫多碟百花釀北茹，伴碟西蘭花撕得粒粒幾唔多大細方便我地一啖一粒，中間蝦肉魚肉混埋一齊釀香茹，好新意，都可以參考下平時得閑煮番次味道好之餘夠彈牙，上面再加點蟹子，賣相都唔差架成碟餸完全好綠色，又菜又菇又魚肉總括食物洗得好乾淨及質數唔錯，價錢都唔算貴

朋友推薦去朱敏記晚飯, 說小菜和桑拿菜都好味, 老實說坊間的桑拿菜.海鮮塔全不是我杯茶, 祗要食物新鮮就可以, 絕無師父手藝可言, 不知為可大行其道熱潮久久不退全...去到朱敏記才知是和味館的舊址, 我想老闆娘的名字就是朱敏吧! 老闆娘打扮好潮也熱情招待. 看一看餐牌小小菜館也真的很多選擇, 除了桑拿菜. 廣東小菜, 連京.川菜, 餃子饅頭炒粉麵飯全都有供應....但可惜我們一開始點菜就多樣都告訴我們沽清.... 煎藕餅冇,小炒皇冇,炒聖子冇, 紫菜卷冇, 連菜芯都話冇.....最終在老闆娘推介下我們吃了:-脆皮牛坑腩 $98 - 好食, 坑腩鬆化得來筋膜位不韌有咬口黃金魷魚拼餃子- 鹹旦王外層夠哂味, 但可惜魷魚很韌, 韮菜餃老闆娘強調是自家秘醬包製, 但老實說和一般用現成餃子皮包的餃子沒二樣. 脆皮豬手夠份量, 皮夠乾脆肉帶微鹹, 送啤酒一流豉汁蒸白鱔半條 $200-  白鱔不肥美又細條, 肉又腍, 豉汁不惹味, 失敗冰淋醬烤骨 $78 - 老闆娘話必食, 可惜排骨祗有外層汁醬惹味, 但其實肉係無咩味囉!啫啫皇帝菜 $68- 絕對失敗, 鹹到阿媽都唔應得. 朱敏記的小菜有好有不好,

朋友介紹土瓜灣朱敏記桑拿菜小炒好夠鑊氣，今日就同屋企人試下!座位舒服，服務唔錯，款式都幾多粵菜，中菜，水煮，雞煲，火煱，海鮮樣樣有!蝦中蝦，火喉十足炸得好靚，炸到外脆內熱，蝦膠肉再包住原隻蝦黎炸啖啖肉，蝦肉本身亦好彈牙，味道亦唔錯，師傅刀功亦好厲害，伴碟既蕃茄青瓜切得好薄! 黃金鮮魷，炸粉夠薄，炸到金黃香脆，魷魚爽口，配埋脆脆粒華鹽一齊食，口感更加好! 豉汁蒸鱔，蒸既時間控制得好好，魚質鮮味，豆豉放既份量適中，唔係就會鹹過頭，豉油調教既味道都好好，岩晒撈飯食! 鮑魚蟹雞煲，師傅好細心將鮑魚切好晒坑紋，令鮑魚可以更入味，鮑魚既大隻肉厚又彈牙肉蟹一樣好大隻新鮮啖啖肉，份量十足，雞肉嬾滑，既炒得夠鑊氣，加上海鮮鮮味同雞肉香味配上醬汁及蔥蒜一齊炒非常野味以細鑊仔上枱，唔洗驚食食下凍左怕海鲜變鯹，隨時可以煮返熱!鑊氣十足值得推介!><

今日同同事兩個土瓜灣做完野,經過見到新野叫朱敏記,即管入去試下!入面座位都好闊落坐得好舒服,侍應都好有禮貌細心介紹餸菜比我地其實餐牌上亦都有好多小炒款式同都印有圖片,有選擇困難症既朋友,都會易好多揀到想食既餸菜!我地叫左自製黃金韭菜餃,韭菜豬肉份量岩岩好,唔會太大隻一口可以食到一隻餡料調味得幾好,炸到金黃香脆,食落口脆卜卜,中間食落似芋頭蓉,炸得都好好食! 芝士大虎蝦,一樣炸得出色,薄薄一層炸粉,炸既時間又控制得好,香濃既芝士味配起大大隻既虎蝦配搭新穎味道又夾虎蝦肉新鮮彈牙,值得一讚師傅好有心機慢慢排靚靚伴碟D蕃茄,增加我地既食慾加多兩罐汽水,滿足哂,價錢合理經濟抵食!

