朱敏記桑拿菜 (已搬遷) 新店位置

朋友話試下在土瓜灣舊區的菜館，,地點難找,門面好大排檔，,如果D野食好都未所謂，,坐底果男侍話果樣冇,樣樣冇，,佢介紹幾果菜,，D名好似特色，,片皮雞,蒸泰國有機疏菜，,開邊蝦,仲介紹蒸飽魚，,40D元隻,話事頭剛係街巿買，,叫佢攞出來睇下有幾大隻，,佢話會被廚房鬧，,去街邊食都有得睇，,冇得睇,離譜掛XO腊味炒飯我地13個人,佢話會加大,上邊D餸食吾飽,打開果飯仲縮水,每人冇2匙羮,叫佢睇吓有冇加大,仲理直氣壯話,"如果吾夠不如加多個炒麵"D火把把聲上,真係當我地鄉下婆蝦多士拼黃金鮮尤所謂蝦多士,係芝麻加麵包,加幾條尤魚,收178,酒樓都吾使,牛肋骨一人一塊多收218,以為食緊和牛片皮雞話冇其它,試下片皮山竹弓水雞,果名好特別,原來食雞皮,加下面沙律,問果雞殼同D肉去左邊,話片皮雞係咁,吓片皮鴨都有果殼攞返,同二味食,依家食雞皮,不如我買隻雞脾將D皮炸仲多果牒餸,一隻雞有幾多皮呀老友越式澆魚餐牌寫明388明點解收438,佢話條魚今日大左,要收4百幾,話吾係呀,不是段倆計,是牒計,若條魚細左是未減價蜜瓜藍一點不值,只是用蜜瓜盛西芹加雪帶子同蝦,蜜瓜肉吾見收$388,蜜瓜個面雕花,但吾食

今晚約左老友，成日聽街坊講好食，一來就腳就去試下新野，去到地方又唔錯喎，最好就係呢度唔趕客，餸菜又大碟，岩晒我地兩條友慢慢吹下水啤啤佢白切雞，皮都好薄好爽，一d都唔肥岩岩好，雞肉好嫩滑好有咬口，碟雞成隻好齊全，其他酒樓餐廳都唔會有既雞雜呢度都整埋我地食，同啤酒好夾炸墨魚丸，熱辣辣金黃脆卜卜，炸得好靚，墨魚丸好彈牙好濃墨魚味，份量都幾多，兩個人食真係有d食唔晒既感覺再黎一碟刺身蝦，大大隻爽甜非常，冰底上枱食得慢都唔怕變壞，整得好乾淨衛生，蝦肉一d都唔腥，點埋芥末十足十日本料理個d，試埋檸檬汁食都ok，但都係比較鍾意點芥末多d

舊區裏面既一間好有人情味小餐館 老闆娘好熱情 見到我地8個人仲送左兩隻乳鴿俾我地食雖然地方吾算話好舒適（啲街坊傾計好開心所以好大聲）你可以當係風味既一種但佢有既菜式款式真係好多而且好特別先講兩個蒸籠飯 我地叫左蒜蓉蝦竹籠飯同白鱔蒸飯 兩個都好入味 而且性價表幾高 個蝦飯夠3-4人份量 都只係78蚊另外叫左個牛仔骨同豬手都係推介個牛仔骨好入味 老闆推介 而個豬手就炸到好脆 係個黑椒汁吾夠熱最後叫左個大蜆蒸蛋 呢個係個人最愛蛋好滑蜆都好大隻又新鮮 值得一試 不過份量應該係4-5人都夠食而性價比最低但都好食既涼瓜炒蟹老闆娘都有話來貨貴左所以會貴少少 但我地都決定一試 味道不錯但不太大驚喜 所以來朱敏記可以試好多特色小菜 仲可以自己向老闆娘提議點整8個人叫左咁多餸 人均都只係170蚊倒雖然地方吾大但絕對吾會話趕人走或者限時唯一就係地方吾算話特別乾淨同舒服 (有啲似深水埗個啲類款)同埋位置比較難搵 最好睇定地圖先

即興同朋友入左土瓜灣試朱敏記,鍾意食既我地叫左兩款雞黎食,一碟偏皮雞,雞炸得好金黃香脆,有d似炸子雞,唔同既係師傅幫我地班懶人切好晒一片片冇晒骨,放落口就食得唔洗晒時間損骨,味道都唔錯皮脆脆地鹹鹹地幾好味,配埋青瓜一齊食,更有另一番食法!豉油雞,雞索晒豉油味,但食起上黎又唔會覺得好鹹,味道教得唔錯,雞皮好爽口,雞肉都好滑,配晒配埋白飯一齊食!黃金蝦配蝦多士,海蝦炸到好脆,連蝦頭都可以食埋,蝦身脆得黎蝦肉亦好彈牙,蝦多士面頭放左芝麻一樣炸,食起上黎更加香口脆口,唔錯既配搭!魚湯浸時菜,湯底清甜令到其他蔬菜食起上黎都一樣咁清甜好味,健康又好味!

屋企聚會飯局,今次選了土瓜灣既朱敏記桑拿菜,菜式新穎特別都唔錯!紅梅上素,個名好襯碟餸菜,蕃茄比如紅梅,濃濃既魚湯底浸住蕃茄同蔬菜,蕃茄同蔬菜都吸晒d湯味幾好味,雖然浸住上菜,但蔬菜唔會太淋,口感都仲係到爽爽地,都唔錯,仲要一款菜式已經品嚐到幾種蔬菜,都幾抵!清蒸棉花蟹,簡簡單單既清蒸突顯了蟹既鮮味,蒸既時間控制得好好,唔會過火過熟,棉花蟹隻隻好飽滿大大隻,啖啖肉,啖啖鮮甜好味!XO醬蝦仁炒蛋,大大碟蛋炒得好滑,蝦仁份量又多,蝦仁夠晒鮮味爽口,食落唔似雪藏蝦,加埋蔥花既香味同埋XO醬少少辣辣地好惹味!少食鮑魚刺身既我地,見menu有即管試食下,鮑魚切片上精瑩通透,爽口鮮味都唔錯,但屋企長輩就唔係幾接受到生食,覺得熟食比較好!

平時放工各有各忙，琴晚同同事自己組團食飯，去左呢間食朱敏記，環境唔錯，座位舒適！先黎個鮑魚刺身，份量好多，鮑魚洗得好乾淨，冰震上菜保持新鮮得黎，令鮑魚口感更加爽口鮮味，煙煙韌韌口感非常唔錯，師傅刀功亦值得一讚，將鮑魚切到一片片，厚薄適中片片差唔多大細，方便我地慢慢品嚐，點埋少少醬汁一齊食更突出鮮味！乾煎鮑魚，師傅精心排得靚靚既賣相極吸引，熟食既鮑魚一樣咁好食，口感一樣好爽口又夠淋，一d都唔會難咬，配埋師傅既特製醬汁一齊食，好惹味滋味！菠蘿咕嚕肉，咕嚕肉炸得好金黃香脆，咬落脆卜卜，另外用新鮮菠蘿黎炒咕嚕肉，仲驚新鮮會好酸，估唔到菠蘿都幾甜，配埋師傅既醬汁同配菜青紅椒一齊炒，酸酸甜甜，好醒胃！

今晚去左試朋友介紹既朱敏記，佢話個度特別，d餸菜唔係周圍食到，菜式新穎好多配搭，咁我地就跟去土瓜灣一齊試下！食熟既餸菜之前我地點左d刺身，象拔蚌薄薄一片片，刺身爽甜非常，一碟份量都幾多，好抵食，點埋芥末一齊食更加突出鮮味，海蝦刺身一樣好鮮甜，肉質好有口感，配埋師傅特製醬汁酸酸辣辣一齊食仲好食！蝦多士拼鼓油王蝦，師傅刀功好勁，伴碟對蘿蔔花好薄好靚，只賣相得體，蝦多士炸得好香脆卜卜，香濃既蝦味再多士放上芝士，更香口口感更有層次，豉油王蝦煮到岩岩好，唔會燶唔會太鹹，味道非常好！ 雙色魚頭，辣同唔辣兩款口味都可以一次過食到，既新穎又抵食，魚頭滑嘟嘟，唔辣個邊睇落好簡單但勁香蒜蔥味，辣個邊辣辣地非常惹味，配白飯食岩晒！ 白切雞不過不失！基評分: **味道(基基基基)**外貌*(基基基基基)*抵食(基基基基)**服務(基基基基)**最後基言:刀功了得嚇一跳，娛樂性豐富的一間餐廳