家人生日外出吃飯，因為是婆婆生日的關係所以還是選擇一些中菜，朱敏記環境都幾舒服，座位闊落沒有擠迫感覺冷盤海蜇加薰蹄是第一味餸，海蜇爽口彈牙也不失辣味香味。另外薰蹄就是豬肉的冷盤，連脂肪都變得是透明色呈Jelly狀。吃起來鹹香十足，口感也不錯，不會韌醬燒腩肉配青瓜蕃茄裏面的豬腩肉咸中帶甜，醬油味道都幾有特色，而且吃起來脂肪和瘦肉分布有序，減少了油膩感覺但是仍然鬆軟哈密瓜魷魚西芹腰果炒係一個有新意嘅菜式，估唔到可以用一個水果盛裝在剛剛炒得熱辣辣的餸菜。本身個蜜瓜就唔係太凍，所以上面嘅嘢食都唔會太快散熱，魷魚非常有鑊氣，食起來好彈牙口感，西芹亦都比較新，所以好爽口沒有渣炸子雞外皮香脆，肉雖然不滑但仍好有雞味，咸咸地香香地，每一口都是濃香味道，如果怕咸就要叫一個飯來餸，減少咸味道

鍾意食中式菜，香港都有好多具有中國特色既餐廳，我就最鍾意食有鑊氣既小炒。呢度既餐牌選擇都幾多，不過我一見到我就選擇左呢個招牌小炒皇，裏面有大量韭菜，魷魚以及雞肉，腰果。好多韭菜令到成個小炒爆得更加香，另外魷魚有彈性之餘亦都不失鑊氣，雞肉非常入味冇想像中咁鞋。當然腰果都好重要，每一粒有咸又脆要來送酒一流。韭菜炒完之後唔會過路，每一條仲係嫩綠顏色，吃起來還很爽很有味。百花卷好得意，側邊有一啲沙律又甜又酸幾開胃。另外那個卷用紫菜來包着，入面都係彈牙既魚肉，好鮮艷既顏色。味道都幾得意，好適合小朋友食，冇辣味大細都食得Ga！估唔到呢度小炒又得，要考功夫既嘢都可以，比想像中不錯。

我哋都是一班食肉獸，除了食放題之外最好的選擇就是吃中式菜館，勝在樣樣都都有齊，除了豬牛羊之內，雞、魷魚、乳鴿什麼都齊全。首先是酒樓不可缺少的招牌乳鴿，原隻乳鴿相，又殘忍但是亦都很精美。皮燒得金黃香脆，裏面的肉質肥美，咬起來都軟林林，不需要太多牙力，調味適中。撈起原來係一個辣嘅拼盤，乜都有一啲包括鴨腎，魷魚，花生同埋其他內臟。不過真係辣辣地，如果食唔到辣嘅都唔建議叫，入面嘅肉類全部都好爽口，整得特別實在，咬起來都好香。特別鴨腎好香，好正⋯招牌脆皮豬手早已經切好晒俾我哋，幸好豬手的肉不是弄得很乾，質感仍然鬆軟。仲有特色嘅豬肉醬汁，酸酸甜甜非常開胃，外脆內院好似食緊燒肉咁，不過個香味就同燒肉有好大分別，是有點鹹香的鹹豬手。這間餐廳處理的肉類味道不錯，所以給予一個好評。

多數女孩子都喜歡精緻的美食, 但我是例外, 最喜歡到中菜館, 茶餐廳, 大排檔用膳從友人口中得知土瓜灣有一間很夠鑊氣的小菜館, 簡直就是正中的的下懷! 是晚相約幾位友人一齊品嚐.這裡菜式種類豐富, 基本上想得到的這裹都可以吃到, 而且價錢合理!黃全鮮魷 ($88)份量很多啊!外皮炸得金黃香脆, 證明炸的時候油溫控制得好, 外層不會”散修修”, 而且不會覺油膩, 而且每件都是最好味的部位, 魷魚厚身, 肉質爽口彈牙, 不會吃到軟骨.香煎藕餅 ($68)雖是普通的家常菜, 但要做得好味是很考功夫的!這裡的蓮藕餅外層煎得金黃, 賣相相當吸引, 而且不會散開, 蓮藕爽脆, 中間的豬肉及鯪魚肉則味鮮彈牙.籠仔白鱔蒸飯($88)白鱔不算很肥美, 但鮮味十足, 完全沒有泥味. 配上炒飯底, 蛋香十足, 白鱔的味道滲入炒飯當中, 好惹味!招牌小炒皇 ($78)韭菜口感爽脆, 咬落去索索聲! 鑊氣十足是也! 加上蝦乾、鮮蝦, 魷魚等食材, 味道好match!清炖日本黑毛豬肉丸湯 ($38/盅)從店員口中得知這個湯很搶手, 大多時都要提早預訂才可以一親香澤.而我們今日很幸運，沒有預訂也能品嚐到!呷一口清澈

裡面的食物超好味，等了十分钟，第一道到是脆皮豬手，超好味。第二道是蓮偶餅。第一口好像吉列豬排。第二口是軟軟的東西，是蓮偶。第三口又是吉列豬排。最后一口是脆脆的味道。真是一世難忘。

琴晚去開土瓜灣發現左呢間新舖， 抱住即管試下既心態， 入到舖內座位非常寬敞舒適，餐牌上好多圖文併貌好吸引，正煩惱去揀食乜既時候， 舖頭員工會走埋黎介紹埋呢度既推介必食菜式， 只可惜琴晚只得我同男朋友兩個人， 所以只係嗌得兩樣餸， 員工仲好有禮貌講下次人多可以試下佢地既套餐， 計落套餐價錢仲非常經濟。。。等左十分鐘就有野食， 第一道係酥炸牛坑腩， 外層炸粉很薄完全唔覺油膩， 牛坑腩肉質仲好juice， 超好味 ！！！ 跟住再黎埋碟脆皮豬手， 名附其名真係好鬆脆， 好食到停唔到口！！！