今日同老公入左土瓜灣探朋友，晚餐同佢一齊撐枱腳，今日想食中菜，老公來過呢間說不錯，一試啦。環境好大，唔錯，坐得舒服。點了欠違了的酥炸大腸，還伴了百花卷，其實我唔知百花卷是甚麼來，侍應說原來是釀蝦腸，吃來不錯，彈牙好鮮，沒有好重的味精味，好清新，加埋D青瓜，好好食，又點脆又點彈牙，加上鮮味蝦膠，好食！至於酥炸大腸，無咩中式食肆願意做了，因功夫太多，唔係咁多地方食到啊。大腸咬下去，腸衣好脆，咬下會吃到腸肥的甘香，無臭味，好甘香可口，煙煙韌韌，吃到好過癮！呢個蜜汁桶蠔，好有蠔味，蜜汁甜甜潤潤，桶蠔唔係好大隻，好Match，因為蜜汁帶出蠔味，煎香更是可口怡人，佐飯好好食，但份量少左D，多D先夠喉，蜜汁是否加了蜜糖？？真是不錯，好過配豉汁啊，令吃蠔清新又唔肥膩。炸子雞都好好味，雞皮好炸香，老抽汁入晒隻雞度，吃到甜甜地，皮脆肉嫩，好正，呢度D師傅做中菜，好有功夫。我都好想練成炸雞術師，因為經常做炸子雞都失敗收場。

同班朋友附近玩完wall game,到附近土瓜灣朱敏記桑拿菜食晚飯,入到去地方都幾大,枱面擺設似酒樓感覺,呢度好多菜式都有,我地對中式有興趣d,所以今次就叫左粵菜試下先!醬汁炆蠔豉蠔豉大大隻脹卜卜,炆得好淋好入味,一d都唔腥,完全冇電油味之類,配埋特別烹調既醬汁同青瓜一齊食,加上賣相相當吸引,食落特別滋味惹味!韭菜餃伴魚肉卷餃子炸得好香口好脆,食落口直情卜卜聲,餡料亦好多肉好香韭菜味,味道亦教得好好,魚肉卷唔腥彈牙,點埋伴碟既醬汁一齊食會更好味,唔會咁單調!金黃偏皮雞似炸子雞口感,雞皮炸得岩岩好炸得好靚好香口,雞肉幾嬾滑,加埋伴碟既沙律一齊食,口感好特別感覺幾開胃!蚌刺身有朋友想食就叫黎試下,又唔錯WO,好爽口好鮮甜,一碟份量都幾多,配埋幾個白飯,加多幾杯汽水,真係正!

昨晚約了友人土瓜灣共聚，呢版心思思好想食番D有水準中菜，行過呢間朱敏記，原來有中菜同桑拿火鍋食，不過今次無食桑拿火鍋，叫咗呢款糯米蟹，熱辣辣拿來，好香，糯米係蒸到粒粒分明，唔會好濕好痴，咁爽身先好食，因為蟹汁滲入，令飯會有蟹的香鮮風味，食到入面加左蒜粒和冬菇，故此鮮味更為提升，好好食，但蟹多肉多膏會更完美。另外酥炸鯪魚球亦好唔錯，要炸到外脆內彈牙，好唔師父手勢，D鯪魚肉"達"得好，鯪魚＿肉先夠彈，另外要鯪魚肉新鮮至無腥味，呢款酥炸鯪魚球菜式水準好好，夠香夠彈牙，配日本芥辣，原來好Match！但配沙律醬唔OK, 會好膩口。重有個炸子雞，雞炸到皮脆肉滑，冰鮮雞處理得咁好，唔錯，個皮老抽的汁醬夠人味呀，雞又唔炸得太老，呢D大牌檔式中菜，真係百食不厭。

今晚阿媽話唔想煮,就同屋企人到附近朱敏記開飯,!南乳炸雞,遠遠已經傳黎陣陣南乳香味,食落濃烈既南乳味原來同炸雞好夾,雞件大細適中,控制炸既時間同用炸粉份量控制得唔錯,雞件外層脆卜卜,裡面熱辣辣,雞肉都嬾滑,lee碟餸我最估唔到係師傅咁有心機,連雞頭雞腳都炸埋,仲排得靚靚,重口味既朋友驚唔夠味,伴碟再跟一碟自家製南乳醬!他他拆骨豬手,成日想食豬手,但又唔知點切唔識食既我,lee碟餸岩晒我,師傅將已醃好既豬手,煮好拆肉,豬手鹹鹹地好香,黏住豬手皮個d更加好食,淋淋地一d都唔會韌,再配上特製醬汁,非常惹味!豉油王炸蝦,雖然蝦唔係好大隻,但豉油教既味道岩岩好,唔會太鹹,蝦肉鮮甜彈牙,中間既魚肉卷都唔錯,一d都唔腥,一樣彈牙好食!最鍾意lee度師傅好用心製作每款菜式,同座位舒適,lee度款式特別,乜餸都有,應該之後都會成為我地lee家人既飯堂!

秋風起,最岩就係食臘味啦! 放工就近近地約埋Daddy去左附近既朱敏記桑拿菜到食合時令既煲仔飯,貪呢度近近地同坐落舒服! 我諗左好耐終於揀左三寶煲仔飯,臘腸雖然瘦左少少可以再肥返少少就更好,但扎得夠實食落唔會散晒,味道亦好好潤腸肥瘦適中,軟棉棉口感非常好三寶中最愛既臘鴨,師傅好好比左隻脾我,肉質唔錯唔會太韌,又唔會太鹹,味道岩岩好,餸既份量都幾多,豉油調既味道都幾好少少甜鹹鹹地,飯既質地都唔錯粒粒分明,煲底既飯蕉香噴噴,食落更加胃口大增! Daddy叫左個鹹魚餅煲仔飯,鹹魚好香,鹹度岩岩好,肉質幾好實肉唔會梅,肉餅食得出師傅自己啄過,口感好彈牙調亦調得幾好,份量都幾多,加多碟油菜兩罐汽水,減少煲仔飯既熱氣感,簡簡單單又一餐!

班朋友係土瓜灣附近打完波，我過去撐下場，完左就去左附近既朱敏記桑拿菜食埋晚飯傾陣計先走人，可能閑日唔洗點等位好快就有位，呢度坐位幾闊落舒服！ 成班餓鬼個個掛住食，平時相機食先既習慣，今次完全冇人記得影相，食到條龍躉因為蒸得好靚先醒起影左一張！霸王花龍躉蒸既時間控制得好好，岩岩熟魚肉仲又少少痴骨，魚又新鮮，條魚食落口勁滑，放埋彊蔥辣椒一齊蒸，增添一份香味，最值得一讚師傅個豉油煮得都好好味，淋上魚身上，更加好味！ 椒鹽魷魚，炸粉薄厚份量岩岩好，外面脆卜卜，裡面又夠爽又夠熱，味道都調得唔錯！ 菜芯炒牛肉，菜芯好嫩好甜，牛肉份量都好多，炒得唔會過火唔會過韌！ 招牌乳鴿，炸得熱辣辣金黃香脆，調味唔會過鹹，肉質結實唔會淋！ 粟米斑塊，斑塊炸得岩岩好脆脆地，醬汁味道唔錯，份量亦算多，配埋幾個飯幾個都飽晒！ 呢度最值得一讚，侍應服務好好，又唔會追你埋單走，同即叫即煮熱辣辣上枱，餸菜食起上更加覺得好味！

​ 除了日本菜和泰國菜之外，我都仲好鍾意食中國本土菜， 文化源遠流長食物亦有多年歷史，所以中菜更加能體現對食材的技術。 朋友都係食肉獸，所以叫嘅餸菜全部主打都係海鮮或者肉類。 翡翠蝦餅@＄128 蝦餅本身顏色都算幾鮮艷，側邊有啲水果令整體效果更加清新奪目。 食落去鹹香十足，如果想中和嘅話可以同時食埋隔離嘅生果，甜甜地。 本身蝦餅好爽口，口感不錯。 燒汁鱔球@＄98 佢整得啱啱好，所以每件口感依然彈牙，而且冇乜骨， 唔需要擔心食到好論盡，而且個燒汁好香， 令到感覺不會太齋，同飯一齊食真係好正，必食之選。 酥炸牛坑腩@＄88 平時食牛腩面就食得多，但係炸嘅牛坑腩就真係第一次食，又幾有新意。 外皮雖然好香脆，但係裏面依然鬆軟而且有水份， 外脆內軟兩種完全唔同嘅感覺，個製法好有創意。 估唔到用肉類整出嚟嘅食物可以咁有特色，最啱鍾意食小菜嘅人。 朱敏記桑拿菜 土瓜灣榮光街6-8號地舖

中國人嘅傳統就係最鍾意食中菜，我屋企人當然唔例外，有時食飯食得好求其，間中都要講究一下，最後就一齊去咗食呢間朱敏記。未食正餐之前，當然食啲前菜或者冰凍小食，平時食白烚蝦就夠多，刺身以外嘅冰震蝦$98擺喺冰裏面嘅蝦感覺好保鮮，所以口感好彈牙，而且全部蝦頭都好粉嫩明顯夠新鮮，鮮味十足。風樹鮑魚$188擺得咁靚，好似一棵樹咁，中間就擺咗好多件細隻鮑魚，一口一件。配料有少少咸香，而且口感夠彈牙，選料夠新鮮。臘味炒蘆筍＄88屋企人就鍾意食臘味，貪佢夠香口可以送飯，的確係鹹香十足，而且亦有油香。不過我對臘味就冇咁興趣，鍾意食蘆筍多啲，口感好爽咬下去唔需要花費太多氣力，整體好有鑊氣呢！餸菜的確唔錯，家庭小聚亦不失為一個好選擇。